|
سودوكو
مرحبا يا جماعة
في عندي لعبة حلوي اسما سودوكو وهي اصلا ياباني مدري صيني وبدا تشغيل مخ .. حاب نزلة هون . واذا عجبتكون بضل نزل منا كل كام يوم مسالة جديدي وحل للابلة .. اذا ما كان حدي ابلي قدران يحلة .. هلق المهم بلا طول سيري اللعبة بسيطة كتير بس بدا مخ مرتب لحتى يمشي الحالو فيا . هي عبارة عن جدول مكون من 81 خانة .. 9 افقي و 9 عمودي . وجوات هادا الجدول لكبير بيتكون كمان 9 جداول اصغر بشوي .. اول الشي بيجي الجدول معبة منو كام رقم .. وبيختلف عدد المربعات المحلولي اول الشي ومحلون حسب صعوبة المسالة . اول الشي بتبلش سهلة نسبيا ومعا معا بتصعب لدرجة بتخوت .. الي المهم انو الواحد لازم يعبي الجدول كلو بالارقام من 1 للـ 9 بحيث انو كل خط طولاني وعرضاني فيو كل الارقام من 1 للـ 9 وبدون ما ينعاد ولا واحد منون .. وكمان لازم يكون جوات كل مربع من هدول المربعات الجوانيي نفس القصة ... هلق ما بعرف اذا وضحكت الفكرة مزبوط او اذا اسا فيا شويت اشكالات .. بس انو هلق رح نزل اول مسالة مشان التجريب واذا عجبتكون القصة بصير حسب الاقبال وحسب ما تاخد الشغلة معكون وقت نزل المسالة الي بعدا ... وكل مسالة رح يكون في الة رقم مشان وقت الحل الواحد يصحح تبعيتو مع الحل الصح ... وهلق بالرد الجاي رح نزل المسالة الاولة وانشالله تعجبكون .. بركيني فينا نرفع مستوى الالعاب شوي ونصير نعود مخنا عالشغل ... |
1
1 ملف مرفق .
اي وصحي رح نزلون انا بملف ورد انتو فينكون تنزلو عندكون وتحلو المسالة وترجعو بعدين تحطو هون مرة تاني ...
وبترككون هلق مع المسالو الاولة ... |
يعني انا ما رح فشلك وهيات
ميرسي الك على الموضوع بس نحنا ما بدنا هيك اشياء |
لاء بدنا اذا بتريدي خلي مخنا يكبر شوي حاجي ولدني :p
بس شي بحط العقل بالكف ;-) صار الي نص ساعة بحط ارقام وبشيل وما يزبط:shock: بس يسلمو على الموضوع كتير حلو :D وفعلا بدو ذكاء وأنا بحب هيك العاب:king: :clap: :clap: :clap: |
اي انحانا بدنا هيك العاب
بس مش كلو من هادا النوع انا هادا اصدي فهمت؟؟ وسوري لكاتب الموضوع بتمنى انك ما تفهمني غلط |
وقت الي قريت ردك ضحكت كتير :lol:
وأنا هلأ فهمتك :yahoo: متل ما بدك:? :shock: ;-) :clap: :clap: :clap: |
اختي القلب المنادي بدك ما تاخزينا انو عما نحرك مخنا شوي .. بس انو كمان بيصير في العاب مشان التفكير وتشغيل المخ .. وفي العاب بس حط كلمة او حرف .. وهاي اللعبة ما كتير صبة يعني عد من الـ 1 للـ 9 مانو هالشغلة لمعقدي ... بس انو عراحتك انتي حاولي فيا بركر ظبطيت معك:D
وخي ابراهيم بدك تطول بالك علية شوي .. كلو بينحل بس بدا الشغلة شوية رواق .. حطلك كاسة قهوة جنبك وريح اعصابك وكلو بينحل 8) وشكرا لالكون عالمرور:D :D :D |
شباب اللعبة حلوة كتير وبدنا هيك نوع من الالعاب انا ما عم قول انو ما فيكن تنزلو نوع تاني من الالعاب فيكن بس مو بهالفترة بجوز بعد اسبوع اي خلونا نجرب هالنوع من الالعاب اذا ما مشي الحال منرجع لهداك النوع مع انو بعرف انو قسم المسابقات رح يصير يفوت علي عالم اكتر وعالم ما قربو منو بنوب في ما مضى |
اقتباس:
دخيلكون رحمونا من مواضيع تعلم العد وارمي برتقالة على عضو تعبه وأرمي بندورة على عضو ما بتحبو :pos: |
خيو سؤال بس القطرين كمان لازم ما يتكرر فين اعداد :?
او القطرين حالة استثنائية :D |
حليتها يا معلم :clap:
نزل الملف ولا انطر؟؟ |
اقتباس:
|
هاني جاوبك جاد.. مافي شي لازم يتكرر ..
والقطرين ما دخلون بالعد وجاد اذا خلصت منا نزلة .. وبنزل المسالة البعدا .. في مسائل كتير اد ما بدك .. يعني لا تخاف ما رح يخلصو.. |
وصحي.. شكرا لكل الي متابعين الموضع ...
:D |
انا قلت مشان نعطي فرصة للي عم يشتغل عليها يكمل شغلو
ولا شو رأيك؟ |
هلق الشغلي فيا وجهت نظر ..
بس الي بدو يحل وعجبتو الشغلة .مارح يطلع عالحل حتى لو كان محطوط .. بس انتي اذا بدك تستنى شوي فينك تستنى .. الشغلة هلق بايدك8) |
1 ملف مرفق .
لا خلص بحطو بلكي طلع في غلط بالحل
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هاد هو |
حرام عليكن يا جماعة
ما صدقت خلصت الكتيب تبع السودوكو يللي كا ن عندي كمان لاحقينا ع المنتدى؟؟؟ ولي شو هالسوسة هي؟؟؟ بس يا جماعة انا كل شي حليت سودوكو ما عصلجت علي الا واحدة صارلي عم ناطح فيها شي شهر ببقى بنزلها بس تاخد الشباب ع اللعبة وانا عندي اقتراح انو كل يوم بننزل تلات او اربعة بملف واحد وبنعطي فرصة 24 ساعة للكل انو ينزلو الحلول بعد هال 24 ساعة وبعدين بيتنزل الحل لانو حرام الواحد يكون ع وشك انو يحلها وكون واحد تاني خلص حلها ونزلها شو رايكون؟؟؟ |
اقتباس:
اذا ما تكرر معك اي رقم فالحل صحيح لانو الحل وحيد لكل شبكة |
جاد صدقني ماني عرفان شو لازم قلك ... بس كانك انتي مخربط شوي ...
بالمربع النصاني عاليمين من فوق .. مغير بالارقام شوي .. يعني هوي كان 7 وانتي ساويتا تسعة .. وغيرت كلشي الباقي على هادا النمط ... بس انو بشكل عام كان الحل صح .. او عالقليلي انا ما لقيت غلط غير هادا الي قلتلك عنو ... و ذا لايت .. شو بدنا نعمل انا اهلق اساتني عما ناطح فيون .. يا زلمي في منون بيشيب العادي ... وانتو شوفو اذا عجبتكون الشغلة ... بصير نزل اكتر ... |
اي قصدي بلكي تكرر معي شي رقم بدون ما انتبه
|
ايواااااااااا
لك يا زلمة ضعت بالارقام ما قدرت فرق بين اللي كانو موجودين واللي لاء:jakoush: حتى اني غمقتهون يلا رح حاول صلحها معناتا |
اي معك حق ..
انا من اول الشي فكرت انو اعملون غير لون بس تاخرت شوي خلص المسالة البعدا بتكون بغير الوان |
لعمى اي شو بدو يتصلح ليتصلح
|
اي بعرف ... هاي اكره شغلة باللعبة ...
بس يصير خطأ صغير معد حدي يرجع يظبطو.... اذا بلشت من الاول بيصير اسرعلك :yahoo: |
شو عم تلعبو؟؟ما فهمت شي:shock: :shock:
لعبوني معكن:( |
لرقم 2 معقدني :? :? :?
|
الرقم 6 اتخنقت منه موجود في كل حته مش عارف ليه ؟
بس هي ضبطت معايا بس في عمودين شكلهم غلط مش عارف |
الشغلة فيها انسطلاسيون:? بلاها:pos:
|
1 ملف مرفق .
أنا ربحت انا ربحت
ميمو الزكزوك ميمو الزكزوك :yahoo: :yahoo: :yahoo: :yahoo: :yahoo: :gem: :gem: :gem: :gem: :clap: :clap: |
الف مبروك قدها وقدود:gem:
بس شو مشان ما عندي كوريكسيون انكليش:? |
اقتباس:
|
برافو يا شطورة
بتربحي الجائزة |
اقتباس:
ميس يو أنا :D |
اقتباس:
|
اقتباس:
مرسيل أذكى وأهضم وأحلى مني بكتير :p :p :p :p :p |
اقتباس:
|
اقتباس:
بس هاي شغلة بنك وبين جاد تستطفلي منك الو .. انا ما دخلني بهيك شغلات .. اذا بدك فينا كلنا نزفقلك زفقة طلائعية |
غايز اند غيرلز خلو الردود ضمن الموضوع لانو اسا ما خلص :D
|
المسالة 2
1 ملف مرفق .
بعتبار انو الحل مشي الحالو وصار محطوط فرح نزل التاني هلق
واذا بدكون بنزل التالتي كمان .. اما خلونا وحدي وحدي هلق ؟؟؟ |
| الساعة بإيدك هلق يا سيدي 05:02 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون