|
افكار شيوعية متدينة
تتمة لما اوردناه في موضوع سابق شيوعي متدين
منتابع ومنقول انو لهلاء ما حدا قلي انو كيف الشيوعية بتعاض مع اي دين يعني ما في جواب :pos: :pos: يعني انا فزت :yahoo: هلاء عنا تشي غيفارا يعني هاد بحبو كتيرررررررررررررررررررررر كتيرررررررررررررررر :hart: :hart: :hart: بحبو كشخص ثوري مناضل شعلة وشرارة لتحرير الشعوب من الظلم والاستعباد اذا قلت لشي حدا فقيه بشي دين انو انت بتحب تشي غيفار يقطب حاجبية وبيزورك وبيقللك هاد كافر :shock: :shock: :shock: :shock: وبيصير بدو يبعد عنك :? :? بتقول طول بالك يا اخي شوباك طولة البال من الرحمن :pos: :pos: :pos: :pos: لك شو حكينا قلنا منحبو للزلمو كمثال لمحرر الشعوب شو فيها بيقلك ما هو شيوعي ;-) ;-) اي وشوفيها :? :? يكون شيوعي هالزلمة عندوا افكار غير شكل شو دخلني بعقيدته الدينية يعني مسلم مسيحي بوزي سطلي شو دخلني انا قلتلت شي تبنيت افكارو الدينية ولا افكارة السياسية العقائدية :shock: :shock: :shock: هون بيتلبك وبيقولك واذا كان هو شيوعي كافر :jakoush: :jakoush: :jakoush: هون بينسد باب النقاش يعني هون منوضح فكرة بالشيوعية الي اطلق عليها شيوعية متدينة انو اذا كان كارل ماركس ملحد وما بيأمن بالله شو دخلني انا انا باخد من هالزلمة الي المفيد الي ما بيتعارض مع عقيتدي ومع اشيا انا بحددها وبحب امن فيها بس للاسف ما حدا بيفهم عليك :cry: :cry: :cry: :cry: وبتحس انو سكر مخون انو لما بيسموعوك شعيو لك كيف شيوعي وفايت على بيت ديني (جامع .كنيسة .كنيس .) :shock: :shock: :shock: اي شو فيها ما بيعرفوا بس بيقولولك شيوعي كافر ليش ما حدا بيعرف :x :x :x :x للانضام لحزب الشيوعيين المتدينن الاتصال على الرقم 0000000000000000 خاطركون :king: :king: :king: |
اقتباس:
وهي نوع من الحرية اللي حكت عنها نيرفانا |
لا حبيبي انت ما فزت
واصلا حوارك الوهمي مع رجل الدين بيأكد هاد الشي رجال الدين والمتدينين بشكل عام بنظروا لمعتنقي اي دين تاني على انون اناس ضالين اما بالنسبة للشيوعيين بينظرولون نظرة لو بيشوفوا ابليس بذاتو ما بيطللعوا فيه هيك بقى وين رايح بهالزحمة :lol: |
يمكن لأني في حديث الرسول (ص) يحشر المرء مع من أحب..
لذلك من هالنقطة بس... وإنتا ضروري تحبه. يعني انعجب فيه.وقلون انو انت معجب بشخصيته ..مشان ما يعلقوا عليك..!! .وخود الحكمة منه ..بس تكون ما تعارض دينك... وهادا الشي اللي انتا عم تعمله...ومالي شايفة ولا أظن حدا بيشوف فيو غلط... شكراً إلك..:D |
اقتباس:
اصطفل ...انت عندك قناعتك وما بدك تشوف قناعة الاخرين او تسمعها على راحتك |
شباب كنا غايبين اضطراريا فيكن تخبرونا شو اخبار الاخوية
ومين ضل من الشباب القديمة هون لانو انقطعنا دراسيا وسياسيا وكل شي كمان؟؟؟ |
اقتباس:
بس في فكرة حبيت وصلها للناس الي ما فهمت فكرتي ولهلاء ومعلش لو بدي ضل غبي ما شفت اي شي بيتعارض بين الشيوعية والاديان ممكن لانو انا جاهل بهالموضوع بتمنى حدا ينورني :yahoo: :yahoo: :yahoo: |
شلون بدك تاخد من ماركس اللي بدك وترفض اللي بدك وتسمي حالك شيوعي؟؟
يعني مو غلط تاخد اللي بدك ياه من الفكر الشيوعي بأنواعو بس بعدين بيبطل فيك تسمي حالك شيوعي |
هو بدو يساوي متل ماعمل احد الانبياء عدل شوي بديانة واخد كل شي عجبو فيها وبعدين صار يحاربها
|
اقتباس:
لك عيب تحكي على حدا من الأنبياء مين ماكان... |
اقتباس:
انا راح وضحللت انا راح اخد من الحزب الشيوعي افكارو ومثلا من جيفار افكارة السياسية بس انا الي عقديتي الدينية المنفصلة تماما عنو يعني اذا كان ماركس ملحد ضروري اذا بدي صير شيوعي صير ملحد!! وانا قلت شي انو انا عم اقر بالافكار الشيوعية بس ما قريت لحد هلاء فكرة بتقول انو ما تعبد الله وما تمجد الصليب وسب الديانات وما بعرف شو وطلبت مليون مرة انو اذا في شي فكرة هيك او شي من الافكار الشيوعية حدا يقلي عليها مو اكتر :p :p :p |
إي اقرأ جدلية المادية... بتفهم تمام شو قصدي
|
:D
اقتباس:
|
اقتباس:
بس شمّيت من ردّك إنو في ريحة مو منيحة...يعني أنا ماتأكدت.. بس مين ما كان النبي ..ما لازم نحكي عليه ... صح عمو؟:sosweet: آسفة بس ما بعرف .يعني وين تعصّبت لأفكاري؟؟:sosweet: أنا ما قلتلك إنك أسأتلي نبيي أو شي...أنا قلت انو ما بصير (طبعاً وبلا معلميات) انو نحكي على أي حدا من الأنبياء.. ولو ما بعرف حالي شوي بمون عليك ما كنت قلت:D |
مرحبا ,,,,,,,,,
انا بدي ارجع ركز ع نقطة و بتمنى اذا حدا بيعرف اكتر يصححلي بس من خلال قراءاتي لبعض مؤلفات لينين و للبيان تبع ماركس و انجلز في فرق بين الماركسية كنظرية قائمة على المذهب المادي وعلى الديالكتيك و بين الشيوعية كحزب سياسي الو ايدولوجيا معينة و تصور كامل لنظام سياسي اقتصادي اجتماعي ,,, تحياتي للجميع ,,, |
اقتباس:
ومو عرفانين أنو الماركسية شي و الشيوعية شي.. خود بقى |
اقتباس:
|
اقتباس:
|
مرحباااا
انا يساري اشتراكي مسلم ومتدين كمان وقدوتي بالدنيا جيفارا انا فلسطيني وعلى مستوى فلسطين والمشايخ الي بناقشهم بالسياسة كلهم بيكرهوا جيفارا لكن ازا سألنا نفسنا بالعصر الحديث كله هل خرج مسلم وبيض وجه المسلمين؟ خرج نصر الله0.... والان المشايخ يتفاوضون على انه يحق الدعاء له بالنصر ام لا.... لم يتفاوضوا كيفية بعث المجاهدين او بعث المساعدات.... مقولة جيفارا تقول : اينما وجد الظلم فذاك هو موطني ومقولتي تقول ( اينما وجد المشايخ فذاك هو موطن الظلم ) |
اقتباس:
|
اقتباس:
بيحللو... بيحرمو ..بيفتو ..... كلو على كيف كيفون وعلى هوى مصالحون الاسلام فقد هويتو كديانة صار مصالح |
القضية بسيطة الفكر الماركسي يعتمد في رؤياه على الفلسفة المادية الجدلية. الفلسفة المادية (التي يتبناها الفكر الماركسي والشيوعي على حد السواء) تقول ان لا وجود لشيئ خارج عالم المادة وبما ان الله ليس له وجود مادي مبرهن فهو غير موجود... عدا عن ذلك فلا تناقض بين الشيوعية والدين يمكنك ان تصوم وتصلي وتقوم بكل واجباتك الدينية بــــشـــــــرط ان لا تؤمن بوجود الله.
للاطلاع على المزيد عن الجدلية المادية فهناك كتيب يدعى: "مدخل الى الجدلية المادية" الفه احد اعضاء الحزب الشيوعي الانجليزي وترجم الى العربية فهو يشرح بتبسيط مصطلحات فلسفية معقدة. |
اقتباس:
|
اقتباس:
لأني في مشايخة وعملاء دين اسمحولي بالهالكلمة بينرفع الراس فيون...ولك منغسل عن إجريهم ومنشرب من ماية الغسل...وإلنا الشرف بهالشي.....وأبداً مو مذليّة لأني عنجد بيشرحولك صدرك وبيسرولك أمور دينك ودنياك...ولهلاء فاهمين بالدين ومو متعصبين وما بيتّخذوا الدين ستار بيتخبّوا فيه ورا مصالحهم....متل ما عم يصير بهالفترة .. والدين لسّا بخير ...ما دام في ناس لسّا عم تعمل فيه..والدين ابداً ما بيفقد هويته لأني الغلط في المسلمين وليس في الدين ...و...نحنا اللي منفقد هويتنا ومننذل من دونه.للدين..!! |
اقتباس:
عكل حال ان خليت بليت ... بس هدول بكونو استثناءات. |
اقتباس:
عيش كتير بتسمع كتير:shock: |
شباب انا كل اللي بعرفوا انو بضيعة صريفا بجنوب لبنان (هيدي قريبة مننا) استشهد 12 بطل من الحزب الشيوعي ونعاهم الحزب وكلن من المذهب الشيعي ومتدينين!!!
|
الشيوعية في عهد ستالين نادت بالولاء للدولة
لانو كان الانسان موالي للدين وهيك ما كان بيقدر يقوم بنهضة الدولة لما حط الفكرة ستالين ما كان بيقصد انو الناس تترك الدين بس كان هدفو الولاء للدولة اولا واخيرا بما انو الدولة علمانية كانت وبهي الطريقة همش الدين وقدر انو يقوم بالدولة ويصنعها دولة عظمى |
| الساعة بإيدك هلق يا سيدي 01:06 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون