|
كأس الثورة
نصرخُ بأعلى صوت "تحيا الثورة" .. ونبكي كالأطفال نصراً لن يتكرر .. هكذا شاءت مصائِرنا أن نكون .. ذبائح فداء وأشباح أبطال .. حين ضاقَت أجسادُنا بنا .. كَسرْنا القيودَ ودمرْنا الأسوار .. أبيْنا أن نعيشَ في أوطاننا .. مسلوبي الإرادةِ تقودُنا الأغلال .. "لا يسكن الحرّ إلا الوطن .. ولا تسكنهُ إلا القضية" .. حملْنا شعارَ رسالتِنا ورفعناها .. للسماء وعلى الأشجار وفي الرمال .. تمرّدَتْ دماؤنا تحت التراب .. ولفظَ الوطنُ أنفاسَنا الأخيرة .. لن يكفيَ النحيب أو العويل .. ولن تُشترى أكفاننُا بالأموال .. لا نريد أن نُعلنَ شهداءً .. لا نرغب أن نُتوّجَ رموزاً .. لن نقبل بالحزن حداداً .. أو أن نُعْبَدَ بتمثال .. نريدُ أن تُكفِّنوا أجسادَنا بالثأر .. وأن تُضمدوا جراحَنا بالانتقام .. أن تبعثوا أرواحنا من القبور .. بعدَ أن مرَّغها التاريخُ بالأوحال .. أما نحن، فسنكونُ في السماء .. نضيءُ النجومَ لكم .. نشربُ بصحتكم كأساً للثورة .. كأساً للحرية، كأساًً للوطن، وكأس الاحتفال .. سيثملُ الفضاء وستبكي السحب .. عندما تحققون النصرَ لنا .. حينها سيغيِّرُ الربَّ لكم القدر .. فيعلو صوت يسوع بالترتيل ومحمد بالابتهال .. ملاحظة للإشراف: انا بعرف ان اللي حطيتو خاطرة بس بعد اذنكم حطها بالمنبر لانو اللي بهمني منها المضمون وليس الأسلوب الأدبي، واذا شفتو انو ما بناسب فهاد شي بيرجعلكم أكيد مع الشكر. |
لك يسلموا هالإيدين و ما يبلا هالإحساس
الله لا يحرم هالوطن من أمثالك |
اقتباس:
شكرا الك .. :D |
اقتباس:
|
اقتباس:
اقتباس:
:gem: :gem: :gem: :gem: يسلمو نيرفانا على الموضوع الحلو |
اقتباس:
لانو الوطنية والانتماء والحرية والانسانية بتخلينا نحس انو لازم نكمل مسيرة الابطال اللي ماتو لاجل كرامتنا .. وما نخلي دمهم وارواحهم يبكو على خيبتنا. شكرا الك. |
اقتباس:
لازم نكون كلنا ثوار .. ونقاوم ضد تيار الخيبة والاستسلام .. يا وطن ما في غيرك يا بتكون النا يا مو لحدا تاني. |
اقتباس:
ويا ريت حكي محرز , كلّو حكي فاضي و بلا طعمة |
اقتباس:
مافي داعي اسرائيل مأمنة الكراسي تبعهون ليش حتى يعذبوا حالون حتى الشجب والانكار بدو موافقة اسرائيل;-) |
اقتباس:
وفي ناس عن طريق الاعلام عم بتحرض الشباب العربي ليتحرك ويقاوم امريكا واسرائيل. يعني ممكن يكون في أمل. |
اقتباس:
لك حتى هي بطلوها :!: :blusted: |
اقتباس:
|
اقتباس:
في شعوب عربية .. وبالنهاية الشعب اللبناني والفلسطيني كمان جزء من هاي الشعوب. والشعوب العربية (معظمها) مع المقاومة والتغيير. |
اقتباس:
والشعب اللبناني سمحيلي قلك انو ما بعترف على العروبة بقول عن حالو فينيقي طبعا مو الكل والفلسطيني باعوا دم شهدائهم لحتى يضلو على الكراسي وانا برايي انو الفلسطينية يتخلصو من رؤساهم بعدين يحاربو اسرائيل على فكرة في موضوع بالمنبر هون اسمو عربي او فينيقي او مدري شو ....مو عرفان وين الله حاطو فوتي عليه وشوفي الردود يلي بترفع الراس |
اقتباس:
مهما كان كأسها مر يحلو بالنهاية كاسك يارفيق وكاسك يانيرفانا والحمدالله على رجعتك نورتينا |
اقتباس:
المقاومة والثورة تعني التغيير (والتغيير من جوا ومن برا). وانا بقصد بكلامي الناس اللي عندها وطنية وانسانية هني اللي راح يقدرو يغيرو. اما الناس اللي بتنظر للانسان على اساس طائفي أو عنصري أكيد ما رح يعمل تغيير، لازم يغيرو فكرهم أول بعدين ببلش بغيرو. |
اقتباس:
وانا بأكد على كلامك ، دائما الثورات كاسها مر بس في نتيجة ايجابية بالآخر.. المرارة الحقيقية بانو تصير ثورة وما يصير تغيير .. وهاد بيعني انو في شعب ميت وهاي مصيبة المصايب . لانو الثورة هي الشعب. |
اقتباس:
الحب يحتاج ثورة الايمان يحتاج ثورة الثورة علامة الشعب الحي والضمير الذي لايموت ولكن ما أرخص دمائنا وأرضنا عند حكامنا الدومى |
اقتباس:
لازم ننسى كل شي من حكام ومن غيرو . . واذا بدنا ثورة وتغيير لازم نبلش من انفسنا .. إلا اذا ما كنا قد هالمسؤولية . |
اقتباس:
|
اقتباس:
وطوبى لهيك انسان .. ولا شو رأيك ,, ؟ |
اقتباس:
|
اقتباس:
|
اقتباس:
لأنه الانسانية مرتبطة بالضمير الحي للانسان |
اقتباس:
|
اقتباس:
|
اقتباس:
|
لازم كل انسان يدور في نفسو على الضمير وحب الناس واحترام الآخر شو ما كان دينو أو أصلو أو انتماؤو ..
لازم كل انسان يحاول يطبق كلمة انسانية بسلوكو .. لازم نفهم معنى الوعي والثقافة ونحمل على عاتقنا انو نفهم هالحياة اكتر واكتر .. لنوصل الى مستوى يرقى بانو نسمي حالنا بشر . يمكن كلامي ما الو معنى هلا بس هاد اللي حاسة فيو .. لانو الانسان بكون قوي وممكن يكون قوي لمرحلة الضعف، ويرجع يقوى أكتر. ما رح نقوى إلا بتعزيز انسانيتنا أولا . |
اقتباس:
والقوة لازمها حكمة |
اقتباس:
والضعف بالنهاية حالة انسانية. |
اقتباس:
|
انسانيتنا رجعت بمحض ارادتها و بدون تدخلنا للأسف .. بيجوز بتدخل فئة منا " المقاومة" ....
بيبقى في ضو .. نيرفانا ضو .. و أنتي ضو ... و كتير شباب ضو .. و الضو الأكبر هو المقاومة و دم أطفال قانا . |
اقتباس:
|
اقتباس:
|
اقتباس:
:cry: :cry: :cry: :cry: :cry: :cry: :cry: :cry: مع تقديري لمن يبكي ليقدس ترابنا :akh: |
اقتباس:
كل أيامنا دموع .. مبارح تعشيت مع رفاتي .. وحدة منهون لبنانية .. ضلينا طول العشا عم نعر ما اكلنا ولا لقمة .... و اليوم الصبح .. قال رحنا نشرب قهوة .. أجينا كل واحد ووحدة عيونو مبجبجة من العرير طول الليل و بلشنا نتسولف : شفت البنت الشهيدة ملاك ..؟؟ شفتي شو حكى جعجع ؟؟؟ المهم رجعنا فتنا بنفس الموود من صبيحة الله ... |
اقتباس:
بس أخ ومية أخ لما تشوف انو في ناس لا حاسة ولا عارفة حتى بهالوجع .. :cry: :cry: :cry: |
اقتباس:
بيكونو مو ناس .. بيكونو سينورات و سينورين ... |
اقتباس:
بس اذا بتعرف انو كلهم شباب وفيك تقول الأغلبية كمان .. يعني المستقبل .. مو بس بتبكي .............. :cry: |
اقتباس:
|
| الساعة بإيدك هلق يا سيدي 09:06 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون