انقلاب الحركة التسليحية
 

بما انو شغلة الانتخابات ما عجبتني فاصدرت البيان التالي
ايها الاخوة الاخويون والاخويات
شغلة الاتنخابات مانها حل لانو بينخلط فيها الحابل بالنابل
لذلك قررت اني اعمل انقلاب على الاخوية واترأس الزعامة هون وكون الزعيم انا كوستا
واطمنو انا قلبي رقيق ما رح دك الحكيم بالحبس ولا رح حطو بالاقامة الجبرية
رح انفي خارج الاخوية وابعتو على غير منتدى وهيك ساعتها يلي بدو يوقف معو بكون عم يعمل معارضة
وانا ماني ضد المعارضة بس كمان رح انفي كوني انسان ديموقراطي....اي ليش مستغربين
بعدين تأمم كافة الاقسام لصالح الشعب الاخوي وبما انو انا من الشعب الاخوي رح تكون الي
ورح اختار مساعدين الي كمان يساعدوني بشؤون الادارة التشليحية(من فعل شلحو المصاري) والاعضاء القدامى امثال كريمبو و هاني داغر و ويللي رح يتسرحو من القيادة ونبني قيادة جديدة برئاستي طبعا كوستا
واول شغلة بدي ساويها هي غير عملة الاخوية شنو ما عجبتني وعم تتراجع باسواق البورصات بالمنتديات ورح اطبع عليها صورتي انا كوستا ورح تكون من فئتين نقديتين هنن 10كوستايات و5000كوستاية.....اي مشان يكون الها قيمة العملة ولا تفكرو كيف بدنا يكون في معنا فراطة او كيف بدنا نصرف ال 5000 كوستاية لانو ما رح تشوفوها
وبعدين رح حط دستور جديد يضمن حقوق الكل وقوانين جائرة بحق الكل وما حدا بيقدر يعترض على القوانين لاني انا رح كون المشرع فيها
واطمنو من ناحية القضاء لانو القضاة رح يكون نزيهين جدا وبلا ضمير واخلاق وانا رح بوقع على تنفيذ الاحكام
اما السياسة الخارجية رح تكون على الشكل التالي
ابرام الاتفاقيات مع الاعداء على حساب مصلحة الشعب والتطبيع معو والموافقة دائما على الحروب والدعم لها واستخدام الفيتو الكوستاوي في سبيل قمع الحريات
السياسة الداخلية كمان متلها وهي خلي الشعب يهتف دايما بالروح بالدم نفديك يا كوستا ويلي بعارض يا ويلو وعقابو هو بساط الريح والسواليل (هي اذا ما بتعرفوهاقولو )
وبما ان الشعب عندنا من المفكرين رح انفي خارج الاخوية وخلي دايما العقول المفكرة متلي يلي بهمها مصلحة جيبتها
واخيرا على كل من يريد الانضمام الى الانقلاب العظيم الذي سيغير وجه التاريخ الاخوي يقدم طلب وعليه طابع بقيمة 20000 كوستاوية لكتى ضمو معي ويكون ايدي الشمال بالانقرب لانو ايدي اليمين مو فاضية عم دخن
دمتم ودامت اخوية كوستا (لانو بدي ورتها لابني بكرا)ما حدا احسن من حدا

خلص ما بهم مين ما كنت
حتى لو ما بتقربني اي شو ما عندي دمئراتية



الخلود لرسالتنا:gem:

كتبلي فيهن تقرير فورا

مشان نعفطون ونجرب بساط الريح

ويلي ما بيعرف السواليل بيتعرف عليها


الخلود لرسالتنا:gem:

اي عجبتني هي خلص انت عطيهون دروس بهي الشغلات حاكم انا ماني فاضي

بدي روح شوف وضع الجيش وقواتنا الاخوية الكوستاوية الباسلة


الخلود لرسالتنا:gem:

ما شاء الله كوستا ديموقراطي من الدرجة الاولي بس من آخر الكشف ههههههههههههههههههههههههه

بالروح بالدم نفديك يا كوستا، حلك يا الله حلك تحط كوستا محلك.:yahoo: :clap: :king:
مو تمسيح جوخ ها، هي من قلبي طالعة، و إلى الأبد يا حافـ.. عفوا يا كوستا.:oops: آسف، شنو لساني آخد عليها.:oops:
معلم حابب نبهك عشغلة، ترى the light عميل، و دير بالك منو، هادا جاسوس، حطني أنا إيدك الشمال بلا هوي، و ترى ابنو عميل متل حكايتو، أما ابني أنا فبحبك من قلبوا، هوي بيستحق أكتر يكون مدير عام او شي مسؤول، عراسي يا معلم.

بدك ياني كون الرجل التالت بعد المعلم:shock: لا و ألف لا، عندي حل، بس يخلص المعلم السيجارة تبعو، بتصير فاضية إيدو اليمين، و هيك بصير أنا إيدو اليمين و بمسكلوا الدخان، أما انتي فبضل عالإيد اليسار، شو رأيك؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

له يا شريك، إنتي ما فهمت قصدي، أنا قصدي كان إنو انا بمسكلوا السيجارة، مو يشيلني و يحطها بدالي!!!!!!!!!!!!!!!!!!!!!!!!!!!!
بعدين أنا ما بجبلوا إلا الدخان الكوبي الأصلي، و ما بخليه يمسك سيجارة إلا بعد ما أعملها ميت مليون فحص و فحص، لحتى اتأكد من سلامتها و إنو مو مسمومة، المعلم مو فاضي كل ما بدو يشرب سيجارة يروح يفحصها، عندو مشاغل اهم.
و على أية حال أنا معك، لازم نرفع الموضوع للمعلم و هوي ببت فيه.:gem:

مدري وين المعلم
بلكي سهران بشي محل اليوم؟؟

البيان الاول
 

احم احم....ايها الاخوة الكوستاويون صدر البيان التالي

تمت السيطرة على مناطق القوات المعادية لنا والحاقدة على رسالتنا وتمت مصادرة كافة الاراضي الزراعية والبعليةوالانهار والمستنقعات لاجل استصلاحها
وبناء على ذلك سيتم ما يلي
انشاء السدود على الانهار بالتعاون مع المنتديات الشقيقة وتسمية السد الكبير بسد كوستا والبحيرة ايضا ببحيرة كوستا ...اي شبكون رح جبلون احسن سمك فيها من كافة انواع السردين
تحويل مياه الشرب الى المنتديات الشقيقة والصديقة وبيع تلك المياه وعمركن ما تشربو ....عيشو بعل
انشاءالمدارس الرسمية لتعليم طلابكم وتسميتها باسماء ابنائي (مثلا يعني مدرسة ابو كوستا وهيك)
تم الاتفاق على تعمير مدن جديدة وايضا تسميتها بضواحي كوستا (مثلا ضاحية كوستا الشمالية ...ضاحية كوستا الشرقية...)
وايضا قمت بالاتفاق مع شركات السيارات الكبيرة لاستيراد سيارات للاخوية ومن احدث الموديلات ....ويلي بحط صورتي على السيارة بسلمو وحدة والبنزين ببلاش
سيتم انشاء اذاعة وطنية تبث على مدى ساعة واحدة في 24ساعة وبرنامج واحد هو مع الاخوة الكوستاويين ....الا في حالات الخطابات سوف تعرض الاغاني الكوستاوية


انتهى نص البيان الاول ريثما ياتي البيان التاني

والخلود لرسالتنا:gem:

لك يا ذي لايت ......يا ابوطريق ....شبكون:jakoush:

هيك بتركون ساعتين برجع بلاقيكون متخانقين على المناصب:x

كونو متل الاخوة عنا عدو خارجي بدنا نواجهو:gem:


بعدين يا ابو طريق وين السيجار:?

اي غير المطرح
ما حلوة المعلم عم ياكل قتلة بالفرع

:shock: :shock:

مظبوط شلون هيك انا ما انتبهت:?


يلا رح غيرو برافو عليك خلص انت مساعدي:gem:




الخلود لرسالتنا:gem:

:jakoush: :jakoush: :jakoush: :jakoush: :x :x :x


بتقولي بالروح بالدم نفديك يا كوستا:gem:




الخلود لرسالتنا:gem:

اي عي عم نساويها وبدنا نحطون على كل مدخل مخرج ضاحية من ضواحي كوستا

بس لاتخلص من المشرفين لانو عم يوزعز منشورات وبالاخص كريمبو منشوراتو كلها تحشيش



الخلود لرسالتنا :gem:

شو مابدك تنضمي معنا للانقلاب ؟؟؟؟

بسلمك منصب مهم:clap:



الخلود لرسالتنا:gem:

بالروح بالدم نفديك




















كمل من عندك:p

اي خلص انت تمام :gem:

شو المنصب يلي بدك ياه؟؟؟؟؟



الخلود لرسالتنا:gem:

يا اخي في شي اسمو ديمئراتية

تركها هي تطلب .....بلشت من هلأ بالتيكتاتورية



الخلود لرسالتنا:gem:

:gem: :gem: :gem: ليش لا بس يكون شعارنا لا للظلم نعم للخير

البيان الثالث
 

احم احم....سماااااااااااااااع
صدر البيان الثالث
بما اننا راينا الاقبال الشديد على رسالتنا الخالدة تم وضع الشعارات التالية

هاد الشعار وقت الخطابات

1- بالروح بالدم نفديك يا كوستا

هاد الشعار وقت الاستقبال

2- امة اخوية فاشلة.......ذات رسالة بالية

هاد الشعار بالمدارس

3-اخوية . حرمية . تشليحية

ومن اهداف حركتنا التشليحية هو ان نسحق اداة الاستعمار المجرمة وهي المشرفين يلي بالاخضر
وعلى راسهم كريمبو المنفذ و هاني المخطط


الخلود لرسالتنا:gem:

قوووووووووووووووووووووووووووووي الشعار:yahoo:

يعني عينت حالك زعيم من حالك

لا عملت انقلاب

وبدي استلم الزعامة هون



والخلود لرسالتنا:gem:

طبعا قوي لكان شو هاد

شعار مو لعبة


والخلود لرسالتنا:gem:

عراسي معلم، صدقني اليوم قضيتو كلو بكوبا عمدورلك على أحلى سيجار، بس ما لقيت شي يليق بمقام سيادتكن، حتى سيجار كاسترو نفسو ما لقيتو قد المقام، فهلأ عمننشأ جزيرة بالبحر، سميناها جزيرة كوستا الخالدة، و امرت بتصنيع أفخم و أجود أنواع السيجار الملفوف على
أفخاذ العذارى، حتى يليق بمقامكن السامي، سيدي.
بتؤمروا بشي تاني فخامتكن؟؟؟؟؟؟؟؟؟

إذا هيك مو مشكلة بسيطة
مبروك الزعامة

تمام تمام هاد الحكي وعجبتني هي الجزيرة انت فعلا نشيط

خلص بحطك نائب عليها

بس مو بكرا تعمل حركات من ورايي ايواه دير بالك

ومشان السيجار منيحة هي عجبتني بس لا تطول شنو خرمان



والخلود لرسالتنا:gem:

شو ما بدك شي منصب؟؟؟

ولا انت معارضة ؟؟:jakoush:


الخلود لرسالتنا:gem:

سيدي الرئيس، هي اول عينة من السيجار المصنوع لفخامتكنم خصيصا، عفكرة استجرنا أجمل عذارى العالم مشان يلفوا على فخاذهن سيدي، يا ريت تجربوه و تعطونا رأيكن.

لك شلون بدي جربو ومو طالعة الصورة :jakoush:

ليكون شي لغم او فخ ......فحصو المخابرات شيتنا؟؟؟



الخلود لرسالتنا:gem: