|
العربي صار فينيقي وفرعوني و......
ولو أنا من اللاذقية والله العظيم صرت بخجل من اني قول أنا عربي يا شباب صرت من هلا وطالع ما بقول إلا فينيقي
وأنا أدعو لأن نسقط القومية العربية شو رايكن بســـــــــــــــــــــــ ـــــــــــــــــــــــــ ـــــــــــــــــــــــــ ـام 007:gem: |
شو ما حدا بدو يرد؟؟؟؟
|
يا عمي شو طالعي بالسحبة
يا أخي بدك تعرف مين انا خد لقلك سجل أنا فينيقي سجل برأس الصفحة الأولى أنا لا أكره الناس ولا أسطو على احد ولكني اذا ما جعت اكل لحم م غتصبي أنا بسام من اللاذقية وأنا علوي برجي السرطان بدك تعرف شي تاني عني |
اقتباس:
تشرفنا فيك بسام :D وانا مابهمني شو انت يللي بهمني انك انسان وبس بعدين انا عم وجه السؤال للشباب هون ;-) وانا على طول بالمنبر شوف مشاركتي وبتعرف انو سحبة هي |
أنا كان بدّي أيّدك بموضوع إسقاط القوميّة العربية بس مو لنقول فينيقي
و الأهم ما نقول علوي أو مسيحي أو سنّي أو أو.... فأنا مو مع القوميّة العربية... بس ضد التعريف الطائفي بالمطلق |
فليسقط العرب واللغه العربيه
عندي سؤال للي يعرف اجابته من اخترع اللغه العربيه اصلا ؟ الم هي اللغه الركيكه ؟ الم هي اللغه التي لا ولن تطور من نفسها ؟ معلومه:اللغه العربيه لا يدخل لها مصطلحات جديده ولم تتغير القواميس منذ فترة طويله باقي اللغات مثل الانجليزيه والفرنسيه تطور من نفسها كل يوم بل كل ثانيه |
ماشاء الله عليكون
كلكون صرتو 007 شي حلو ........كم جيمس بوند عنا؟؟؟؟؟؟؟؟؟؟؟ |
انا هاي القصة كلا ما عما تدخل عمخي مدري ليش ... قصدي قصة العرب ...
اخواتي انا سوري واه يا نيالي ... يعني انا هالشي بحطو عراسي من فوق يعني يا سوري يا اما راسي .. واذا حدي بيحكي عنا بكون معني بشكل مباشر بالقصة .. واذا صار فيا شي منيح بفتخر اني جاي منا واذا في شي ما منيح انا برضى فيه لانو ما في ولا محل بالعالم كامل وبحاول اذا بيطلع بايدي ظبطو بظبطو... بس انو بتبلش القصة لما يبلش الحكي يصير عن عربي .. اخواتي انا ماني عربي انا سوري .. سوري وبس .. ما دخلنا بسما رب السعودية شو ساوت او شوفي عندون او شو قوانينون ... ولا همني شو واحد تونسي ساوا او واحد جزائري قال ... انا سوري .. واحد اهم صفات السوري , انو سوري وبس . مانو سوري مسيحي او سوري مسلم او سوري ملحد او سوري بعثي او سوري فينيقي او او او ... انا بضلني سوري بغض النظر عن معتقداتي و ديني ... يعني انا راي كمان انو هاي شغلة عربي وجعة راس عالفاضي وبلاها بيكون احسن ... |
اقتباس:
العروبة مؤامرة و انكشفت ... |
اقتباس:
زعلت منك ... هدا اليوم اخترعو كلمتين على كيف كيفك .. "الحاسوب " و " التقانة" ...:lol: |
شباب وطو صوتكم
هلق بيرجع ابو انمار من الاسود وبيخلعنا محاضرة عن اللغة العربية |
اقتباس:
فليخلع له الله رقبة حكامه و رقبته . |
هلق يا جماعة ضلوا يعلمونا بالمدرسة عن الهم المشترك والتاريخ المشترك والدين المشترك والارض المشتركة وفبركولنا قصة العروبة والانتماء وهالمسخرة
بس ولا مرة شرحولنا عن الوطنية وحب الوطن والارض والتراب ومع هاد وكلو وطنيتنا اقوى بس انا بضل اسأل سؤال اذا نحن ما بنشعر بعروبتنا شو هو الشي يللي بيخلينا نحس بالمغربي او بالفلسطيني او او او.......بدون ما يكون في بيناتنا اي رابط؟؟؟ انا ما بعرف دورت ع الجواب ما لقيتو |
اقتباس:
شو اللي منحسو بالمغربي ؟؟ مثلا فارقة مع ربنا اذا المغرب ولا البوليساريو دبحو بعض ؟؟ منحس بالفلسطيني و اللبناني و العراقي فقط لأنو هي سوريا الطبيعية .. و هدول سوريين. |
يا شباب بمصر في عيد عندن اسمو شم النسيم وهيدا عيد فرعوني
وعنا بسوريا في كتير أعياد ما نها اسلامية او مسيحية أنا سوري على عيني وراسي بس كمان كل واحد فينا عندو انتماء لعرق معين ان امن بذلك او لا انا سوري بس هيدا ما بيمنع قول أنا فينيقي بســــــــــــــــــــــــــــــــــــــــــــــــ ــــــــام 007 |
اقتباس:
بس الفكرة هي أنو نحنا منتعاطف مع البائسين أمثالنا... وين ما كانوا يكونوا.. بعدين العروبة بطّلت مفهوم عرقي.. صارت مفهوم سياسي بحت... |
اقتباس:
العربية هي البدوية... و نحنا منحكي شي مهجّن سرياني عربي أمّا ليش ما تطوّرت؟؟ أنا برأيي هاد مو ضعف... أي 3 حروف بتجمعهن باللغة العربية بيكونوا فعل إلو معنى وهات على اشتقاق.. المشكلة بعلماء هاللغة.. بعدين تقانة و حاسوب هنن كلمات موجودة من زمااان بس مو مستخدمة في كمان التحديث والتطوير.. |
اقتباس:
حتى لو كنت مسيحي يعني صار عندهم خلط ما بين العروبة كمفهوم والاسلام اصبح العروبة والاسلام مفهوم واحد يعني كل ما هو متدني وتافه بنظرهم السؤال ليش وصل فينا الحال لهون يعني انتا ليش بتتعاطف مع البائسين بكل العالم يمكن لانو فطرتك بتخليك تشعر بالعطف عليهم لكن بنظري انو نحنا بنتعاطف مع العرب لاني فطرتي بتحتم عليا ان اجعل نفسي في موقع المسؤلية فرق كبير بين العطف والمسؤلية تماما نفس الفرق بين العروبة كمفهوم عرقي او مفهوم وطن بيجمع الكل والعروبة كانتماء بعتقد انو الي ناقصنا الانتماء يعني لو صار عندنا انتماء يمكن بيتغير حالنا انا بعتذر منك يمكن افكاري مو مرتبة لاني بحاول اوصل افكار كتيرة بتمنى اني اكون قدرت اوضح وجهة نظري اوقات سعيدة الكم جميعا |
اقتباس:
اقتباس:
اقتباس:
وهاد يلي بدها يا الصهيونية العالمية لحتى نضل متفككين وما يكون عنا ترابط وانا بالنهاية اممي و ما بآمن بشي اسمو قومية او عرقية لانها بتخلق تخلف و عنصرية ومشكور على افكارك :D |
اقتباس:
بعدين مين قال انو نحنا ربطنا العرق بالدين انتا ما بتشوف اخوانا المسيحين كيف بيعاملوهم متلنا احنا المسلمين تماما ولو افترضت جدلا انو نحنا ربطنا العرق بالدين بعتقد ما كان هذا حالنا لانو لو نظرنا بعقل شوي لايام ما كان الدين بيحكم لوجدنا حدود دولة المسلمين وين وصلت وكلنا بنعرف قصة واسلاماه لما احتشدت جيوش المسلمين لنصرة امراة ضعيفة انا هون بعمل مقارنة فقط حتى ما نتهم الدين وربطنا للعرق بالدين انو مشكلة بضيف شغلة كيف بدو يكون هلاء في ربط بين القومية وشخصية معينة لو نظرنا للمنطقة العربية بنشوف تفكك وتشرذم كبير يعني من الصعب انو يكون في شخصية محورية نربط فيها القومية العربية لانو في قوميين وفي اخوانيين وفي قاعدة وفي علمانيين وفي بعثيين بعتقد لو اجمعت الامة على شخصية وحدة حتى ولو كانت غير صحيحة يعني لو اجتمعنا ولو على موقف خاطئ ما بيكون وصل حالنا لهيك مرحلة هاي وجهة نظري عزيزي كوستا ومع احترامي الشديد لشخصك ووجهة نظرك بتمنالك اوقات طيبة وسعيدة |
اقتباس:
اقتباس:
المقاومة الاسلامية في لبنان (حزب الله) التيار الصدري بالعراق وجيش المهدي حركة الاخوان المسلمين في مصر والاردن وسوريا وبعدين عم تحكي على حشد جيوش المسلمين لنصرة امراءة مسلمة وهي على دور المعتصم ونادت واه معتصماه طيب هاد الحكي شو بدل مو مرتبط الدين اقتباس:
شوف عبد الناصر حطو زعيم العرب والهو شخصيتو وهو اكبر خائن والدليل انو ركب سيارة السفير الاميركي وراح على مقر قيادة الثورة وقت قام بها والدعم كان اميركي بحت وفي امثلة كتير من رؤوساء عرب وزعماء ومعروفين كلهون شلون مؤلهين وكمان وجه نظرك انا بحترمها لانك اخي بعتبرك شو ما كان دينك وعرقك |
والله مني فاهمة الموضوع من اول صفحة
|
سؤال حابب أعرف جوابو من زمان؟؟
القومية ضد الدين ولا بتدعمو ؟و شغلة تانية القومية الدينية مو هي الطائفية يعني لما بيجي واحد بقول" نحن الأمة العربية والأمة الاسلامية" كتير عم نسمعا شو قصدو ؟؟؟مين نحن؟؟ يعني ما عاد عرفت نحنا عرب ولا اسلام ؟؟ |
اقتباس:
اقتباس:
وفكرة القومية نشات باوربا في بداية القرن 19 وهي فكرة بتنادي بالتعصب والارتباط الشديد مع ابناء القوم الواحد اما انو ضد الدين اكيد مانها ضد الدين لانو بتجمع من جميع الاديان بس اتخذت عند العرب الصفة الدينية وبالاخص الاسلامية لانو الغالبية العربية تنتمي الى الدين الاسلامي وهذا الشيء ادى الى تفككها وانقسامها على بعضها لانو ارتباطها بالدين خلق الطابع المذهبي وهذا اخطر من الطائفي وفكرة القومية الدينية هي شكل من اشكال النازية الجديدة التي تنادي بصفاء العرق واللون والمذهب واستعباد باقي البشر مهما كان عرقهم و دينهم اقتباس:
بس الشرق الاوسط بالذات محسوب على الاسلام لكن 30% منه ليست اسلام |
كوستا :clap: :clap: :clap: :clap: :clap:
اهنئك علي معلوماتك وفكرك الرائع:D |
اقتباس:
|
اقتباس:
|
اقتباس:
فإذا ولد هذا الإنســــــــــان في بلد ما يأخذ اجتماعياً وورقياً جنسية هذا البلد وبعدين هو حر في أن يحسّ بالانتماء أو بعدم الانتماء للي بدو ياه. وكما أنه لا فخر لأمريكي أو لفرنسي بما قام به أجداده ومعاصريه، فلا فخر لعربي أو لفينيقي أو لمسلم بما قام به العرب والمسلمين في الماضي أو الحاضر لأن الإنسان يقيّم بتصرفاته وأعماله لا بتصرفات جده وستّه وأولاد عشيرته. خصوصاً أن الكثير من أولاد "الطيبين" ممكن أن يكونوا عاطلين والكثير من أولاد "السيئين" بمكن أن يكونوا طيبيبن. الناس اللي بيرفعوا أصواتهم للتصريح دوماً بأنهم من هذه القومية أو تلك، من هذا الدين أو ذاك، هم ناس يحاولون البحث عن نموذج يقتدون ويتشبثون به وهو للأسف نموذج يكون قائماً في أغلب الأحيان ضد نماذج الآخرين مما يسبب الحروب والقتل والدمار بين أصحاب مدّعي الانتماءات المختلفة. |
اقتباس:
بس ما في مانع انو فكرة القومية بتطبيق وتنفيذ صحيح انها تنجح .. وكمثال (الاتحاد الأوروبي) . |
المشكلة الكبرى بالمجتمع العربي هي الدين
وبعتقد مفهومة ليش |
اقتباس:
واهم شي ترجع الانسانية هي أساس التعامل بين البشر. |
اقتباس:
|
اقتباس:
في القرون الوسطى في اوروبا لما كان الدين هو المسيطر كان المجتمع الاوروبي في قمة الجهل والفقر.. بس صار في تغيير .. وهاد اللي لازم يصير . |
اقتباس:
|
اقتباس:
|
اقتباس:
بالرغم من التأخير والتاريخ ماعاد يرحمنا بس لازم نتعلم |
اقتباس:
واللي عملو تغير على مر التاريخ شافو الغلط وين وغيروا ما سألو عن حجم التضحيات اللي بذلوها أو عن صعوبة هالشي .. والوقت بهالشي مو هوي المقياس .. المهم الفعل. |
اقتباس:
|
اخوي بسام
ما تقدر تتخلى عن انتماءك العربي حتى لو في لحظة غضب او يأس نتيجة تراكم الاحباطات الي كلنا نشعر بها . العيب ليس في عروبتنا ... العيب في القاده ... الي هم الحكام ... الي وصلونا بتشتتهم و تمزقهم و ضعفهم و تبعيتهم و لا اقصد الكل لكن الغالبيه وصلونا للي احنا فيه من ضعف . نعم اعتز بأسلامي و عروبتي جزء من اسلامي و لكن لو سألتني بمن تعتز اكثر بـ اميل لحود ( مسيحي ) او بـ وليد جنط لوط .. قلت بدون تردد اميل لحود ... اذا فالعروبه موقف من الزعماء .. و طبعا الغرب الصهيوني يحارب اي تقارب بين الدول العربيه و مستمر في سياسة " فرّق تسد " حتى يأتي اليوم الذي تختفي فيه كلمة " احنا عرب " و تحل بدالها (فينيقي) و ( فرعوني ) و ... و ... و عندها ينام الاسرائيليين الصهاينه مطمئنين .. الدليل انو لا انت و لا انا نقدر نتخلى عن انتمائنا .. لو كنت بتشجع فريق كوره و كل سنه يخيب املك حتى يأست و بعد مده طويله جاب بطوله تلاقيك لا شعوريا بدا يدب في خلاياك الحب و الحنين له من جديد .. هذا فريق كوره .. فكيف لو انتصر ابناء الدم العربي على الصهاينه مره واحده فقط .. هل ستبقى متبرأ من عروبتك؟؟ .... للجميع تحيتي |
مدري ليش حاسس إنو اللي كتب الموضوع عمرو إن كترت 17 سنة ؟؟ و عميحكي بموضوع ما بنكر إنو شاغل كتير الناس بهالفترة , بس من منطلق ولادي ..
|
| الساعة بإيدك هلق يا سيدي 02:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون