|
اي ما بدي ساعد اللبنانيين
ال شو اخدينلون اكل وشرب وحباشاتون بتئوم شو بتنط بتئول ختيارت النحس (انتو السوريين شو ما عملتو من ضل ما منحبكن )
امو لرفيئي بتسألون ازا بدون شي ال بدون كريم للوش وبرينغلز (اي انا بعمري ما دئت البرينغلز) شو كمان بدون معسل ياحبيبي خود بئا معسل خرمو الشباب في ناس اخديلون اندر ويير (كيلوتات)ال شو اي مافي سترينغ (ابو خيط ) وبيفوت واحد لعند الحلاء تبعي وبيئول (انتو السوريين ما بتعرفو تساو السكسوكة ) ولأ بدو يأص ببلاش كمان كنت بالدير تبع معلولا بتءوم شو بتنط وحدة وبتئول (ياااععع هون بدنا ننام ) اي مابدي اعمل منيحة ولا ساعد (اشقائي البنانيين !!!!) هيك حيونة :jakoush: :jakoush: :jakoush: :jakoush: :jakoush: :jakoush: :jakoush: |
اقتباس:
بس المشكلة انو في عالم هيك وما فينا نقول انو كذب بحترم رأيك |
كل واحد بتعامل بأصلو ..
خليك انت الكبير.. |
الله يرحم المثل ما خلى شي الا وقالو
- عيني فيه وتفو عليه بس بنفس الوقت بيقول - مو كل اصابعك متل بعضها والمهم ما يروح المنيح بغلطة القبيح |
إي بجوز هاللي إجوك متعودين عالدلال:p
شو ماكان لازم نساعدون وصحيح متل ماقالTheLight ماكل أصابيعك متل بعضها يعني كتير منن مزوقين وبيفهمو |
اقتباس:
|
مرحــبا..
هلاء أنا أكيد بحترم رأيك...ولّا خلّيني سمّيه ردّة فعلك... بس في شغلة.... إنتا لما بتعمل خير..ما تستنى حدا يشكرك.. لأني لمّا تكون نيتك صالحة..مهما واجهك جحود ونكران للجميل وتضييع تعب....فإنتا أكيد ثوابك وصلك بإذن الله...وهيدا بيكون أكبر شكر... وأنا متأكدة إنو كم إنسان ما بيمثّل شعب... في يا حرام كتير لبنانية مذلولين....وما عميلاقوا اللقمة..ويعلى عمري انشاء الله.:cry: وبنفس الوقت في كتير ما بعرف شلون...مو هامّون لا حرب ولا بلّوط...جايين يهربوا لهون لأنو جبانيين مو لأنو خايفيين مثلاً على ولادن أو من هالقبيل..وبدل ما يشكروا أهل سوريا اللي وقفت معون ايد بإيد..عميتشارطوا ويتأفأفوا:pos: بس ما في شي بيضيع عند الله... وبجوز تعدّي علينا أيام ويدور الدولاب ويجينا الدور...ونلجأ لحدا يساعدنا...ويمكن يطلع حدا من عننا من سوريا فهمان وقليل أصل متلون ..ويجي كمان إنسان معصّب ومقهور ويبطّل يساعدنا..وهيك بينظلموا اللاجئين بسبب كم ناس فهمانة رفست النعمة... فخليلي عينك لاتعصّب...وما يهمّك كم واحد نوَري وقليل أصل...فهنن ما بيمثلوا الشعب... وانشاء الله مقبول تعبك يارب... thelight تعيش وتحكي...:D |
معليش بدنا نطول بالنا كل شعب فيه منيح وفيه العاطل وفيه نسبة كبيرة من اللبنانيين يلي اجوا على سوريا منيحين ...
بعدين بغض النظر سوريا وشعبها لازم يساعدوا لبنان لانو نحنا هيك تربينا ... والأهم من هيك لازم نساعدهن كرمال عيون السيد حسن نصر الله .. الله ينصروا هو والمقاومة.. |
حقيقي نحن لازم نشتغل بأصلنا
ومتل ما بيقولوا كرمال عين تكرم مرج عيون وكرمال عيون حسن نصر الله وعيون المقاومة تكرم عيون اللبنانيين كلهن إلا جمبلاط وشلتو |
انو اذا بدنا نحكي جد بكونو هدول من جماعة السبوت على كورنيش المزرعة والمنارة لأنو اذا بتشوف الشام وبقية المحافظات انطلست طلس سيارات لبنانية وكلها موديلات حديثة
أما المنكوبين الحقيقين أجو من دون شي حتى تياب ما معن يعني أيد من ورا وأيد من قدام الله يساعدن ويساعد العالم ويساعدنا |
رح حللك يا ها
انو ازا الك أخين واحد غني واحد فقير لما بتزور الغني شو ما قدملك بتقول كان بيقدر يقدم أكتر والفقير شو ما قدملك بتعزرو بتقول فقير ما معو ولبنانية ما لون غيرنا فلا تقيما من أرضا ..صغيرة.. بعدين تعا لقلك أغلبية يلي شفتون نسوان بالظاهر مرتب حالك فما حبو يقبلو بأي شي قدامك:king: |
عزيزي عندما تساعد أحدا فانك تعبر عن نفسك وشرفك وأصلك
وعندما تساععد لبنانيا فانك تعبر عن دعمك للمقومة و نحن لم ننس ما كان يقوله بعض اللبنانيين قبل أشهر ولكننا نكتشف يوما بعد أن غالبية اللبنانيين المغيبة يحبون سوريا ولكن الساسة المحنكين لعبوا بهم واستفادوا من جيشان عواطفهم بعد الاغتيال لذلك ادعوكم إى مساعدة اللبنانيين والتعامل معه بمحبة والرفق وتحمل هفواتهم لأننا نعرفهم أنهم ليسوا كلهم ايجابيين في تعاملهم |
اقتباس:
|
سيدي
بتعرف مين القال "كبير القوم خادمهم " وبتعرف المتل تبع العنزة بعدين زيارة بزيارة:D |
اقتباس:
عنجد ? :jakoush: |
إي والله هادا اللي صار وفي عظم من هيك بس مليت من الحكي عليون
|
:shock:
:shock: لا تعليق |
هلأ بيجوز كنت بدي قلك انك عم تكش لو ما شفت بعيني ...
اليوم جارتنا شافت لبنانية عم تبكي فسألتها شو بك مشان تساعدها ؟ فردت عليها : انا ما عم ابكي مشان الحرب بس انا عم ابكي لأني ايت على سورية واحتجت السوريين .. وحياة الرب يا شباب ... وروحو شوفو البحر عنا علي الحلال في لبنانية عم يصرفوا صرف اكتر من الخليج وشوفات شي بأواعي وشي بلا اواعي :p :o بس رغم كل وكل هالحكي انا ما فرقت معي وعم ساعد انا وكل عيلتي بدون ما احكي طبعاً لأنو هادا واجبنا والله ينصر لبنان يارب والله لا يحرم حدا من شخص غالي عليه |
اقتباس:
سماحة اعدرهم:D |
عزيزي كاتب الموضوع
ان مساعدة الأخوة اللبنانيين هي قضية انسانية وان ذكر مثل هكذا حوادث حصلت مع صديقك او عند الحلاق هي قضايا خاصة ولاتعمم فبسوريا في عالم مفذلكين كمان متل ما بلبنان في و بأي بلد بالعالم |
اقتباس:
|
هلىء صراحة صراحة
انا بشووف انو الله عم يوري اللبنانية انو كيف انتو مارضيتو السوريين ليك هنن هلىء انتو بحاجتن يعني قصدي مشان (الحريري) وهيك شغلات كبواا كلا براس سوريا وهلىء كل اللبنانين نزحووا هوونيك والله لو كنت انا رئيس دولة سوريا ماكن سمحت للبناني واحد يدخل لسوريا بعد الي عملوو وعلى كل حال متل ماقلت الله عم يقلوون انو انتو مارضيتو السوريين انتو هلىء عم تاكلوو وتشربوو من ارض سوريااا اصلا على شو شايفين حالوون اللبنانية ....... مابدي كتر حكي .. مع اني هلىء زعلانة على لبنان ..........بس فعلا ... مابيستاهلووو بس شكرا على الموضوع |
سوزي اللي عملوه اللبنانيين مانو جاي من ولا شي
حتى حكومتنا اللي بحياتها ما اعترفت باخطائها اعترفت انو صار في اخطاء بلبنان معناتها اتخيلي شو كانت حجم هالاخطاء السوريين ما قصرو باللبنانية وهاي كانت ردت فعل عن هالشي انشالله بعد اللي صار هلق بتصير الاوضاع احسن بين البلدين بس اعطيها شوية وقت لبين ما اللبناني يعرف انو السوري مستعد يساعدو والشي اللي عملوه من قبل هاد راح |
اقتباس:
|
اقتباس:
بصراحة معك حق يعني الكل مستغرب انو كيف نحنا استقبنالهم بعد كل الحكي اللي حكوا وصدقيني هلأ عايشين عنا عيشة نحنا مو عايشينا لأنو سورية شعباً ورئيساً اصيلين وبس |
والله كلامك صح يا اخ syria alasad
لأنو الشعب السوري اصيل بمعنى الكلمة والله يديم عليكن هل الرئيس وهل الشعب الاصيل تحياتي |
اقتباس:
رووووحييييي |
اقتباس:
كلك ذوق أخت سوزي خجلتينا بكلامك الحلو |
تسلم اخي
مو كلامي الحلوو عيونكن الحلوة :lol: |
اقتباس:
بس انت حلوة زيادة عن اللزوم :lol: |
اقتباس:
|
شكرا لألك اخي
كلك زووء |
انا حابب احكي شغلة او تعليق صغير
الكل اعطى رايو بالموضوع ....وفي ناس حكت من عواطفها ....وفي ناس حكت من عقلها بس انتو ملاحظين انو اللبنانية كلون ما بحبو بعضون ...يعني اللبناني ما بحب اللبناني شلون بدنا نتوقع منهون يحبونا ؟؟؟؟ ومشكورين الجميع:D |
اقتباس:
|
المشكلة انو حتى بالإغاثة في واسطة
الاغنيا بيستقبلو الاغنيا بالمزارع والفقرا المعدومين بالمدارس والمدن الجامعية اي ................دولاب |
صباح الخير للكل...
انا يمكن بعدني جديده على هالمنتدى وهيدي تعتبر اول رد على ايا موضوع بالمنتدى انا ئريتو ... يلي لفتني بهالموضوع انو كل شخص حكي عن شي خاص في او عن جاره شافا او عن رفيئ حكي معو او واحد شاف واحد عند حلاء... معليشي نحنا شعب كامل متل ايا بلد تاني فيو المنيح وفيو المش منيح وفيو يلي شايف حالو وفيو يلي مش شايف حالو وفيو يلي مفكرلي حالو شي مهم وهو ولاشي وماكنت بتوئع تحكو علينا هيك لسبب انو مش كل اصابيعكن وحده يعني مع احترامي الشخصي للكل ولاراء الجميع مالازم تجرحو بالحكي ومابئبل تئولو انو اللبنانيه مابيحبو بعضهن ليحبو غيرهن بالنهايه انتو حرين برايكن بس انا هيدا رايي وحبيت احكي بكل صراحه وعفويه لانو مافيكن تحكمو على شعب من خلال مثال او مثالين منو .... الله يعين لبنان لان يلي شفتو انا مافي حدا بيتحملو الولاد يلي راحو والناس يلي ماتت لازم نفكر بهالشي نفكر انو في ناس عم تروح بلا زنب مش نفكر انو والله جارنا مدري شبو والي عند الحلاء مدري شبو... عموما انا بتاسف على كلامي وسوري لو زعجت حدا وبحترم راي الكل بس حبيت احكي رايي مش اكتر.... |
خلصتم موضة السب في السعوديين .. جيتم في موضة السب في اللبنانيين ! :?
عجيب حالكم ! |
صدّقوووني بتجيكم موضه قريب تسبّون سوريا ! :shock:
|
يعني لازم تعرف انو مو كل الناس متل بعضا
لانو زي ما في لبنانية نازحين ((بمواصفاتك )) في ناس صامدين بأرضهم وما بدهم منية حدا ............................ مع احترامي لرأيك |
اقتباس:
|
| الساعة بإيدك هلق يا سيدي 05:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون