|
الوطنية موضة قديمة ؟!
تخلّت الشعوب العربية عن وطنيتها بعد تاريخ مليء بالخسارات والخونة والاستعمار، ولبست ثوب الدين، ليصبح المعيار لكل مواطن في الدول العربية، فلم يعد المصري مصري والاردني اردني والسوري سوري، الخ... ، بل أصبح المواطن المصري مسلم أو قبطي، والاردني مسلم أو مسيحي، والعراقي مسيحي أو مسلم سني أو مسلم شيعي، وحتى المقاومة الشعبية التي كانت يوما ما في سبيل الوطن باسم الوطن، أصبحت باسم الدين في سبيل الدين، وكأن الوطن تحول الى جامع أو كنيسة!!! كما يحدث في العراق وفلسطين ولبنان.
تبرأوا من تراب الوطن، وأصبح الجهاد لله... من سيعيد لنا انتماءنا ووطنيتنا؟ الانسان انتماؤه الوطن... والدين انتماؤه قلب الانسان .. ملاحظة:وضعت الموضوع بتجرد عن اعتقاداتي .. ومع احترامي لاعتقاد كل انسان مع الشكر. |
:confo: ممممممممم.........يعني مابعرف شو بدي قللك ...كلامك صح وسليم ...بس شو بدك تسااااوي اذا كان هادا الوااقع ......:(
هوو صحيح الوطنية صارت موضة قديمة ........بس مو هي اللي هيك صارت ..نحنا اللي خليناها قديمة وبدون معنى .....لانها صارت شعارات بدون عمل ...قول بدووون فعل ;-) شكرا عالموضوع ....:D |
اقتباس:
وشكرا على مشاركتك :D |
اقتباس:
كلامك صح احنا السبب عمالين يفصلو ويخيطو وحنا ساكتين لاناهي ولا منتهي لحد فين يا امة افيقوا يا عرب :jakoush: :jakoush: :jakoush: :jakoush: :jakoush: :jakoush: :jakoush: |
اقتباس:
اقتباس:
اقتباس:
اقتباس:
|
اقتباس:
|
اقتباس:
قصدك انو الموضوع منقول ؟ او انو شي حدا طلب منك تكتبي وجهة نظرو؟ بس ع فكرة، وجهة نظرو رائعة جدا |
اقتباس:
وشكرا لك . |
يا عزيزتي انتي حطيت اليد على الجرح،
الانسان انتماؤه الوطن... والدين انتماؤه قلب الانسان... المشكلة يا عزيزتي انو البشر نسوا مفهوم او خلينا نقوم المفاهيم متل الوطن والمواطنة والوطنية، وراحو يركضوا وراء الامور الخرافية والغيبيات، كون الانسان ضعيف ويؤمن بسرعة بهيك امور خارج نطاق علقو المحدود والمتجارة في هيك امور دائما رابحة، المهم يا عزيزتي بدنا بالاول نفهّم الناس شو يعني الوطن وشو يعني الوطنية، لحتى نقدر نرجّع الانتماء الصحيح للوطن. سؤال ع الماشي: هل يمكن لدين ان يكوّن وطن ؟ وشكراً ع الموضوع :D |
بطبيعة الحال أنا مع مقولة الدين هو أفيون الشعوب ولكنمن هو الذي يوفر هذه المادة وهل لنتخلص منها نجيء بال الاسد أم نأتي بنبيل فياض ليعلمنا العلمانية بتحريراته من أفرع المخابرات .
من هو الوطن الذي أنتمي إليه سوريا الأسد ام سورية العربية أم الفينيقية أم كردستان سورية . |
اقتباس:
هيك حاف مو صعبة كتير، يعني قبلك الفيلسوف "اندريه بارو" قال: "لكل انسان على وجه العالم وطنان، وطنه الاصلي، و سوريا"... هلأ نحنا عنا مشكلة بحيث انو كسوريين ما عنا وطنين، بل وطن واحد، و فوق هالشي حضرتك ضايع ؟؟ |
اقتباس:
الوطن وطن بتعيش فيه وبعيش فيك.. أما الدين فهو علاقة الانسان بربه. وشكرا عالمشاركة.. |
نحب الحياة
تحياتي Nirvana بالفعل موضوع مهم .....
أنا ما رح ضيف تعليق من عندي ع الموضوع ...بس حبيت أنقل هالمقال اللي هو بينقل وجهة نظري ( يعني كلو عم ينقل كلو :lol: ) ========================================== *بقلم سليم البيك الحوار المتمدن - العدد: 1445 - 2006 / 1 / 29 نحب الحياة في زيارة إلى مدارس "خاصة" باللاجئين و الأقليات في بروكسل, دخلت و رفيقة بلجيكية إلى صف لطلاب في المرحلة الإبتدائية أسألهم عمن يعرف شيئاً عن فلسطين. أدهشتني كثرة الأنامل المرفوعة بحماسة ليقدموا لي أجوبة مفرحة في معظمها, و لكنني الآن أذكر أنه لم تلفت نظري اجابة كتلك التي قالت بأن الفلسطينيين يقاتلون "لاسترجاع المساجد من اليهود!" كان رد فعلي بأن نظرت إلى الرفيقة و إلى المعلمة و ابتسمت ثم قلت: الفلسطينيون يقاتلون لاسترجاع بلدهم بما فيه من منازل و مدارس و حدائق و ملاهي و أيضاً مساجد و كنائس.فلسطين ليست مساجد, هي أكثر من ذلك بكثير, هي وطن بكل تفاصيلها, و بكل تفاصيله. و نضالنا ليس لاسترجاع مساجدنا, بل سماءنا و ماءنا و أرضنا, و على هذه الأرض الكثير, مساجد و غيرها. نجح الإسلامويون نسبياً في نقل هذه الصورة المشوهة و التسطيحية للنضال الفلسطيني و لكلمات كـ"وطن" و "حرية", بالمفهوم الفلسطيني, إلى العالم, فكأن أصل الصراع هو ديني, بين المسلم و اليهودي, و ليس احتلال و تهجير و اضطهاد و عنصرية و رأسمالية... و المسؤولية هنا تقع على عاتق التنويريين و العلمانيين الوطنيين لإيصال الصورة الواقعية و العلمية للصراع إلى العالم, يذكر هنا أن المطلعين على القضية الفلسطينية من ناشطين سياسين و مثقفين في العالم يعون طبيعة الصراع أكثر من "الأطفال"! نحن نقاتل لا للتفرغ للعبادة, و لا حباً بالموت أو الشهادة أو جنة السماء و لا للسلاح أو المقاومة, بل نقاتل و نقاوم حباً في الحياة, و الحياة فقط على هذة الأرض, فـ "على هذه الأرض ما يستحق الحياة", نقاتل لننتشي بلذة الحياة في فلسطين, نحب ابنة البلد, نأكل كبة نية, نستيقظ مع الشمس, نعمل لبناء مجتمع, ننتخب من نريد, و نصلي في المساجد و الكنائس, لمن يريد. علينا القتال بكل ما توفر لممارسة ذلك في وطننا, في جنتنا على الأرض, فكما سطر غسان كنفاني: " لن أرتد حتى أزرع في الأرض جنتي, أو أنتزع من السماء جنتها, أو أموت, أو نموت معاً". ذكر ادوارد سعيد غير مرة قصة ذاك الأسير الفلسطيني الذي واظب سجانيه على إسماعه و بصوت عال و مزعج مقطوعات موسيقية كلاسيكية أثناء التحقيق معه و التعذيب, فخرج الأسير من سجنه كارهاً و غير محتملاً موسيقى بتهوفن, كما اشتكى. هذا ما يحاول الصهاينةً عمله, قطع العلاقة الجنينية و الحتمية بين الإنسان الفلسطيني و الحياة للوطن الفلسطيني, و هو ما يحاول التسلل إليه داخل أقبية التحقيق و خارجها, ألا نطيق الحياة فندفع أنفسنا للهرب منها لنجد الموت منفذاً لنا. هم عابثون بمحالاواتهم تلك و إن نجحوا, من ناحية, مع ذاك الاسير الذي حمل ما لا يحمله جمل. بالمعنى الكلي, الفلسطيني عاشق للحياة و هذا منبع ثورته و انتفاضته و اصراره على النضال حتى للحظة. يذكر هنا الوحدة الإندماجية الرائعة في الشعب الفلسطيني بين الجزء, أو الفرد, و الكل. فذاك الفدائي الذي يحمل "روحه فوق راحته" وهو العسكري و الصحفي و الفنان و الأديب و كل إنسان يعي فلسطينيته بطريقته, ذاك الفدائي, الفرد, يقدم دماً و روحاً على مذبح الحياة, حياة الشعب ككل. أذكر رسماً كاريكاتورياً لناجي العلي, يظهر الرسم مجموعة من أهالي أحد المخيمات الفقراء يحملون لافتة من قماش, ممزقة و مبرقعة طبعاً و تستخدم كغطاء أثناء النوم, كتب عليها "تعيش الطبقة العاملة", فيرد حنظلة: "يلعن أبو هيك عيشة". لن نقبل "عيشة" كهذه, احتلال و اضطهاد و استغلال و فقر, فمن الطبيعي أن نفكر و نعمل و نناضل لما هو أفضل, و بالطبع لن نفكر بالنضال من أجل الموت, فيا عالم انتظر, لا أقول الثورة, بل الاستمرار الدائم للثورة و انتفاضاتها. نطق محمود درويش باسمنا حين تألم: "نحب الحياة إذا استطعنا إليها سبيلا" و لا سبيل لنا إلا إليها. |
اوووف
شي هالسليم هاد؟ خرط مشطي تمام والله عملية "كوبي بيست" هائلة خيي حشت نشت، يعني من المحال اني عبر عن هالافكار يلي كتبها باقل من عدد الحروف يللي كتبها و هي "سليم البيك" بغوغل، لنفهم شو قصتو هالزلمة |
اقتباس:
|
اقتباس:
ماعاد قيمة للانسان على انه مواطن اكتر مو هو محسوب على الطائفة والمذهب ساقطون لامحالة تحياتي لك على الموضوع |
اقتباس:
|
اقتباس:
فيك تنتمي لسوريا فقط الا اذا كان بدك سوريا يلي راسمها براسك |
سوريا يلي راسمها براسك[/quote]
أكيد مارح تكون سورية الأسد |
اقتباس:
رح قلك شغلة انت يا عامل اقتباس موظابط معك يا عم تتهمني انو يلي براسي مو سورية الاسد على كل حال رح جاوب على الاتنين اذا كان بتقصد انو ما بدك سورية الاسد هي فهمناها لانو الكل هيك او الغالبية واذا عم تتهمني فانا ماني سائل لانو سورية مانها ملك لبيت الاسد سوريا لكل سوري |
والله معك حق بس بقلك شو هوي سبب تخلفنا
أنا برأي هو عدم وجود الحوار حتى بين الناس العاديين بســـــــــــــــــــــــ ـــــــــــــــــــــــــ ـــــــــــــــــام 007:gem: |
يعني لو سوريا بتتبع الحوار كمنطلق وبتتقبل الرأي الأخر كنا هلا متل الدول الأوربية
بس على كل حال نحنا منضل أفضل من العراق أو لبنان أو الأردن أو مصر بســـــــــــــــــــــــ ـــــــــــــــــــــــــ ـــــام 007:gem: |
اقتباس:
|
اقتباس:
طيب والعقول البالية وين راحت ويلي كل واحد ماسك الدين من دنبو وماشي مو عرفان وين الله حاطو اقتباس:
والراي الاخر شو رح يكون ....انا بقلك ....راي الكلاب يلي مع الاميركان وما حدا افضل من حدا كل بلد فيها المنيح والعاطل واذا عم تقارن بالافضلية كلو اضرب من بعضو |
شوي شوي علي
بالنسبة للسؤال الأول سوريا أحسن من العراق لأنو شوفي بالعراق كلو قتل على الهوية والشيعي بيقتل السني والعكس صحيح وشوفي لبنان قديش في طائفية وقديش في حروب أهلية كانت وكل شوي بتأزم الوضع وجري على هيدا الأردن يلي لولا أمريكا كان شعبها بموت من الجوع وهيك مصر بدك أكتر من هيدا بســـــــــــــــــــــــ ـــــــــــــــــــــام 007:gem: |
بالنسبة للسؤال التاني: مظبوط معك حق نحنا تمسحنا وأكتر بس معقولة ننسف كل شي بنينا خلال 40 سنة من الإيجابيات مع العلم انو السلبيات كتيرة كمان بس الحكي الصح انو لازم نزيد الإيجابيات على حساب السلبيات بعدين ما بصير نخون أهل البلد اللي بيطلع رأي ضدنا كلنا أبناء سوري مثلأ أنا بطالب بالتحرر السياسي والقتصادي مو يعني اني عميل للأميركان أو لإسرائيل
شو رأيك بســـــــــــــــــــــــ ـــــــــــــــــــــــــ ــــــــــــــــــــام 007:gem: |
اقتباس:
بس ما تنسى كمان انو العراق كانت بلد الحضارة ومطمع لكل الناس، صار فيها هيك بعد سقوط صدام ، يعني بكرا اذا سقط الرئيس رح بصير بسوريا نفس الشي لأنو في ناس مستنيين على نار.. وسلامة فهمك ;-) بالنسبة للبنان وقفتهم هلأ بالرغم من الآراء المختلفة عم بيدل انو تعلمو من تجربتهم وعم بيعززو الوحدة الوطنية. أما بالنسبة لمصر فشعبها ميت من الجوع وحتى امريكا مو قادرة اطعميه .. بس مصر بلد الفنون والتاريخ اللي مو كلو مشرف .. بس فيو ومضات ضوء . أما الأردن،، اذا بالقمحات اللي عم بتوديهم اميركا مو مشكلة بنرجع ناكل شعير.. بس اذا بدك تقارن بين جوع الشعب الأردني وجوع الشعب السوري.. فراح يبين معك مين شبعان أكتر.. والاردن اذا دعمتها اميركا .. سوريا بتدعمها دول تانية .. وما تنسا كتير من العمالة السورية بتجي لتشتغل بالأردن مو العكس. فالحال من بعضو .. وما حدا احسن من حدا. وأنا أكيد عم ناقشك بالوضع الداخلي لا أكثر مو بالمواقف الدولية .. ويا ريت اي حدا بيقرا هالرد .. يلاحظ انو ما عندي شي ضد سوريا بل العكس تماما بس عم حاول رد عالأخ. |
اخي متل ما قلت شوي شوي
اقتباس:
بس بسوريا هون لسا المخابرات عنا ضابطة امور البلد شوي ...بس اذا قلبت المنقلة شو رح بصير ؟؟؟ ولا تتهم دولة اذا ما عندها اقتصاد قوي الاردن 80% صحراء ...وين الزراعة ؟؟ ومصر شعبها محشش وبيفطر وبيتغدى وبيتعشى حشيش شو بدك تتوقع منو ولبنان شعبها وعي على الدم والحرب الاهلية والعراق كان فيها اضطهاد اطائفة بتشكل 40% من الشعب اي تركيبة عجيبة اقتباس:
وبالنسبة للخيانة انا ما عم خونك بس في كتير بدون اميركا وهدول انا فكرتون الراي الاخر يلي عم تحكي |
والله كلك مفهومية وأنا معك بكل حرف قلتي بس دخلك رح قلك شغلة
مين عميأوي اللبنانيين هلأ........... مين أوى الفلسطينيين اللي كانو واقفين عالحدود الأردنية شهر.................. مين أوى أكترية العراقيين اللي هاجروا والله شايفلك سوريا صارت مو للسوريين مين باسو لشارون ومين عانقو لأولمرت و شمعون بيريتس ومين قال انو مافيني دخل الجيش بحرب بشان شعب لبنان(مصر) بســـــــــــــــــــــــ ـــــــــــــــــــــــــ ــــــــــــــام 007:gem: |
يا أختي معك حق
بس منضل هيك أحسن دخلك شو صار سنة1980 مكان رح ينباد طائفة كاملة بسوريا بسبب التعصب والجهل ولولا المخابرات والرئيس كانت توقفت شي بســـــــــــــــــــــــ ـــــــــــــــــــــــــ ـــــــام 007:gem: |
اقتباس:
أما بالنسبة للاجئيين الفلسطينيين يا ريت تجي عالأردن وتشوف.. لانو الفلسطينية اللي بالأردن أكتر من الأردنيين نفسهم.. ومو بس قاعدين بالبلد ومعهم جنسيات كمان. والعراقيين اللي بالأردن أعدادهم حدث ولا حرج .. واللبنانيين كمان.. يعني بالنسبة للاجئين الحال من بعضو مع اختلاف العامل الجغرافي والمساحة. فسوريا اذا الها أفضليا بشي وبشي تاني لأ.. |
معك حق ما رح قول إلا هيك بس الحمد لله أنا لساتني على رأيي انو نحن أحوالنا كويسة بس مو كتير بس عندنا الإرادة لحتى نتغير
بســـــــــــــــــــــــ ـــــــــــــــــــــــــ ـام 007:gem: |
اقتباس:
اي وشو عملت هال الطائفة ؟؟؟ولا نسيت ؟؟او انك منهون;-) او بتحب بذكرك بعدين تنباد طائفة ...مو احسن ما تنباد البلد كلها |
أنا أسف كتير اول شي
بس معلش ذكرني شو عملت هالطائفة لأنو ما بعرف بس أذابتريد بلا تجريح ظائفة فأنت أخي أمنت باالله أم أمنت بالحجر بســـــــــــــــــــــــ ـــــــــــــــــــــــــ ـــام 007:gem: |
اقتباس:
وهي المقولة لجبران وانا ذاكرها بالمنتدى كتير فيك تبحبش منرجع للموضوع هي الطائفة يا معلم هنن الاخوان المسلمين..وهدول فجروا بالبلد كتير بالشام وبحمص وبحماه وبحلب واشهر حادثة الون هي حادثة الازبكية بالشام والاثار موجودة لهلأ وبعدين فجروا باصات فيها ولاد واذا وحدة ماشية بالشارع ومانها محجبة كانو يسبوها وكانو يغسلو دماغ الشباب على اساس هنن الصح ....وكتير شغلات انت اكيد بتتذكرها لاني حاسك منهون فشو رايك بهيك طائفة ؟؟؟يا ترى مؤهلة انها تعمل انقلاب وتستلم البلد ؟؟ واذا استلمو رح يرجعونا لورا اكتر ما رجعنا العثماني..انا هيك شايف |
يبدو في غلط بالفهم لأنو أنا عمأحكي عليهم ليش مفكرني منهن أنا ما ني منهم وبكرهن كتير
أنا بوافقك تماما على ما قلتو لأنو الطائفة اللي تعذبت أمتر شي منهن هن العلوية وأنا منهم فما في اختلاف بيناتنا ولا شو رأيك بســـــــــــــــــــــــ ـــــــــــــــــــــام 007:gem: |
اقتباس:
اقتباس:
اقتباس:
ومن فمك ادينك ....اذا كنت خايف على الطايفة وبتكرها بنفس الوقت شلون زبطت معك ؟؟؟;-) وليش بدك تغير اذا الحكم بايدكون؟؟؟;-) |
انا ياجماعة راح اعطيكن ملخص حياتي بجملتين وبعدها يتعرفو ليش حاسس حالي بلا وطن
واذا كان الوطن هو يللي عم نشوف هلق شو عم يصير فيه فما بدي هيك وطن الجملتين بسوريا انا مسيحي و 90 بالمية من البشر بيحسسوني كل يوم انو هاد مو وطني وبرا سوريا انا عربي وسوري والناس بيحسسوني انو هاد بحياتو ما راح يصير وطني وانا بدي قول وبكل قرف وازدراء يلعن ترابك يا وطني ما بدي ياك |
اقتباس:
بس بدي قول كلمتين وما تعتبرهم مني تنظير.. لأنو احساسك لا بزايد عليه ولا بنظّر.. بس حابة قولهم .. إنو الوطن مهما كان قاسي بضلو وطن .. وغيرو ما رح يصيرلنا وطن .. لأنو ان رحنا أو اجينا ما في غيرو النا.. واذا كان في 10% من هالوطن بحسسوني بإنو إلي قيمة واني منهم فأحسن من أنو أكون لوحدي. والوطن ذكرى حلوة بذاكرة الواحد ، حنين لأشخاص وأماكن بقلب الواحد .. حرام تكفر بتراب وطنك .. اذا الناس اللي فيو عم تظلمك .. فتراب الوطن مستحيل يعمل فيك هيك .. تراب سوريا بتمن بالدهب .. وانت مو بحاجة لتسمع هالحكي مني لتعرفو .. لانو لولا هالشي اللي عم بتحسو هلا كنت قلت انت نفس الشي . مع الشكر انك تحملت كلامي ..:pos: |
اقتباس:
لأنو هاد الإنسان أتفه من انو يفهم شو يعني وطن و ما عندو أي شعور بالوطنية فلا توحع راسك و لا تهز بدنك مو مهم شو بيحسسوك العالم , المهم أنت شو حاسس و إذا أنت عندك الإحساس باوطنية فما في شخص بيحسن يقلك إنك مو مواطن و لا تسب الوطن مشان كم واحد تافه عايش فيه |
| الساعة بإيدك هلق يا سيدي 08:38 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون