|
لما نصير بني آدمين ..
كيف بدنا نصير بني آدمين .. اذا كنا بكل مكان من هالدول العربية ما بنعرف غير الانشقاق والفتن ويا ريت على شي محرز؟
يعني.. في لبنان كل المسؤولين وأصحاب السلطة عم بوعو الناس من أنو تصير فتن مرة تانية بالبلد أكتر من أي شي تاني ...(مسيحية .. سنة ...شيعة). في العراق ... الفتن شغالة وفي حرب أهلية مع انو الكل لسه عم ينكر هالشي.. لكن كلو صار واضع .. مية ملة ( شيعة .. سنة .. وأكراد .. وما بعرف شو) في مصر " على مستوى الكنيسة القبطية" ظهر كاهن منشق عن البابا شنودة وبدو يعمل كنيسة لحالو .. في الأردن عنا .. شغالة ( مسلم - مسيحي ... أردني - فلسطيني .. أهل الشمال - أهل الجنوب ) .. يعني على ودنو .. وفي بقية الدول العربية هالعنصرية شغالة عالداخل .. يعني اجتماعياً.. وأحياناً بتطلع لبرا تفضح .. اللي بدي أوصل إلو : كيف أمة مقسمة أو دول ممزقة من الداخل بدها توحد صفها لتحقق شي أو تتحرر؟.. خليها بالأول تحرر حالها من جوا من قيود العنصرية والتمييز .. بعدين ممكن تقدر تعمل شي باللي برا .. |
على كل حال انتي كفيتي ووفيتي وانا ا بعرف شو بدي علق
بس الموضوع صحيح وانابشوف انو لنخلص منو لازم يصير فينا متل اوروبا يعني شي حربين عالميتين يموتو فيها نص البشر ع كم حرب دينية طائفية خلي البشر بعدها تفهم انو لا الدين بيفيد ولا تعزيز الشعوبية بفيد كمان بس الحود الله ما راح يضل معنا وقت نعمل هيك حروب لانو اسرائيل بدها تدعس ع راسنا قبل بقى المشكلة ازلية وما راح تنحل |
اقتباس:
بس معك حق .. :cry: هاي المشكلة بالصميم .. صعب استئصالها إلا بمشرط جراح متل اسرائيل وغيرها. |
اقتباس:
هي الحقيقة يعني شوفي اوروبا وشو يللي خلاها تتحول؟؟؟ المنطقة ما عاد تترتب الا ما تولع كلها وتترمد وبعدها تترجع تتعمر (ويتعمر الانسان قبل الحجر) |
اقتباس:
شو بدي قلك .. آخ يا عرب..:cry: |
أنا كنت ب سويسرا من كم يوم ... في مدنية قد اللاذقية اسمها بيرن .. و في مدينة اسمها زيوريخ و في مدينة اسمها جنيف .. مقدمة لابد منها ..
بكل مدينة تقريبا في لغة غير التانية ... سويسرا من أصغر دول العالم ...في ناس بيحكو ألماني و ناس ايطالي وناس فرنسي .. مع اللغة بيجي ثقافات مختلفة و تاريخ مختلف .. مع كل هالاختلاف سويسرا موحدة .. أصلا مو محرزة ينقال عنها موحدة .. كلها قد الكمشة .. بس تعال على الاقتصاد و الحضارة و الثقل العالمي .. بتلاقي سويسرا أهم بكتير من كتير دول. الخلاصة : الأهم هو ارادة العيش المشترك .. لا التاريخ "المجيد" المشترك و لا الحاضر " المشرف" ولا بقايا اللغة ... صار لازم نقتنع بانو العروبة فكرة استعمارية " حسب نظرية المؤامرة" .. وصار لازم نفكر بمصالحنا المشتركة وارادتنا بالتشارك بالمصالح دون التغني و التباكي بأمجاد كلها كذب ودجل و دس. |
اقتباس:
همها تاكل وتشرب وتنام وما بعدي الطوفان .. وسويسرا تعقيباً لكلامك .. أكتر الدول حيادية ..يعني مو بس ما في تمييز بالداخل .. ايه حتى بالخارج .. !!! |
العنصرية موجودة بكل مكان مو بس عند العرب...و زي ما حكيتوا الحل ببدا من جواتنا...
و آآآآخ يا عرب |
اقتباس:
شو المانع نتقاسم لقمة العيش ؟؟ المانع هو الجشع , مو ؟ |
اقتباس:
|
اقتباس:
|
العلمانية هيي الحل الاشمل والافضل للشعوب العربية مساواة كل انسان مع التاني
لادين ولاطائفة وجنوب ولاشمال كله بالعلمانية واحد تحياتي |
اقتباس:
|
معك حق نيرفانا، كل شي حكيتي صح، بعدين لاتنسي إنو الحكام العرب بهمن يضل الوضع هيك، مشان اسرائيل اللي حطتن عالحكم تضل مسيطرة عالعرب، ما سامعة بالمثل اللي بقول فرق تسد؟؟؟
بعدين اللي حكاه كونان صح، و تأكيدا لكلامو، من كام يوم شفت عالmbc4 برنامج 20/20 و كان موضوعو عن الفرقة بالشعب الأميركي، بس مو تفرقة عنصرية(أبيض و أسود و هندي...) لأ، بس تفرقة بالحزب، قالوا إنو من شي 30 سنة كان بالمنطقة الوحدة الفرق بالأصوات قليل، بس هلأ الفرق بالأصوات زاد، يعني صارت المناطق شبه مقسمة، بتلاقي الأغلبية جمهوريين أو ديمقراطيين، مافي توزيع وسط، فكمان عندن عمبصير تمييز، بس الفرق بينا و بينن، إنو هنن عمبحاربو هالشي، و بحاربو من أولو، نحنا لأ، منوقف مع اللي من ملتنا و مننسا الباقي، لأن هيك انزرع فينا، هالأصوات اللي عمبتنادي للعدل، أصوات قليلة و لا يمكن تنسمع بالميمعة العنصرية تبع الشعب العربي، فالمفروض الأجيال الجديدة هيي اللي تغير. |
اقتباس:
الثقافة والوعي ما بدها مصاري وأكل.. بدها انسان يحب وطنو أولا ويخاف على مصلحتو . شو دخل الفقر والغنى ...؟ الثوار دائما بكونو الفقراء...!!! |
اقتباس:
|
اقتباس:
|
اقتباس:
|
اقتباس:
مطول عمرنا عم ندفع التمن .. خلينا شي مرة نضحي لأنفسنا .. خلي تراب الوطن يرتوي بدمنا بدل ما اسرائيل وأميركا وأصحاب الكراسي يمصو دمنا كلو. |
عمي بالمختصر المفيد العالم الغربي قام على نقد ذاته نقد بناء ابعد رجال الدين والابتزاز الديني واعطى القيمة لانسانية الانسان ولحقوقه بينما العرب اي نقد ولو على حق بيعملوه محاولات انقلاب وتكفير وزندق العرب يعانون من الامرين الدعارة السياسية والدعارة الدينية لما الشعب العربي بطل يسجدو يخنع لرجال السياسة صار يخنع ويخضع لرجال الدين
مال الله لله ومال قيصر لقيصر تحياتي |
اقتباس:
لانو الشعب أول ما بيفتح تمو .. رح بكون على هالحكام ... |
اقتباس:
الجملة هيي قالها السيد المسيح لذلك هي مو بس حكيمة هي مقدسة كمان تحياتي |
مرحبا شباب وصبايا :D
هاد المضوع عجبني كتير لانو عم يسأل الواقع هلأ الحكام عنا من الشعب بس كيف صارو حكام ؟؟ اكيد كلنا منعرف ..يا انقلاب عسكري يا وراثة بالكراسي وهي صرنا نحزرها على الغايب من قبل ما يطير الرئيس او يموت الملك;-) بس يلي بدنا نعملو نحنا شو هو ؟؟ يا ترى قادرين نوقف بالوجه من دون مساعدة اجنبية ؟؟اكيد لا بس اذا وقفنا وعملنا ثورات (نحنا الشعب) ما راح تزبط معنا الا بحالة واحدة انو ننسا الدين وننسا التفرقة العرقية (يعني سوري -حلبي -حمصي -لاذقاني)(اردني- فلسطيني-) وفي شغلة اساسية انو الحكومات الغربية تستغني عن الحكام يلي الها مصالح معون |
اقتباس:
بس يعني الشعب المسكين بدو يثور جوا ويحمي حالو ويدافع من غضب الدول الأجنبية اللي مو بالساهل راح تبيع عملاءها (الحكام)، وتتقبل خسارة مصالحها . وشغلة ننسى هالتفرقة أصعب لانو صارت تتدخل بكل ناحية من حياتنا .. بدون وعي عم نكره الآخر شو ما كان .. |
اقتباس:
ونحنا هلأ من واجبنا انو نوعي حالنا واولادنا بس في عنا مشكلة الاصوليين ؟؟؟ وراسهم اليابس |
اقتباس:
والراس اليابس يمكن يغلّبنا شوي بس بالآخر بليييييييييييييييييين. مشكور :D :D :D |
اقتباس:
|
انت صاير دينك ومعبودك نكش المواضيع
طب اتحرك واكتب شي جديد حاج اثار |
اقتباس:
بعدين يا اخي بحب كل شي قديم مو بايدي :p |
الإيد عالجرح
اقتباس:
هذا هو الحل الأمثل تحياتي |
شعب تعود على شرب المتة وفصفصة البزر والبكاء على الأطلال أي غير الله ومعو لكل مواطن عربي نبي وشي 500ملاك مارح يزبط الوضع ................:p
ولك فيقو يا ناس:yahoo:وكل ماإلو الوضع عم يصير أسوأ.... والعالم العربي عم يسير بسرعة الضوء بس لورا:jakoush: ورح أختم بقول للشاعر مظفر النواب هذه الأمة لابد لها أن تأخذ درساً في التخريب |
| الساعة بإيدك هلق يا سيدي 04:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون