|
الحيوانات البشرية
الى جميع الاخوة
انا اولا اعتذر من كل انسان من الممكن ان يتاثر وينزعج من هذا المشهد. الرجاء عدم السماح للاولاد برؤية هذه الوصلة. القتلة في هذه الوصلة لا يكفون عن القول الله (و) اكبر .... والله بريء من هؤلاء . لكن السؤال الذي يطرح نفسه من اين لهم الشجاعة (الحيونة) على فعل هذا ؟؟؟ انا كمان دور بعتذر من كل شخص ممكن تنخدش انسانيته. اليكم الوصلة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
طيب الهمجية ما اختلفنا عليها....بس ما فهمت ليش بحوار الأديان الموضوع :confo: :confo:
|
العزيز yass
سألت طيب الهمجية ما اختلفنا عليها....بس ما فهمت ليش بحوار الأديان الموضوع معلش هذه مش همجية، انا الصراحة بعدني لهذه الساعة مش ملاقي كلمات توصف هذا العمل. ومش ملاقي كلام اصف فيه مرتكبي هذه الاعمال. بتسألني ليش بحوار الاديان ؟ لانو هون محلها 100%. |
و ليش هون محلها يعني؟؟؟ ليش في دينين يختلفوا على أنو هالتصرف همجي؟؟؟ ما فهمت يعني...
|
أخ بشارة الصراحة أنا ما بفهم من حكيك أنو الموضوع هون محلو .. غير لأنو الشاب عم يقولو الله أكبر فهذا يؤدي انهم مسلمون وهذا يؤدي أن هذه نقطة للهجوم على الدين الاسلامي وفتح نقطة صراع جديدة .. أنا هيك بفهم من رأيك أنو هيك محلو وتركيزك على كلمة الله أكبر ...
وبالمناسبة هيك وحوش في منون بكل دين وكل فئة وكل مجتمع وهالشي مو مرتبط بدين ولا بأي شيء .. لأنو أي دين (بغض النظر سماوي ولا موسماوي ) المفروض يكون انساني .. يعني أنو يكون سبب انتشارو هوي لوجود مبادئ انسانية .. وهيك عالم أديانها برئية منها .. وما بيصير أنو ننسب هالتصرفات لحقيقة أي دين .. بس مشان نفتح موضوع نقاش .. عيب يعني .. |
الاعزاء
انا ما عم بحاول افتح موضوع للحوار وطق الحنك وضعت الوصلة حتى الناس تشوف بشاعة انصار الاسلام ومعلش تعمموش مش بكل دين اليوم بتشوف هيك وحوش. مع تحياتي بشارة |
اقتباس:
ومتل ماني شايف انت من الجليل, أعز صحابي هون باسبانيا من الجليل...من سخنين تحديدا.... طاب يومك يا معلم... |
اقتباس:
على مبدأك لازم اعتبر المسيحيين وحوش .. بس انا ما بحسب الأمور متلك .. لأنو اللي متل هدول اللي بالوصلة اللي انتا حاططها .. واللي متل بوش .. هدول الله والأديان والبشرية برئية منهن .. ولايمكن تصنيفهم تحت أي دين أو أي شيء .. يعني لا يسيئون الى الدين الذين ينتمون اليه .. لأنه بريء منهم .. أنا بالنسبة لألي كمان اعتزلت عن الرد على الموضوع .. الا في حال كان ردك موضوعي .. بدك تعتبرو تهرب .. اخي تهرب .. لا تواخذونا .. :D :D :D |
الاعزاء
عاشق من فلسطين و yass بشكركم على ردودكم . وزي ما قلت انا هذا الموضوع مش حاطوا للنقاش. عندي سؤال واحد من اين لهم هذه الحيونة حتى يعملوا هيك شي؟!!! شكرا بشارة من الجليل |
طيب عم تسأل و أنا بجاوب.....
الهمجية جاية من اضطراب نفسي ينتج شعور بالنقص أو بعدم الأمان , لأي سبب كان , هالشي يشكل تعصب لفكرة أو ديانة...أو حتى لنادي رياضي ( لما لعبو الليفربول و الجوفنتوس من 20 سنة ماتو 30 واحد, مثلا) التطرف يعطي لهالشخص شعور بالأمان , بالحماية, بالراحة.... التطرف أنا بحب اسميه سرطان الدين...لأنو فعلا يشبه السرطان.... يعني ما فيك تحكي عن دين بأنو همجي لأنوهالهمج هدول عم بيساوو اللي ساووه....و التطرف والهمجية موجودة بكل الأديان... ماحدا أحسن من حدا. أساسا أكبر الجرائم و المجازر بالتاريخ ارتكبت باسم الأله و باسم الدين....وعم بحكي عن كل الأديان بدون استثناء |
العزيز yass
بعد ما قرأت كلامك ، شاهدت المشهد وعملية القتل كمان مرة. هذا مش قتل عادي عزيزي ولا قتل عنشان شويت حماس فوتبول. دول على البُريد وياللي بيذبح ايده بترججش ومش بس هيك هذا مستمتع "مبسوط اويه بالسكينة" الصراحة وانا عم بكتب وعمالني اتذكر مشهد القتل ، مصاريني من جوه بدها تطلع. فما تقولي تطرف مثل كل انواع التطرف. وما تقولي انو هذا موجود في باقي الاديان. (ملاحظة - صدقني لو اطلقوا الرصاص عليه وهيك قتلوه ما كانت رايح اوجعلك راسك...) تحياتي بشارة |
طيب و أنا كمان شفتو...بس ماني فهمان شو دخل يعني
يا صاحبي ما يجوز تربط هيك همجية و هيك اجرام بديانة...أيا كانت هالديانة, ما بيصير تحكم عالأسلام بأنو دين همجي لأنو هاد المجرم عمل اللي عملو....حرام عليك.. أساس أي معتقد ديني معروف بالنسبة لألي هوي التسامح و الرحمة....مو هالفعل هاد برجع و بقول... التطرف موجود بكل زمان و مكان .... و غلط كبير أننا نربطو بديانة ما....و لا تفكر كمان أنو حكيي مجرد دفاع عن الاسلام....لأنو من كام يوم كمان عضو يدعي الاسلام ربط الديانة المسيحية بجرائم الاحتلال الامريكي للعراق....و أول من رد عليه بهالنقطة شخص مسلم أتمنى تستوعب كلامي منيح تحياتي |
العزيز yass
هذا رأيك، وانت حر. الحكي بينتنا عم بصير مثل قصة بريق الزيت. تحياتي بشارة |
dear bshara
the terrorists would like to promote these videos and put them on the web to inflict psychological damage this way u r giving them some good help DO NOT SPREAD THESE VIDEOS!! |
اقتباس:
بتصوري انو حكمك غلط 100 بل 100 و ما بيحقلك توصف الأسلام كلو بالهمجية منشان شوية عالم بيدعوا الأصولية و الأسلام و بتوقع هدول جماعة اي دين بيتبرأ منن و ما بيمدو لتعاليم هل الدين بأي صلة يعني اذا الموضوع بالحوار كتير زاعجك ما بتوقع انو من الصواب أنك تلجأ لهيك اسلوب بينزل من قيمتك و من قيمة دينك و مبادىء دينك الأساسية يعني وين المحبة و التسامح انا بتمنى تراجع نفسك منيح و تعرف وين عم تحط رجليك أحسن ما دينك يتبرأ منك لنو المسيح علمنا نحب أعدائنا و نصلي منشان يلي بيضطهدونا ما نرد بأسلوب بشع يعني متل ما قال الأخ العاشق لو أنو بيصح نقول عن حرب جورج بوش أنها حرب صليبية متل ما البعض سماها فالمسيحية عم ترتكب جرائم أكتر من هيك بهداك الوقت بتمنى ترجح عقلك و تلجأ للأسلوب الراقي بالحوار و طبعا هاد الطلب بطلبو من الجميع الأسلوب الراقي بالحوار يا شباب :D :D :D :D |
اقتباس:
|
اقتباس:
كيف يعني الإسلام بريء من الإرهاب؟ دخلكون اذا هوي بريء ع مين لكن الحق؟ يعني بلا ما نضحك ع حالنا. انا ماني ضد "المسلمين". لأنو هني بشر و أخوة في الإنسانية نشالله كيف ما يكونوا... بس الإسلام طبعا مسؤول و بشدة عن الإصولية و في آيات قرانية كتيرة عنيفة و بتحض على الحرب و "الإرهاب". كلمة و أرهبوهم مذكورة حرفيا بالقرآن. بقى هادا واقع و حقيقة. و حتى لو كانت الآيات عم يتم تفسيرها غلط او بشكل متطرف... فهاي بتضل مشكلة الدين ... ما يعني انو صار بريء من هل شغلة. ما اذا هادا الشعب عايش من صغره و ربيان على القرآن و يمكن هدول الناس ما قريانين اي كتاب تاني بحياتهم غير كتب الفقهاء و التفاسير و الأحاديث... لكن طيب من وين إجت الفتاوي يلي عم تسمح بهل شي؟؟؟ و نفس الشي يعني للمسيحية ما تفكروني ضد الإسلام بالتحديد. بس المسيحية لدرجة أخف شوي بس بالمسيحية كمان في نزعة صليبية و تبشيرية. و من هيك نزعات تبشيرية ما بيجي إلا المشاكل. طالما الإنسان حاسس انو أحد أهدافه بهل حياة انو يغيير أراء الناس و "يهدي" الناس... معناها رح يضل عندو نظرة فوقية و نزعة نحو هل تبشير. و بالتواراة في عنف شديد جدا و ما في إلو مثيل حتى بالقران.... و هوي ع اساس التوراة كتاب الله؟؟ مو الله كان يبارك المذابح يلي قام فيها اليهود للشعب الكنعاني بعد العودة من مصر؟؟؟ شباب ما في خجل من الحقيقة... هادا الواقع و يلي بيقول انو الإسلام بريء من الإرهاب حاليا... و إنو المسيحية بريئة من الحروب الصليبية و الحروب الاسبانية بيكون غلطاااااااااان و عم يضحك ع حالو هاي الأديان مسؤولة بشكل اساسي عن هاي الأحداث و المسؤولية واصلة لقمة الراس.... انا ماني لا ضد المسلمين و لا ضد المسيحيين بس ضد الإسلام و المسيحية؟؟؟ ..... يمكن و ماني مستحي :wink: |
يعني الخلاصة الأخ بشارة ما حكى شي غلط يعني أبدا... هل أعمال مستقاة بشكل مباشر من الدين الإسلامي و هوي مسؤول عنها ... بس غلطان كتير بالمساهمة بنشر هادا الفديو,,, لأنو هادا بالضبط هوي هدف الإرهابيين
و بتمنى من الاخ بشارة يدرك هل نقطة المهمة جدا و ما يساهم بنشر هاي الأفلام او الصور |
مشان ما تاخدوها عل حرف
بدي قول اني ماني ضد ضد يعني... ماعندي عداء و لا كره و لا أي شيء لهل الأديان بس الفكرة اني شايف فيهم العلة و المشكلة... هاي هيية... و اني ماني خايف اني احكي بالموضوع و وضح موقفي كلمة ضد عادة بيفهومها العرب إنها كره و تأمر و حقد و مدري شو... بقى بطمنكم انو ما في شيء من هل شي لأنو ماني فاضي لا إكره و لا شي.... يلي بيكره هوي الخسران الوحيد انا ضد فكريا :D |
الأديان بشكل عام مبنية على قيم مطاطة جدا, صح, قصدي أنو آية بالقرآن أنو بالأنجيل أو أي كتاب مقدس آخر ممكن تنفهم بمية طريقة....
ممكن هيك مجرمين يستندو على مصدر ديني يفسروه على كيفهون, لتبرير هالجرائم بردي السابق قلت أنو أكبر جرائم التاريخ ارتكبت باسم الأله أو باسم الدين....بكل العصور و بكل الأديان, بس مع ذلك أنا مصر على أنو الدين بريء من هالجرائم, الدين بينحط حجة, اذا حبيتو |
هاد الحكي بالمرة مو منطقي وفئة من دين ما بتعبرعن دين كامل
وفئة من الناس الي هني بالاسم مسلمين ما بتعبر عن دين كامل فلا تخلطوا الامور وبالذات هالحكي للاخ بشارة لانو هيدي بتصير نقطة عليك مو معك مع الحب :D :D :D :D :D |
الى كل الاحباء
انا ما قصدت امس باي واحد ولا قصدت اعمم. وانا اذا بعتذر فبعتذر من كل من تضايق نتيجة مشاهدته هالاعمال بالوصلة اللي وضعتها. بشارة |
اقتباس:
في فيلم نزل جديد على السوق... فيلم عنيف شوي و فيه أبطال نينجا مثلا :roll: إمت تاني نهار شفت فئة كبيرة من أفراد الشعب تأثروا بهل فيلم و لبسوا تياب نينجا و ارتكبوا جرائم شو منقول؟ الفيلم بريء و استخدموه حجة؟ لما الفيلم كان إلو تأثير نفسي سلبي على الأشخاص انتوا هيك عم ترتكبوا شغلة اسما No True Scottsman يعني بتقولوا الأديان للمحبة و السلام و كذا... بتقوم بتطلع جماعات ارهابية دينية... بتقولوا اي هدول مانون متدينيين حقيقيين.... يعني انتوا هيك غيرتوا التعريف |
اقتباس:
وجهة نظري بالأديان و فكرة الأله بيجوز ما بتعجب حدا....يعني أنا تعامل الأديان مع مختلف الأزمات و الحروب و الكوارث على مر التاريخ خلاني أقتنع بألحادي أكتر وأكتر, فكرتي ببساطة هي التالية : مو كل المسلمين لحيتهون شبرين و نص و حاملين سكين و نازلين ذبح بالعالم, اذا في واحد, عشرة , أو حتى مية هيك.....خيو خلينا نقول مليون..................المسلمين بالعالم ألف و ميتين مليون....يعني ما بتزبط.. و متل ما أحكي عن الاسلام احكي عن المسيحية.....ماحدا أحسن من حدا, يعني أنت كمسيحي تقبل تحمل خطايا و جرائم مسيحيين تانيين, تقبل مثلا أنو يتهموك بجرائم العراق لمجرد أنو الولايات المتحدة دولة " مسيحية " ؟؟؟!!!!!!!!! أنا متأكد أنو الغالبية العظمى من المسلمين ضد هالحركات الهمجية ( وهون ما عم بحكي عن خلقهم الديني أنما عن الشعور الانساني الأدنى المفروض يكون عندهم) .... بيجوز لأول وهلة, و لشعور معين بالقهر ممكن تسمع تشجيع وكذا....بس أنا متأكد أنو هالشي ما بيعني |
[quote="yass"]
اقتباس:
هلأ شيلك من أميركا لانو بعيدة شوي عنا... لو مسيحيين لبنانيين ارتبكوا جرائم باسم المسيحيية و الدفاع عن المسيح... انا لو كنت مسيحي شو رح يكون موقفي؟ طبعا انا رح قول "أي هدول مانون مسيحيين حقيقيين"... هاي اسهل شي بينقال و هاي دايما على راس اللسان بس انا ما بيحقلي بأي شكل من الأشكال إني انفي المسيحية عن شخص ما طالما هوي مقتنع انو مسيحي مان الدين مانو رياضيات او فيزيا.... اذا طلع معك الكترون شحنته موجبة مثلا... فيك تقول بكل ثقة انو هادا مانو الكترون بس لما عندك دين ما... و عندك اول شي 4 انقسامات رئيسية: الكنائس الاشورية, الكاثوليكية, البرتستانتية, السورية و الملكية... و بعدين عندك بكل مذهب فكري... عندك طوائف... عقائدية و عرقية... و بكل طائفة طبعا عندك اتجاهات فكرية... عندك المتشدد و عندك المتساهل... عندك يلي بياخد على الحرف و عندك يلي بياخد على المعنى... عندك يلي بياخد على العهد القديم و عندك يلي ما بياخد.... طيب على اي أساس بدك تعرف انو "العنف" مانه أحد هاي الاتجاهات الفكرية متله متل غيرو؟ يعني نحنا هون كبشر طبعا "العنف" مكروه... بس هل يعني انو "غلط" ؟ مشان هيك نحنا مضطرين نقبل و بكل أسف انو العنف يلي عم يصير باسم الدين هوي جزء من هل دين... كونه نسبة صغيرة لا يعني انو مانو موجود... لأنو على ما يبدو الدين مقسم لكتير اتجاهات فكرية... و ببساطة العنف و الارهاب هوي جزء من هاي الاتجاهات بقى انا لو كنت مثلا مسيحي عايش باسبانيا ايام زمان... حتى لو كنت معتدل و حباب... بضل مسؤول عن الحروب الاسبانية يلي تمت باسم الدين تبعي... نفس الكتاب يلي عم اقرأ فيه إلو أكثر من أثر... فهل كتاب بيكون مسؤول بشكل مباشر عن كل الاتجاهات الفكرية يلي بتنتج عنه... لانو لو الكتاب ما كان موجود... ما كان صار يلي صار صح؟ يمكن كان صار مع غير كتاب... وقتها بتكون مشكلة هداك الكتاب |
يا joe يا عيني هاي وجهة نظرك طبعا....و أنا مجبور أحطها على عيني و راسي, بس ما بشاركها بنوب...........أنا رأيي وضحتو أظن, و طبعا ماني مجبور أقتعك فيه..
تحياتي :D :D :D :D :D :D :D :D |
حبيب القلب :D
معك حق. انا هيك كنت جاي قول كمان... الشغة شغلة رأي تحياتي |
| الساعة بإيدك هلق يا سيدي 01:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون