|
كاميرا خفية من تصويري ( في ثنايا حياتنا اليومية)
الفكرة خطرت على بالي من فترة بس هلئ اجى دورها
وهي عبارة عن ثقافيوجيا تصويرية في علم ( التخلف ) و ( التسييب ) الموجود لدى بعض مواطنين مجتمعنا الحبيب وبكل مكان . يعني كتير منشوف بحياتنا اليومية مجموعة من المناظر الظريفة والمائلة احياناً الى اللامبالات والى الاستهتار بالغير أو بأي شيئ . والبعض مننا بشوفها مضحكة ....ومسلية البعض بشوفها حزينة .......مبكية (المضحك المبكي ). وطبعا كل عضو عندو صور فيه يحطها هون بس أرجو عدم وضع صور مكررةمن اي موقع تاني (يعني بدنا صور جديدة ) مع وجود بعض الأستثناءات اذا كانت الصورة محرزة . طبعا أهم شي شرح عن الصورة كمان يلي عندو شي فلم فيديو لا يقصر بنوب الله يديم التقنية |
1 ملف مرفق .
هي الصور من أخر سفرة الي بالقطار .
طبعا الصور واضحة وهي ظاهرة رفع الرجلين على الكراسي مع شلح الصباط وأحيانا معو(أسف كتير على القرف والصور ) بس هادا للأسف يلي عم يصير, بفكر الواحد حالو ببيتو وأعز . هلئ في صور كتير من هدول ما بعرف حبيت حط صورة وحدة هلئ بركي ما عجبتكن الصور |
الصورة عظيمة والفكرة اعظم
وانا عندي كمان كم صورة راح حطهم انشاءالله |
ولييييييييييييييييييييييي ييييي..
:shock: :shock: :shurup: :shurup: :shurup: |
عن جد فكرة كتير حلوة فلاش باك ميرسي كتير وانا كمان راح حط صور:D
|
اقتباس:
|
1 ملف مرفق .
هي الصورة مصورة بمشفى حرستا العسكري وقت كنت عم اختص هونيك
طبعا هاد المقعد موجود بقسم العمليات الاسعافي طبعا هي بسة يللي شايفينها |
اقتباس:
لا حول الله المشكلة انو المشافي الحكومية عنا شغلتها عويصة شكرا على الصورة وعلى طول اتحفنا |
اقتباس:
!!!!!!!!!!!!!!!!!!!!!!!!!!!!!!!!!!!!!!!!!؟ |
اقتباس:
وين الصور ؟ |
اقتباس:
  اتكسرت المسكينة يعني مالقيتي غير عربة السوبر ماركت تتسلي فيها |
يا حرام هالبسة شو صاير معها ؟سليمة انشاء
ياسيدي امنيح صار عنا مشافي بيطرية هون حرام منشال هالحيوانات المسكينة. و لا هداك المسندح يا سيدي انا بتسطح بآخر مقعد بالبولمان بس ما بشلح الصباط (بركي صار شي حادث) |
1 ملف مرفق .
هي كمان صورة رائعة من ايام مشفى حرستا العسكري
طبعاهاد يللي عم تشوفوه هو الكادر الطبي المتميز المؤلف من اربع ممرضين جايين من قسم العناية منشات يفتحو وريد لاحد المجندين وشو التميز انو احتاجو اربعة لحتى يقدرو يفتحوه هلق النهفة هو هاد العسكري يللي كان واقف منشان يقفل ع التمريض و ع المريض علما انو هو مجند شغلتو جر الاسرة ونقل المرضى طبعا وجوده كتير مهم منشان يقفل ع المريض ويخففلوا من الامو وهمومو اضافة لدوره الرائع بنشر الجراثيم والامراض شو رأيكن بمشافينا الرائعة؟ |
متل مابيقول المتل حطيت ايدك على الجرح للاسف متل هيك مناظر في كتير
وذكرتني بأيام باصات الدريكيش الشام الهوب هوب بأيام العسكرية وبعز التلج والبرد كان يسافروا العساكر بالباصات وشبابيكه الورانية كلها مكسرة ولحتى يدفوا العساكر كانه يلفوا حالهن متل الدودة على المقعد يعني ياخد البوط العسكري لحاله مقعد ماعاداه هو وغراضه حبيت وضح الصورة لأني للأسف ماعندي صورة تحياتي |
اقتباس:
بالنسبة للوصف كان دقيق جدا شكرا :D |
اقتباس:
الواقع هيك واسأل اي واحد من صافيتا وهو هيك راح يقلك تحياتي |
اقتباس:
اي وكمان كانو يرشو مازوت على الارض منشان الركاب ماتقعد على الارض وتاخد مساحة اكتر ويضلوا واقفين طول الطريق:( :( :( طبعا ارضية الباص:yahoo: هاد كان القهر بعينو :( :( ولك مو بس هيك كان المعاون لما يشوف راكب على الطريق يقدر كم اجرتو ويقول للشوفير هوووووووووب شيل هالعشر ليرات شيل هالخمس ورقات:yahoo: |
الموضوع فعلاً حلو كتيييييييير
وشكرا كتير فلاش الفكرة حلوة بس تعليق صغير ليلي عم تحكو عليه بالمشافي الحكومية من فترة شهرين صار حادث صغير معنا واطرينا ننقل شخص مصاب ولغلاوة ها الشخص قلنا انسب شي مارح اذكر اسم المشفى بس لحالكم عرفوها اغلى مشفى بدمشق بمنطقة المالكي;-) وطبعا البداية كانت فتح وريد والتميت المشفى كلها وماكانو يقدرو يفتحوا ها الوريد ولا يلاقوه مرت اكتر من ساعة والشخص رح يموت بأيديهم وها الوريد ما التقا اطرينا نحملو وننقلو لمشفى تاني عادي استقربنا اول مشفى وطبعا ما ينسوه ياخدو اللي فيه النصيب وبعد 5 دقايق التقى الوريد وانفتح |
اقتباس:
والمشكلة الكبيرة انو الطب عنا صار تجارة للأسف وممكن كتير صير هيك حالات بمشافي خاصة وحمد الله على سلامة الشخص وانقضت على خير وشكرا على المشاركة :D :D |
1 ملف مرفق .
طبعا الصورة واضحة الأشارة حمرا وخضرا سوا وصار الحادث , المكان حلب شارع قسطاكي حمصي على ما أظن
بتصير مو مشكلة |
نهفة هي
بس نحنا هون بالشام منطبقها بدون ما الأشارة تخربط:o |
اقتباس:
مو متل حلب و حمص :yahoo: |
1 ملف مرفق .
شي ظريف
..... |
3 ملف مرفق .
هي الصور من أخر سفرة ألي على الشام كمان بالقطار (بالروحة ) المهم بالقطار بيجي الموظف وبحط مجموعة من الجرائد مشان الركاب , وطبعا شعبنا عديم ووقع بسلة تين وعيونكن ماتشوفو شو صار يعني الكل صار مثقف وكلو بدو جريدة او2 او3 المهم بعد ما العالم علقت مشان الجرايد وكأنو المنظر قدام شي فرن خبز والعالم عم تخبط بعضها بطلّع وإذ العالم صافنة بهالجريدة قلت لحالي والله شكلو في شي خبر محرز , طلعت القصة انو (المثقفين ) عم يبذلو جهد بحل الكلمات المتقاطعة
الصورة الاولى والتانية واضحين بس التالتة مو كتير لأني سلخت الزوووووووووووم على الأخير بس مبينة صفنة الزلمة والقلم بأيدو |
اقتباس:
صورة غير شكل عمورة |
أهلين بالصحفيين .. هادا سبق ..
صور معبرة والموضوع معبر أكتر :lol: :cry: |
الموضوع كتيير حلو
واستنو لما انزل عالشام بدي ورجيكون صور نهفه |
حلو الموضوع وانا عندي كم صورة وانا بالطريق على الاقصر واسوان بتمنى يعجبوكو
 يا عيني على هالنومة وهاي لواحدة اجنبية تعبت من الحر  يا ويلي على الحر واللي عملو بالناس وهاي للصعيد المصري وطبيعتو  وهاي الطفلة بالقطار ما بعرف ليه حليت بعيونها الاعدة على الرف المخصص للشنط والاغراض  وهاي مفكره حاله قمح :)  يا تري ممكن عيش تحت الماي متل الاسماك!!!!  من وين جاية هالريحة البشعة؟؟؟؟؟؟؟؟  وعودة للقطار وما احلى النوم    بتمنى يعجبوكو |
اقتباس:
مجهود رائع :D وهدولة بدي احتفظ فيهن بمكتبتي الخاصة من بعد أمرك سلام |
اقتباس:
|
شكرا كتير على الصور وانا كمان رح بحبشلكم اذا في شي عندي:D
|
1 ملف مرفق .
هي الصورة للتكسي يلي مركب بدل الفانوس الأخضر علبة سفن أب , وعلى فكرة طلع في كتير عاملين هالفكرة . أكيد صاحب التكسي مركب العلبة مشان المنظر الحضاري
فعلا عيش كتير بتشوف كتير |
1 ملف مرفق .
أنو الدولة كل فترة بتطرح مزايدة علنية مشان تبيع سيارات او اليات قديمة وهيك شي
المهم مبارح شفت شوفة غير شكل سيارة جيب واز نمرة مرور أو تجربة انو اي اعمى قلب شاريها |
عمي فلاش باك اسمك ذكرت التكاسي ببلدنا فرح أورجيك التكاسي بألمانيا بس الصور مش معي بكرا بجيبهم
|
1 ملف مرفق .
يعني هالظاهرة كتير منشوفا بس والله في شي اسمو أدب يعني هيك الشغلة سايبة
انو خير انشا الله بتدخن بالأماكن العامة وبالمكاتب بس كمان يوم بدك تزت السيكارة هيك بتعمل والله شي عيب ومخزي لك ايمتى بدنا نحنا كا شعب ايمتى بدنا نصير متل الخلق والعالم |
مشكوررررررررررررررررررررررررررررررررررررررررر ررررر
|
قكرة روعة بقدرها جد :o
|
Uppppppppppppppppppppppppppppppppp
|
الفكرة حلوة جدا على فكرة و انا ان شاء الله هاجيبلكم فيديو تحفة من اعمال احد اصدقائى فى مدرسة السينما لكن بعد ما استئذن منه اولا
|
| الساعة بإيدك هلق يا سيدي 03:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون