|
الاستنساخ...موضوع جديد قديم...مثير للجدل...
شباب صبايا
انا مبارح كنت عم اقرا موضوع جديد عن الاستنساخ واحتمال بداية تطبيقاته على الانسان لاهداف علاجية طبية السؤال يللي خطر ع بالي انو نحن كمجتمع محافظ حتى الان شو رأينا بالاستنساخ من منظور اجتماعي فلسفي او حتى روحاني الرجاء المشاركة بالتصويت وابداء الرأي |
اقتباس:
ومن منظور اجتماعي يعني مجتمعنا شبه متخلف ما بحب هالشغلات وروحاني بدك تشوف جماعة الدين |
اقتباس:
هلق انا عندي تحفظ على كلمة مجتمع متخلف وبفضل صفة محافظ بس بغض النظر عن التسميات انت شو رأيك؟ |
اقتباس:
اي متخلف |
اقتباس:
ما بدنا نشذ عن الموضوع الرئيسي انت مع ولا ضد الاستنساخ؟؟؟ |
انا صوتت بعدين شو هي مع ولا ضد
اي شو معارضة؟؟؟؟؟؟؟؟؟؟؟ |
والله معك حق
شي متخلف تمام يا زلمة حطيناموضوع جدي منشان نتاقش فيه قام ما حدا عذب حالو وفات عليه ملتهين بموضو هاد الشب الطانت يللي قال شفايفو خرج تبويس والله مجتمع متخلف |
اقتباس:
بس عاد اذا المقصود هو ن هو استنساخ البشر بهدف الحصول على بشر ...هون المشاكل أنا من وجهة نظري مافيني أعطي رايي بالموضوع قبل ما أعرف شو الهدف من الاستنساخ يعني انو اذا بدنا نستنسخ بني ادم ....شو الهدف ..مشان شو عم نستنسخ ...لوين بدنا نوصل ؟؟ لحد هلأ ما لقيت سبب مقنع لاستنساخ البشر :pos: اذا حدو عندو سبب يقلي بليز :D |
هلق شو رأيك انو ممكن نستنسخ جنين ونحصل ع اعضاء منشان مجموعة اطفال او اشخاص بحاجة لهي الاعضاء؟
وبعدين فكرة الاستنساخ ممكن تعتبر تعدي ع الخالق ولا لاء؟ طبعا هي الاسئلة انا عم بطرحها ومو بالضروري تعبر عن قناعاتي |
يرفض الاستنساخ لإعادة نسخ كلي، إلا في حالة توظيفه للأغراض الطبية، وذلك على أساس أن هذه التكنولوجيا تفيد الإنسان وتساعد على إنتاج أعضاء وأنسجة معينة يمكن زراعتها في جسم الإنسان، وعليه فإننا ننظر إلى الاستنساخ على أنه مِثْل زراعة الأعضاء العادية والتي قد تُنقِذُ حياة الإنسان أو قد تساعد على الحفاظ عليها.
|
بما انو الموضوع حلو رح بشارك فيه
الاستنساخ شغلة حلوة كتير بس العلماء رح يقدرو يعملو حدود وما يتجاوز طبيعة الانسان البشرية يعني الانسان بضل انسان مو يصير متوحش وارهابي |
اقتباس:
انت بجوز قصدك ع الحمام الزاجل :lol: |
برأيي انو الاستنساخ هوي تطور علمي ومتل اي تطور علمي ممكن يكون الو سيئات كتير ويمكن حتى يروح فيه ضحايا وخصوصا اذا حدا قصد انو يسيء استعمالو بس هاد مابيعني انو نتوقف عن اي تطور علمي بالدنيا
اما من رأيي بعلاقته بالدين..... بظن لو بدنا نضل عم نوقف العلم عن حدود المسموح فيه دينيا بكل وقت كنا لسه ماعرفنا تشريح الانسان:( |
اقتباس:
كلام منطقي وحلو ما عنددي عليه لاغبار عليه |
اقتباس:
كيف فينا نستخدمو ؟؟؟ يعني مشان شو ؟؟؟؟ |
اقتباس:
وانا من انصار التطور العلمي لاجل التطور العملي :? لانو ببساطة العلم مجرد خطوات تابعة لبعض يعني هلأ بتشوف انو الاستنساخ محدود بشي معين بس مع تطورو ممكن من خلالو نوصل لالف اكتشاف جديد..... هلأ بدك تقلي انو اكتشافات كتير منها تكون شريرة بس هاد الوضع الطبيعي لاي تطور انو بدو يكون فيه احتمال للسلبيات والايجايبات :D |
الاستنساخ لاغراض علاجية صار مسموح بكتيير من الدول الاجنبية و الاوروبية...و منها اسبانيا و سويسرا و بريطانيا.....بس هون بالدول العربية ما في دولة عربية أخدت موقف واضح من الاستنساخ غير تونس....حرمت الاستنساخ لاغراض علاجية و تكاثريه و اعتبرت هادا العمل جناية يحاسب عليها القانون بالغرامة و الحبس و الاشغال الشاقة....اما سوريا فما صدر عنا اي قانون واضح بهاد المجال.....يعني هلأ اذا بيحي واحد بيقوم بعملية الاستنساخ لاي غرض ف ما رح يتمارس بحقو اي شي هون لانو لسا ما في قانون محدد....طبعا هي اذا شلنا رجال الدين و مواقفون على جنب........و الاستنساخ لاغراض علاجية هو برأيي شي كتييير مفيد و متطور......يعني استنساخ الاعضاء....بوقفو تكاثر الخلايا الجنينية بمرحلة محددة...و بينموا تكاثر اجزاء محددة من الجنين حتى يستنسخوا كبد مثلا او كلية او قلب....و هادا شي كتييير حضاري و كتييير متطور ب و بيساعد كتييير في حال وجود حاجة لزرع كبد أو قلب أو غيرو.....و خصوصي بالاوضاع الحالية........بس حتى بهي الحالة ففي دول كتييير ما كانت سامحة في...متل فرنسا اللي ما بعرف شو صار موقفا هلأ....بس حتى الكنيسة الكاثوليكية مثلا ما كانت سامحة بالاستنساخ لاي غرض من الاغراض.....و اختلف رجال الدين الاسلامي حول هاد الموضوع حسب مذاهبون(الحنفي و الشافعي و ....)منن اللي حرم و منن اللي حلل...طبعا كلو حول العلاجي فحين انو ما حدا سمح ابدا بالتكاثري
|
الموضوع حلو انا برايي انو لاستنساخ ما فيوا شي كمان لنفس لاسباب الطبية الي زكروها قبل هلق بس طبعا المشكلة عم يصير نقاش ازا استنسخوا انسان على مبدء
انو بدوا يصير فيه روح بدون ما يتدخل الله بهل الموضوع يعني ما بيقدروا يتخيلوا الموضوع لان بياكلو صواب انو لانسان خلق بدون روح على يد انسان تاني المهم شكرا على الموضوع الحلو معلم :D |
انا ضد استنساخ البشر 100%...
حتى لو تطور علمي!!! القنبلة النووية ايضا تطور علمي وشفنا الويلات الصارت باليابان من وراء هالتطور... ليس كل شيء يخترع في العالم مفيد!!! و أولى تجارب الاستنساخ اجريت لسببين : 1- سبب ديني وهو اثبات عدم وجود الله !! وهذا السبب يهم بعض الطوائف المؤمنة بال UFO وبنزول الانسان الاول من كواكب اخرى وبان آدم نفسه كان نتيجة استنساخ لكائن آخر... اي الارض هي حقل تجارب... 2- سبب عسكري بحت وهو انشاء جيوش من المستنسخين (اللذين بالطبع لا عائلات لهم) وتربيتهم بطريقة خاصة لانشاء المقاتل الكامل كما كان هتلر يطمح بالوصول اليه!! |
اقتباس:
وماهو كل اختراع مفيد...أحيانا..والغالب الهدف لأغراض عسكرية..وليقتل الانسان أخوه:( يعني صار الانسان محل تجارب ولأغراض دنيئة:jakoush: |
اقتباس:
مع انو هيك رح ننحرف عن الموضوع الاساسي بس اللي بدو قولو انو مافي شئ ايجابي بالمية مية..... يعني لحتى توصل للشي المنيح بدك شوية تضحيات :D |
كلام سليم بس تصوري حالك انو تشوفي وحدة نسخة طبق الاصل عنك وقاعدة محل ما بتقعدي وبتتصرف متل ما بتتصرفي والانكى من هيك انو تستغرب لما تشوفك انو العمى قديش هي بتشبهني وشلون هيك جاية لعندي او كيف هيك قاعدة مع خطيبي كمان
|
اقتباس:
اما لما شخص بيكون مقتنع بالموضوع وقرر انو يقبل انو يتم استنساخو فهون بيصير القرار قرارو والمشكلة مشكلتو هوي وهوي لازم يتحمل نتائجها ومسؤوليتها يعني قصدي انو اذا طلعت مشكلة من هالنوع فهيي مشكلة ببعض الناس وقراراتون ومو بالاستنساخ نفسو :D |
اقتباس:
يعني ليش الوحدة ممكن انو توافق انو يستنسخوا عليها وحدة تانية اذا من شان شغل البيت صار في مساواة وصار الزلمة يساعد اوقات اذا في الواحد يستنسخ ايد اذا مقطوعة ايدو او رجل هي فيها وما فيها بس مو انو يستنسخ انسان كامل وياخدلوا اعضاءه ويكبوا بعدين |
اقتباس:
وبعدين لما بيستنسخو كرمال اعضاء معينة لعلاج طبي مابيستنسخو انسان كامل وبياخدو عضو وبيكبو الباقي..... بيهك حالة عم يتم الاستنساخ بطريقة انو يستنسخو الاعضاء اللازمة وبس..... يعني مارح يصير في شخص كامل رح يتم اخد عضو منو وبعدين ينكب |
اقتباس:
قنبلتي هيروشيما وناغازاكي كانوا كمان قرار شخص واحد بس عانى من هالقرار الملايين... فلاانت ولا اي حدى بيضمن وين وبايد مين رح يكون القرار بهيك امور.... وطبعا كالعادة نحن (الشعب العادي) هو ياللي رح يعاني من نتائج هيك قرارات... وبالنسبة لاستنساخ البشر (مو الاعضاء البشرية) انا لهلا ماني شايف ولا ايجابية ... على العكس شايف كتير امور سلبية.... |
اقتباس:
اوكي انا معك انو ممكن يصير فيه مآسي بس كمان اذا وقفنا العلوم يعني وقفنا التطور ووقفنا امكانية لكتير شغلات رح تريح ملايين الناس |
اقتباس:
اكيد ماني مع ايقاف العلم ... بس انا مع تنظيمه... المشكلة انو العلم هلا عم يتطور مو بشان خير البشر... لانو تتطوره غير محدد بقوانين و نظم فالتطور صاير عشوائي والدافع الاساسي للعلم الآن هو الربح المادي ... لا اكثر ولا اقل... وبشان هيك بتحتل الاختراعات العسكرية المرتبة الاولى بين قائمة الاختراعات المكتشفة خلال آخر قرن ... ففي كل يوم بتشوفي او بتسمعي عن اختراع جديد في الحقل العسكري او الترفيهي!!! على عكس االاختراعات الثانية ياللي ما في حدى يمولها لانها غير نافعة تجاريا!!!! وانت اكيد قرأت باكثر من مكان عن هالمشكلة... |
اقتباس:
|
اقتباس:
واذا بترجعي لردودي فأنا ماني ضد استنساخ الاعضاء البشرية (لضرورات طبية وعلاجية) لكن 100% ضد استنساخ كائن بشري كامل (شو ما كانت الاسباب):jakoush: :jakoush: :jakoush: :jakoush: |
اقتباس:
|
اقتباس:
هي مشكلتون هني ماحدا دسلي على طرف :lol: بس اللي عم قولو انو هني احرار ومو حقنا نحاول نفرض عليون انو مايعملوها |
اقتباس:
ونفرض ؟ حقنا؟ هدول الكلمات ما الون استخدام بالوقت الحاضر في هنن ويفرضوا وحقون |
اقتباس:
كيف يعني ؟؟ حدا منو حاول يفرض عليك انو تستنسخ حالك؟؟ |
اقتباس:
بس انتي عم تقولي انو نفرض مو ليكون عنا شي نقدر نواجه فيه اذا بدنا نفرض عندون العلم وعنا الجهل عندون التطور وعنا التخلف عندون القوة وعنا الضعف حندون الوحدة وعنا التفرق |
أنا اجت فترة اتعمّقت شوي بهالموضوع ...
هلأ السلبيات بالاستنساخ تطغو بنسبة 70% على نسبة الحسنات .. بالدول الأوروبية معترفين ( و من أهم هالدول اللي عم بحكي عنها فرنسا ) أنو الاستنساخ نسبة نجاحو 100% بس نسبة أنو يضل سليم 12.5% يعني هالجسم المستنسخ رح يكون عبارة عن ملامح و لحم و دم و ممكن يظهر فيه 1000 مرض .. فبالتالي قال أحد البروفيسورية أنو لحتى يضمنوا النتايج 100% ( و رح يضل مشكوك بأمرها ) بدهم للعام 2015 و رغم هيك جمعية الصحة العالمية مو موافقة على التاريخ و طالبت أنو ينمد هالتاريخ كمان 25 سنة لحتى تكون النتائج مرضية نوعاً ما .. بانكلترا عرض انسان نفسو (مع العلم أنو عالم كيمياء) للاستنساخ مقابل 5.000000 يورو كدفعة أولى و 1.000000 يورو مدا حياتو سنوياً وافقة الجمعية العلمية و لكن اتسرّب الخبر للجمعية الدولية و قامت الدني و قعّدت لدرجة أنو الزلمي ضل مراقب لمدة 2 من النتربول و كل أفرع المخابرات و بعد فترة اتضح أنو علقان بمشكلة مادية كبيرة أثر تحاليل كيميائية ضارة قام بتصنيعها و مطالب من أشخاص معينين أنو يتابع انتاج هالمواد اللي رح يستعملوها أكيد بأمور ضارة ( و هاد السبب اللي خلاه يقدّم نفسو ككبش فدا لهالتجارب ) آسف على أنو طوّلت عليكم و لسا ترا في أضعاف مضاعفة من الحكي بس بكتفي بهالقدر .. تحياتي :D |
هلق الفكرة المطروحة مو هي الاستنساخ الكامل لانو ثبت بكتير حالات انو عمر الخلية المستنسخة اقصر بكتير من عمر الخلية الام وعملية التموت الخلوي بالعضو المستنسخ اسرع بكتير
بس مثلا اذا اي واحد من يللي عم يرفضو الاستنساخ بشكل قطعي كان مصاب بحالة قصور كلوي مثلا وما انوجد متبرع مطابق الدنا وانعرض عليه انو يتم استنساخ كلية بس ما بتعيش غير عشر سنين مثلا وهيك هو ممكن يعيش كذا سنة زيادة,شو بيقول بهيك حالة؟؟؟؟؟ وبالنسبة للدوافع يللي انذكرت انو هي سبب الاستنساخ سواء السبب الديني او العسكري فانا بشوف انو هالرأي بعيدك كل البعد عن الصواب مع احترامي الك تايغر |
اقتباس:
آما بشان أستنساخ بشري كامل .. فـ ممكن يكون مفيد .. و أنا بـ أيدوو .. يعني متل فلم REPLACMENT .. هيك أسموو يمكن .. كمان بيحكي عن الأستنساخ .. وشلون أستفادو من .. أو مثلاً تصور .. يستنسخو أينشتاين تاني .. ما بظن حدا بدو يصف ضد هل شي .. أما من جهة الدين .. فـ أذا ضل تفكيرنا هيك .. لا تقدمنا .. متل ما قالت أمرأة من ورق .. يعني دين عائق في وجه العلم ... و الأصح .. حاجز لازم يتم كسرووو .. .. The light.. مشكور كتير على هل مواضيع .. |
اقتباس:
انا برأيي انو تم كسروا بس لساتو عائق بعقول ونفوس مريضة والحمد الله هدول راح ينقرضوا قريبا |
زرع الاعضاء مافيه اختلاف عليه يعني كل الاديان وجميع الاجناس توافق على زرع الاعضاء خاصة لما يكون احد بحاجه له
لكن استنساخ بشر كامل :? ايش الفايده منه مافيه احد يقدر يرجع الروح بعد ماتطلع واذا كنا ضد الاستنساخ مو معناتها ان حنا ناس متخلفين وغير حضاريين كل وااحد ياخذ الاشياء الي ترجع عليه بالفايده وبس وتناسب دينه ومجتمعه |
| الساعة بإيدك هلق يا سيدي 07:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون