|
سؤال قانوني
انا عندي سؤال قانوني بدي اطرحو عليكن وكلي امل انكن تساعدوني في واكتر شي متأمل بالمدام منى بما انو دارسة قانون
في واحد كان عم يقطع الشارع بتجي سيارة مسرعة بتضربو وبتهرب الزلمة بيقلب على الارض وبين الحياة والموت بيتجمعو هالعالم حواليي بيتصلو بالاسعاف بس متل مو مبين معاهن الزلمي ما بيعيش لبين ما يوصل الاسعاف وخاصة انو بدها ربع ساعة لتوصل فبدو اسعاف اولي من بين الموجودين في طالب طب سنة خامسة يعني اسا ما بيحقلو يمارس المهنة بيجي بدو يعملو اسعاف اولي بيضربو ابرة غلط الزلمي بتسوء حالتو بزيادة هون بتوصل سيارة الاسعاف بيحملو للزلمة وبوجهن على المشفى وهني على الطريق بينقطع الفرام مع شوفير سيارة الاسعاف بيضطر يخفف سرعتو بيكون تاخرو شي ربع ساعة كمان بيوصل على المستشفى الطبيب المختص مو موجود بالمشفى بيحكو معا بيقلن جاي فوتو على العمليات وانا جاي بيفوتو على العمليات بيجي الدكتور المخدر بيضربو جرعة مخدر زايدة بيجي الزلمي بيموت بعد ربع ساعة بيجي الدكتور بيلاقي الزلمة ميت ما بيقدر يعملو شي هلأ السؤال على مين الحق ؟
ويللا لنشوف شو رح تقولو بالنسبة للجواب انا بعرفو بس بدي شوف شو رح يطلع معاكن :D |
هلأ انا اتفضحت
|
اوك حسب معلوماتي الضعيفة ياللي بعدي محتفظه فيها بيكون الطبيب المخدر هو الغلطان لأنو ما راعى الحذر عندما اعطى المريض المخدر الذي كانت حالة خطيرة من الحقنة الخطأ
هاي من ناحية ومن ناحية تانية بعتقد انو القانون بيحاسب على آخر فعل أدي إلى الوفاة واللي هو برضو حقنة المخدر اتمنى ما تكون اجابتي خطأ بعد الفضيحة اللي فضحتهالي ييا هاني |
أنا اتوقع الحئ اول شي على شوفير السياره الي ضربت الرجال
وهادا لا يعني انو المسؤليه بتنلغى عن البائي كل واحد بيتحمل نتيجة عملو على حسب الغلط الي غلطو. |
الحق عالزلمة اللي مات العمى شو انو منحوس لك مافي ولا واحد طلع بيفهم من اللي انقذوه:blusted: :blusted: وخصوصا سيارة الاسعاف
لك ما كان ناقص غير تصير هزة ارضية او شي صاروخ جاي بالغلط |
الحق عالمدعوس طبعا :pos: ...
ليش ليقطع الشارع ... ما يطلع عاجسر المشاة او ينزل بالنفق ابو ريحة.... او ليش ما يوقف عالاشارة المعطلة .. ليش يطلع بس عاليمين خوفا من انو يطلع عاليسار يقومو يفكرو يساري .. ليش ليفكر و هو عم بيقطع كيف بدو يدفع فاتورة الترابية ... شفت كيف الحق عليه ... مو بيستاهل بالله :jakoush: |
اذا هيك ما في جريمة بالاصل لانو الزلمة طلع مدعوس دعوس من الاول هههههههههههه
|
القدر :cry:
|
الحق على السيارة يلي ضربتوا وهربت وعلى الدكتور المخدر يلي عطاه جرعة زائدة
|
الحق على حظو المعتر
والمجتمع يلي هوي عايش في كلو فوضى |
أي الله من فوق كرهانو للزلمي :lol: بقا ما الحق على حدا ,هاد خالص عمرو :pos:
|
ليك هاني..رح حاول جاوبك حسب معلوماتي المتواضعة عما درسته في مقرر قانون و أخلاق الطب ....
أول شي...المدعوس حتى لو رمى حالو قدام السيارة....ف ما بيكون الحق عليه...بالعكس دايما الحق معو(ع حسب ما بعرف) أما طالب الطب فتعتبرمسؤوليته مسؤولية تقصيرية من غير قصد....يعني انو هو كان قاصد المساعدة بس غلط غلطة غير مقصودة.......يعني بيتحاسب عليها بدفع غرامة(كمان ع حسب ما بعرف و حسب ما درسونا) وكذلك طبيب التخدير....بس طبيب التخدير هو اللي مات المريض بعد تدخلو.....يعني هو اخر واحد حاول الانقاذ....اساسا الجرعات التخديرية المعطاة اذا كانت زايدة او شي بيعملو عليا دراسة و بيشوفو اذا مقصودة او لاء لانو هي مسؤوليتا كبيرة...او اكبر من غيرا..... بس بعتقد انو كمان بيدفعو غرامة للطبيب المخدر بالاضافة للعقوبة السلوكية من نقابة الاطباء باعطاؤه تنبيه ببعض الاحيان...... وبالنهاية...ما بتروح غير ع الزلمة المدعوس..... |
والله الحق على المانيا لانو لولا اختراعها لسيارات المرسيدس ما كانت فعستو السيارة ولا صارت المشكلة
|
والله الحق على الحكومة !!! ليش ؟؟
لأنها ما عندها برامج توعية للبشر... لأنها منحت شهادة السواقة لصاحب السيارة بالواسطة... لأنها ما عم تتطور بأسلوب التعليم منشان هيك الطالب أخطأ بالابرة... لأنها ما عم تمد المستشفيات بالسيارات (الاسعافية) الحديثة... وبحطو أي شخص شوفير على السيارة (واسطة)... لأنها ... لأنها .... لأنها .... والله يرحم الميت ويدخله فسيج جناته ويرزقه من الحور العين والولدان المخلدون... :cry: |
هلأ معظمكن اخد الموضوع انو مزح وانو لعبة
مع انو هوي عنجد سؤال سنة رابعة للي عم يدرس القانون هلأ في منكن قرب على الجواب متل سرسورة وفيروزة نحنا مو مختلفين انو الزلمي منحوس والله بدو يا جنبو بس كان الهدف من السؤال تحريك مخ شوي واكتشاف مدى معلوماتكن القانونية رح انطر لبكرا قبل ما حط الجواب :D |
همممم لا ازا هيك .. شغلة جدية ..
بس كان لازم توضح صديق ... ياسيدي بتوقع الحق على سائق السيارة يللي دعستو .. لأنو المسبب الاول كان هو.. لانو هالزلمة لو ما طرقتو هالسيارة ما كان صار في تداعيات للحادثة :pos: ... |
اقتباس:
ومشان الموضوع ما عندي معلومات قانونية انا |
اقتباس:
والله انك نهفة :lol: مية وردة حماتي :D |
لعمى مدري ليش انا لهلق لشفت الموضوع
والله ما حدا غير بدو يجيب الجواب يالله لنبلش اقتباس:
اقتباس:
اقتباس:
اقتباس:
لان مو هو اللي لازم يعمل تفقد لسيارة الاسعاف اقتباس:
اقتباس:
|
أخي .. الحق كل الحق على دخل هالموضوع ووجع راسو فيه
|
اقتباس:
|
اي يللا هاني...صار بكرة؟
شو الجواب؟؟؟؟؟؟؟؟ |
اقتباس:
كل واحد على حق حسب مادة محددة بالقانون الشوفير اللي ضربو وهرب يحبس الطبيب المخدر يحبس الطبيب المختص والطالب وشوفير الاسعاف غرامة سيارة الاسعاف بقى لا يسمح باستخدامها مرة تانية يعني تنسق وان عادها ابو الحصيني قطعو دنبو :pos: |
اقتباس:
|
اقتباس:
كل هدول!!! |
سؤالك كان مفخخ :shock:
|
اقتباس:
سأقيد القضيه او الجريمه ضد مجهول واريح دماغي :D |
لك مين نكش هالموضوع
|
هلاء هاني في نظريتين بيعالجوا القصة هاي
الاولى نظرية تعادل او تكافئ الاسباب بمقتضاها كل سبب او فعل اشترك في احداث النتيجة يدخل في المفهوم التجريمي اي انه يعتبر جزء من الركن المادي وبتالي يعاقب صاحب هذا السلوك ولكن العقوبة تختلف باختلاف اثر السلوك النظرية الثانية نظرية السبب المباشر بمقتضاها لا يعول الا على السبب او السلوك المباشر في احداث النتيجة اي انه لو تضافرت عدة اسباب في احداث نتيجة معينة فان السبب المباشر فقط يكون محل التجريم اما باقي الاسباب فلا تعدو كونها ظروف تداخلت هلاء وفق النظرية الاولى كلهم مذنبين وفق التانية السائق فقط هو المذنب لكن هون بدي وضح شغلة وهي ان معظم القوانين الجزائية تتبنى النظرية الثانية وهي نظرية السبب المباشر يعني الساثق اكل عسل اسود حلو هيك معلم هاني تحياتي الك وللجميع وخصوصا المستشار منوشة :D |
اقتباس:
شو مشانكن لاحقين مواضيعي ومبلشين نكش وحياتكن اسا ما متت يعني اسعتني حي ارزق :? :lol: |
اقتباس:
لك انتا باجازة ونحنا عم نعيش لحظات الحرمان والاشتياق لذلك بنبحث عن اي شي من ريحتك ;-) ;-) ;-) |
وقد نُكش هذا الموضوع على روح هاني داغر :pos:
|
اقتباس:
بعيد الشر يعدمني ياك على هالمفاولة :pos: |
اقتباس:
لك ليه عم تفول على الرجال بعدين وين تركتني مع زوجة المستنقبل وجاي هون تفقع هاني روح هناك عم انتظرك لنشوف حل لهاي البقرة اسف الانسة |
بقرة !!!!:shock:
|
اقتباس:
لك اتركك من هالبقرة قصدي سندريلا وروح اعرف موعد موتك بسرعة بركي نموت سوا انا وانتا ونخلص من البقر يلي بالحياة الموضوع لفادي بنتظرك هناك |
انا عمري خلص لما حبيبتي تركتني:pos:
|
اقتباس:
لك ما بيسوا كلهم بدهم حرق |
اقتباس:
|
اقتباس:
تعيش وتتذكر حبيب بس شو تذكرت هلاء بهتلر شو رائيك نشوف شي موضوع ميت نعيد له الحياة في مواضيع كتيرة هون مسكينة ما حدا بيفوت عليها خلينا نوجب الشباب |
| الساعة بإيدك هلق يا سيدي 11:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون