|
يوميات "طارق"
منصور:شو صار معك ؟ جبت الدوا؟؟؟
طارق: اي، مشي الحال، و بلشتلها بالكورس اليوم منصور: اي ما حكا شي الصيدلي؟ يعني عطاك ياه عادي ؟؟؟ طارق: اي، عادي كتير منصور: يعما!!!، انو هيك فتت لعندو قلتلو عطيني دوا لاجهاض الجنين، قام عطاك ياه؟؟؟ طارق: رح احكيلك شو صار معي. فتت لعند الصيدلي، اول ما فتت شفت ستاند "الكوندومات"، قمت ارتحت نفسيا شوي، لأنو كنت خايف كتير. انتظرت لراحو الزباين بعدين قلتلو "بدي دوا اجهاض" صيدلي: قديش صرلا حامل؟ طارق: ضروري تعرف؟ صيدلي: اي، لانو لازم يكون قبل 15 يوم و إلا ما بيعود بيعطي مفعول، بيصير بدها "كورتاج". طارق: ولي، شو هاد كورتاج؟؟؟ لا عمو، ما صرلا يومين تلاتة صيدلي: ايوه، دغري عملت تيست؟، عمو الكورتاج يعني عملية تجريف لغشاء الرحم، بدك بدلك لعند دكتور شاطر طارق: لا بس يومين، عملت تيست دغري، قديش حقو؟ صيدلي: 4000 ليرة طارق: اووووووف، كتير!!!! صيدلي: و انت ضروري كنت تدعس للصاجة ؟؟؟؟!!!!! |
:? :shock: :oops:
بانتظار نتعرف على طارق اكتر :D |
يسلمو كثير على الموضوع :D
|
بانتظار التتمة......ما تتأخر علينا...حاكم المواضيع اللي بتنقرا صايرة معدودة......:D :D
|
منصور: شو خطرلك ماسك المقص و بدك تقص رقبتو لسليم؟ انو ما بيكفي زتيتو للزلمة من البلكون؟، منيح يللي من الطابق الاول، كنت قتلتو للزلمة
طارق: مو انا زتيتو، هوي زت حالو، انا نزلت لحتى انقذو منصور: لك يا رجل شفتك ماسك المقص و نازل تقص رقبتو طارق: كنا مقطوعين، و ما معنا مصاري، قام تزكر سليم انو معو حبتين "اكسسي" قمنا بلعناهم منصور: شو هاد الاكسسي؟ طارق: هاد حب هلوسة منصور: يخرب بيتك!!!!! تعاطيتوا حبوب هلوسة؟؟؟!!!! طارق: ما عم قلك كنا مقطوعين، لا مشروب و لا حشيش، و لا معنا مصاري نشتري. منصور: بتقوموا بتاخدوا حبوب هلوسة؟؟؟!!! طارق: خلص يا زلمة، اخدناهم و مشي الحال، المهم، بعد شوي ما لقيتلك غير سلوم زت حالو من البلكون، قمت نزلت لحتى انقذو، قام ما شفلك غير راسو بلش يكبر يصير قد الآظان، و يصغر يصير قد البونبونة، يكبر و يصغر، بعدين صار يكبر، يكبر، يكبر، لك ما عاد صغر!، قمت خفت يفقع، فركضت ع البيت جبت مقص مشان نفسو، منيح يللي اجيت انت قبل ما .... منصور: لك الله لا يوفقكم شو مجانين، الله ياخدكم، الله يلعنكم انتوا الجوز، شو ما في ولا غرام عقل براسكم ؟؟؟!!!! طارق: خلص بقااااااا، حاج تزن بادني ولو، ما كنت عرفان انو هيك رح يصير، مرة انت عطيتني حبة هلوسة بمعسكر التدريب الجامعي، ما كان هيك مفعولها منصور: يا حمار وقتها ضحكت عليك و عطيتك حبة منع حمل، مو اكسسي |
:lol: :lol:
هههههههه شي حلو ورائع هالطارق شي حشاش عالاخر ذكرني بحدا بعرفو 8) مشكور معلم انا بانتظار البقية |
لك اي شو هالطارق هاد.....شي مسلي و ظريف...و منصور كمان...مانو قلييل....:oops:
بانتظار معرفة المزيد عن طارق....:D :D |
ثابر الى الامام يا شاطر :clap: ....
|
كتيير حلوين
عم نستنا الباقي شريك |
حلوين وبيعقدو يسلمو
|
يللا يللا بسرعة كريمبو كمل الموضوع
بدي اتعرف اكتر على طارق حلوين كتير :D |
ليش ما ادريتي؟؟
كريم انتحر |
يحرق حريشك بحراقه الحريش
شو هالطارق هاد فظيع مو معقول شو حشاش يسلمووووووووو |
:o :lol: :lol: :lol: :lol:
يا ترى شو بكون طارق ومنصور عم يعملوا هلق؟ |
اقتباس:
خلص قلو اني رجعت عالاخوية منشان يرجع مرة تانية حرام يضل منتحر :p |
اقتباس:
:dunno: :dunno: :dunno: :confo: :confo: :confo: :confo: :confo: :confo: :confo: :blow: |
اقتباس:
ماعرف ياخد احتياطاتو الفهمان ؟ |
منصور: طارق، موبايلك عم يرن
طارق: يلعن هاه هي اختي، ألو، اي شيرين، كيفا تيتا؟ شيرين: اي طارق، قوم تعا، ستك يمكن ماتت طارق: لك شو يمكن؟؟؟!!!، يلعن هاه، تيتا ماتت و اللا ما ماتت شيرين: ما بعرف!، وين انت؟ قوم تعا طارق: لك روحي انقبري شوفيها و ارجعي خبريني شيرين: طيب طيب طارق: يلعن دينا ما اغباها يا زلمة، يا سعيد، جودلنا بشي غنية سعيد: لعيونك ابو طريق، و العمر الك حماتي شعرا منكوش منظر مرعب تحت الدوش خاطرلي طخا بالنار لكن ما عندي خرطوش الشباب: لا لا لا لا، لا لا، لاه لا لا لا لا، لا لا، لاه هيهات يا ابن العم سعيد: بكنس و بمسح عيني رايح اتكرسح سيدي مرتي الله لا يوفقها، بتاكل بتتسطح كبست علينا النعوسة كبست علينا قلتلا يالله يا مرا قومي عشينا كبست علينا النعوسة كبست علينا قلتلا يالله يا مرا قومي عشينا قالتلي قوم انقبر و بالفرشة يالله انفزر راحت علينا يا بابا راحت علينا |
منصور: طارق، موبايلك عم يرن
طارق: يلعن هاه هي اختي، ألو، اي شيرين، كيفا تيتا؟ شيرين: اي طارق، قوم تعا، ستك يمكن ماتت طارق: لك شو يمكن؟؟؟!!!، يلعن هاه، تيتا ماتت و اللا ما ماتت شيرين: ما بعرف!، وين انت؟ قوم تعا طارق: لك روحي انقبري شوفيها و ارجعي خبريني شيرين: طيب طيب طارق: يلعن دينا ما اغباها يا زلمة، يا سعيد، جودلنا بشي غنية سعيد: لعيونك ابو طريق، و العمر الك حماتي شعرا منكوش منظر مرعب تحت الدوش خاطرلي طخا بالنار لكن ما عندي خرطوش الشباب: لا لا لا لا، لا لا، لاه لا لا لا لا، لا لا، لاه هيهات يا ابن العم سعيد: بكنس و بمسح عيني رايح اتكرسح سيدي مرتي الله لا يوفقها، بتاكل بتتسطح كبست علينا النعوسة كبست علينا قلتلا يالله يا مرا قومي عشينا كبست علينا النعوسة كبست علينا قلتلا يالله يا مرا قومي عشينا قالتلي قوم انقبر و بالفرشة يالله انفزر راحت علينا يا بابا راحت علينا |
:shock:
يا ويلاه هاي جلطتني |
اقتباس:
|
رهيبة كريم:? :o
كترلنا مننون و ما تحرمنا:king: |
اقتباس:
:D |
ملعوووووبه كتير معلم
لا تطول علينا يستر عرضك ;-) |
يا ويلااااااااااخ شو هاد يا معلم
|
بالله معلم كريم كيف لحن هالغناي صاير
حاولت لحنا على سمرا وانا الحاصودي ما مشي الحال على عمي حسين ما مشي الحال فكيف اللحن تبعا :? |
اقتباس:
جرب لحن راجع عالديره يمكن يمشي الحال |
هع هع هع
|
هلق هادا سعيد هو نفسو الي قتل اخو هداك اليوم:jakoush:
:pos: |
اقتباس:
|
لك شو هاد
الله حيوا هون التحشيش على اصولو مشكور كريم |
شي جميل :lol:
|
منصور: ابو طريق، هل أنت بتآمن انو الخل الوفي من المستحيلات؟ يعني ما بتعتبرني انا مثلا خلك الوفي ؟؟
طارق: شوف لقلك، خود سليم مثلا، وقف معنا و دفعلنا تكاليف المحامي و المحكمة و الواسطة وقت اخدونا ع سويسرا تنزكر و ما تنعاد، و ضل عم يشوفنا بعدها، مع انو ريحتنا فاحت بالجامعة و انشمسنا شمسة الكلاب بالحارة... و ما عم يطالبنا و كل ما نجي لندفعلو بيعصب و بيتدايق... سليم صديق جيد، بس انت ابو طريق صديق ممتاز، ليش؟؟؟ لأنو وقت اكلت خرا انا، كنت انت عم تاكلو معي بنفس المعلقة... بس الخل الوفي، هادا بقا مصطلح لسا ما فهمت شو معناتو، يعني شو بيفرق عن خل العنب، صدقا ما بعرف. منصور: تضرب انت و هالسيرة ايه !!!، ضروري تزكرني بالـ 386 مصطيجة يكسر ايدو انشالله... طارق: كلو من ورا تناحتك، قلتلك مليون مرة قبلها لا تحط الشقفة بجيبتك، و خليها بايدك مشان ازا حدا قرب صوبك ترميها، و انت تجعر و تقول بمسخرة "حدا بيرمي تحفة بعلبكية متل الدهب حقها الف ليرة بايدو ؟؟؟" ...... عموما الحبسة فادتنا من عدة نواحي منصور: صحيح انك محشش، ممكن تعربلي ياها لهي "فادتنا" اعراب مفردات، و "من عدة نواحي" اعراب جمل ؟؟؟ يعني ما عدا انو رسبنا فصل بالجامعة ... و انشمسنا بالدول المجاورة ؟؟؟ طارق: بعدين بعربلك و ببصرلك، هلأ تأخرنا .. قوم وصلني بهالعجيبة يللي ضحكوا على ابوك و قالولو انها "فولفو"، شكلها بلشت تفقس معك و تصحصح، صرت تحكي شروي غروي متل المصحصحين |
:? :? :shock:
اقتباس:
:clap: :clap: :clap: |
اقتباس:
|
قسّم وسمعنا ..
|
اقتباس:
هاي اللي بين قوسين مو لازم تكون منصور |
مشكووور خيي كريم :D
|
اقتباس:
بس هون شكلو كمان كان عم يحكي شروي غروي...متل المصحصحين;-) ;-) مشكور كريم...و ما تطول علينا:king: :king: |
لاء ..اي لاء مو حديث هدا بنوب بنوب بنوب ((مو غنيه نجوى بنت الكرم ))
بس عنجد شي ظريف كتير يسلمو ايديك ودير بالك ما تصحصح انت كمان وتقطعنا من سيرة الشباب الطيبه |
| الساعة بإيدك هلق يا سيدي 08:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون