سؤال يطرح نفسه !
 

مرحبا حسام
ليش ما بتعملو منتدى الموبايل
وليش ما بيقدر العضو أن يرفق رسالته بملف (zip-jpj-bmp-------)

:?: :?: :?: :?: :?: :?: :?: :?: :?: :?: :?: :?: :?: :?: :?:

بدايا . الاقسام الحالية ليست اقسام ثابتة .. ونهائية
وانما حاولنا ان نجد اكثر الاقسام جماهيرية على حسب زوار الموقع
عموما مافي اي مشكلة وممكن نفتح قسم للموبايل
لو كنت فعلا حابب اضيف مقال فيه تصويت حول هال الشي .. واذا وصلك اصوات جيدة حنفتح القسم

وبخصوص المرفيقات ..
zip,gzip >>>
ملاحظة منيحة انا ما كنت متوقع حدا حينتبه على هال الشي .. هههههههه عموما الخاصية موجودة خاصية تحميل المرفقات .. لكن حنفتحها او حن حررها بالمنتدى بعد كام يوم مع حزمة من التعديلات

فكرة
 

بس بحب نوه انو كمان ناقص منتدى بخص الصبايا ممكن يكون اسمو منتدى المرأة بيتعلق بالصبايا وب فينا نضيف فيه مواضع يتخصنا وفينا نطرح مشاكل ونلاقي حلول الها
:wink:

منتدى الموبايل
 

مرحبا وانا كمان كنت عم فكر بمنتدى الموبايل والرسائل القصيرة وكل عضو بسجل رسالة smsوفينا نعمل استفتاء مين بيكتب أحلى ماسيج
طيب في حدا عندو كمان شي فكرة

Hiiiiiiiiiii every body
بس كيف بيعملوا استفتاء ؟ :?:

و أنا بقول انو يكون في نقاط للعضو بيقدر بواسطتها أنو يبعت Free Sms من الموقع

Thanks
:wink:

حول طريقة عمل استفتاء راجع
س و ج

منتدى للمرأة؟؟؟؟؟؟؟؟
طيب ومنتدى للرجل كمان
يعني ما حدا أحسن من حدا




كنت أمزح، وأقصد من ذلك أنني ضد فكرة منتدى للمرأة

ولشو كترة الغلبة
 

طيب وليش ضد هل الفكرة طالب كمان بشي اللرجل مندون ما تحكي كلام مو منطقي وليش معارض يعني انت دايما
:wink:

أنا لست معارض دائماً...
لكن لكل منتديات على الإنترنت هدف أو اتجاه عام
وبما أن هذا المنتدى هو منتدى أخوية دينية مسيحية، فيجب أن يكون متخصص في ذلك لكي يتميز. لأنه عندما تكثر أقسام المنتدى تتشتت الأفكار، وطبعاً نحن لن نستطيع مجاراة منتديات الموبيل أو المرأة أو غيرها والمتوفرة على الشبكة. فلذلك نركز على شيء ما، ونحاول أن نتميز به ومن ثم نفكر هل نفتح أقسام جديدة للمرأة والرجل وغيرها....
وإذا أردت منتديات للمرأة فهي متوفرة بكثرة على الإنترنت. ويمكنك الاشتراك بها وبكل سهولة.

نحنا شباب وصبايا ومبس شباي وصبايا مسيحين
 

مرحبا أخي العزيز بس بحب قول أنو الانترنيت للجميع والمنتديات فكرة كتير إيجابية وأنا من اللي أوائل اللي طرحوا الفكرة على حسام وطلبت أني ساعدوا كرمال هيك أخي العزيز السيد كوم متل ما مسميه حالك لا تميز اذا بتريد بين المرأة والرجل أو مسلم أو مسيحي لأن في الاخوية قصدي موقعنا يوجد أعضاء مسلمون وفعالون أيضا
بليز لا تزعل مني
أختك عبير :wink:

بدون زعل
 

طيب ليش بدال ما تعترض على طول

أنو تقترح شي اقتراح يفيد الموقع
:?: :?: :?: :?: :?: :?: :?: :?:

أعصابك :wink:
ليه عصبت 8)

:lol: :lol:

cool
 

be relax :wink:

منيح أستحوا بقى
:oops:

طيب هوي نقاش
 

:D

مرحبا يا شباب و عفوا كتير لاني نكشت موضوع قديم
بس انا بوافق مع مستر كوم
انو المنتدى الو هدف معين لازم اول شيء يتميز فيه بعدين يتجه نحو التوسع بالاشياء الاضافية

يعني لما الواحد بيجي على موقع أخوية بيجي لانو موقع مسيحي شبابي بشكل اساسي

هلق مثلا هون عنا
5 منتديات كمبيوترية
و 4 منتديات ثقافية أدبية
و 3 منتديات دينية؟

سبب وجود 5 منتديات كمبيوتر معروف و واضح و هوي لانو معظم الشباب هون اهتماماتها بالبرمجة و الانرتنت... الخ
بس يعني ع شوي تاني رح ننافس منتديات الكمبيوتر
:P
أكيد ما حدى عم يقول انو ما نكتب و نعمل منتديات و نتوسع اذا بدنا.. يعني شيء رائع انو في عنا هيك شباب

بس على الاقل يعني كم منتدى مسيحي زيادة شوي
يعني مثلا
1-المسيحية المعاصرة (لاهوت مسيحي معاصر)
2-وحدة الكنائس الشرقية (حوار مسيحي مسيحي).. مستقبل المسيحيين الشرقيين.. تاريخ الكنيسة و المسيحيين العرب
3-حوار مسيحي - اسلامي او رد على الاتهامات الغير مسيحية
4-تأملات في العهد القديم
5-تأملات في العهد الجديد
6-منتدى لمناقشة المواضيع المسيحية بشكل عام أو طرح الاسئلة

يعني في اشياء اساسية بعتقد لازم تكون موجودة.. و حتى لو ما كان في مشاركات كبيرة فيها... بس نحنا شغلتنا نخلق هل مشاركات... و بعدين بقى ما في مانع نتوسع قد ما بدنا بالاقسام التانية

بس نحنا هلق عاملين متل مطعم شاورما عم يعيش من ورا بيع الكولا؟؟؟

و هادا رأيي الشخصي و عفوا مجددا على نكش موضوع قديم

تحياتي

يا مان اقل مشاركات واقل تفاعل عم بيتم باقسام الدينية والسبب غير عائد على قلة اهتمام الناس بالدين
بل على عدم وجود مرجعيات متواجدة بشكل مستمر في هذه الاقسام ..

يعني لو قسم البرمجة ما فيه مبرمجين بيكون قسم ماله معنى
ولو قسم ديني ما فيه رجل دين كمان بيكون قسم ماله معنى

وهذا التقصير لا اعلم على من .. لكن هذا الواقع
:D