|
أخوية سبورتTV- بث مباشر لكأس العالم
مرحبا شباب ...
يعلن موقع أخوية دوت نيت عن إطلاق قناته الخاصة بالمونديال و التي ستقوم بنقل جميع المباريات دون تشفير ولا إشتراك ولا بطيخ :gem: و بطمنكن إنو التعليق عربي إضافة لعرض أحلى اللقطات بين الشوطين مع شوية إعلانات سورية بايخة متل علكتي منطاد و سهام الشهيرتين ومحارم ديما و القطة و شراب عمار ... مشان ما تفقدوا لشي منوب :lol: أنا من ناحيتي لا وراي ولا قدامي و رح إحضر كل المباريات و حط النتيجة هون مباشرة مع كل هدف مشان كل مين حابب يكون على تواصل من الأعضاء مع المونديال ما عدا بكره الأحد لأني رح إنقطع عن النت المسا مضطراً ومن بعدا منكمل . إذا ما عجبتكن الفكرة مو مشكلة :cry: حذفوا الموضوع :سوريا: |
حالياً طالعة مباراة السويد مع ترينيداد و توباغو
اللعبة مستواها جيد على غير المتوقع هلأ بلش الشوط التاني و النتيجة 0-0 |
خيي مشكور :سوريا: وما بدك توصاية لحتى تمدح الطليان:king: :gem: وتهبط معنويات الأعداء
|
ترينيداد وتوباغو X السويد ( 0_ 0 )
خلصت مباراة السويد و ترينيداد
النتيجة النهائية 0-0 ترينيداد و توباغو فاجأت السويد بمستوى جيد و التعادل بالنسبة للسويديين بطعم الهزيمة لأنو لسه قدامن انكلترا |
أي شو هالمباراة بالفعل حامية لدرجة !
وهالترينيداد شي مو معقول !!:? بشك أنو انكلترا توقف قدامن ... |
فكرة حلوة ومشكور يا معلم
اقتباس:
|
الأرجنتين X ساحل العاج
-صار ماضي ربع ساعة
-المباراة قوية كما هو متوقع الأرجنتين قوية كالعادة و كوت ديفوار مرعبة بصراحة وعندن مهارات وسرعة مخيفة لحد هلأ -أول خطأ تحكيمي قاتل بالمونديال ضد الأرجنتين : كرة عرضية للأرجنتين بيطالعها المدافع الإيفواري بإده لضربة ركنية "مفروض جزاء" و من لعبة الركنية صاروخية أرجنتينية من حدود الجزاء بتفلت من الحارس و بتتجاوز بكامل محيطها خط المرمى ... بس الحكم ما بيعمل شي  |
قبل شوي بدأت مباراة اليابان وأستراليا
المباراة بين المدربين لأنو المستوى متقارب بين اللاعبين و الميزات متكافئة و على رأس كل فريق مدرب مميز اليابان معها زيكو أستراليا معها الهولندي جوس هيدينك |
اليابان X أستراليا (1_0)
اليابان تسجل هدفها الأول بالدقيقة /26/ بواسطة ناكامورا
|
نتيجة الشوط الأول :اليابان X أستراليا (1_0)
الشوط الأول كان قوي من الجهتين و صار فيه فرص كتيرة للفريقين
بس كول اليابان كان من خطأ حارس أوستراليا اللي ما عرف يقدر الكرة العرضية صح:? فتجاوزته إلى المرمى. و اليابان عم يظهر بمظهر جيد ما تعودنا عليه من الفرق الآسيوية تنظيم بالوسط و دفاع مستميت مستفيدين من السرعة اللي معروفين فيها شعوب شرق آسيا. |
أستراليا تسجل هدف التعادل عبر تيم كاهيل بالدقيقة /84/
|
تيم كاهيل يضيف الهدف الثاني لأستراليا بالدقيقة /88/
|
مسخرة
ألويزي يضيف الهدف الثالث لأستراليا بالدقيقة /92/
|
النتيجة النهائية: اليابان X أستراليا (1_3)
صبناهن بالعين لليابانيين :pos:
فرطوا بظرف /5/ دقايق مشان يأكدوا إنو الفرق الآسيوية رح تضل فرق هاوية بتلعب بالحماس ، و لما بيصيبن إحباط من هدف أو ظلم تحكيمي بيصيروا عاجزين أمام أي فريق منافس ! للأسف اليابان اليوم كانت عال العال لمدة /85/ دقيقة و بمجرد دخول هدف التعادل إنتهت المباراة من ناحيتن و تمكنت أستراليا من تسجل /3/ أهداف خلال /5/ دقايق !!!؟؟؟ |
يا سيدي هل أستراليا .. نوووووووووووي
|
اقتباس:
بس اليابانيين طلعوا صينيين "تقليد يعني ;-) " شو يا عاشق ... جاهز لتشوف صاحبنا السهم الأشقر الساعة /7/ :clap: المباراة بين التشيك و أميريكا المفروض نشوف مباراة قوية خاصة من جانب التشيك بقيادة لاعب وسط جوفنتوس ندفيد و روزيسكي و قدامن قلبي هجوم مرعبين "يان كولر و ميلان باروش" :gem: |
تشيك X أميريكا (1_0)
ما في مزح مع عمكن كولر:7asheesh:
يان كولر يسجل الهدف الأول للتشيك بالدقيقة الخامسة من كرة رأسية ولا أحلى :clap: المعروف عن كولر إنو يتحكم برأسه كما يتحكم بيده 8) |
تشيك X أميريكا (2_0)
روزيسكي يضيف الهدف الثاني للتشيك بالدقيقة /35/ من تسديدة صاروخية
|
تشيك X أميريكا (3_0)
توماس روزيسكي يضيف الهدف الثالث للتشيك بالدقيقة /76/ :o
|
النتيجة النهائية: تشيك X أميريكا (3_0)
:gem: (تشيك تكشر عن أنيابها):gem: كما هو متوقع يبدو أن التشيك لم تأت للبطولة كي تمر مرور الكرام...لقد " إلتهمت "أميريكا في مباراة اليوم مع العلم أن المنتخب الأميريكي قوي و منظم لكن التشيك لم تعطهم أدنى فرصة حتى للالتقاط أنفاسهم مبروك للتشكيين :clap: و لحبيب قلبي ندفيد :clap: و الله يسترنا :cry: لا عم إمزح :p كل واحد بيعرف حدودو 8) و التشيك حدودن تنتهي حيث تتواجد إيطاليا العملاقة:gem: |
اقتباس:
تحياتي |
مباراة نارية بين إيطاليا وغانا
بالفعل إنو الشوط الأول للمباراة مر بلمح البصر
هجمة هون وهجمة هون غانا قوية كتييييير و عندا إمكانيات هائلة و كانت على وشك إنها تسجل بأكتر من مناسبة لولا رعونة المهاجمين كمان إيطاليا أضاعت كتير فرص و خاصة كرة لوكا توني ياللي ردتها العارضة و لتحت :jakoush: لتفرج بالدقيقة /40/ على يد أندريا بيرلو من تسديدة بحرفنة سكنت شباك غانا و صحلنا بعد الهدف فرصتين ما قدرنا نستفيد منن انشالله نكفي هيك المنتخب رائع و الإنسجام موجود  |
النتيجة النهائية: إيطاليا X غانا (2_0)
نفدنا يا جماعة :clap: :clap: :clap: :clap:
بعد مباراة خشنة جداً من جابن الغانيين اللي كانوا أقوياء وقادرين على قلب النتيجة ... قدرت إيطاليا تتجاوزها و بصعوبة بالغة و بعد ما شفت مستواهم صار عندي شك بكل الإحتمالات لأنو غانا قادرة على سلب بطاقة إيطاليا أو تشيك الشي بيتحدد بنتيجة مباراة الفريقين أولاً طبعاً الهدف التاني سجلو ياكوينتا من كرة سرقها من مدافع البايرن "كوفور" بشكل عام هاد الإمتحان أصعب يبدو من إمتحان تشيكيا لأنو غانا اليوم كانت عم تلعب بمهارات وخشونة كبيرة نتج عنها إصابة خفيفة لتوتي مبروك لإيطاليا و بداية مباركة :gem: :gem: :gem: |
توغو X كوريا الجنوبية (1_0)
سجلت توغو الهدف الأول بالدقيقة /31/ من تسديدة حلوة خارج منطقة الجزاء
يمكن تكون هي أكتر مباراة مملة لأنو الفريقين ضعاف :jakoush: بس بدي أعرف كيف وصلت توغو لهون و الكاميرون و السنغال برا !!! |
نتيجة الشوط الأول: توغو X كوريا الجنوبية (1_0)
و الله المباراة مابها شي يعني
و توغو ماشي حالا مو ضعيفة متل ما توقعت بس بتضل المباراة هزيلة لأنو الفريقين ما رح يقدروا يوقفوا بوش فرنسا :gem: و غالباً سويسرا كمان |
النتيجة النهائية: توغو X كوريا الجنوبية (1_2)
الشوط التاني كان شكل مختلف من الفريقين
و خاصة كوريا اللي انطلقت للهجوم بقوة على حساب ضياع فريق توغو دفاعياً وهجومياً و تمكنت كوريا منقلب النتيجة و إحراز 3 نقاط غالية ممكن تفيدها للوصول للدور التاني . |
فرنسا X سويسرا
انتهى الشوط الأول بالتعادل السلبي
و المباراة عادية فرنسا ضيعت فرص بشكل غريب وكمان سويسرا كانت على وشك إفتتاح التسجيل من كرة ردها القائم فرنسا بهيك لعب غير قادرة على تجاوز الدور التاني للأسف |
النتيجة النهائية: فرنسا X سويسرا (0_0)
مباراة مخيبة للآمال بصراحة
كنت متوقع الفرنسيين يتوحشوا و يفرجونا شي مميز ... بس كانوا متل العجايز بالملعب كلن عجايز حتى هنري والله ستر عالديوك بآخر المباراة لأنو لولا شوي راحت المباراة منن !!!! |
يعني أسخف مباراة بالمونديال لحد هلق مستوى فرنسا زبالة
ضعف هجومي واضح .... معانو عندو أفضل مهاجمي اوربا بس مدرب .. أشهدلو أنو حمار :aah: :aah: :aah: :aah: :aah: |
اقتباس:
لسه ما صار شي إدعي إنو يكون الوضع هيك بسبب إنها المباراة الأولى "جس نبض يعني و رهبة أول مباراة" لأنو إذا فرنسا بتكفي هيك ... مستحيل تتجاوز الدور التاني من المونديال :pos: |
اقتباس:
|
مع انو انا بحب ايطاليا بس التشيك هي الاقوى
|
البرازيل X كرواتيا
المباراة هلأ بالدقيقة/60/والنتيجة (1_0) للبرازيل
سجل الهدف كاكا قبل نهاية الشوط الأول من تسديدة قوية على حدود الجزاء |
النتيجة النهائية: البرازيل X كرواتيا (1_0)
بعد مباراة ممتازة من الفريقين تمكنت البرازيل من الفوز بصعوبة و بهدف وحيد
كرواتيا أضاعت فرص كتير و لولا رعونة مهاجميها كان للمباراة نهاية تانية بكل حال فريق البرازيل قوي لكن بشكل فردي أما جماعياً فالفريق مو كل هالقد مبروك لإخواننا البرازيلية تجاوز الفريق الأصعب بالمجموعة ;-) |
اقتباس:
ما لعبو منيح فيها وبالفعل لو كرواتيا كان عندها هجوم اقوى بشوي كانو ربحو بفرق كبير كمان يعدمني رونالدو كل ما توصلو الطابة يضيعها حتى رونالدينو لعب بس مو متل العادة اذا بدو يضل هيك لعبهون فمافي امل بالكاس :pos: لعمى لكن معقول فريق كبير متل البرازيل يقضي شوط كامل عم يضيع وقت :shock: |
فازوا بالحظ ..
|
لا معلم مو حظ
بس هجوم كرواتيا كان ضعيف يعني الكول اللي جابوه كانو بيستحقوه |
اقتباس:
مافي فريق بيعطي كلشي عندو وبيكشف أوراقو وخططو من أول لعبة من الدور الأول ..... صدقني كنت متوقع اللعبت تكون مسكرة أكتر من هيك .... وبيريرا لعبا مظبوطة .... بكرا اتفرج شو بدو يصير بالسطعش ! |
انشالله هاد اللي بدنا ياه;-)
|
و الان معكم مراسلكم أبو وليم من ألمانيا
و لقد أنتهت كل من مبارة إسبانيا * صربيا 4/0 و كل من مبارة السعودية * تونس 2/2 و لقد كان التقدم في البداية تونسي بهدف ثم بدء السعوديون بتقليص الأهداف و تقدمو على تونس بهدفين و لكن التونسين عادلوهن بهدفين في النهاية |
| الساعة بإيدك هلق يا سيدي 22:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون