|
there is something about mary
بعرف هيدا عنوان فيلم كتير ظريف بس ما نزلتو بقسم الافلام لأني ما عم بحكي عن تقنية الفيلم أو عن الاخراج أو عن الممثلين
كلامي عن عبارة قطعت بالفيلم لربما يكون من المهم أنو نتناقش حولها: كانت ماري قاعدة مع صديقاتا لما سألوها ليش تركت حبيبك السابق مع أنو كان شكلكون كتير منسجمين ردت ماري: لأنو قال لي: لو أنو (وورن) مانو بحياتك كنت طلبت إيدك للزواج مع العلم أنو (وورن) مش زوجها ل ماري ولا حبيب سابق ولا ابنها (وورن) أخوها ل ماري بس متخلف عقليا وسؤالي موجه للشباب وللصبايا بنفس الوقت: إلى أي مدى بتقبل فكرة أنو تتزوج شخص عندو حالة مرض بالعيلة ومش أي مرض يعني التخلف العقلي أو الجنون أو حتى مرض وراثي متل الصم مثلا ومش لعبة أكتر أنك تتقبل فكرة تمضي حياتك عايش مع متل هالانسان المريض بنفس البيت وتشاركه نفس غرفة القعدة والمطبخ والحمام وكل شي حتى ساعات راحتك وأيام العطل فيه مثل بيقول اللي بياكل العصي مو متل اللي بيعدا |
هلق انو يكون في حدا بعيلتها مريض
ربنا يشفيه ما عندي مشكلة ولا في اي مشكلة بالموضوع أما انو يسكن معي ..... :shock: أو اسكن معو :? مو معقولة بنوب ولا مستعد اتحملو أبدا |
أسئلتكون صارت محرجة كتير .........
|
المهم هي ما يكون عندها شي بعقلها كل شي عادي
|
اقتباس:
طبعا بعيد الشر عنك وعنا وعن اهالينا الله لا يمتحننا بيهيك اختبار |
اي بس الموضوع المطروح .. مو اذا كنت انت فيك شي ..
|
اقتباس:
أول شي شكرا للكل على مروركم بس خيو ليش الإحراج يعني كل إنسان عندو وجهة نظر بهالحياة وأكيد منحترم وجهة نظر الآخرين لو شو ما كانت لأنو بالنتيجة كلنا بشر |
اقتباس:
مع أنو يمكن هوي نفسه يكون متجاوز مرضه بس المجتمع ما بيرحم |
اقتباس:
وما فيي قارن هالشي بهالشي .... ويمكن اذا كانوا من البداية متفقين على الموضوع ما في مشكلة ... |
هلق حكي مافي شي من الإنسانية بس أنا كم مرا بدي أتجوز و بعدين ولادي شو ذنبون
|
صياد الطيور ليش ما فيك تقارن ؟
|
اقتباس:
بس كمان مو ذنبي اتحمل .... أما اذا كان المرض مو مأثر علينا ..فعادي جدا أنا ماني مضطر اتحمل حد بيقربها مريض يقيم عندي بس بعتقد انها مجبرة على هالشي ؟ يمكن رأيي غلط ما بعرف |
اقتباس:
|
الموضوع خطير
هلأ في حالتين انو اذا كان المرض وراثي بالعيلة بصراحة رح خاف ومابعرف شو ممكن اعمل..... يعني بصراحة رح خاف انو تطلع الشغلة كمان براس ولادي..... خصوصا انو اذا كان مرض مافي مجال انو ينكشف عنو خلال الحمل بطريقة انو اعرف انو الجنين اللي ببطني معاق من اول الحمل واتراجع عن الحمل...... يعني هيك مخاطرة رح تكون كبيرة كتير وعن جد مابعرف اذا رح تكون عندي الجرأة اني اخد قرار اتزوج شخص بعيلتو هيك مرض وراثي اما اذا في شخص بعيلة حبيبي عندو اعاقة سواء جسدية او عقلية بس مانها وراثية فهاد مارح يأثر ابدا على علاقتي بحبيبي حتى لو اضطرينا انو نسكنو معنا بالبيت..... بعرف انها صعبة كتير بس مستعدة اتحملها لانو اكيد الشخص اللي بيستاهل اني اتجوزو بيستاهل تضحيات مني وشكرا ريمي عالموضوع :سوريا: |
اقتباس:
بس تفكيرك فيه شوية انانية أو شرقية |
اقتباس:
|
اقتباس:
قلتلك ممكن يكون غلط |
ليش يعني
اقتباس:
|
اقتباس:
|
اقتباس:
شو أبو مزيد ما أنا بالأول شكرت الكل بس خصصت صياد الطيور على صراحتو ومية هلا فيك :سوريا: |
مو بيناتنا قلنا بنهز الورد لنشم ريحتو
|
من الطبيعي جدا انه الانسان الطبيعي يعني المعافى ما بيتقبل العيشة مع انسان مريض..:?
والصحة تاج على رؤوس الابرياء... dm3t 7zn... |
1- ما بحبه لهل فيلم...!
2-اذا كان في حد مريض بالعائلة..عادي كتير..بتزوجو للشخص...(يعني لو كان انا محله..وعندي نفس الحالة بالبيت..اكيد ما حاقبل واحد يجي يقلي ما بدي اتزوجك لانه فى عندك اخ او اخت هيك)..! 3-انو صعبة شوي (او كتير)...انو نعيش سوى..يمكن مو لانه غير سوي عقليا او هيك..بس لانو انا بخاف منهن شوي..وبصراحه انا عصبية ويا دوب استحمل حالي..فمشان كرامة الشخص المصاب..وشريك الحياة..انه من الافضل ما يسكنه معي..! بس اذا الشغلة زيارات خفيفة نظيفة عادي ...! شكرا ري مي........... |
شو رايكون انتو ؟
|
المشكلة انو نحنا ما بنحسن نفكر بالشخص المقابل على انو نحنا يعني ما بنحط حالنا بموقعو
بس انا بالنسبة الي اذا الموضوع مو وراثي فشي كتير عادي وبالعكس كمان انا ذاتي رح حاول اني ارفع معنوياتو ما كون سبب باني هبطها واثبت انو الانسانية ماتت...المشكلة انو نحنا حتى لو وافقنا اهلنا ما بيوافقوا وحتى لو كان في اصرار وحتى لو خرجنا عن طوع اهلنا الطرف التاني ما رح يقبلها... اما انو يسكن معنا فما بعرف صراحة ممكن قول اي بس بذات الوقت باللحظة الحاسمة ما كون قدها وممكن قول لا وبلحظتها ضحى كرمالو.... والله ما بعرف شكرا ريمي عالup وجد هيك المواضيع بتنطرح مو متل .... |
انو وين المشكلة يعني اذا عشت معو بنفس البيت؟
يعني انو انا بشر وهو لا؟بالعكس لازم انو نحاول نعملو شي ولازم نكون معو مو ذنبو انو ولد هيك مايسترو |
اقتباس:
الفكرة انو فرضا انت رح تاخد وحدي اخوها او حدا بعيلتا فيو خلل .. هيي ما رح تصب كل اهتماما فيك ... يعني عمليا رح تهتم فيه اكتر منك .. انت شو رح تكون ردة فعلك (انو هيك بالفلم بظن صار ) .. هل رح تتقبل الوضع ؟؟ .. او انو بتقلا لو اخوكي مانو بحياتك كنت اخدتك ..او بتاخدا .. ومانك سأللان .. |
اقتباس:
|
انا بالنسبة الي اكيد مارح اقدر اتحمل واحد فيو خلل يعيش معي ومعها لانو اكيد ما رح تفضالي على هالحال ورح يكون اهتمامها فيه اكتر مني,,, :pos:واكيد لازم يكون في حل لهيك قصة,,وخاصة ازا كان في خلل متل يكون مصروع والا مجنون عالاخر ,,,فنانا مش متسعد انو اتحمل هيك شغلات ومستحيييييييييل ,,,,,,,;)
|
| الساعة بإيدك هلق يا سيدي 06:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون