|
تغيير جذري, بس ايمت؟
مرة من هالمرات كانت دايقة خلاقي وكنت يأسان من هالحياة عالاخر, قلت لاطلع اتمشالي شي شوي منو بتحرك, ومنو بطلع من هالبيت, ومنو منشم شي هوا نظيف (حاكم الشجر كتير).
المهم لبسنا تيابنا وطلعنا وانا وماشي قعدت فكر, وين كنت ووين هلق صرت, شو تغير بحياتي؟؟ في شي صار احسن؟ في شي صار اسوء؟؟ فكرت شوي, لقيت حالي "مكانك راوح" لا متقدم ولا متراجع نفس الحالة يمكن بس مع تغيير المكان وطبعا كام تغيير تاني صغير, فكرت ليش؟؟ الي سنتين او يمكن تلاتة عم اوعد حالي بتغيير جذري لحياتي (للافضل طبعا), كنت مقرر اكسر الروتين, اعمل شي بحياتي غيرها. يعني هيك شي ممل, لازم اعمل تغيير. فكرت انو ليش لهلق ما عملت هالتغير؟ لازم امشي ولو انو خطوة وحدة وبس امشي اول خطوة بمشي التانية بس الي زمان واعد حالي بهالخطوة, ولهلق ما مشيتها. سألت حالي قلتلو ليش؟؟؟ مبسوط هيك يعني؟؟ قلت لاء طيب ليش لكن لسى ما تحركت؟؟؟ يعني ليش متردد؟؟ من شو خايف؟؟ يعني اذا هيك مو عاجبك, مو احسن انك تغير؟ فكرت بيني وبين حالي, لقيت حالي بعرف الجواب من زمان, اي نعم احسن اذا بغير. طيب ليش ما غيرت شو ناطر؟؟؟ جاوبت, بدي دفشة صغير بس دفشة, وانا بمشي بعدها. بعدين فكرت مين بدو يدفشك؟؟ مرة من المرات كان قرايبك عم يدفشك مشان على اساس تتمرجح على عامود بالسقف, رحت قلبت على الدرج وكسرت ايدك! بدك المرة الجاي تكسر رجلك؟؟ ما حدا رح ينفعك,ولا حدا رح يدفشك, انت لازم تمشي لحالك. كان جوابي يلا بكرا انشالله. طيب ليش لبكرا الك تلت سنين بتقول بكرا, ما صار بكرا لسى؟؟ بعدين قلتلو لحالي لك ما بدك تخلصنا من هالسيرة انت؟؟؟ تركني بقا وطلعت هالبارودة وقوصت حالي وهيك انتهى كلشي, نهائيا.:? |
يا حرام يا حرام .... من يوم الي اخضر ما ضل عندو عقل ..
|
خالص جادو ولا شمعة :?
|
:shock: :shock: :shock: :shock:
نهاية انسان متردد |
يعني اجيناها نكتة اي الله وكيلكن مو نكتة
اجيناها خاطرة ما بتقرب من الخاطرة اجيناها قصة اي ماي شامة ريحة القصة اجيناها خربوشة اي كل شي فيا مخربش بس ما منقدر نسميا خربوشة شو منسميا لكن والله انا احترت بدي حدي يعطيني شي اسم بس اخر مرة واحد عطاني اسم ما طلع مزبوط وما بدي كرر الحالة انا كمان احسن شي روح انتحر انا كمان واخلص :clap: |
ذكرتني بواحد عنا بالحارة(عاطيكون عقلو) اسمو لبيبا..:lol: :o
لك احلى ابو الجود;-) |
اقتباس:
هي الواقع اللي بعيشه الانسان وهو التسويف والتاجيل الى ان يصل الا الموت عندئذ يكتشف انه لم يفعل شي ولكن ما فائده هذا الاكتشاف بعد ان مات وشكرا اخي willi تحياااااااااااتي |
لأ ولو ...
بما انو ما قدرنا نحدد هوية للكتابة تبعيت جاد ... أنا بقترح :clap: :clap: :clap: أنو نبدا من قصة جاد ... كل واحد بيكتب سطرين تلاتة بدنا نرجع نفهم شو عم يصير مع هالزلمة رح ابدا أنا ,,, بكتب كام سطر واللي بعدي كمان بيكمل ... :shock: :shock: |
وفجأة سمعت صوت
تررررررررررررررررررن ترررررررررررررررررررررررر رن صحيت من النوم مرعوب وخايف قرصت حالي لأتأكد أنو أنا بعدني عايش .. طلعت هيك شفت حالي بغرفتي ,,, وتذكرت ..الحلم اللي كان عم يزعجني صرلو فترة وفكرت ... وقعدت أراجع حياتي .... فكرت بأهلي ... يتبع ,...... |
اقتباس:
|
:shock: :shock: :shock:
والله مافي حدا متل من بنت الاكارم احسن وحدة الله يجبر بخاطرك :سوريا: لك لؤي ولاه لبيبا!!!!! يخرب بيتك يا زلمة اي والله اشتقتلو للبيبا :lol: |
اقتباس:
اي فكرت بأهلي قام تذكرت انو اهلي هني اللي جابوني :? ( تذكرت غنية لجورج وسوف :lol: ) المهم وربوني وصارو كبار وعم يشتغلو وبالبكالوريا حطولي اساتذة وساعدوني لحتى جبت علامات عالية بس بالاخير ماطلعلي شي :clap: قام فكرت شو بدي ساوي قامو فكرو عني وجابوني عاميركا :gem: وبأميركا تعرفت على اخوية وبعد اخوية ....... يتبع |
:x :x :x :jakoush: :x
|
اقتباس:
وكنت شي اني حاطط راس عالمخدة اي وفتحت الباب بسرعة وضربت ضربة جودو يتبع (ما بعرف اذا صح وما بعرف كمل الغناي :p :clap: ) |
اقتباس:
عطيه لسا :lol: :lol: |
اقتباس:
وضربتو ضربة عرطوزية :p |
اقتباس:
هههههههههههههههه يخربيتك كل مابتذكر كيف بتطلع معك عالتليفون بفطس ضحك :lol: اما هالشوام هبلان بشكل :p |
اقتباس:
|
اقتباس:
|
اقتباس:
انا بالي عم تحكي عن العراطزة :jakoush: |
اقتباس:
اصلا بسترجي :cry: |
اخ ياجاد انت ضربت ع الوجع تماما انا متلك تماما صارلي 3 سنين بقول بكرة بعمل وبيمرق بكرة ولما بيجي باليل وانا حاطة راسي ع المخدة بفكر وبقول هي اليوم كمان راح يلا من بكرة رح بلش ويلعن ابو بكرة وماكان يجي هل البكرة واعمل الي لازم ينعمل,,ع امل بكرة يكون فيو شي احسن,,ولي ع بكرة الي الله واعلم ايمت رح يجي..... :p :p :p |
اقتباس:
ايمت بدو يجي بكرا هاي انت بتحدديها او فيكي تقوصي حالك وتخلصي من بكرا لانك رح اتضلي ندمانة على مرقتو عالفاضي |
اقتباس:
|
اذا بتدرسيلي دروسي بجي
|
اقتباس:
|
سيرة درس
هلق وقت النوم |
اقتباس:
وهلئ طبعا نحنا شاطرين بتحديد المرض والتشخيص بس العلاج على الله , يمكن منعرفو بس مدري شلون الواحد منا اتعود على نمط حياته وحتى لوكانت مملة , شو لازم نسوي ؟ يمكن في امور عنا هي الناقصة يعني الواحد ما فينو يمشي للأمام اذا كان في شي ناقصو . بجوز عم اتفلسف زيادة بس ارجو أن أكون واضح . يلي بدي قولو . ممكن الشخص اموره المادية منيحة بس ناقصو شي تاني متل الحب (وخاصة اذا مر بحالة حب فشلت) و حياة اجتماعية وعملية متل الخلق مو عم يمضي كل يوم بيومه (تجدد)و استقرار على جميع الأصعدة . |
اقتباس:
|
اقتباس:
اما اهل الشام البقية فعلى راسي من فوق :سوريا: |
اقتباس:
جادو ... انا صرلي 50 سنة ... و لهلأ محلّك راوح :cry: |
صرلي ساعة عم اقرأردود بالاخير طلع معي ما يلي
طنش تعش تنتعش حط بالخرج كلو متل بعضو يللا بعدين هي كلها اشياء منقولها منشان ما نتغير وبس نطللع من هاي الجمل ممكن نغير ونحسن اوقات الواحد بيبلش بالتغيير او العمل بعدين في شي جواتو بيحاول يخليه منهزم اذا بيتجاهلو وبيكمل مشي الحال واذا لاء صار بدوامة بكرا |
اقتباس:
اللي قاصدتو بيعرف حالوو ههههههههههههههههههههههههه ياربي انا |
اقتباس:
كلامك 100 بال100 مظبوط وتماما هيك بيصير معي أهم شي أنو الانسان إذا ركز بموضوع وحب يساويه يحط كل طاقتو بهالموضوع وما يرد على أي أفكار انهزامية وفيه شغلة الايحاء الذاتي كتير مهمة ومفيدة للانسان لحتى يعزز ثقته بأنو هوي قادر عالتغيير ورح ينجح فيه:سوريا: |
اقتباس:
ولا يهمك بتموني |
بالنسبة للشباب اللي عم ينكتو بالموضوع
يا ريت تنتقلو بالحكي على الماسنجر او على موضوع تاني لان الموضوع هاد ابدا مو مزحة. المهم اقتباس:
ماني عم اقدر لاقي اسم تاني لرفض التغيير غير الخوف من تغيير يعني يمكن انا كون حابب كتير اتغير بس متردد, او خايف بلش بالتغيير. غير هيك ماني عم لاقي اسباب تانية برأيي اول خطوة هيي اصعب الشي متى ما مشيت اول خطوة بتصير الاشياء اسهل بكتير, برأيي لازم الواحد يضل يحط حوافذ قدامو مشان ياخد هالخطوة الاولى, ويبدا بالتغيير. |
اقتباس:
يعني بلشت بشي خلصو, او كان الافضل ما تبلش فيه بالخالص. |
شوف يا willi
شي كتير منيح أنك ما بتتخيل حالك بلشت بشغلة بدون ما تكملها يعني هي خطوة مهمة في سما التغيير اللي ناوي عليه وبصراحة لكتر ما هالموضوع شاغلني - التغييرالجذري- مبارح هيك خطرت على بالي هالقصة اللي هي- للأمانة العلمية- مستوحاة من آخر مشهد من مسرحية شيء فاشل جدا لزياد الرحباني إذا معك وقت بتمنى تقرأها: كان علاء الدين ماشي عالبحر وعم يحلم بالمستقبل السعيد ومن بعيد شاف شي عم يلمع وإذ به المصباح السحري.......................... وبلا طول سيرة. قال المارد لعلاء الدين: شوف يا سيد علاء, رح حققلك 3 أمنيات بس بالأول بدك تجاوبني على هالسؤال: برأيك السياحي أنا ليش بدي حققلك أمنياتك؟؟!! هل لأنو أنا المارد السحري؟! أم لأنو أنا مارد عادي بس المصباح المحطوط فيه سحري؟! أم لأنو أنت مقتنع ومؤمن تماما أنو أنا قادر على تحقيق الصعب والمستحيل؟! عمل حالو علاء الدين عم بيفكر وبعدين قال: يمكن لكل الأسباب اللي ذكرتا. تطلع المارد ..هيك.. بعلاء وجاوبو: بدي قلك: أنو أنا مو مارد سحري (تفاجأ علاء) وأنو هالمصباح مو مسحور ولا شي (هون فنجر علاء عيونو.... واستنكر) وأنو أنت ليش ما بتآمن بنفسك...........الإنسان قادر يعمل الشي اللي بيريدو وقت اللي بدو وإنت واحد كسول... ما بيشتغل شغلتو بوقتا. والروتين آكلك أكل . وعم تدور حول نفسك وضيعت وقتك عالفاضي هيك....... والعمى بقلبك ما حلك تتعلم تعيش صح......... وبعدين تعا لهون ولاه: صرنا بالقرن ال 21 وبعدك بتآمن بالمصباح السحري ما بتستحي على حالك؟! بتعرف أني تعلمت أحكي 3 لغات وعم أشتغل شغلتين باليوم (وشغلة المارد هي بطلتا ) وعم مشي نص شغلي عالنت وأنت وين بتحط حالك بين البشر؟! لسا عم تتمشى عالشط وتحلم أحلام سعيدة أي فيق يا........ بو زهدي .......فيق. |
اييييييييييييي .. لك روح قلبي معك :cry: .. والله بعين :cry:
|
:shock: :shock:
شي فاخر هالقصة هاه :lol: لعمى حتى المارد صار عالم وناس مشكورة ام الرور :سوريا: اقتباس:
|
| الساعة بإيدك هلق يا سيدي 01:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون