|
شباب سورية في فرنسا وما حولها
اذا ممكن ولأنه أنا عم حس بالغربة حابب اتعرف ع الشباب اللي موجودين في فرنسا او المانيا او بلجيكا او اي دولة اوربية من شان نتناقش بأحوالنا:سوريا: :سوريا:
بس هيك شو رأيكم:cry: :cry: ودمتم:hart: :hart: :hart: |
انو شو مشان.:pos: ..!
ضروري يكون الواحد بدولة اوروبية ليحس بالغربه خيو.....:jakoush: ...؟؟؟ انا بالاردن وحاسة بالغربة...:x .! |
اقتباس:
لأنه إنت فيك تحكي كل يوم مع اهلك و فيك ترجع ايمتى مابدك/ شغلة ساعتين/غدا ع الماشي بس المصيبة هون بعيد كتير:( |
لا تفهم غلط......:shock: ...!
1- انا بنت فبعد التصحيح بتصير ..لا تفهمي غلط..;-) .! 2-انا بالاردن..واهلي بجبلة-البودي-اللاذقية..يعني اذا بدي انزل لعندهن بطلع من هون ع السبعة الصبح بوصل ع البيت ع ال 5 العصر..:cry: .! فهمت عليي...:سوريا: .! تحياتي.....! |
اقتباس:
بس بدي قلك مانك بعيده عن ضيعتي شي انا من هاك الصوب تحيات لكل أهل الساحل:sosweet: أخوية |
نقلت الموضوع ع الصالون
بالصالون بيصير التعارف و هالقصص بالمنبر .... قهوتنا من غير سكر |
اي نيالك انو انت مغترب بفرنسا
شو بتعمل لو كنت متل حالي مغترب بقلب بلدي يعني هاد شعور صعب يوصل لازم تحسو وتعيشوا وراح تتأكد أنو غربتك اسهل بكتير من غربة أهل الوطن بالوطن وراح قللك ياريتني محلك وع عيني طول بالك ع فكرة انا من طرطوس من:sosweet: :hart: القدموس :hart: :sosweet: |
اهلا وسهلا
بس من وين بالقدموس على وجه التخصيص لأنه محسوبك بيعرف كتير ناس بمنطقة القدموس ومن شان الغربه بالوطن شغله فاضيه اذا معك مصاري لأنه الفقر في الوطن غربه اما الحياة هون صدقني عندنا احلى |
اقتباس:
من اللاانسانية اللا رحمة ولان كونا متل الروبرت شغل اكل نوم مو اكتر واذا كنت شاطر بتلحق شي مشوار اخر الاسبوع العمى انا و اخي بنفس البيت ومن اسبوعين ماشفته او حكيت معه غي على التلفون |
من نفس القدموس خيوووووووووووووووو
ومو بس الفقر غربة في كتير اشيا بتخليك غريب |
بالله متل شو
مزعلتك اللي بتحبك ام متقاتل مع اهلك من شانها ام شو |
اقتباس:
ليش الحياة هون حياة!!!!! اعمل تأكل تنام????? |
انو بلا ليش الي بفرنسا وبلجيكا وباقي الدول ليش لا انا:cry: :cry: كمان مغتربة :cry: :cry: وبدولة عربية :cry: :cry: شو الي بفرنسا على راسهم ريشة :aah: :aah: :aah: :aah: :aah: |
ع مهلك وين طاحشة مادموزيل
كل شي لحالو وما تخلطي الورق لأنو حال المغتربين في اوربا غير بلدان اخرى |
اقتباس:
و انت وين مغتربة يا حلوى |
انا بالخليج بالبحرين وبعدين كيف حالكم غير حالنا ما كلنا صرنا متل المتشردين:? بدون سوريا وبعدين شو الفرق دخلك ما كلو غربة ومر وعذاب وبكفي عم اضيع احلى سنين عمري :cry: وشبابي بعيدة عن سوريا :cry: اوف :cry: |
اقتباس:
|
اقتباس:
بعدين انت مغتربة بكيفك اما نحن لا |
الي جبرنا على الغربة متل الي جبر الكل واسال حالك راح تلاقي الجواب |
اقتباس:
|
لا مطلوبة للنترفول دولي بيني وبينك لا تخبر حيد سري بير بعرف |
مو شرط أنو الواحد يحس بالغربة وهو خارج بلدو ممكن يكون عايش ببلدو وحاسس بالغربة متلي انا يعني
|
اقتباس:
تشرفنا.. ع راسي...:سوريا: ! |
عم نقول من الشندخة
هذه صايره صوب الداليه |
معلش شباب بس هيك طلعنا برى الموضوع الأساسي
انا كنت حابب شوف و اعرف رأي الشباب بالدول الغربيه المعجب بها كتير الشباب العربي |
اقتباس:
الله وكيلك الواحد برا بلدو مالو قيمة بنوب بس مشكلتو الانسان ما بيقتنع غير من تجربتو الخاصة الله يصبرك عالغربة |
اي شبكن ياشباب ولو ليش كل هالتهجم على الغربة :shock: :shock: :shock:
ليكني هي انا قاعد بقطر مكيف ومروء آآآآآآآآآآآآآآآآآآآآآآآآآ خر رواء لاني تعودت عليها ومشي الحال وبس على انزل على سوريا بضيع وبنسطل هون بروح وبجي وين مابدي اما بسوريا مابعرف امشي غير لباب البناية يعني كل واحد لازم يتأقلم بالبلد اللي عايش فيا ولا بياكل هوى بعدين وين اخي القرصان انت قاعد بفرنسا :? وحاسس بالغربة وانت بفرنسا بقى ماتجي لهون عالخليج بهالشوب والموت يازلمي اذا بتنزل هلأ لتحت بترجع بتنعصر يازلمي الله وكيلك شوب بيشوي الجيجة وهي عايشة بقى انت عايش بفرنسا ((في ومي وجه حسن )) ولسع عبتقول غربة بقى ماتجي لهون بس طبعا مع اني مابقدر اتاقلم كتير مع الوضع بسوريا بس :cry: :cry: :cry: بحب سوريا دخيل عينا شو حلوة :sosweet: :sosweet: :sosweet: |
اقتباس:
ينعمى كيف صارت هي :shock: :shock: :shock: :shock: :shock: غربة بالوطن !!!!!!!!!!!!!!!!!!!!!!!!!!!!!!!!!!!!!!!!!!!!! |
انت شو عم تحكي ??:aah: :aah:
أنا قلت اللي بالدول الأوربية يحكو....ليش?من شان اللي متلك يعرف وين مغترب لأنه هون بفرنسا شي بيجنن/ عم تقول مي و وجه حسن/إ تعا جرب من شان تنسى سوريا ع الخالص:x اسأل مجرب ولا تسأل واحد قاعد بالخليج او بالأردن او مغترب قال شو بالوطن ما بتعرف خيرو تتجرب غيرو:jakoush: :jakoush: :jakoush: |
اقتباس:
ليش الخليج والأردن مووووو غربة !!! :shock: :shock: :shock: :shock: :shock: انا قصدي انوووو الغربة بفرنسا اصعب بكتير من الخليج لأسباب كتيرة بدنا نحكي كتير حتى نشرحا وبعدين انت جاي عبتحكي وانت كمان مالك مجربة الغربة بالخليج بقى تعا جرب وبعدين احكي |
اقتباس:
اول الشي انت كلامك صحيح بالنسبة للأردن مو بالنسبة للخليج لانوووو ليكا الاردن لحشة كعب ;-) ;-) ;-) بس انا ماحدا خاوتني غير هادا اللي متغرب ببلدو !!!!!!!! :shock: :shock: :shock: |
شباب روقو
الغربة وين ماكانت بالوطن ولا بدولة عربية ولا بدولة اجنبية هي كربة وما حدا راح يحس بالتاني للاسف روقو |
هون ما بتحس لا برد ولا شوب
لا نهار ولا ليل ما بتعرف غير ثلاثة أشياء: عمل / أكل/ نوم/ بس هيك وفي شغلات تانية كمان بحكيلك عنا بعدين |
اقتباس:
مااااشي كلام سليم وكلياتنا متغقين عليه وانا مع اخي القرصان بكلاموووو بس انا كنت عبحكي على الفروق اللي بكل بلد وهي هي القصة نحن اتفقنا على انوووو وفرنسا والخليج وايطاليا وبلجيكا والصومال بيعتبر غربة بس وحدة جاي عبتقلي بالاردن واحد عبقلي غربة بالوطن :shock: :shock: :shock: |
اقتباس:
اي والله ياخيو صدقني فهمان عليك وكل الناس اللي متغربين ببلاد اجنبية بيحكو هالكلام وطبعا كمان الشباب العزابية اللي هون كمان حياتن نفس الحياة هنيك صدقني مابتفرق شي يعني كلو بالهوى سوى صحيح شو هالشغلات التانية اللي عندكن احكيلنا شوي ولو :lol: :lol: :lol: |
ا شو بدي احكيلك لأحكيلك
عيونك بالكومبيوتر وبالكتب وراسك لازم يفكر بسرعة الف و خمس ميه لحتى تحل مشاكلك وشو أكل بيمرض وشو بشر ياستار ياأخي مو بشر وشو طقس ما إلو رب وشو معاملات للمغتربين وتشديد هجره وقوانين متعلقة فينا واوووووووف بس |
ينعمى :shock: :shock: :shock: :shock: :shock:
مو على أساس هي بلاد ديمقراطية وحرية واحترام الاخر وهالعلاك الفاضي بقى شو هاد اللي بيعملو مع الناس اي بنعل اخت هيك ديمقراطية اذا هيك :x :x :x سيدي الله يقويك بهيك بلاد وانشاءالله بترجع عن قريب على بلدك وبلا عازة هيك بلاد وهيك بشر يتقرف :x :x :x |
اقتباس:
|
قال شو بلد ديموقراطي!!!!:jakoush: :jakoush: :jakoush: :jakoush:
معقول بتصدقوا حكيهم:aah: :aah: :aah: :aah: معظمهم عنصري وما في غير الماده ومبدأ وحده بوحده8) والأنكى الشباب الطيبه صاروا ألعن منهم 8) 8) 8) 8) |
بدي ألعن أبو فرنسا على أبو شيراك .
أول شي لأنو ماضل بالدنيا غير سوريا مشان يركضوا وراها ويطلعوا كل يومين قرار بمجلس الأمن . تاني شي لأنو رقضوا يعطوني الفيزا ليش ما بعرف مع أنو مسافر ئبل بمرة على فرنسا |
| الساعة بإيدك هلق يا سيدي 18:22 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون