أخوية

أخوية (http://www.akhawia.net/forum.php)
-   الصـــــــــــالون (http://www.akhawia.net/forumdisplay.php?f=11)
-   -   اسمعو على هالنهفة (http://www.akhawia.net/showthread.php?t=36312)

adel 27/04/2006 01:01
اسمعو على هالنهفة
 
الفئران تباع في دمشق:o

سعرها ما بين 2000 و4000 آلاف والغالي "حقه فيه"
ارتبطت صورة الفأر في عقول الناس منذ القديم بالقذارة والأمراض السارية لأنه يعيش في المجاري والشوارع حيث كانت ربات المنازل مستعدات لدفع ثروات طائلة لإبعاده عن منازلهن

قرفا منه وخوفا من الأمراض التي تنقلها.
اليوم تحولت بعض أنواع الفئران إلى نجوم تظهر على شاشات الفضائيات وبين أيادي الفنانات المشهورات حيث بدأ الأطفال في دمشق بشراء هذا النوع الذي يطلق عليه "هامستر" ويلقى رواجا كبيرا كأنه "موضة" في مجال الحيوانات الأليفة التي تربى في المنازل ويتراوح سعر الفأر الواحد ما بين 2000 إلى 4000 آلاف ليرة سورية.
دفعنا فضولنا إلى سؤال أحد الأولاد عن المكان الذين يشترون منه هذا الفار بعد أن لاحظنا شهرته الكبيرة بين الأولاد والذين يتبارون بعدد الفئران التي يحصلون عليها.
قصدنا المحل الذي أرشدنا إليه الأولاد والمتخصص ببيع مختلف أنواع الحيوانات الأليفة من قطط وأسماك وسلاحف ومن ضمنها هذه الفأر "الهامستر" حيث كان صاحب المحل "باسل " يحتفظ بعدد منها في حوض زجاجي.
أخبرنا باسل قائلا "أحضرت هذه الفئران من لبنان وهناك نوعين منها أحدها أطول من الآخر وهو أقرب إلى "الجردون" أما هذا الذي نتحدث عنه فهو أصغر ووبره ناعم وكثيف وهو غالي لأن عرقه صافي ونادر وشكله جميل وشهد إقبالا كبيرا بسبب صغر حجمه وألفته وذكائه الفائق فيستطيع القيام بألعاب بهلوانية عديدة".
وحسب قوله فإنه بعد أن يتجاوز عمر "الهامستر" شهرين يجب تلقيحه ضد الطاعون بشكل نظامي وبما انه يأكل طعاما نظيفا ويعيش في بيئة نظيفة فلا يسبب أي أذى ويعيش معظمها قرابة الأربع سنوات.
أخبرنا أحد الأطفال بحزن أنه اشترى فأرين ثمن الواحد 1200 ليرة ولكنهما ماتا في اليوم الثاني.
يقول باسل تعليقا على كلام الصبي الذي "نكب" بموت فئرانه "لذلك فالغالي حقه معه فالولد استرخص الفئران لذلك ماتوا".
يحتفظ أحد الأولاد بفأره في قفص يشبه قفص الطيور وفيه "مرجوحة" حتى يلعب عليها الهامستر ويقول نبيل 10 سنوات "المرجوحة جيدة حتى لا تمل سالي "اسم الفأر" أثناء وجودها وحيدة داخل القفص" ويضيف "أنا نادرا ما أتركها وحيدة فآخذها معي أينما ذهبت وأضعها في جيبي".
الدكتور البيطري هيثم برماوي ولدى سؤالنا له حول إذا ما كان هذا الحيوان يشكل خطرا على الإنسان أجاب: "نحن نفضل ألا يتعامل الناس مباشرة مع هذه الحيوانات إلا بعد التأكد من مراقبتها صحيا بشكل دقيق جدا ومن الممكن أن تنقل بعض الأمراض كالسالمونيلا والأمراض الجلدية كالجرب والطفيليات".
وبرأي الدكتور هيثم أن هذه الفئران لا تشكل خطرا كبيرا بسبب أعدادها المحدودة وحرص مربيها على نظافتها.
منقول عن موقع سيريا نيوز

Syrian__Angel 27/04/2006 01:14
:lol: :lol:
والله وقت اللي قرأت الخبر ما خطر على بالي غير شغلة وحدة ... الهامستر اللي قتلو جارنا :lol:

قال هاد يا سيدي كان عند جيرانا ( A ) هامستر .. وفرحانين فيه خيرات الله وبيحبوه وبيلاعبوه وكلشي ...
بيوم من الايام نسيوه برّا .. راح جارنا التاني بالليل ما يسمع الا صوت عند الباب .. فتح ولاّ بيلاقي الهامستر .. قام الفالح فكّرو جردون :p ... ونزل فيه طاخ طيخ، طاخ طيخ لحد ما فطس :cry:

عنجد بينزعل عليه كيف مات ... كان منظرو متل الورقة .. :cry: .. او تلفزيون فلاترون :p

adel 27/04/2006 01:27
يا حرام عليه شو مجرم :p

Syrian__Angel 27/04/2006 01:30
اي .. و احزر شو جنسيتو :lol:

شكلو من حزب البعث :lol: .. عرفت من وين ؟





لك انطفى الضو ....

والله مو انا ... مالي علاقة.. ولي :roll:

adel 27/04/2006 01:41
اقتباس:
كاتب النص الأصلي : Syrian__Angel
اي .. و احزر شو جنسيتو :lol:

شكلو من حزب البعث :lol: .. عرفت من وين ؟





لك انطفى الضو ....

والله مو انا ... مالي علاقة.. ولي :roll:
:shock: يا جماعة لمين هالبنت حدى بيعرف أهلها
أنا هي أول مرة بحكي معها ومابعرف أنو أسما ديما :bye:

صياد الطيور 27/04/2006 01:49
اقتباس:
كاتب النص الأصلي : Syrian__Angel
اي .. و احزر شو جنسيتو :lol:

شكلو من حزب البعث :lol: .. عرفت من وين ؟


:roll:
رد عليك بنفس المستوى ولا ما في داعي ....

Syrian__Angel 27/04/2006 01:56
اقتباس:
يا جماعة لمين هالبنت حدى بيعرف أهلها
أنا هي أول مرة بحكي معها ومابعرف أنو أسما ديما
عم نمزح شباب ... مساعد ما بعرف مين .. مزح ولوووو :lol: :lol:


صحي .. نفس الحكي لصيّاد ... :سوريا:

أبو الجماجم 27/04/2006 02:08
يعني أجى بو الجماجم و المساعد جميل شكلو في كم واحد هون حابين يزورو بيت خالتهم .!!!!!
أنابالخدمه ............!!!!!!!!!!!!!!!!!!!
همممممممممممممممم

إسلام 27/04/2006 02:15
اقتباس:
كاتب النص الأصلي : Syrian__Angel
اي .. و احزر شو جنسيتو :lol:

شكلو من حزب البعث :lol: .. عرفت من وين ؟





لك انطفى الضو ....

والله مو انا ... مالي علاقة.. ولي :roll:
8) 8) 8)
لا تخافي شرفي معنا على ...

ملك الهكرز 27/04/2006 02:58
مطوله لتصير الفيران للأكل .............

blue eyes 27/04/2006 05:49
ولي ع هل المصيبة قال هامستر قال..حتى هل الشغلة انا ما ارتحت منها قال شو بدوا يجيبلي هامستر ع البيت,,اي بلكي كشن تنيناتن من البيت..:gem: :gem:

اميرة الظلام 27/04/2006 18:43
اقتباس:
مطوله لتصير الفيران للأكل .............
الله يغربلك ملك عهالكلام ..... قرف :mrgreen:

وووووع ....

آآآآآخـــــــــر زمن والله الناس يربون فيران في بيوتهم :pos:

Kakabouda 27/04/2006 20:03
هلأ فار عن فار بيفرق يعني عدم المؤاخذي والله ( هامستر ) بالبيت بجنن ..
تعو احكيلكم هالقصة ..

كان بيوم من الايام كان عندي فار ( مدللو عالآخر يعني كنت جبلو أكل خصوصي متل الكورنفلكس من لبنان و على آخر قيراط ..)
بيوم من الايام اجت صبحية لعند أمي ..
المهم في وحدة غلييييييييييييظة أد ما بدكم و ابنها لسا على أدق رقبة ( يعني كتلة غلاظة التاني كمان ) المهم اتسلحب و دخل على غرفتي شويشوي و طلع بأيدي الهامستر ( هلأ أمي ما أخدت و عطت بالموضوع لأنو ما انتهت شوفي بأيدو )

ولا بعد شوي بقول لأمو بدي انزل عن الجيران .. سألتو أمو ليش يا ( تؤبرني ) ان شاء الله يؤبرها و يئبر حالو كمان :aah: قلها زتيت نينو (اسم الهامستر) لعند الجيران مشان يلعب من بسينتهم ( توم و جيري ) أمي نطت و ما حطّت لأنو نينو المدلل عندي ..

المهم لما أجيت عالبيت خبّرتني أمي القصة و نزلت متل المجنون لقيت ( سن واحد أو سنين واقعين من تمو لنينو :cry: و شوية وبر بحوض الزريعة ...

بقا هي قصتي مع الفيران :cry:

Syrian__Angel 27/04/2006 20:05
يا حراااام على هالموتة :cry:

اميرة الظلام 28/04/2006 02:52
اقتباس:
هلأ فار عن فار بيفرق يعني عدم المؤاخذي
شووووو بيفرق ... كلن فيران ... شلون بتشتهو تلمسوهم ....عن جد شي بيقرف

Syrian__Angel 28/04/2006 03:02
اقتباس:
شلون بتشتهو تلمسوهم
متلو متل القطة ... :lol:

Varon 28/04/2006 03:06
اقتباس:
المهم لما أجيت عالبيت خبّرتني أمي القصة و نزلت متل المجنون لقيت ( سن واحد أو سنين واقعين من تمو لنينو و شوية وبر بحوض الزريعة ...
شكور ريك يا زلمي منيح انقضت هيك منيح الما مات...ههههه تنتف ..
البقية بحياتكن

adel 28/04/2006 03:08
حلوة قصتك يا أبو جريج يعني دراما على كوميدي :shock: :lol: :p :cry:
شكرا شباب وصبايا عالمرور :سوريا: :سوريا:

Spook 28/04/2006 04:42
خناقة من ورا هامستر
 
بدي احكيلكن حكاية صارت عنا بالجامعة
كانت صبية حاملة هامستر وماشية مع شب قبضاي ، واذ بيمرق شبين والمساكين ما بيعرفو بموضة الهامستر ، بقوم واحد بقلو للتاني " ليك ليك جردونة وحاملة جردون " و بتقوم بتطن الجملة بادنو للقبضاي و بدق على صدرو والشهامة شيتو ما بتسمحلو انو تتعرض الصبية يلي معو والهامستر لهيك إهانة و بيهجم عالشبين و بيمسح فيون الأراضي

المساكين أكلو قتلة من ورا هامستر

وهادا يلي بقولو عنو " بضحك و ببكي"

blue eyes 28/04/2006 05:16
اقتباس:
كاتب النص الأصلي : Spook
بدي احكيلكن حكاية صارت عنا بالجامعة
كانت صبية حاملة هامستر وماشية مع شب قبضاي ، واذ بيمرق شبين والمساكين ما بيعرفو بموضة الهامستر ، بقوم واحد بقلو للتاني " ليك ليك جردونة وحاملة جردون " و بتقوم بتطن الجملة بادنو للقبضاي و بدق على صدرو والشهامة شيتو ما بتسمحلو انو تتعرض الصبية يلي معو والهامستر لهيك إهانة و بيهجم عالشبين و بيمسح فيون الأراضي

المساكين أكلو قتلة من ورا هامستر

وهادا يلي بقولو عنو " بضحك و ببكي"
ههههههههههههه ملا نهفة مساكين هل الشباب اكلوها كرمال شقفة هامستر لا راح ولا اجا..

Spook 28/04/2006 05:19
و ما كملتلك انو كبرت الحكاية والأحلى من هيك شب كان جايي من بعيد و تفركش و وقع و خلع كتفو

وكلو متل ما قلت مشان شقفة هامستر لا راح ولا اجا

layla 28/04/2006 06:00
انو ال pets كلون حلوين بس من بعيد لبعيد
مابحب يقربو عليي
بخاف :cry:

hanny dagher 28/04/2006 10:55
اقتباس:
كاتب النص الأصلي : layla
انو ال pets كلون حلوين بس من بعيد لبعيد
مابحب يقربو عليي
بخاف :cry:
شو هدول ؟ :shock:

ما بعرف مين من الشباب قال مطولة الفيران لتصير بتتاكل ليش مين قلك ما عم تتاكل
امس عم نحضر على التلفزيون انو في مطعم صيني متخصص بلحم الفيران وصاحبو صياد فيران نمرة اولى والاحلى من هيك انو قبل ما تفوت على المطعم بتلاقي صندوق فيران عايشة برا بتنقي الفار اللي بدك يا لتاكلو وهوي بياخدو بيدبحو وبينضفو وبيشوي وتلذذ يا حبيب
شهيتوني :p

ابومزيد 28/04/2006 11:14
والله يا حبيب الصينيين ما تستبعد عنون شي قطط كلاب حمير بني ادمين كلو بيمشي معهون
اصلا الصيني بيقللك كل ما يتحرك او ينبض بالحياة يصلح ان يكون طعاما للصيني الله يسترنا من شي مجاعة بالصين

Syrian__Angel 28/04/2006 14:03
اقتباس:
شهيتوني
اي صحّة وهنا ... :mrgreen:

дьявол 28/04/2006 14:05
show tabkhen al-yom
:shock:

ابومزيد 28/04/2006 14:09
اقتباس:
كاتب النص الأصلي : дьявол
show tabkhen al-yom
:shock:
هامستر بفريك مع شوية قطاط

Syrian__Angel 28/04/2006 14:10
اقتباس:
هامستر بفريك مع شوية قطاط
شي ناهي :lol:

Spook 28/04/2006 15:00
غداء
 
اقتباس:
كاتب النص الأصلي : дьявол
show tabkhen al-yom
:shock:
روستو هامستر مع صوص الباشاميل و فيران مطفاية بحمض وتوم وزيت

تفضلو

Godfather 28/04/2006 15:00
5 ملف مرفق .
ما حبيتون لهدول طابات الوبر !

هاد الهامستر تبع رفيقي اسمو "أركيلة" .. خرفان , غبي كتير و بديىء الخلاء !

Syrian__Angel 28/04/2006 18:25
اقتباس:
ما حبيتون لهدول طابات الوبر !
كتير عجبتني التسمية .. طابات الوبر :lol: :lol:

adel 29/04/2006 02:02
:? لو نشرت موضوع عن الفن المعماري ما كان حدى اهتم في :clap:
مزحة هه .. أحلى شباب وصبايا شكرا لخفة دمكون :سوريا: :سوريا:

hanny dagher 29/04/2006 02:36
اقتباس:
كاتب النص الأصلي : adel
:? لو نشرت موضوع عن الفن المعماري ما كان حدى اهتم في :clap:
مزحة هه .. أحلى شباب وصبايا شكرا لخفة دمكون :سوريا: :سوريا:
ليش مزحة
عنجد ما حدا كان اهتم في

adel 29/04/2006 02:39
اقتباس:
كاتب النص الأصلي : hanny dagher
ليش مزحة
عنجد ما حدا كان اهتم في
أي مرأها هاني ما بدنا نزعل حدى :سوريا:

Gazita 29/04/2006 02:53
ياي يا ماما بكره الفار والهامستر كلو على بعضو فار
اذا في فار متل جيري بقبل:gem:

كريم ايوب 29/04/2006 03:12
الناس مش ملاقي توكل تنها تربي فيران


الساعة بإيدك هلق يا سيدي 22:49 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03993 seconds with 10 queries