|
الك ولا للديـب ..
أول شي .. بصراحة انا ما عرفت وين حط الموضوع فاخترت الصـالون .. يعني اذا في مكان تاني أفضل ياريت اما تنقلوه أو تخبروني !! و مابدي تعتبرو الموضوع إعـلاني !! يعني بيضل الحكي عن البلد بلدك .. ;-) انا بدي مسـاعدتكم .. الطقس كتير حلو و الدنيـا ربيع و الجو بديع و محسـوبتكن ع بالها تطلع ع اللاذقية .. بس بدي اوتيـل مرتب و بسـعر منيح .. السـنة الماضية رحت ع ميـريديان اللاذقية و تخورفت بهديك الحسـبة و ماكان حلو .. قديم و جربان و الفطور بييقرف !!! :? بدي نصيحتكن جميـعاً ... .... و كل عـام و أنتم بخيـر ;-) |
مشان ألك والا للديب فالرد بيكون الديك أسرع ...........!!!!!!!!!!!!!!!!!!!!
و أذا بدك نصيحه عن جد حملي حالك و بوشك علا أقرب محل سفريات .....!!!!!!!!!!! علا تركيا بنفس السعر و هنيك عالمقل بيحترمو حالون و البشر ............!!!!!!!!!!!! يا أما لأيلك شي خاروف يطلعك علا هونولولو ............!!!!!!!!!!!!!!!!!!!!! همممممممممممممممممممممممم م |
طب روحي يو م واحد من الصبح للمسا هدا أحسن حل
أو روحي على تركيا متل ما عبيقلك ابو الجماجم |
تركيـا
اقتباس:
اقتباس:
والله خطر ببـالي تركيا .. بس رحت عند مكتب سياحة و سـفر محترم و قال بدي 40000 ليرة بس تيكيت و اقامة .. هادا غير الآكل و الهدايا و الكراكيييب .. بس احتمال تركيا بعدو وارد .. عطوني رأيكم .. و شـكرا ً الميزانية = 75000 ليرة بس مو اكتر .. شقا عمري و حياتي !!! كه كه كه |
الميزانية =75000 ليرة .... كتير منيح
بلا سياحة بلا بطيخ اصفر.... عطيني هالميزانية منشان مساعدة مرضى السرطان.... ......... |
ليكي .. اذا بدك شي محل يكون كلاس .. ومستوى عالي ...
فهادا صعب تلاقيه عنا ... هلق فيك تاخدي شي شاليه على البحر .. وبتعملي الي بدك ياك من طبخ وفطور وغيرو لوحدك أو بتتفقي مع شي حدى من الي بيشتغلوا هونيك وبيجبلك فطور بلدي شغل المنطقة .. اكيد وقتها رح تشكريني وتدعيلي .. وبهيك حالة بتاخدي حريتك أكتر وبسعر أرخص ... وفي حل تاني .. تنتظري لبين ما يتحول الميريديان لموفانبيك :lol: :lol: .. واذا بدك نصيحيتي ... بوجهك على صلنفه ... لا بحر ولا دبقة ولا زحمة ..هلق صلنفة فاضية واسعارها لسا ما وصلت لأعلى المستويات .. والحل الأخير ... ببعتلك مفتاح بيتنا بالضيعة باللاذقية ( قديش بدك تدفعي :lol: :p ) |
كشـفتك !!
اقتباس:
:? :? مابعرف ليش عندي احسـاس انو الهدف مو مسـاعدة مرضى السـرطان .. لتكون انت بدك تروح ع تركيـا ؟؟:confo: كه:p |
شـكراً
اقتباس:
:? :? لك ايه والله ! ماكان خاطر ببالي الشـاليهات !! بس ياترى في شي مرتب و نظيف ؟؟؟ اقتباس:
:oops: :سوريا: |
في فندق جديد اسمه على ماأذكر لاليش هيك أسمو على كل حال بحاول شوف الفواتير تبعو لأنو أنا نزلت فيه من شي شهرين كتير حلو وأبن ناس وأبو رخصي مومتير يعني بس عنجد كتير حلو وبحاول اذا وجدت الفاتورة اعطيكي رقم التلفون .
اسم الفندق مرة تانية لا ليش |
شششكراً
اقتباس:
:? اسم الأوتيـل لا ليش ؟؟ كه :p كه بيضحك ! كان في الي رفيقة من زمان اسمها لبلاش .. قصدي ليلاس !! كه كه ميرسي كتير :سوريا: بس بدي اعرف يعني مستواه كيف .. بتعرف السـعر مهم أكيد بس كمان بيهمني مستواه .. النظافة .. الفطور .. السـهرات .. و شـــكـــراً |
باااااااااااااطل عم بتدوري على أوتيل و أبو جريج موجود :aah: :aah: ( ات اذ بيج ) بحقي .. يعني كبيرة بحقي هي ..
شوفي يا حريمي سامحتك هالمرة بس المرة التانية لا تعيديها .. خيتو بس عطيني جدول مواعيدك و ما عليكي براسي بطلع بجيبك من الشام ... لعيون ربّك ..:سوريا: |
اقتباس:
:? :shock: :lover: :blush: والله خجلتني و فوتني بالحيـط .. انت لاقيلي اوتيل مرتب باللاذقية و بعدين منحكي عن البرنامج السـياحي اللي بدك ترتبلي ياه !! مع انو لسه مشروع تركيا بعدو قائم !! بس انا بحب روح ع اللاذقية بهالوقت مشان الطقس و الشمس اللطيفة و قعدة السوار و موسم البرتقال و الليموووون:eat: ميرسي:سوريا: |
يعني شباب وصبايا اللاذقية المفروض يعرفوه بعدين هو 3أو 4 نجوم والله ماني متذكر .
|
اقتباس:
بس المشكلة انو ما بعرف لوين انصحك تروحي لانو بهالتوقيت بالذات وين مارحتي حلو وبتنبسطي ان كان عالبحر ولا عالجبل ومنشان الفندق اول شي انتي ما قلتي وين بدك ياه يعني ضمن المدينة ولا شو لانو بتفرق بس اذا بدك رايي بلاها شغلة الفندق استأجري احسن الك و أوفر والمصاري اللي بدك تحطيها بالفندق بتروحي فيها مشاوير وقعدات حلوة ومنشان الاكل ما في اكتر من المطاعم واسعارها مقبولة والاكل غير شكل يا سلام وهي عملنالا دعاية لمدينتي :lol: على فكرة اهلي خبروني انو هلق صايرة احلى بكتير من قبل خلص يلا حملي حالك وتعي يلا :p اوعاكي بعد كل هالدعاية تغيري رايك :jakoush: |
اقتباس:
تعي نتجوز انا وياكي اشرفلك بسكنك بالبيت عنا وبعدين بطلقك بـــ 75000 الف تبعاتك منعمل احلا شهر عسل ع نهر بردا ملاحظة 75000 الف تبعاتك لمدة عشر تيام بس بعدين بطلقك ملاحظة تانية ما تردي جواب لاني بعرف شو جوابك ----------------------------------------------------------------------------- بدك تطلعي ع تركيا الفيزا كل ياتها حقها 1500 ورقة بدك تروحي كروب او بدك تروحي لحالك اذا كروب بتكلفك انتي لحالك 14000 الف لمدة عشر تيام مع المنامة والاكل والعلف والشرب اما اذا بدك تروحي لحالك كل يوم بتقضي هنيك بيكلفك 4500 هيك انا حاسبها هيدي شو بيقلولها رحلة متوسطية اما اذا ع الادقية بدك تطلعي ع ابو عماها يا بتتخورفي يا بتتخورفي وحدة من التنتين |
منورة اللاذقية بصحابها ..
اقتباس:
اقتباس:
و مشان الاوتيل مابتفرق .. المهم يكون نضيف و ظريف و لو ع البحر احلى مشان الطلة .. و متل ما قلت انا السنة الماضية رحت ع الميريديان بس نزلت بالطابق اللي مو محدث ع أساس وفر .. آم تخورفت و و الله حسيت حالي نايمة بالمدينة الجامعية .. و الفطور مقرف !! اقتباس:
|
يحرق حرييشك !
اقتباس:
:? :shock: اقتباس:
:p كه كه |
احلى شي فندق الشاطىء الأزرق وإذا بتاخدي غرفة جوانية بتكون سعرها مناسب
|
اقتباس:
وبس ترجعي خبرينا شو صار معك |
شو حبابة !!
اقتباس:
شـكراً :سوريا: |
ولا تنسي اذا رحتي على اللادقية تروحي على سد مشقيتا
البحيرة الجديدة هونيك الي صار فيها مقاصف بتجنن وحلوة كتير ... ومناظر بتاخد العقل |
اذا في سيارة بنصحك براس البسيط هونيك شاليهات معباية والناس غير عشر دقايق بتصيري بالسمرا وبع ساعة بتصيري بالبسيط واكيد رح تدعيلي
|
بتعرفي
احسن الشي انوووو تجي تصيفي ببتنا منجهزلكن احلى قعدة على البلكوووووووووووووون وبتشوفي قطر كلياتا ادامك وطبعا الجو لطيف وناعم وماااافي شوب ابدا :shock: :shock: :shock: :shock: وجمال الصحراء كلوووو قدامك استشيريلي العيلة ورديلي جواب |
اقتباس:
انت لسى صغير على هالحكي :lol: :lol: :lol: |
اقتباس:
شووووووووو حبيبي مافهمت شوووووو هالحكي مافهمتووووووو حاكم فهمي دبق هالايام :aah: :aah: :aah: :aah: :aah: :aah: :aah: قال ولد قال :shock: :shock: :shock: |
اقتباس:
مو ولد قال :lol: :lol: :lol: :lol: |
يعني ليش ولد لاني اصغر واحد هوووووون ولا شووووووو ؟؟؟؟؟؟؟؟ :shock: :shock:
|
اقتباس:
كلنا كنا ولاد صغار بس لما اقلك بكرا تكبر ما تزعل :سوريا: :سوريا: |
اقتباس:
اي ولو بعرف انوووووو كلياتكن كنتووووووو ولاد صغار وانا مالي زعلان بتعرف ليش؟؟؟؟؟؟؟؟؟؟؟؟؟؟؟؟؟ لانووووووو كلياتن كم سنة وبلحقكن وبصير اكبر منكن ماهيك :adal: :adal: :adal: :سوريا: :سوريا: :سوريا: |
اقتباس:
كلنا بنجري :lol: :lol: :lol: :lol: بس لح ما تكبر لو حد كلمك قلي .انت من الحين اخي الصغير .اتفقنا :سوريا: |
اقتباس:
اي شبكن مستعجلين خليكن واقفين وعبتستنوني لاوصللكن وبعدين اجرو ولو :lol: :lol: :lol: على كلن تسلم ياطيب وعلى راسي والله ياملك بس انشاءالله مامنحتاجك الا بالافراح :سوريا: :سوريا: :سوريا: :سوريا: :سوريا: |
اقتباس:
مشان تلحقني بس صدقني لو كان سنه ولا تنتين كنت وافقت ;-) ;-) بس 8 سنين كتير والله :lol: :lol: |
اقتباس:
سيدي الله يعطيك الصحة و طولة العمر انشاءالله يارب :سوريا: :سوريا: :سوريا: |
العالم عم تدور على حق دخانها , وهاي معها 750000 ما بتعرف وين بتروح فيهون ,
صدق اللي قال دنيي ظلمنطا |
اقتباس:
ركز شوي الظاهر ان الدخان ماثر عليك هي معها 75000 بس مو 750000 والله لو كان معها 750000 كنت تزوجتها وعملتلها شهر عسل ما في منو :sosweet: بس للاسف المبلغ مو كافي غير لسنه واحدة (وانا ما بدي اطلق ) :( اما 75000 يطلعو بالجنيه المصري حوالي 8265 جنيه يدوب حق الدخان :lol: بس انا ما بدخن :shock: :shock: |
ههههه
اقتباس:
قطـر .. :? :shock: كه كه كه :p |
انا آخر من يعلم ؟؟
اقتباس:
:? شو مشان انا آخر من يعلم ؟؟ بعدين شو رأيك اذا قلتلك أنو معي 750000 ؟؟ بتغير رأييك ؟:lover: كه كه كه :p |
وهمتوني فكرتهم حسبة كبيرة 75000 ليرة هني 1800 دولار يعني شغل شهر ونصف
|
هللأ ما عاد يعجبكون 75000 خلص غزول انا رح ضحي بشبابي واخدك مو مشكلة
|
يا ابو مزيد انا قولتلك شهر ونص بس في الحقيقة هدول شغل 20يوم بس
على شو بيدك تبيع شبابك |
| الساعة بإيدك هلق يا سيدي 20:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون