|
جل من لا يخطئ
جل من لا يخطئ
و أنا أخطأت عندما ظننت أن الحزب الشيوعي اللبناني من المعارضة في أحد ردودي ثم تبين لي أنه من الطرف الثالث أما بالنسبة لموقفي من المظاهرات و الوجود السوري بلبنان لم يتغير مع التأكيد على قربي من الطرف الثالث أكثر من المعارضة و لا تواخذونا |
Re: جل من لا يخطئ
اقتباس:
يعني على سبيل الأقتراح شايف شلون ما تفهم غلط :wink: :lol: وعفكرة شو أخبار البكلوريا نشاء الله بتتخرج من جامعة المعارضين الشيوعية :wink: :wink: |
اقتباس:
و لمجرد انو الشيوعي صار مع القوة التالتة حضرتك بعدت عن المعارضة و لقيت حالك أقرب من القوة التالتة على كل حال بلبنان في تيارين و بس و بكرا بتثبتلك الأيام أنو القوة الأولى و التالتة هنن قوة وحدة بجمعها الانتماء الوطني و الهم القومي |
اقتباس:
اليسار لا يلتقي مع اليمين ..و لا يمكن لليسار أن يبحر على الأمواج اليمينية...قد تتلاقى مصالح اليمين مع اليسار أحياناً فيبدو الأمر كأنه توافق. لا توافق و لا تحالف بي قوى الظلام الطائفية ..و بين اليسار الحر |
حسون يعني فعلا" .. يعني الاعتراف بالخطأ فضيلة .. وهادا شي مو متعودين عليه بالمنتدى ..
وأبو نهلة الغالي .. يعني ما بدها شرح .. يمين ويسار .. يعني قطبين متنافرين .. :wink: :wink: |
اقتباس:
أنا دائما بهالموضوع أحط كمثال الدستور الاسباني....لما توفى الجنرال فرانكو سنة 1975 البلد وقعت تقريبا بفراغ سياسي كبير لأنو ببساطة ما كان في دستور و ما حدا عرفان شو لازم يصير هلق...هون فعلا الشعب الاسباني أثبت وعي سياسي وحضاري رهيب...اجتمعوا 16 شخص بيمثلو كل الأطياف السياسية من مانويل فراغا ( مؤسس حزب الشعب اليميني ) لسنتياغو كاريجو ( زعيم الحزب الشيوعي الاسباني) وحبسو حالون في فيلا شمال مدريد و ما طلعو لحتى كتبو دستور لاسبانيا...وهيك مشي الحال, وحتى قدرو يوقفو محاولة انقلاب لبقايا الحرس تبع فرانكو. قصدي من هالحكي أنو بيجوز هلق اذا حاولنا نرجع نجمع عالـ 16 شخص ماراح نقدر...لأنو بيكرهوا بعض كره الموت, بس بلحظة وعي و هبة روح تعاون انقذوا البلاد من حرب أهلية...وساهمو أنو اسبانيا تصير هيك بعد ماكانت بآخر أوربا. تحياتي :D |
اقتباس:
المعارضة أسقطت الحكومة عمل صحيح و المطالبة بالسيادة و الاستقلال عمل صحيح و أنا ماني مع الشيوعيين بكل شي فمثلا أنا ما بعترف بحكومة كوبا الاستبدادية |
أبو مارل الغالي كلامك مظبوط بس باسبانيا لأنو نحنا وصلنا لمرحلة ماعاد حدا يوثق بالتاني .. يعني اليساريين مهمشين لدرجة السجن .. فيكيف تريد أن يجلسوا مع اليمينيين بجلسة واحدة ويضعوا دستور للبلاد ..وهنن موقادرين يمشوا بالشارع دون خوف من مراقبة أو شي كبسة .. يعني الفكرة حلوة كتير لأنو لاأحد يمتلك الحقيقة كاملة" .. وتعاون اليمين واليسار سيؤدي الى اعتدال رائع .. بس متل ماقلت أنت الموضوع بدو هبة روح تعاون .. بس هالشي شبه مستحيل عنا لأنو اليمينيين مبلطين على الكراسي ومو مستعدين يتعاونو بين بعضهون ..يعني أنت الحكي اللي حكيتو حكي حلو ومظبوط أكاديميا" بس للأسف على أرض الواقع السوري مستحيل مادام اليمينيين بهالعقلية المتزمتة .. :D :D
|
اقتباس:
رغم إنضواء الحزب الشيوعي اللبناني تحت لواءها(على ذمة حسون) لأنو بيتمثل فيها العديد من الأطياف السياسية التانية و منها حركة الشعب و الرئيس سليم الحص الي فينا نصنفو على إنو يمين الوسط و أبعد ما يكون عن اليسار أو اليسار المتطرف و القوة الأولى و نعني فيها الأحزاب و الأطياف اللبنانية الدعمة للصمود السوري و صمود المقاومة و الخط القومي فرغم أنو فيها أحزاب تصنف يمين ديني (حزب الله) و أحزاب تصنف يمين سياسي(الحزب السوري) إلا أنها بنفس الوقت تتضمن أطياف يسارية (الهنشاك) و اليسارية المتطرفة (الرانغفار"الحزب الشوعي الأرمني") اقتباس:
طبعاً التطابق بين اليمين غير متوقع لا بل غير مطلوب أساساً و إنما الالتقاء على الهم الوطني و هون بدي ذكر بالتقاء الحزب السوري القومي الاجتماعي و الحزب الشيوعي اللبناني على المقاومة بالجنوب اللبناني و بهل المناسبة خليني وجه تحية لهدول ال16 الإسبان لأنو هاد هووي اليمين الوطني و هاد هووي اليسار الوطني و مشكور كتير أخ ياس عالمعلومة الحلوة :D :D |
يعني بحب قول للأستاذ أنو حركة الشعب الناصرية هي كمان حركة يسارية مو يمين متوسط
|
اقتباس:
على راسي أستاذنا :) تحياتي :D :D [/quote] |
اقتباس:
|
اقتباس:
|
اقتباس:
و شو مشان الحزب السوري القومي يلي قاوم الاحتلال الإسرائيلي لفلسطين و لبنان و شو مشان ديغول يلي قاوم الاحتلال النازي لبلدو |
استاذ
قوى اليمن ...هي قوى تبحث عن مصالحها ..مصالحه الاقتصادية تحديداً...وقت بتكون هالمصالح متطابقة مع حدود الوطن ...بتشوفن اكتر ناس وطنيين ....لاء و بيعملو حروب كمان ...بس وقت بضيق الوطن و حدودو على مصالحن ..اي بيدعسو ع الوطن و المواطنين بالعجلة الاقتصادية . يعني الحزب الديمقراطي المسيحي ضد شركة مرسيدس مثلاً ؟ شركة مرسيدس الالمانية الوطنية ...ما عنده مشكلة ابداً انها تسرح عمالها الالمان ...و تاخد المصنع ع البرازيل اذا كانت هالعملية مربحة اكتر. ..شوف منظمة التجارة العالمية ...ما عاد بدن شي اسمو حدود بين الدول ...اقتصادياً طبعاً ...علماً انو هني نفسهن اللي اخترعو كل قوانين الضرائب و الرسوم و حماية المنتجات و حماية الاسواق . يا اخي الوطن لليمين ..هو مصدر للمادة الاولية و اليد العاملة الرخيصة والفعالة ....وقت بلاقو مصدر ارخص ...بصير الوطن عائق ...الشغل أهم يا مان ...هاد هو اليمين .. عطيني مبدأ لليمين ......دين اليمين وربو و مبدأو ...المصاري...الدولار...الوطني احياناً بتكون مصدر دخل ...و مربحة كمان . اليسار الحر ..و كمان حطلي خطين تحت الحر...هو ما بحط الوطن ع قائمة المعروضات للبيع .....حتى لو شو ما كان التمن |
مرحبا حشت نشت
شو دخل قرار مدير مصنع لنقل مصنعه على دولة تانية بالأحزاب اليمينية؟ و السؤال الأهم.. كيف بيعمل هل شي الحزب اليساري أحسن؟؟؟ بتوقع رح تقول انو الأحزاب اليمينة عم تشمي على النظام الرأسمالي و هادا صحيح... بس رجاءا ما تخلط الية عمل الاقتصاد يلي هي دائما بتسعى نحو الأفضل و الأوفر للجميع... و ما بين السياسة و الوطنية. هادا مانو كلام علمي ابدا الاقتصاد شي و المشاعر الوطنية شيء تاني و مشان سؤالي التاني... يعني مثلا اجبار صاحب المصنع انه يضل بأرض الوطن و يخسر هوي القرار السليم؟؟ شو بدنا نعمل بالاحزاب اليسارية... بعمرها ما بتطعمي خبز. ما بدنا وطن فقير و مشلول... بدنا وطن ديناميكي حر و متل ما مصنع المرسيدس طلع... غيرو بيجي... مصانع بتخسر و مصانع بتربح. العامل يلي خسر عمله بالمصنع الألماني الأصلي... حظه تعيس... شو منعمل؟؟ بيلاقي شغل بمصنع تاني لو كان الاقتصاد الألماني أحسن من وضعه الحالي أصلا الحقيقة ان خروج المصنع لحيث اليد العاملة الأرخص هوي القرار السليم لان الفائدة تعود على المصنع و الربح يتم استثماره في بنوك البلد الأم ألمانيا و الأسواق الألمانية و العالمية. صعب تقنعني انه من الأفضل ان نبقى مع التكلفة الأغلى بوجود تكلفة أرخص... قرار نقل المصنع يعود بالفائدة على الالمان و يلي خسر عمله بيرجع بيلاقي عمل جديد نتيجة وجود مردود اقتصادي اضافي في البلد نتيجة نقل المصنع |
اقتباس:
|
اقتباس:
هلق بالوطن في مجموعة متواطنين ..واحدمنن عندو مصنع و شي 1000 واحد بيشتغلو بالمصنع اليمين بقلك ( بحسب قوانين الدولة المصانة و المتغيرة بحسب مصالح اليمين ) انو مصلحة المتواطن صاحب المصنع اهم من مصلحة ال 1000 متواطن اللي بيشتغلو بالمصنع ... لأنو قال معو مصاري اكتر انا من جهتي بقول انو مصلحة ال 1000 مواطن اهم بكتير , و هاد المواطن صاحب المصنع ** اختو ...يرروح يدبر راسو . يروح يشرب متة اذا بدو اقتباس:
بعدين لك خيو ...انو اصحاب المصانع منين جابو هالمصانع ...لا تقلي انو الله عطاهن .. دخيل الله ... :mrgreen: بدي افهم مين وزع الثروة ؟؟ يعني توزيع هالثروة منزل شي من عند الله ...طيب يا سيدي حتى لو كان منزل من عند الله بدي غيرو ...يا اخي انا ما عاجبني...و بدي غير توزيع الله اذا استدعى الأمر كمان ...بدي اعطي نص لليمين المسيحي و نص لليمين الاسلامي ...مشان يتكاتفو اكتر و اكتر...و هني ع اساس شو عم يتحاربو :lol: انت برأيك بن لادن غير جورج بوش مثلاً ....زياد الرحباني بقول ...انو يلعن اباك هي نفسها يلعن ابوك..و هدول الجوز نفس الشي. فيق شريك الله يوفقك ...ما وقت نوم منوب |
اقتباس:
بس ما كل الأحزاب اليسرية متل بعضها في أحزاب يساريي محترمة و بتناضل لفكرة اليسار الحر |
اقتباس:
تحياتي أبو نهلة |
مرحبا مان
اول شي ما قصدي اتخوت ابدا لا سمح الله اقتباس:
القصة يا أخي انو بالمجتمع الغربي الأمور مانها عشوائية أو ظالمة متل ما انت يمكن مفكر... صاحب مصنع يضب غراضو و يمشي. و فوائد المصنع مانا ملك لشخص واحد أبدا. مدير المصنع اصلا ما بيكون مالك المصنع و بيكون موظف. ملكية المصنع عادة بتكون موزعة على أشخاص و على أسهم كتير. و فوائد المصنع, يعني الأرباح, بترجع للمدينة و الدولة لانها بتكون داخة بال GDP تبع الدولة. يعني هل مصاري ما رح تنحط بجيبة رجل واحد أو بخزنة بالبيت... بل بترجع للمؤسسات المالية المتنوعة بالدولة... البنوك الخاصة... و هي بتستثمرها بجو اقتصادي حر و الدولة ما بيكون دخلها بالموضوع و الموظفين و العاملين بالمصانع بيكون عندهم اتحادات عمالية حقيقة بتدافع عنهم يعني حقوقهم مانا مهضومة و لما يصير قرار نقل المصنع... بيكون قرار مدروس و لفائدة الشركة كلها و لفائدة الانتاج. مو لفائدة صاحب المصنع. صاحب المصنع لحالو ما بيعمل شي... أصلا ما هوي يلي بيقرر هل شي لحالو. و لو ما انتقل المصنع و فلس ... الخسارة وقتها بتكون على العمال كمان... و فوق الشي على الشركة يلي خسرت... و على يمكن الالف الناس يلي بتملك اسهم بهادا المصنع! و بالدول المفتوحة على بعضها اقتصاديا و بينها تبادل تجاري... التحسن الاقتصادي بدولة ما رح يعود بالخير على باقي الدول هاي اجبارية مية بالمية... مستحيل انو سوق عم يشتغل بحرية و بدون ضوابط يفرض على مصنع انه يشتغل بتاكليف عالية و بدون ربح كرمال ما يخسروا العمال عملهم... على هل طريقة انت عم تعدل بحركة السوق بإيدك و هادا شيء غلط. و ما ك* أختون لمديري المصنع... هني بيعرفوا مصلحته و حقهم الطبيعي يسكروا المصنع ايمت ما بدهن و يدفعوا تعويضات للعمال حسب عقد العمل يلي وقعوا عليه. قوانين المصنع المفروض تهتم فيها الاتحادات العمالية و هي بتطالب بتعويضات للعمال في حال كان في شيء من قبل المصنع بيخل بالعقد... هادا كل شيء مان... ما في شي عشوائي و ظالم... هيك السوق بده ما هيك صاحب المصنع بده اقتباس:
اكيد ما جابو المصانع من عند الله. اصلا انا ملحد. المصانع و الشركات بتنبنى بالجهد على مر سنين و اجيال. من المرحوم رفيق الحريري لصاحب شركة rogers الكندبة للاتصالات يلي بلشت مع الجد و كافحت على مر سنين و صارت من اكبر الشركات بأميركا الشمالية... بدك تقنعني انو الخيار السليم هوي بترك الشركة تعمل على نظام قديم من أجل الحفاظ على عمل بعض الناس و تخسر الشركة الملايين و تنزل اسهمها على الأرض.. و بعدها يخسروا كل عمال الشركة اشغالهم و يخسروا الناس المصاري المستثمرة بالشركة؟ الثروة بتتوزع حسب ما كل فرد من المجتمع بيمتلك من صفات و قدرات. انا عندي قدرة اعمل كذا شغلة بالساعة... بقوم بلاقي شغل عند الشركة الفلانية... حسب ما بفكر و حسب اديش انا مستعد اتحمل خطر ... يمكن قرر ابدأ لحالي بشركة صغيرة لاستضافة المواقع... و مع الوقت تكبر الشركة و يصير عندي رأس مال كويس ... و انا حاليا موظف عندي 3 اشخاص كنديين بياخدوا 10 على الساعة... و مع الوقت انفتحت الاسواق على بعضها اكتر و صار في اتصالات اسهل و تعرفت على اليد العاملة الهندية يلي بتاخد 2 على الساعة. انا عندي خيار اني انهي عقدي مع العمال الكنديين الغالين و وظف الهنود بدل منهم لأنو الهنود أرخص... بس في شغلة مهمة كتير كتير... انو انا هيك بكون عم ضحي بكذا شغلة.. الهندي ما رح يعرف يحكي انكليزي منيح مع الزباين و هادا شيء يمكن يزعج الزباين و اخسر. انا صاحب الشركة... أنا حر ... انا .. و لو كان معي مثلا شريك .. منقرر مصلحة الشركة... و نحنا منكون بهل حالة مسؤوليين عن الشركة... يا منربح يا منخسر. الشباب يلي خسروا اشغالهم... بيدوروا على شغل و بيلاقوا شغل. بدولة متل أميركا, في حوالي 150 ألف وظيفة تخلق شهريا... بكندا في حوالي 5000 وظيفة تخلق شهريا. (هادا الصافي يعني التوظيف - خسارة الشغل). ما بينخاف على حدا بالمجتمع الديناميكي الحر.... دول متل اليابان و ألمانيا ؟؟ صفر وظائف جديدة بالشهر! تحياتي :) |
أخي جوي يمكن كانت الشيوعيي مرتبطة بالنظام الديكتاتوري الشمولي كالاتحاد السوفييتي السابق و لكن الماركسيي متطورة و بتعرف هل شي إذا كنت بتقرأ بالماركسيي أما إذا ما كنت بتعرف شي عن الماركسيي فمافي داعي تناقش
هلق الشيوعيين كلهن صاروا يرفضوا أي نظام استبدادي و أنا كما سبق و وضحت ضد نظام كوبا بقيادة الديكتاتور فيديل كاسترو و بعدين في فوق الميت دولة رأسماليي من بيناتها في حوالي عشر دول عايشين برخاء و عكلن مهما كانت الدولة الرأسماليي متطورة فما رح تكون حكومتا لصالح العمال أكتر من صاحب الثروي |
لاء ترى أفحمتني هيك اخ حسون
خلص اذا انت ضد كاسترو و الشيوعيين صاروا ضد القمع و الديكتاتورية هادا صار سبب وجيه لنقبل بصحة النظرية الشيوعية حسون اقل شيء ممكن يصير انها تتخلى عن الديكتاتورية اسميا وهي مشبعة فيها للعضام... بس صعب تتخلى عنها. الشيوعية = التسلط على الحرية الشخصية و تقييد حركة السوق و ممكن تعطيني مثال عن الدول الرأسمالية التعبانة؟ و شي مثال واحد عن دولة شيوعية ناجحة؟ (الصين ما نجحت إلا لحتى اتبنت النظام الرأسمالي باطنيا و بلشت تفتح السوق و تعطيه الحرية) عزيزي بالدولة الرأسمالية الحكومة هي لصالح الشعب و ما بتقدر تكون غير لصالح الشعب لأنو الشعب عندو القدرة يطيح بالحكومة.... قول هل كلام لكاسترو و غيره |
اقتباس:
أما أنو الشيوعيي تساوي التسلط فمتل ما قلتلك إذا ما بتفهم بالماركسيي لا تحكي فيا لأنو حكيك غلط |
حسون سوريا ما إلها علاقة بالرأسمالية.... شكلك مانك عرفان عن شو عم تحكي
انا انتهى النقاش من ناحيتي ما عندي وقت لهيك لعب |
اقتباس:
و انا رح إنهي النقاش لنو ثقافتك بالماركسيي و بالوضع بسوريا خلت النقاش يصير بيظنطي |
أخي حشتنشت
اليمين السياسي مانو مرتبط بنظرية اقتصادية محددة و مانو ديني دائماً متل ما حددتو بمشاركاتك السابقة لأنو في عندك الحزب السوري القومي مانو حزب ديني و عندك حزب الله مانو حزب رأسمالي (طبعاً هدول مثالين فقط) أما إذا النقاش هووي عن النظامين الاشتراكي و الليبرالي كنظامين اقتصاديين ففينك تفتح موضوع إذا بدك و مع مشاركة الأخ جو بالمنتدى الاقتصادي و منحكي على هدول النظامين و منناقشون بالتفاصيل و الحقيقة هاد الموضوع مهم كتير |
والله يا شباب الصراحة هادا النقاش ماراح يوصل لنتيجة لأنو العالم عم تربط الفكر بالتطبيق الخاطئ .. يعني الماركسية كفكر رائعة بس طبقت بشكل خاطئ .. وحزب البعث فكر رائع جدا" .. بس طبق بشكل مخطئ جدا" ..
يعني التقييم عم يصير للتطبيق المغلوط مو للفكر.. ولما الدين اللي هوي من عند الله (متل مابيقولو ) بيطبق خطأ فبيصير فاشل .. ولا تواخذونا .. :D :D |
اقتباس:
أماتقلي انو الحزب السوري القومي الاجتماعي مانو حزب ديني..اي هو اساساً مانو حزب...يعني كيف بدي قلك ...هو حزب بقدر ما نادي الطليعة نادي كرة قدم ..فشو ما طلع منو بكون خيلى اما حزب الله مانو رأسمالي !! و الله هي جديدة ؟ شو حزب الله يعني حزب اشتراكي؟ ولا اجتماعي :lol: ...حزب الله بتعرف شو هوي قريباً جداً ...لأنو مبدئياً هلق بلش هلق بالنسبة لجو...ما بعرف شو عم تشرحلي يا زلمي؟؟ و الله انك غريب. يعني اذا انت مقتنع انو النظام الرأسمالي هو نظام يحقق مصلحة الأكثرية ...ما رح ققدر رد عليك أبداً ...يعني شو بدي قلك ما بعرف....يا أخي الدول الرأسمالية فيها رخاء اقتصادي ..في مستى معيشة عالي ..بس مو مشان عيون المواطن ...في شي اسمو قوة شرائية ...وهي من ابسط قواعد الاقتصاد اذا افترضنا نموذج بسيط جداً للدولة ..بحيث انو في مصنع واحد بالدولة و كل سكان الدولة بيشتغلو بالمصنع وكلن بيشترو بس منتجات هالمصنع . في خيارين قدام الرأسمالي صاحب المصنع ( و الرأسمالي هو شخص اعتباري يعني ممك يكونو شركاء ..اسهم شو ما بدك ) الخيار الأول يعطي رواتب منخفضة جداً للعمال ..بالتالي العمال ما رح يقدرو يشترو كتير من انتاج المصنع ..بالتالي رح يصير في كساد ...( بحكم انو العرض صار اكبر من الطلب ) و بالتالي صار في مشكلة عند الرأسمالي الخيار التاني ..انو بيرفع اجور العمال و بالتالي رح يشترو اكتر من انتاج المصنع ( اكتر من حاجتن ..و هي قاعدة اقتصادية كمان كتير بسيطة بتقلك انو الطبقات ذات الدخل المحدود يزداد انفاقها بشكل كبير عند ازدياد مدخولها ) و بالتالي الرأسمالي عم يصرف انتاجو بسرعة والارباح دائماً عم ترجع الو . كل هالشي ما لازم ننسى أنو ربح الرأسمالي هو عبارة عن القيمة الزائدة ....اللي هي حقيقة من حق العمال . أما انك تقلي نقابات ...!!! نقابات شو ؟ لا تكون عم تحكيني عن الديمقراطية ....جو ..لا تكون مصدق عن جد انو بيقدرو يطيحو بالحكومة . :? يا مان يطيحو بالحكومة قد ما بدهن ...شورح تجي حكومة غير شكل يعني ؟ خود بريطانيا مثلاً ..فيها حزبين ..اذا ما ربح هاد بيربح هاد ..و الحزبين بعبرو عن وجهتي نظر لليمين ( بس انو نظرياً قال في واحد يساري ) خود اميركا ...نظام الحزب الواحد ذو الجناحين اليمينيين . خود فرنسا خود المانيا بكل بساطة ...الدول الرأسمالية بتستخدم ريقة العصى و الجزرة ( يعني وقت بتركب ع الحمار و بتربط جزرة بعصى وبتحطها قدام عيونو و هو بيضل يركض على امل يوصل للجزرة ) ..هيك المواطن بعيش بالدول الرأسمالية ...بس بدل الجزرة في دولارات ...بيقولولك شوف كيف فلان صار ملياردير...ما حدا بيمنعك تكون متلو ..السوق مفتوحة ....روح فرجينا شطارتك . بس بالواقع و بما انك بتجوجل منيح ..فينك تشوف عدد الأطفال اللي عايشين تحت خط الفقر بحسب تعريف الأمم المتحدة ...بالدول السبعة ..ما بدي قلك بغير دول ...يا اخي شوف و ين انت بتعتبر انو هالدولة هي احسن نموذج للاقتصاد الحر...و شوف معدلات البطالة و الفقر و الجريمة و الانتحار و .....شو ما بدك أنا ماني عم قلك انو نحنا هلق بدنا نعمل شيوعية ..او اشتراكية ......بس الكاؤثة وقت مننظر للرأسمالية على أنها جنة الرأسمالية هي قدر....مرحلة وبدها تمر...و لازم نحول نخلي مرور الراسمالية يكون بأقل الأضرار ع البشرية .....و هاد الشي اللي عم يصير بفعل حركات اليسار الحر داخل المجتمعات الغربية ...أنصار البيئة ..مناهضي العمولمة ..معرضي منظمة التجارة العالمية ....هدول هني اليسار الحر.. ما بعرف شو ممكن قول...بس انو نقبل الرأسمالية كأمر واقع شي..و انو نتبناها و ندافع عنها ....شي تاني ...بذكرني بجورج أورويل بطريقة غريبة :? |
هلا حبيب
ليش انا غريب ما فهمت؟ أخي أول شي كل البشر بالعالم بيعيشوا على المصاري. ما حدا رح يحب حدا لسواد عيونو. اقتباس:
بقى الحقيقة انك انت لحالك حكيتلنا عن الشيوعية... أو نموذج من نماذجها هاي مانا رأسمالية يا صاحبي اكيد العرض و الطلب موجودين و هني محرك السوق.. بس الطريقة يلي قدمتهم مانا صحيحة الواقع انه بالمجتمع الرأسمالي بيكون في اول شي: -كتير مصانع بتنتج نفس البضائع بأشكال و نوعيات مختلفة -طبقات متنوعة من الناس: غني و أغنى, فقير و أفقر و متوسط.. إلخ بالتالي المصنع يلي بيرفع أسعاره نتيجة زيادة الطلب على بضائعه, بيضحي بالزبائن. و الزبون يلي ما بيقدر يشتري هاي البضاعة رح ينتقل ليشتري بضاعة مشابهة ارخص من المصنع التاني بالنظام الشيوعي و الاشتراكي هاي الطريقة ممحدودة جدا اذا مو معدومة. ما بتيخل الدولة رح تنتج اكتر من نوع من نفس البضاعة ... إلا اذا كانت حابة تصرف نوع على حساب نوع لغاية في نفس يعقوب... متل ما وارد جدا يحصل لانها المتحكم الاول و الأخير ثاني شي.. و هاي نقطة مهمة بس طنشتوها - في مؤسسات مالية: بتعطي المصنع مصاري, و بتبربح منه فائدة, و كمان بتتنافس بين بعضها. صاحب المصنع يلي بيعمل مصاري ما رح يحطا بجيبتو. المصاري بترجع على البنوك. البنوك بترج بتستخدم هاي المصاري لتدين مصانع تانية, او تعطي قروض للمواطنين. بالتالي مصاري جديدة دخلت على السوق و الناس صارت تفتح بزنس جديدة و بتدخل تقنيات جديدة... بيرتفع انتاج الفرد الواحد يلي كان عم يشتغل على آلة قديمة لانه صار يشتغل على آلة أحدث.. و بيتحسن المستوى المعيشي لجميع أبناء الدولة المصاري و الشغل بالمجتمع الرأسمالي الحر بتجيب الشغل و مشان القيمة المضافة القيمة المضافة مانا من حق العامل صاحب المصنع ما عم يجيب مصاريه من الشجر. صاحب المصنع و القائمين على هندسة البضاعة و تصميمها و التسويق و الدعاية... عندهم ضرائب و مصاريف و أصلا هني أصحاب رأس المال و هني يلي عم يغامروا برأس المال في مشروع اقتصادي. و هني المسؤولين عن تحسين التنولوجيا يلي هي العامل التاني المهم جدا للنمو الاقتصادي (العامل الأول طبعا هوي العمل و رأس المال) الإنسان لما بيفتح مشروع... عنده ريسك دايما. اذا كان الريسك عالي جدا بحالة انو بأي لحظة يجوا ناس و يقوله هاي المصاري مو من حقك (كأنها من حقون هني). رح يبطل يفتح المصنع و يشتغل و بعمره ما رح يصير في استثمار... و طبعا بيحمل حالو و بيمشي على دولة تانية اكتر حرية! و بالمناسبة... في حد أدنى للأجور و ما رح يقدر صاحب العمل يوطي السعر اقل من حد معين اقتباس:
ما رح يطيحوا بالحكومة كلها هيك بثورة جسدية. اكيد ما هيك. أصلا الحكومة ما إلها علاقة بالبنك المركزي الكندي مثلا يلي بيطبع العملة النقدية... قرارات الحكومة مانا تعسفية. الحكومة مبنية من مؤسسات كبيرة و معقدة... متل مؤسسة احصائيات كندا... مؤسسة الدخل و الضرائب... و كلها بتشتغل حسب الأرقام و حسب اخر ما توصلت إلو النظريات الاقتصادية (و ما في و لا نظرية بتقلك اعتبر في مصنع واحد و كل الناس بتتشغل عنده... ) انا عم احكي لا من ايديولوجية و لا من شي.... في جمعيات حقوق انسان وجدت اول ما وجدت في اميركا بتعنى بأمور الأطفال ... نحنا عم نحكي اقتصاد تحياتي |
ل يا سيدي القيمي المضافي من حق العامل لنو الرأسمالي صاحب المصنع عم بيشتغل أقل من العامل بمليون مرة و عم يقبض أكتر منو و هادا ظلم
و بعدين منشان الأخ هشت نشت الحزب القومي السوري هوي حزب إلو تاريخو و مبادئو و ما فيك تقول هيك عنو بس مفهوم الوطنية عند اليسار بيختلف عن مفهومو عند اليمين يعني اليمينيين متل حزب البعث و الحزب النازي و الحزب القومي السوري مفهوم فاشي اما عند اليساريين متل الحزب الشيوعي فقائم على قول لينين انا مع كل حرب دفاعية تشنها المغرب ضد فرنسا و الهند ضد ابريطانيا و الصين ضد روسيا أما منشان الأستاذ يلي عم بقول حزب الله مو رأسمالي فهاي نكتي و بتمنى تنحط بعالطاير |
اقتباس:
و العمل مو بس بساعات العمل... حسب تعليمك و قدراتك بتقبض |
اقتباس:
و مو يلي بيعجبك بتقول عنو يساري و لو كان يمين و مو كل يلي ما بيعجبك بتقول عنو يمين و لو كان يسار اقتباس:
و ما رح ناقشك بالموضوع على أمل إنك تزيد معرفتك بهالمجال و بعدها ترجع تناقش فيه |
اقتباس:
و بالنسبة لاستغلال الدين في كتير أحزاب يمينية دعت لفصل الدين عن السياسة و العمل المدني و المؤسساتي بالنسبة للحزب السوري فيا ريت تخبرنا ليش هووي -برأيك- مانو حزب و يا ريت تكون محدد و واضح بايضاحك لحتى يتسنى للي بعارضك بالرأي أنو يلاقي شي يرد عليه حزب الله مانو حزب رأسمالي و لا اشتراكي و ببساطة هووي ما عندو نظرية اقتصادية محددة و هاد كان القصد من طرحو كمثال أما بالنسبة للشق التاني فيا ريت تعرفنا إنت شو هووي حزب الله(يعني استباقاً للأحداث) |
اقتباس:
خيو شوهيي مصلحة الرأسمالي؟ هيي إنو يبيع أكتر يعني مصلحتو بتتوافق مع زيادة الإنتاجية و زيادة الإنتاج و زيادة الرواتب(يلي بتشكل الطلب على المنتجات) و هاد الشي بكون عن طريق الاستثمار في التكنولوجيا و العامل البشري و العوامل المادية و متل ما بتعرف: استثمار أكبر يعني إنتاج أكتر يعني بالمحصلة شو عم بصير يلي عم بصير إنو سكان البلد (العمال بمثالك) صار يحصل كل منون على كميات أكبر من المنتجات وهادا اسمو ارتفاع مستوى المعيشة بضل عنا مشكلة هيي عدالة أو عدم عدالة توزيع الدخول الناتجة عن العملية الإنتاجية و هادا شي بيتبع للنظام السياسي و القانوني المعمول فيه بكل بلد فالنظام -الليبرالي- كنظام اقتصادي يسعى دوماً إلى زيادة الناتج الإجمالي للدولة و بالتالي ارتفاع مستوى المعيشة و الإتجاه نحو تحقيق الرفاهية بالمجتمع لأن ذلك يتوافق مع مصلحة المستثمر الراغب بزيادة عوائده و أما المشكلة التي يتم التركيز عليها في نقد نظام الحرية الاقتصادية فهي إمكانية حدوث خلل في توزيع ثمار دوران العجلة الإقتصادية و المتمثلة بالناتج القومي أو الدخل القومي و هذا أمر وارد و هنا يأتي دور الهيكليات السياسية و القانونية و الشعبية و الجماعات التي دعوتها باليسار الحر للتدخل لإعادة الأمور إلى نصابها |
أول شي ...عمي جو..اذا مانك عم تحكي ايديولوجيا ...حباب حباب حباب لا تحكي اقتصاد ...و لا بزنس حتى ..وروح الله يوفقك و يبعتلك بنت الحلال ....أخي من شو بتشكي النقطة ...خليك بموضوع النقطة ..البزنس ممل يا مان :P
اقتباس:
اقتباس:
اقتباس:
( صحي انو اتفق ( الحزب ) بعدين اذا هني اللي قتلو المالكي او لاء...و اعتمدو مشان لكل خائن حبيب و لا لسا ؟؟؟ ) اقتباس:
وسلااااااااااام يا ابطال |
اقتباس:
أما منشان حزب البعث فهوي حزب يميني منذ انشقاق حزب العمال الثوري العربي عنه و الله يخليك يا أستاذ لا تحكي بشغلي ما بتفهم فيا |
اقتباس:
|
ماشي حشت نشت :lol: :o
كان فيك بس تنسحب و تقول ما بتعرف تجاوب اشرفلك و ما كنا حكينا شي قلتلي حزب الله رأسمالي؟؟ :shock: :lol: اقتباس:
|
اقتباس:
|
| الساعة بإيدك هلق يا سيدي 20:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون