مشاهدة كائن فضائي في ادلب
 

علم العقيد تركي الجاسم مدير منطقة أريحا اللواء فؤاد سلطان قائد شرطة محافظة ادلب عن مشاهدة كائن فضائي يشبه الإنسان يطير فوق قرية دير سنبل التي تبعد حوالي / 35 / كم عن ادلب مركز المحافظة وتتوسط الطريق الواصل ما بين أريحا ومعرة النعمان .

وقال شهود عيان أنهم شاهدوا كائنا فضائيا يدور في سماء القرية ويحوم حولها قادما من أجواء سرجة ثم اتجه نحو احسم ومنها إلى كفر نبل وقالوا انه كان يعلو وينخفض فوق أشجار الزيتون والتين وان سرعته تقدر بحوالي / 40 / كيلو متر وأكمل شهود العيان وصفهم للكائن الفضائي هذا بقولهم انه يبلغ من الطول حوالي / 125 / سم وان عرضه يزيد عن / 40 / سم وكان يرتدي لباسا اسودا وعلى صدره بقعة حمراء اللون وعلى رأسه خوزة ويوجد انتفاخا في صدره وظهره مما يدل على وجود جهاز يساعده على الطيران مشيرين إلى انه أثناء تحركه كان يتحرك بحركات ذاتية لولبية مع طي القدمين ورفع اليدين ولم يسمعوا أي صوت لأي محرك توربيدي أو ميكانيكي .
:adal: :adal: :adal: :adal:

باله ......
وينو مسكو وما حد صورة تنشوفو :?

يا لطيف كائن فضائي:shock: :shock: :shock:
اي وشو بدو ما قال لحدا:adal: :adal: :adal:

والله مابعرف اكتر من هالخبر
بعد شوي منعرف

معلم زين يعني...
هاد الحكي غير صحيح لأنو في معلومات موثوقة أنو فوق ادلب حتى العصافير اابطير ... و إذا اطرت و طارت فبطير بجناح واحد و التاني بتحمي خلفيتها فيه ...!!!
و إذا مظبوط يعني كيف كان مايطير ...؟؟ بجناح وحد كمان يعني...؟؟
بعدين إذا حابب تشوف مخلوقات فضائية ... اابدها شي نزيل على جسر الرئيس بالشام ... في هنيك من كلو ... مريخي زحلي شمسي و قمري ..!!
يحرق سماهن خوفوني بس لنزلت لهنيك ...
يعني حسيت حالي رجل بالأسود ...!!!
همممممممممممممممممممممممم مممممم

هلأ ترك كل الكرة الأرضية ونزل على ادلب :?

معروف شو بدو يامعلم:oops:
مزعلو صاحبو:sosweet:

بس بصراحة هيك اخبار مابتخرط مشطي يعني لو كان الخبر صح كانت الدنيا انطلبت فيه واكيد كان حدا صورو يعني مافي اكتر من الكاميرات هالايام وموبايلات مع كاميرات يعني الا ماينوجد حدا معو كاميرا ويطقلو شي صورة الو وخصوصا انو طولو الناس وهني عم يراقبوه وهوي رايح وجاي من محل لمحل يعني اكيد في وقت حدا يصورو

انشالله يكون الخبر صح مشان نشوف شي جديد نكسر في الروتين:p :p :p :p

اكيد في صور بس لسا ما نزلوا
بس انتي طبيغية مرة من ورق

أحلى شي :? :?

كائن فضائي؟؟
وين؟؟

بادلب؟؟

اكلها المسكين شو اخدو لهنيك

هادا الأجدب قلتلو يروح على حمص راح طار على ادلب بس شو اعمل ما عندي غير هالنوعية هلا:devil: :7asheesh: :ok:

هلء ترك كل العالم و إجا على أدلب .... بس انشا لله يكون انبسط

:shock: :shock: :shock:

والله الخبر حقيقة
بس نحنا اعلامنا الفاشل ا بيهتم بهالشي

انو قريتين شافوا للكائن ولسا نقول مو مصدق
لو واحد قال منقول كذاب
بس الشرطة والناس شافوا
ما بعرف انا مصدق
لاني بالاساس بأمن بهيك اشيا

في كتير قصص صارت بس مو بسوريا طبعا فيا كائنات فضائية
صارت بالعراق وبأيران
وبأميركا وبأوربا
بس من مصلحة الدول الكبرى انو ما تعلن هالشي

ما الادالبة كتير بيحبو الاولاد من شان هيك طلعلون :p
:shock: :shock: :shock:

عما دورلك ع الحل .........

لقيتها ........

الادلبة بدون ياخدو الصدارة من الحماصنة مافي غير هالحل

او الادالبة مستقرطينو للفضائي هاد

--------------------------------------
عندك حل تاني

شفتلي الفيل شلون طار بس ما علا كتير

هوي انا بعدة من ناح الحيط من شان ما يوقع
وقع السقف

معقولة يكون الخبر صحيح يمكن بيتهيئلون

لا لا هي الخبرية حقيقية مية مية هادا الاجدب خربط بالمنطقة بس لا تخافوا رجعتوا لعندي مشي الحال ما بقا يعيدها:lol:

هاد المصدر الي كتب عن الموضوع حلو عن ضهر زين بقى..
انا مع اني قريت الموضوع بس ماداخل مخي نهائيا.شكرا الك زين ع نقل الخبر:سوريا:

بسيطة
لا كائن فضائي ولا شي هدا مواطن عادي تقزم أمام المنجزات العملاقة لحكومتنا الرشيدة و طلعلو انتفاخ بصدرو وبطنو من كثر ما استنشق نسائم الديمقراطية والإصلاح وطار فرحا من المستوى المعيشي العالي الي وصلو المواطن وعمار يا بلد
هاد احلى تعليق لقيتو

كش بكش كشاشين

أي ... كل شي بيصير !! بلكي كان زلمة وعم يطير؟!!:?

يعني شو بدي قلكم ........!!!!!!!!!!!!!
أنا هاد أعتقادي ..!
هاد عالأغلب شي مواطن أكلو شي طياره مكن من شي مسوؤل ....!!!!!!!!!
يا أما شي مخلوق فضائي عن جد كان رايح سياحه علا أمريكا قام طنبرتو شركه السياحه و بعتتو علا أدلب ....!
لغرض في نفس يعقوب ..................!!!!!!!!!!!!!
همممممممممممممممممممممممم ممم

وصفه هذا كانه احد شخصيات الرسوم المتحركة على اي حال الله اعلم ومشكور على الخبر وكان احسن لو حطيت صورة