أخوية
الصفحة 1 من 2 1 2 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   الصـــــــــــالون (http://www.akhawia.net/forumdisplay.php?f=11)
-   -   اليانصيب (http://www.akhawia.net/showthread.php?t=34727)

Fouad 08/04/2006 20:41
اليانصيب
 
عندما كنت في دمشق و كنت صغيرا اتذكر اوراق سحب اليانصيب و كيف كان سعر ورقة اليانصيب حوالي الليرة و نصف و احيانا تصل الى الليرتين و الجوائز طبعا بالليرات او المئات و تصل الجائزة الكبرى الى بضعة الآف كانت لها قيمة كبيرة في ذالك الوقت و كان السمان جارنا اذا صرف البطاقة الرابحة لأحدهم ياخود فرنكين اي عشرة قروش و هي عبارة عن اجرة الباص الى شارع بغداد ذهاب و اياب من مديرية المعرض.
تتابع ارتفاع سعر بطاقة اليانصيب و انخفضت قيمة الجوائز بقدرة قادر و قد تداولت الصحف و التقارير العديد من اساليب اللف و الدوران و اعطا ء الجوائز لارقام يقال بانها غير مباعة و العديد من اساليب الأحتيال مثل الكثير من الشغلات واصبحت الجوائز الآن ببضعة ملاين يحلم كل شاري لبطاقة يانصيب ان تكون له .
المقدمة المذكورة هي لأتكلم عن سحب اللوتو الأسبوعي في كندا و كما هو معروف اللوتو الكندي من اقدم اللوتو في العالم و هو جدا منظم بطريقة الكترونية دقيقة و غير قابلة للتزوير او التلاعب ( اساسا هون ما حدى بيفكر باللف و الدوران و السرقة ) و اللوتو يبدأ بكم مليون دولار و في حال لم يربح احد الجائزة تضاف الى الأسبوع المقبل و تتضاعف و تصل الى مئات الملايين من الدولارات و لكن حتى ما يوجعكم راسكم تخيل انك انت من غامر و سحب ورقة لوتو بقيمة 3 دولار فيها عدة ارقام و رقم اكسترا و عند ظهور النتائج تجد تطابق احد الأرقام مع الرقم الرابح مثلا لمبلغ 14 مليون دولار كندي و بعد ضربهم ب 45 ليرة تكون قيمتهم 630000000 ليرة سورية :o
انا لم اضع المبلغ كبير حتى تستوعب الأة الحاسبة التحويل علما انه منذ فترة وصلت احدى جوائز اللوتو الى 120 مليون دولار.
اتمنى ان ارى تعليقكم على الموضوع بموضوعية لأرى كيف يفكر اي واحد منكم اذا ابتلى بهالمصيبة .
Fouad:hart: you

صياد الطيور 09/04/2006 00:38
يعني الصارحة ما كتير فهمت شو بدك ؟

يعني اذا الواحد ربح شو بدو يعمل بالمصاري ؟ ولا شو ..

فيروزة 09/04/2006 00:54
أنا ما بحب اليانصيب ابدا لو بدي اربح منها ملايين انا بحب الكسب الحلال

Fouad 09/04/2006 00:58
هههههههه ايه صياد اذا ربحت المصاري شو بتعمل فيهم ؟؟؟؟؟:blusted:


بعدين السؤال مو مين بيحب اليانصيب او اذا حلال او حرام او ايا شي تاني بس اذا ربح الواحد هيك مبلغ شو بيعمل فيه و يللي رح يربح اكيد بده يكون شاري لوتو او يانصيب مو معقول يربح باللوتو بدون ما يكون مشتري

Godfather 09/04/2006 01:59
اذا ربحت 14 مليون دولار ...

أول شي اكيد بروح بحطون بالبنك ...

و تاني شي بعملو بشتري شي 50 صندوق Blue Label و بضل احتفل مع الشلة تبعيتي بشي محل تسالي لمدة شي 10 ايام .... و بعدين برجع عالبيت و بنام شي يومين تلاتي لأنو اكيد بكون كتير تعبان من السهر و التسالي ... و بعدين ببلش الجد ... بقعد مع الطاقم و منبلش نعمل دراسة لتكبير المصنع تبعنا و بس تخلص هالدراسة بروح مناخد تراخيص التكبير و بس نخلص من المعاملات الحكومية بروح بشتري شوية أراضي حوالين المعمل لأنو بكون لازمنا مساحة و بعدين بروح على الصين و باخد معي الأشخاص يلي رح يلزموني و منقعد هنيك شي شهر .. ما بخلي معمل بصنع آلات إلها علاقة بالشغل إلا و بزوره ... هيك حتى آخد كل العروض و بعدين بنقي احسن كام عرض و بروح بشتري كل الآلات يلي بيلزموني من التصنيع للتعليب للطباعة و هيك بصير معمل متكامل و مانّا بحاجة لا مطابع يطبعولنا الماركة و لا نشتري العلب يلي رح ينحط فيها المنتج .. و برجع عالبلد و بهالفترة بكون انا قايل للمهندس انو يجيب الورشة و تبلش بتعمير البنية التحتية و التمديدات الصحية و الكهرباء و الأساسات و و و و من جميعو ... و بعدين بروح عالأراض الزراعية و بشتري كل الأراضي يلي فيها المحصول يلي انا بدي اخدو و صنعو عندي بالمعمل (هيك بصير بوقف عليي أرخص .. يعني بدال ما روح اشتريه من السوق و يربحو عليي بصير انا بزرع و انا بقطف و بيع اذا كان عندي زيادة) و بعدين منجيب العمّال و و و وبصير بدنا طاقم اكبر لأنو المعمل كبر و ود على تسويق بسوريا و البلدان العربية المجاورة و الشقيقة :lol: و لسا القصة طويلة كتيييييير و التفاصيل أكتر ...

المهم هلىء بضل بتعب هيك اول شي 3 سنيين لبين ما يمشي المعمل 100% و بصير عرفت عن معظم المشاكل و حلولها يلي معقول تصير معنا ... و بعدين عاد بس يبلش الربح مزبوط بروح بيع سيارتي القديمة و بشتري مرسيدس E55 بتعديل من AMG طبعا" موديل سنتها و بين كل فترة و فترة بتطلع لشي بلد بأوروبا و بعدين منغير على آسيا و كل المحلات الممتازة :lol:

بتعرفو شو والله شغلة سئيلة هالـ 14 مليون ! يعني رح يصير تفكيري كلو بالشغل ....

بطلت خيو ما عاد بدي الـ 14 مليون دولار .. باخد منون 280 دولار و بروح بشتري قنينة وحدة Blue Label و بضل بحتفل كل الليل و بس فيق بروح بتبرع بالمصاري و بعدين بطلع عالشغل ....

Fouad 09/04/2006 02:59
godfather تحليلك للمصنع رائع بس هاد شي عادي يفكر فيه الواحد في حال ربح هال 14 مليون بس وقت بيربح عن جد بعتقد بيتعير تفكيره شوي طبعا اول شي في صدمة و بعد ما يصحى بيصير بده يفكر مظبوط هي اذا صار معه وقت لآنه وقتها ما رح يفضى من استقبال الناس يللي جايي تهني بالرح و تذكرة انها بتعرفه من صف الحضانة و كانت تعطيه مسكة و بسكوتة بالفرصة و يا لطيف شو كانوا بيحبوا بعض بس يضرب الزمان يللي بعدهم و بعدين بيبلشوا الأقارب يتدحوشوا فيك بينما قبل ما تربح كنت تروح تعمل زيارة لشي حدى منهم يشوفك من العين الساحرة و ما يفتحلك او اذا فتحلك بيشعل التلفزيون و بيعمل حاله رح يموت من النعس و اذا كنت عزابي ما بتلاقي غير هالنسوان العجايز ناتعين بناتهم و حاطيلهم المعجون و الدهان على وجههم و جايين يخطبوك ......... اكيد رح كمل مرة تانية شو بيصير بس لنشوف بقية التعليقات .
Fouad:hart: you

Godfather 09/04/2006 03:16
ما راحت عن بالي هي شغلة "المباركة"

معلم الف الف عالماشي بتجيبلك نص زعران البلد بتخليون قاعدين تحت البيت و يلي بقرب بياكل أحلى شبرية بنص جبينو .... و بطلع عالبلكون و بقول المشتاق يقرب :lol: و بقعد اضحك على هالعالم يلي مانا عم تعرف منين عم تجيها الشبرية ...

صياد الطيور 09/04/2006 03:27
اقتباس:
كاتب النص الأصلي : Godfather
بطلت خيو ما عاد بدي الـ 14 مليون دولار .. باخد منون 280 دولار و بروح بشتري قنينة وحدة Blue Label و بضل بحتفل كل الليل و بس فيق بروح بتبرع بالمصاري و بعدين بطلع عالشغل ....
يا عيني عليك ان القناعة كنز لا يفنى ...:lol: :lol:

كريم ايوب 09/04/2006 03:52
اعطوني الجائزة الكبرى وانابعرف اتصرف

Fouad 09/04/2006 03:59
صياد
ما اختلفنا عالقناعة بس يا ترى اذا انت ربحت بترضى تاخود280 دولار من المبلغ و تترك الباقي ؟؟
ايه لفها بقا :wink1:
كريم مو هو السؤال نعرف شو بدك تعمل و كيف بتتصرف :7asheesh:
Fouad:hart: you

whiterose 09/04/2006 04:30
شو رأينا
أي سحبلنا بطاقة من عندك:pos:
3 دولار:? يعني اقل من 200 ل.س
سعر بطاقة اليانصيب السنة وصل لل700
بس بدكون الصراحة
أنا ما بحب اليانصيب
حرام:jakoush:

Fouad 09/04/2006 04:49
ايه تكرمي بسحبلك بطاقة يا وايت روز بس لو برات الموضوع ممكن اعرف ليش حرام اليانصيب ؟؟:oops:
Fouad:hart: you

(((الجنرال أبوجعفرالورد))) 09/04/2006 05:22
انا إذا ربحت بشتري فيون معسل فريز ......... خخخخخخخخخخخخ

layla 09/04/2006 05:24
اقتباس:
كاتب النص الأصلي : Fouad
ايه تكرمي بسحبلك بطاقة يا وايت روز بس لو برات الموضوع ممكن اعرف ليش حرام اليانصيب ؟؟:oops:
Fouad:hart: you
وانا بدي اعرف كمان ليش حرام


المهم مابعرف اذا عندكون ياها بكندا بس هون في السوبر لوتو _ هاد تبع كاليفورنيا _ وفي كمان ميغا مليون هاد صاير بعشر ولايات ( وماني متأكدة شو هني ) هدول لسا اضعاف مضاعفة :cry:
مرة واحد ربح 350 مليون دولار :cry:

هلأ في حال ربحت ال 14 مليون مابعرف شو بدي ساوي مبدئيا رح انزل ع سوريا ( مع اني نازلة هيك هيك ) بعدين بروح عالجامعة اللي بدي ياها ( ومابتحمل منية الجامعات ) وبعدين ببعت اهلي عالبلاد ينبسطو ويعيشو تحت حاجتون شغل وهم وبعدين بعطي المصاري لابي هوي يصطفل :p

كريم ايوب 09/04/2006 05:27
انا بخدهم وبفر العالم سبع مرات

(((الجنرال أبوجعفرالورد))) 09/04/2006 05:27
أنا بقلكون ليش حرام ............ بس لا حدى يسألني ليش وشو الأسباب
لأنو بالإسلام حرام تعتبر مقامرة .................................................. .... رجاء لا حدى يسألني عن شي ..........

Fouad 09/04/2006 05:29
ابو جعفر طيب و منين بده يبقى معك حق الفحمات :blusted:

كريم ايوب 09/04/2006 05:29
اللة يجازيك على هلعملي

(((الجنرال أبوجعفرالورد))) 09/04/2006 05:30
والله هي راحت عن بالي .......................... شبيبة بماعيتكون دينونا شوي مشان نجيب فحم ...

الله يخليلنا ياكون ............

Fouad 09/04/2006 05:32
layla كمان هون بتوصل الجوائز لملايين اكتر بس متل مو ملاحظة انا قصدا قللت المبلغ و كانت النتيجة حتى الآن الأغلبية متلبك ;-)

(((الجنرال أبوجعفرالورد))) 09/04/2006 05:34
لك بقولو حظ عطيني وبالبحر رميني .......... إذا ربحت 200 ليرة بوس أيدي وج وأفا

layla 09/04/2006 05:35
اقتباس:
كاتب النص الأصلي : Fouad
layla كمان هون بتوصل الجوائز لملايين اكتر بس متل مو ملاحظة انا قصدا قللت المبلغ و كانت النتيجة حتى الآن الأغلبية متلبك ;-)
مابيلبقلنا الفخفخة :lol:
متعودين عالشحار شو بدنا نساوي :p

Fouad 09/04/2006 05:35
انا شايف كريم صرله شي عشر ساعات عم يفكر و ما عم يقدر ينام و ما وصل لنتيجة غير انه الله يسامحني على هالعملي :-)

كريم ايوب 09/04/2006 05:38
انا اليوم كنت مستني اربح 5000000$ بس اخطيط4 ارقام من اصل 16

Fouad 09/04/2006 05:44
بسيطة كريم ممكن تربح ترضية و الكحل احسن من العمى بعيد الشر عنك ;-)

كريم ايوب 09/04/2006 05:44
يا فوادي ويا عيني مو انتي هادى ابو جعفر بدو يشتري فيهم كلهم معسل

كريم ايوب 09/04/2006 05:46
موبط حكيك بس الترضية 50$

Fouad 09/04/2006 05:48
ايه هو ابو جعفر هيك قال بس خلليني شوفه وقت بيربحهم ايه بحلق جنب اليمين من شواربي اذا ما بيستأجر زلمة يشرب الأركيلة بداله :cry:

(((الجنرال أبوجعفرالورد))) 09/04/2006 05:55
شو حشيش وما حشيش .................... إذا استأجرنا وتحد بدالي ما بيمشي الحال

شلون بدنا نعبي الطاسة بعدين ممكن استأجر واحد يساويلي الأركيلة والفحم ويمسكلي البربيش

كريم ايوب 09/04/2006 06:03
بس تربح بتبطل لا دخان ولا ارجيلة بتسير تقول حرام على حقهن مشان يزيدو المصاري

(((الجنرال أبوجعفرالورد))) 09/04/2006 06:07
الله وكيلك بطل كل شي إلا الأركيلة ههههههههههه

كريم ايوب 09/04/2006 06:11
هلى بدو يبطل بغدر اذى بنوي صار لي سنة وسهرين مبطل الدخان والارجيلة

(((الجنرال أبوجعفرالورد))) 09/04/2006 06:13
صارلي 5 سنين كل يوم بقول هاد أخر نفس

محمد ابراهيم 09/04/2006 06:15
ههههههههههههههههههههههههه ههه

كريم ايوب 09/04/2006 06:20
انا رايح نام شي 4-5 ساعت وبرجع مصحصح ش اااااا ووووو ب ااااا ي ي ي ي

محمد ابراهيم 09/04/2006 06:21
شاو باي
بس اعمل توقيع بس

(((الجنرال أبوجعفرالورد))) 09/04/2006 06:22
تصبح على خير ................ الله معك .......

Rainbowlady 09/04/2006 19:03
يا سيدي مشكلة كبيرة و عويصة قعدة فكر فيها كتير بس لقيت انو ما بقدر قلك شو بعمل فيها لانو ما بضمن اي شي مت بضمن احساسي و لا بضمن الناس ز بس خلينا بالفرضيات يمكن بطلب مقابلة الرئيس منشان اخود منه موافقة على اني اعمل بنك اعضاء خاص يساعد المرضى اللي ما عم يلاقو اعضاء و خصوصا الاطفال و يمكن كمان ابني مستشفى مو مجاني مجاني بس يعني باسعار رمزية و يمكن و يمكن و يمكن في اشياء كتير ناقصة بهل البلد و اهمها الانسانية و المسؤولية اللي الكل عم يهرب منها بحياتو اليومية

Fouad 09/04/2006 20:39
Rainbowlady
كما عرفتك من سنوات دائما اجوبتك منطقية و من الواقع و تلمس الحانب الأنساني فن الحياة و سنتكلم عن امنياتك لاحقا و لكن ما لفت نظري هو ان الموضوع مضى عليه اربع و عشرون ساعة و المداخلات القصيرة كانت بالنتيجة هروب الى رأس الأركيلة و الى زجاجة الوسكي و الى الفراش للنوم و الهروب الى خارج سورية على امل تحقيق حلم .
حبذا لو الكل يفكر جديا بالموضوع رغم ان نسبة تحقيقه ضئيلة و لكن موجودة و من خلال افكاركم ممكن كشف الكثير من المغالطات في هذه الحياة.
Fouad:hart: you

Godfather 11/04/2006 00:46
اقتباس:
كاتب النص الأصلي : كريم ايوب
بس تربح بتبطل لا دخان ولا ارجيلة بتسير تقول حرام على حقهن مشان يزيدو المصاري
غلطاااااان .. بيقلب عالكوك :lol:

اقتباس:
ما لفت نظري هو ان الموضوع مضى عليه اربع و عشرون ساعة و المداخلات القصيرة كانت بالنتيجة هروب الى رأس الأركيلة و الى زجاجة الوسكي و الى الفراش للنوم و الهروب الى خارج سورية على امل تحقيق حلم .
حبذا لو الكل يفكر جديا بالموضوع رغم ان نسبة تحقيقه ضئيلة و لكن موجودة و من خلال افكاركم ممكن كشف الكثير من المغالطات في هذه الحياة.
انا ما هربت لا لكاس الوسكي و لا لفراش النوم .. هدول كانو بس مشان احتفال كتيير صغير و جدا" متواضع اذا قارنته مع المبلغ ...

انا قلت اذا ربحت المبلغ رح كبّر المعمل .. يعني تخيل معمل برأس مال 14 مليون دولار و غير رأس المال الأصلي و غير قروض البنك .. يعني معمل كتيير كبيير .. و بيحتاج عالقليلة 500 عامل\موظف مشان يشتغلو فيه ... 500 عامل\موظف يعني 500 عيلة ... المعمل يلي فررت كبّرو رح يعيّش 500 عيلة من الطبقات الفقيرة و محدودة الدخل ...



:سوريا:


الساعة بإيدك هلق يا سيدي 10:53 (بحسب عمك غرينتش الكبير +3)
الصفحة 1 من 2 1 2 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03558 seconds with 10 queries