|
الثقافة الاسلامية في حلب من صنع ابنائها المسيحيين والمسلمين!
الثقافة الاسلامية في حلب من صنع ابنائها المسيحيين والمسلمين
هاد كنت عم اتفرج على قناة سوريا ولا قريت هالجملة هلق اللي ما فهمتو انو شو دخل المسيحيين بحلب بالثقافة الاسلامية يعني حدا يفهمني؟ |
لا بس مو سوريا بلد التسامح الديني
وادي النضارة و حلب عاصمة الثقافة الإسلامية من صنع ابنائها المسيحيين والمسلمين :lol: و الله شي بخجل |
يعني الله وكيلك وقت قريتها استغربت
انو كل هالقد عم يستغبو الشعب؟؟ |
ليش جاد انت حساس كتير بهالامور
يعني الحضار الموجودة بحلب من صنع السوريين على اختلاف انتمائاتهم الدينية شو في شي بيخجل بالموضوع او شي مو حلو :? :? :? |
اقتباس:
الثقافة الاسلامية في حلب من صنع ابنائها المسيحيين والمسلمين والعلويين ..:p . :lol: :lol: :adal: |
اقتباس:
بيتميز السوريين على اختلاف مللهم عن شعوب المنطقة بموضوع العلمانية كانت العلمانية قرار السوريين بعد جلاء المستعمر التركي بعد الحرب العالمية الاولى و كانت كمان قرارهم بعد جلاء الفرنسيين بعد الحرب العالمية التانية و حتى مع الردة الدينية الاخيرة يللي صارت بعد احداث ايلول 2001، بقيت آثار و مظاهر العلمانية واضحة و بقوة بكل سوريا الردة الدينية الاخيرة هيي احتضار للدين السياسي و كل مظاهر العنف يللي عم نشوفها هيي مجرد (حلاوة روح) او (نشوة الموت) الثقافة الاسلامية بالتعريف: هيي مجموعة الاداب و الفنون و العلوم اللي بتراعي مبادئ الدين الاسلامي و ما بتعني باي حال من الاحوال انو والله المسلمين وحدهم هم من يبدع فيها متل ما بتعرفوا ببلادنا العديد من المسارح الرومانية ... هل هذا يعني انو الرومان هم من بنوها ؟ اكيد لأ .. السوريين هنن يللي بنوها بس على الطراز الروماني و كمان في عنا معابد يونانية ... بنوها السوريين على الطراز الاغريقي .. و هيك |
اقتباس:
الله يسلم تمك .... |
اقتباس:
:? :? :? من شوي كنت معارض :p :p :p |
اقتباس:
هي هيي الحرية و الاستئلال ..:lol: بعدين العلويين كمان سوريين ...ولا شو ؟؟؟:gem: |
:سوريا: بيعجبني أنو اتفقتوا أنو عنا ثقافة ؟؟؟:shock: أيا كان نوعها ...
واختلفتوا مين صنع هالثقافة ( اللي نبتت عنا من جديد ) :? وبعدين بخالف كريم بمصطلح روماني وإسلامي .. الفرق ياكريمو أنو مصطلح حضارة رومانية .. هو مصطلح يضم شعب ... وهادا طبيعي لكن مصطلح أسلامي يشير إلى فئة من الشعب |
أنا برأي اذا في شي نهى الحضارة ببلادنا بكل أشكالها فهو الدين
فحاجتنا كذب شي حضارة اسلامية وشي حضارة يهودية وشي حضارة مسيحية.. الحضارة هي نتاج طبيعي لاستمرار الحياة وتطور الشعوب بغض النظر الدين السائد في لحظة تقييم هي الحضارة.. والصحيح انو الدينات بمجتمعاتنا عطلت تطور الحضارة والدليل انو نحن شعوب بعدنا بنعتز بحضارتنا بأيام الجاهلية والشي اللي عملنا قبل ما نعرف الله أكثر بكثير من الشي اللي عملناه بعد ما تعرفنا عليه للعينتين.......... |
اقتباس:
بدوري بخالفك الحضارتين الرومانية و الاسلامية ابعد ما يمكن عن الاختلاف الحضارتين امتدوا على رقعة جغرافية كبيرة الرومانية امتدت ع حوض المتوسط و اغلب اوروبا، و الاسلامية امتدت للصين شرقا و تولوز غربا الحضارتين ضموا شعوب متعددة الرومانية ضمت شعوب الفرنك و الغال و اليونان و الرومان و السوريين و المصريين و البربر و الجرمان ... الخ الخ، و الاسلامية ضمت الترك و الفرس و العرب و البربر و الاكراد و الافغان و .... الخ الخ الحضارتين انتشروا بحد السيف لسا في كتير اوجه تشابه ... بس ما خرج نطلع عن الموضوع الاساسي عودة للموضوع كثقافة اسلامية ... بذكر انو الطبري خبرنا انو بناء الجامع الاموي بدمشق مثلا تم بعمال اجوا من القسطنطينية بذكر انو الاخطل كان مسيحي، و كذلك الكندي، و ثابت بن قرة كان من الصابئة بذكر انو صك الدنانير العربية كانوا يقوموا فيه المسيحيين (عمليا 80% من الصياغ ليومنا هاد مسيحيين) هل يمكن انو قول انو الثقافة الاسلامية حكرا ع المسلمين ؟؟؟ |
اقتباس:
هوي صحيح اغلب الحروب يللي عانينا منها سببها بشكل او بآخر ديني بس ما ممكن انو نقول انو الدين انهى حضارة بلادنا بالنهاية .. بيبقى الدين حضارة اختص السوريين بتصديرها للعالم |
اقتباس:
طبعاً حكيك صحيح بس أنا وجهة نظري هي تكونت نتيجة مقارنة الشي اللي عملوا سكان منطقتنا قبل وبعد نشر الرسائل السماوية فطلع معي من (وجهة نظري طبعاً) أنو نشر هي الديانات أثر سلباً على حضارتنا على اعتبار أنو الحضارة والتطور بصبو بالنهاية بنفس الخانة. مع أنو الديانات (ومن وجهة نظري كمان) كان ظهورها نتيجة تقدم الحضارة بهذه المنطقة. بس للأسف كان تأثيرها سلبي على الحضارة عنا وأحد نتائجها كان الحروب اللي حضرتك حكيت عنها. |
اقتباس:
خيو ما فيي خالفك بالرأي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
انو هلق معلم ريمبو
عفوا كريمبو ( لعمى يا زلمة شهيتي قرن بوظة من عند الريمبو) المهم ولو انو في شي من كلامك انا بأيدو بس في شغلة انا ما بأيدك فيها انت عم تقول انو الاسلام والرومان ابعد ما يمكن عن الاختلاف الاسلام انتشر على اساس شي والحضارة الرومانية انتشرت على اساس شي تاني هلق بغض النظر عن كلشي الاساس بانتشار الاسلام والحروب اللي كانت, انتشرت ومعها صارت معظم الناس اسلام اما الرومان كان توسيع للدولة الرومانية وقت انضمو الدول الها ضلو متل ما هني ما كان في شي شرط عليهون انو يتحولو من شي لشي بعدين معلم انت بالبداي قلت انو المسارح الرومانية بسوريا بنوها سوريين اوكي بس مسارح رومانية مانها حضارة رومانية هاللي عم نقول عنو حضارة رومانية اذا نشرها حدا غير الرومان معناتها صار ما الها علاقة بالرومان لان الرومان مو هني اللي نشروها ومو هني اللي صنعوها اما هلق بالنسبة للثقافة اللي بحلب يا ريت حدا يكتبلنا عنها يعني شو هيي ومن هالحكي مشان اعرف عن شو عم احكي لان للصراحة كل اللي بعرفو انو حلب سميت عاصمة الثقافة الاسلامية وبس |
الثقافة الاسلامية في حلب من صنع ابنائها المسيحيين والمسلمين نعم ياسيدي الكريم واذا كنت شايفا بالتلفزيون شوفا عبرمنبر الأخوية حلب تفتخر بأبناءها المسحيين والمسلمين . وخلي شعارك( الدين لله والوطن للجميع ) مع تحيات العم أدم
|
انا عم أعترض عالمصطلح ... مو عالحضارتين
الحضارة صنع شعب بمختلف انتماءاتو .. وليست صنع دين ... ما في شي أسمو حضارة مسيحية ؟؟:pos: انا خلافي على المصطلح وليس على تاريخ الحضارتين وهي الوردة لكريم :سوريا: |
انا مازرت حلب
وما شفت حضارتها ومعالمها بس بحس دائما انو بالتلفزيون السوري بيصورو انو التسامح الديني يعم سوريا بالنسبة لالي عنا اصدقاء للعائلة مسيحيين و دروز وملحدين يعني من انتماءات دينية مختلفة كتير منختلط فيهن بحياتي ما حسيت فرق بيناتنا كتير بحبهن لكن بصراحة بصراحة بصراحة انا من وقت سجلت باخوية حسيت انو مافي تسامح ديني بين الفئة الي شفتها من السوريين وانو في البعض بيتعامل مع البعض كانو عدو مع اننا من نفس البلد الدين واختلافو بين الناس بيولد احقاد لهيك ياريت ننسى هالامور البسيطة لاننا منضل اخوة بالانسانية وبتمنى ما تكون اخوية عبارة عن نموذج مصغر لسوريا و ازا فعلا بتكون الحضارة الي بحلب من صنع ابنائها على مختلف اديانهن بتوقع انو هاد شي حلو كتير ويارت يكون حقيقة فعلا بس ما فهمت ويلي شو المانع من انو يصنع ابناء حلب جميعا حضارتهن ؟؟؟ |
اي يا هلا بجاد
خيو مشان تاني مرة بس تغلط بكتابة اسم شي بني ادم و حبيت تصلحو، فيك تكبس ع الـbackspace و هيك بينمحى اللي كاتبو و بتكتب الشي صح و هي الطريقة مجربة .. صدقني بتفيدك كتير بشغلك ع الكومبيوتر هلأ منرجع لموضوعنا بغض النظر عن كل شي ؟؟؟ كيف بدك ياني غض نظر عن كل شي ؟؟؟ لو كان الموضوع موضوع مقارنة بين الحضارتين كنت فرجيتك مدى تقارب الحضارتين الاسلامية و الرومانية بس هيك منشط كتير عن الموضوع و مع ذلك تكرم خيو عندك فكرة عن شي اسمو "مواطنة رومانية" ؟؟؟ هي متل اعتناق الاسلام، بس عند الرومان... يعني ازا كنت مواطن روماني بيطلعلك مجموعة من الحقوق اكتر من غيرك بقلب الدولة الرومانية، متل ما ازا كنت مسلم بيطلعلك حقوق اكتر من غيرك بقلب الدولة الاسلامية متل ما بالاسلام في لا فرق بين عربي و اعجمي إلا بالتقوى، كمان عند الرومان كان في شي اسمو لا فرق بين روماني و بربري إلا بالتقوى (مع اختلاف نوعية التقوى) و الفرق الوحيد انو الاسلام على اختلاف خلفاؤو كانوا يعبدوا الله واحد ، اما الرومان كانوا يعبدوا كزا آلهة حتى لما دخل الامبراطور قسطنطين بالمسيحية صارت الامبراطورية كلها مسيحية على دين الامبراطور و من هون اجا المتل "المرء على دين حاكمه" اما انو تجي و تقللي انو المسرح مو جزء من الحضارة او الثقافة فهون انا بخالفك بالرأي المسرح هوي احد اهم اعمدة الثقافة و من اكبر مؤشرات الثقافة بأي حضارة اقتباس:
هلأ من حيث التسمية انا معك انو التسمية جائرة نوعا ما ... بس هيك المتعارف عليه و بصراحة ما فيي سمي جملة الفنون و العلوم و الآداب يللي انتشرت بقلب الدول الاسلامية باسم تاني و إلا بكون عم اتعدا على غير ثقافات لذلك التسمية الاصح لهالمجموعة هيي الثقافة الاسلامية هلأ ازا منجي للواقع ... ما فيي سمي رسائل اخوان الصفا، او رسالة الغفران تبع المعري، او اشعار المتنبي (يللي سمي كذلك بسبب ادعاؤو بقدرتو على كتابة قرآن افضل من قرآن محمد)، على الرغم من لا اسلاميتها، ما فيي سميها غير تسمية وحدة ... ثقافة اسلامية طيب هاتي لشوف شو نسميها ؟؟ ثقافة عربية ؟؟ طيب هدول مش عرب، هدول سوريين و عراقيين و فرس و اتراك و اكراد ... الخ الخ الخ ثقافة شرقية ؟؟ طيب و ثقافة اهل الهند؟ و اهل الصين ؟ و اهل اليابان ؟ ما هدول شرقيين اكتر مننا (حسب الخريطة) دايما الثقافة بتكون مرآة الدولة، و الدول يللي انتشرت فيها هي الثقافة هيي دول اسلامية، مشان هيك التسمية الاصح هيي "ثقافة اسلامية" كنت بتمنى لو انو الناس بتعرف انو هالنوع من الثقافة اسمو ثقافة سورية او سوراقية (سورية عراقية)... بس مع الاسف مفهوم الدولة السورية غائب حتى بيومنا هاد |
اقتباس:
على هالاساس حكيت اقتباس:
شلون ما خطرتلي ما بعرف يا اخي انت بكل رد الك في افادة, شكرا. اقتباس:
عرفت كيف؟ انو يا معلم بس انت متناسي انو الاسلام دين الرومان مو دين يعني مافي شي اسمو الدين الروماني الامبراطورية الرومانية مو دين بس المشكلة انو يعني لا يعلا على كلامك هيك يعني بس اقرا اللي بتكتبو ما عاد بعود فيني اكتب ضدو :jakoush: هو يعني انا اللي عم احكيه على اساس انو كنت مفكر انو هالثقافة الها علاقة بالدين الاسلامي يعني شي عن الدين الاسلامي فمشان هيك انا علقت على انو من صنع ابنائها المسيحيين والمسلمين بس اذا متل ما عم تقول فما عندي تعليق لكن |
اقتباس:
اقتباس:
بس ما بدي جاوبك مشان ما نفتح حوار اديان بس هيك سؤال ع السريع ... كلمة "دين" هي ... شو معناتها ؟؟؟ انو شو يعني دين ؟؟ |
ولله مابعرف شو أحكي أو قول
بس كنت كاتبتلكون مقال كتير حلو ضليت شي ساعتين عم اعمللكون سيرتش على النت لورجيكم تاريخ حلب الكبير اللي بدل على كتير شغلات يمكن تهم اللي قرأوا الموضوع بس مابعرف كأنو أنا سبيت حدا بالمقال :? أو لعنت أسلاف حدا:shock: لحتى نحذف عن بكرة أبيه بدون أسباب شو مافي شي أسمو احترام:jakoush: من زمان شوي كنت عصب لما يصير هيك قصص معي هون معكون بس هلىء ما بهمني أبداً :pos: عملوا وكتروا:gem: وليلي حذفلي مواضيعي ممكن أعرف شو يلي .... دايقو للمشرف اللي حذفو 8) 8) |
هلاء هنن كاتبين عاصمة الثقافة الاسلامية
الثقافة برئيك انتى شو شي اكيد مو الدين هية ثقافة والشغلة التانية انو مبارح كان طالع شيخ من عنا وشيخ من عنكون( قسسيس مدري بطروس ) المهم كانو متفقين انو الثقافة الاسلامية بحلب من صنح الاسلام والمسيحين وباقي الملل يعني ثقافة |
اقتباس:
لو انك متطلعة اكيد ماكنتي حكيتي هالحكي الموضوع تحت |
اقتباس:
وصار موضوع مستقل مو المفروض حدا يخبرني احسن ما بين :cry: ...... اي شو شايفيني ضريبة مندل ولا |
لا ويلي هنه قصدو انو بحلب في تسامح ديني
يعني بتلاقي الجامع بجنب الكنيسة وانو ما في فرق بينهن هيك فهمت انا من الحكي بس ياريت يكون صحيح هالشي وبالنسبة لانك انت فهمتو انو بيخص الاسلام فانا ما بتفق معك لانو هي الحضارة تخص الجميع من ابناء البلد يعني انا بفتخر بكل شي من اثار سوريا سواء كنائس او مساجد يعني هل بحكم انني مسلمة معناتو ما بفتخر بالاثار المسيحية بسوريا ؟؟؟!!! طبعا لا ...اناب فتخر بكل شي ببلدي بغض النظر عن الدين هي بتضل اثار وانا زرت بهالعطلة كنائس كتير كانت زيارات بتجنن وما بنساها لهيك ما بتوقع انو الحضارة الي بحلب والرموز الاسلامية خاصة بالمسلمين فقط |
اقتباس:
روحي على باب توما بتلاقي جنب كل كنيسة معمرين جامع بنص حارة مسيحية مافيها ولا مسلم بتلاقي معمر جامع بس حبيت نوه على هل نقطة ;-) |
غريبة سيزار
بتعرف لي ؟؟؟ لاني لما كنت بسوريا هالعطلة كنت لما اطلع شي مشوار يخلص وقت الصلاة وانا لسا ما لقيت جامع لصلي !!!!!!!! |
:lol:
طيب سألي أي حدا من شباب باب توما خلي كريم يقلك اناما رح قول كريم ابن المنطقة |
اقتباس:
معقول ما بتعرفي الشام منيح متل ما عم يقول سيزو كل كنيسة تقريبا قدانها جامع على فكر انا مو ضد هالشي :سوريا: :سوريا: |
اقتباس:
بلكى فيه مسلمين عبيتمشوا هونيك بساعه الصلاة مو احسن ما يقطعوا مشوارهم ويروحوا لمنطقه تانيه يصلوا فيها بكون الجامع قريب عليهم بعدين يعنى مستحيل يكونوا الجوامع الى معموله معموله منظر بس اكيد عبتقام الصلاة فيها والا كانت ما ضلت جوامع بس ياريت يمعلوا كمان بقلب الجامع مدارس شرعيه مشان الى بيدرسوا كمان يصلوا فيها ومحدا يقول الجوامع فاضيه |
اقتباس:
انا مقصر معك كان لازم ابعتلك انو صار هنيك بعتذر منك ع التقصير بس التهيت بكذا شغة و نسيت و بتشكرك مرة تانية ع موضوعك القيم |
اقتباس:
|
بس شباب انا ما عم احكي عن باب توما بس !!!
بيتنا اصلا بشارع بغداد يعني بمنطقة مسيحية تقريبا ولا مرة انتبهت انو في جامع ؟؟؟!!! يعني حكيكن بيوحي كانو سوريا بلد اسلامي بحت لك بالسعودية ما في هيك !!!!!! |
اقتباس:
لك ماما بتخاف عليي روح اشتري بسكوتة لحالي ...لاني بضيييييييييع ما بعرف بالطرقات هنيك :tears: :tears: :tears: ويعني خاصة انو الي سوابق كتيرة لاني ضعت اكتر من مرة :blush: :blush: :blush: |
اقتباس:
انت بالسجن:? :? وموفرين لك جهاز كمبيوتر...;-) ;-) فليحيا وزير الداخليه والسيد اللواء مدير السجن تبعك :clap: :clap: :clap: :clap: |
اقتباس:
يعني انا استغربت لما قلتلي باب توما فيها جوامع ... كيف بدي اسالهن وما في جوامع هنيك ؟؟؟ يعني استغربت بصراحة من كلامكن انو في جوامع بباب توما ؟؟؟ لك سيزار بس لا يكونوا عاملين غرفة بشي زاوية بالشارع وقال يلا هاد جامع :mrgreen: :mrgreen: :mrgreen: اقتباس:
|
اقتباس:
هاد استفزاز مو تسامح و تآااااااااخي متل ما بيقولوا بالتلفزيون العربي السوري الجربان المتخلف:pos: |
ليش استفزاز يا فادي ؟؟؟!!!
يعني لما بتنبني كنائس ببلاد اسلامية بحته متل الكويت وبنص شوارع المسلمين ليش ماحدا بيحكي بالعكس الكل بيرحب بالفكرة من المسلمين كرمال المسيحيين المغتربين ؟؟؟!!! |
| الساعة بإيدك هلق يا سيدي 11:45 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون