|
يحرقون مساجدهم بأيديهم !!! ويلومون الدنمارك !
والله يا جماعة اعتقد انها لعنة نزلت علينا من السماء خلال 24 ساعة الماضية تم الهجوم على 200 مسجد للمسلمين في العراق وتم احراق المصحف الشريف ....... وقتل اكثر من 100 شخص من المسلمين وبعد هذه الاحداث : صرح احد مسؤولين الدنمارك وهو يقول ..... المسلمين يلوموننا ويقاطعوننا على الاساءة التي خرجت من احدى صحفنا لهم وبعدها يقتلون بعضهم ويحرقون مساجدهم :shock: انا بدي افهم انو المسلمين ما بيتخيلو لو الرسول كان عايش بهالوقت شو رح يكون موقفو منهن :cry: انا رح قللكن ... الرسول ما كان رح يقاطع الدنمارك ولا رح يسبهن ولا رح يردلهن اسائتهن لانو الرسول اهين واعتدي عليه كتير و هو عايش لكن مارد الاسائة بمثلها بل صبر ...وكنت احيانا لم اقرا عن قصص صبرو كنت اتمنى كون مكانو لنتفهن لهدول الي اعتدوا عليه :lol: :lol: والمسلمين بيثوروا عالدنمارك بدون ما يفكروا انو لو الرسول كان معنا هلق هل رح تعز عليه نفسو اكتر من الرسالة الي اجا فيها ؟؟؟ لا مستحيل :hart: وقاعدين عم يقتلوا ببعض بدم بارد متناسين انهن قبل ما يكونوا مسلمين وعرب هنه بشر :cry: :cry: :cry: متناسين انو دم الانسان اغلا من هدم الكعبة :cry: ما بقول الا يا رب يهدي الاوضاع لانو هي حرب اهلية مو اكتر ولا اقل وهيي ةمو من صالح اي مسلم سواء شيعي او سني ولا من صالح اي عربي مسلم او مسيحي او ملحد ... وبرجع بعيد الي قالو البطل حسن نصر الله وبزيد عليه كمان ... لانريد من بوش ان يعمر لنا قبة مسجد الامام علي الهادي ولا نريد منه هدمها !! لانو بنى المسيح على صخر كنيسته وانا ابني دولتي على حجر منبني المسجد بايدينا سنة وشيعة مسلمين ومسيحين :hart: :hart: وبالفعل تصريح الدنمارك اضحكني عل حالتنا بالفعل نقتل بعضنا ونقاطع الدنمارك :pos: :pos: تحياتي |
لا تقاطعوا الدنمارك
:سوريا: :سوريا: :سوريا: |
يا زين ههي مو قصة مقاطعة
انو نقاطع او لا المهم مقاطعة الذنوب ومقاطعة العداوة ... |
والله بعرف
بس خلص بعد الي صار المقاطعة ما بتنفع مع هيك ناس هني احسن منا ومحترمينا اكتر ما نحترم حالنا لازم نقاطع حالنا مو نقاطعون هني ما العتب عليون العتب علينا |
شو بدك تعملي عم يلعبو بالعالم لعب بالعراق
مافي وعي مافي مين يوجه مافي قائد بيفجرو بتهجم العالم بينط واحد بيقول هدول السنة بيهجمو على السنة بقا عم يلعبو بالشعب لعب |
اختي السورية نحنا يلي علينا انو ندعوا لله يساعدون و من ناحية تانية صاروا السنة و الشيعة يعرفوا مين يلي عم يحرق المساجد :pos: و بيدّعي انو الارهاب عم يحرقون مشان ما يصير في حرية بالعراق :jakoush: :jakoush: :jakoush:
|
صدقاً تدايقت على التفجيرين ... والله عيب:pos:
|
العراق بيتألف من ,
شيعة سنة أكراد تركمان مسيحيين , (قال يعني مافي بـ العراق ولا عراقي ؟ ) هيهي أمريكا بدا تفرق بينون و تعمل ميليشيات , و هل طوائف بيعرفو هل شي تمام , بس الشعب العربي عامةً , دقلو بيرقص عـ الطنة و الرنة بينط |
انا رايي من راي نسر السريان ...
|
لا حول ولا قوة إلا بالله العلي العظيم
السبب برأيي أختي العزيزة عدم وجود قيادة عليا للمسلمين تتكلم باسمهم حيث نجد كل من هب ودب يتكلم باسم الإسلام وينسب هذه العمليات لهم ولكن لا أحد يعلم الحقيقة وباعتقادي كل هذه العمليات تقوم بها أيدي مغرضة همها الوحيد هو إثارة الفتن بين الناس والإسلام بريء منها ولنسأل الله السلامة |
يحرق حريشنا ...
|
ولك نحنا شعب نحنا ,؟ نحنا أمة عدد سكانها 300 مليون نسمة نحنا ؟
ولك الله لا يرحمنا , |
ليش عم تغيرو الموضوع ؟؟؟
|
اقتباس:
" الأمة ليست عنصراً من العناصر البشرية ولا مجموعة عنصرية واحدة. والحقيقة التي لا جدال فيها هي أن كل أمة مؤلفة من مجموعات عنصرية متنوعة أي أنها مزيج من سلالات بشرية مختلفة. " الزعيم انطوان سعادة .... ملاحظة 2 : ماتوصي حريص .. مارح يفكر برحمتنا . |
انا معاكي في كل حرف كتبتي
نحنو قوم لا ناْكل حتى نجوع واذا اكلنا لا نشبع |
اقتباس:
|
اقتباس:
الاستطراد أحد عناوين اللغة العربية .... بس معك حق ... و على كل حال كان في موضوع مشابه ياريتك استكملتي ضمنو..... - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بس الموضوع مهم و خطير و محرز موضوعين .. شكرا ألك |
اخت السوريه المشتاقه
موضوع التذكير هذا جميل جداً.. فالأنسان في هذه الدنيا صنفان اما أخٌ لك في الدين أو أخٌ لك في الخلق.. لماذا يدب هذا الظلم الأجرامي في شرايين الأنسانيه لماذا اصبحنا كالوحووش الضاريه.. والله قد أوصانا بالعدل والمحبه واحترام الحقوق مشكوره عالموضوع أرق تحيه |
على المسلمين الأعتزار من الدنمارك حكومة وشعب على التصرفات الغبية التي تصرفوها خلال أزمة الصور
كل الكلام الذي حكيته عن منهجية التفكير الأسلامي صحيحة شعوب تعاني من الفقر الثقافي شعوب تعاني من الجهل والتخلف الفكري والأجتماعي شعوب مريضة فكريا ونفسيا وعقليا شعوب مصابة بعقم دماغي شعوب تعاني من الحرمان والكبت الثقافي والسياسي والجنسي أخخخخخخخخخخخخ أحسن شي دمتم للتخلف يا مسلمين |
اقتباس:
اذا بتسمحلي : معك حق مية بالمية . "دمتم للتخلف يا مسلمين" بتشبه "من مال الله يا محسنين" ..:lol: |
اقتباس:
اقتباس:
اقتباس:
بس المسلمين متخلفين ...وغيرهن من العرب قمة في التقدم والرقي وتفكيرهن قمة بالرقي ! بس حبيت زكرك انو اخر القلاع الصامدة بين العرب هيي ايراااااااااااااااااااااا اااااااااااااااااااااان الي عم تستكمل برنامجها النووي غصب عن راس الي بيرضا والي ما بيرضا وغصب عن راس اميركا كمان بقا لا تقعد تقول دمتم للتخلف يا مسلمين كانو غير المسلمين قمة في التحضر !!! |
[quote=السورية المشتاقة]والله هاد الي كان ناقص
خلينا نحكي برواق اذا بتريدي : أولا انتي بترضي أنو أمريكا مثلا تعامل فلسطين كأمة متل ما بتعامل حماس كقيادة أو سلطة ؟ بغض النظر اذا معها حق ولا ما معها حق برأيها بحماس على أنو منظمة أرهابية .. اذا ما بتوافقي عل أنو يتحمل وزر أي وازرة على وازرة أخرى , شو دخل الدنمارك كأمة مؤلفة من شعب و اقتصاد و أحزاب و غيرو بالأخطاء اللي ارتكبتها الصحيفة ؟؟؟ بعدين ليش ما بتطلعي على المصايب اللي أجت على راسنا بالوقت اللي مو ناقصنا بسبب الهمجية والجاهلية اللي رد فيها شعبنا "المثقف" على الرسوم ؟؟؟ لانهن ابتعدو عن الاسلام وتعاليمه انو اي والله معك حق بس المسلمين متخلفين ...وغيرهن من العرب قمة في التقدم والرقي وتفكيرهن قمة بالرقي ! بس حبيت زكرك انو اخر القلاع الصامدة بين العرب هيي ايراااااااااااااااااااااا اااااااااااااااااااااان أيران ليست من العرب ... الي عم تستكمل برنامجها النووي غصب عن راس الي بيرضا والي ما بيرضا وغصب عن راس اميركا كمان بقا لا تقعد تقول دمتم للتخلف يا مسلمين كانو غير المسلمين قمة في التحضر !!! اذا لا المسلمين و لا غير المسلمين متحضرين , مين لكن متحضر ؟؟؟ طيب اذا الكل مو متحضرين , مين الأقل تخلف ؟؟؟ نحنا ولا أوربا ؟؟؟ على كل حال برأيي أنو ثنائية العروبة و الاسلام مو كتير ظابطة .. يعني لا تعصبو عليي .هيك الأمثلة عم تبرهن .. يعني على الأقل أيران و ماليزيا "مو عرب و لكن مسلمين" أمورهم ظابطة أكتر من "العرب المسلمين" ... يا أما المشكلة ما الها علاقة بالدين .. لا من قريب ولا من بعيد ... |
بحب قول انو الأمور واضحة وواضح محاولات زرع الفتنة بين ابناء الشعب الواحد يعني هي مو اول مرة
بساوو الأمريكان هالمحاولات التافهة |
اقتباس:
معك حق .. بس شغلة كتير ظغيرة ... المحاولات مانها تافهة أبدا ... وألا اذا تافهة معقول يموت أكتر من مية ألف عراقي خلال سنتين ؟؟ لكن لو مو تافهة شو كان صار ؟؟ |
لك يا اخي انا اصدي بتافهة انها مشكوفة الأهداف و منفذها معروف
|
اقتباس:
بس آلياتها معقدة و حتى لو انفهمت بضلها أمريكا و منضل عرب تافهين للأسف. |
مظبوط حكيك بس و الله مو كل العرب متل بعضون هي ليكك انت؟؟؟ انت تافه؟؟ أكيد لأ..
لازم نخرج من هالحالة الانهزامية سدئني |
اقتباس:
بس أنا مو كتير عربي ... لازم يخرجو من الحالة الانهزامية و بسرعة ... |
i hope so my friend
|
المشكلة مش بالمسلمين
المشكلة بالعرب. ومتل ما قالت السورية المشتاقة المسلمين غير العرب في كتير منهن مش متخلفين. أما بالنسبة للموضوع الاساسي. لازم نقتلع التكفيريين اللي هني أساس كل مشكلة من الجسم العربي متل السوسة. لانهم اخطر من السرطان. واولهم التكفيري المجنون اللي هون بالمنتدى. |
جميع المسلمين الصادقين
لديهم هم مشترك هو الولاء لهذا الدين ونصرته و مستعدون لتقديم الغالي والرخيص في سبيل الاسلام ويتمنون ان تكون راية الاسلام عالية خفاقة ثم ينظرون الى اليوم الذي يكون فيه القران الكريم دستور المجتمع وتضيق صدورهم لذلك الحيف والهوان الذي طال اخوانهم في كل مكان ولعلهم مستعدون لبذل ارواحهم والشهادة في سبيل الله والامر بالمعروف والنهي عن المنكر بكل الوسائل ومع ذلك فللكافرين عليهم الف سبيل وسبيل ولا يستطيعون ان يذوبوا عن انفسهم اي مؤامرة بل على العكس ينجح فيهم اي مخطط الا ترون ان كل مرة يكون السبب في تمزيق دولة اسلامية هو تآمر طرف على طرف ورغبته الانتقام منه حتى لو كان ذلك الاستعانة بالشيطان وهذا الذي حدث في افغانستان والعراق ويحدث في كثير من الاوقات في باكستان انه المرض الطائفي |
والمشكلة ان العقلاء من الطرفين يقرون باخوة الطرف الاخر وحقوق الاسلام الذي تجب له ولكن للاسف صوتهم خافت وخجول ومنبرهم مغيب والاعداء الاقوياء اعلاميا وباختراقهم للكثير من الاعلام الاسلامي يسوقون لكثير من الشيوخ الذين يشككون بالطائفة الاخرى ويذكرون بمروقها عن الدين لفترة طويلة ثم يقودوا من خلالهم الشريحة الكبيرة من المسلمين البسيطة والجاهلة التي تكون جاهزة لردود افعال وفق ما زرعته تلك الشيوخ ومناسبا لظروف تخلقها مخابرات الدول الحاقدة كالانفجارات المزروعة في العراق و لا يخفى على الجميع الطابع المفرق للامة الذي ينتج عن كل ذلك وما حصل في افغانستان والعراق من محاربة الشيعة للسنة كان حصيلة ذلك
هذا الذي كان يختزن وراء الستار من شحن طائفي في ظل تخاذل الغيالرى والصادقين عن فكرة الوحدة الاسلامية يجب ان يتوقف اليست كل هذه الطوائف تشهد بان لا اله الا الله وان محمدا رسول الله وشريعتهم القران السنا اخوة علينا ان نكون كالجسد الواحد يتداعى الجميع منا كاعضاء لنصرة العضو الذي يتعرض لخطر |
اعل صوت العقل وفوت الفرصة على الاعداء مد يدك لاخيك
اعل صوت المنبر الذي ينادي للوحدة بين المسلمين قلها بصوت عال لالتشكيك المسلم باخيه تحت اسم سلفي او اشعري او شيعي اوصوفي لا لاعطاء المصداقية لقنوات النفاق والعمالة والبهتان لا لتقسيم المسلمين باسماء مختلفة واتهام بعضهم باشنع الصفات والطلب من بقية المسلمين التنصل منهم لاصطيادهم والتنكيل بهم ليسهل بذلك القضاء على الاسلام لا للتضييق على العلماء الذين يدعون الى الوحدة ومنعهم من تفعيل ايمان الناس بالشكل المثمر لا للمشاركة في اي حرب ضد الشيعة او ضد السلفيين لا لتوتيرالعلاقات بين السعودية وايران الامر الذي تعمل عليه امريكا لا لخذلان السنة في غرب العراق بحجة ايوائهم لمسلحين لا لترك المسلمين المتهورين تحت رحمة العقاب الامريكي |
اخي المسلم ان خير ما يمكن ان يجمعنا ويعرفنا على بعضنا التقاؤنا جميعا على شعار واحد .وليكن القبعة البيضاء التي يعتمرها كبار السن والشيوخ بعد صبغها بالازرق ونعلن للجميع بهذه القبعة باننا لن نقبل ان يضحى باحد منا او بشيء من ديننا ليقدم قربانا لاعداء الاسلام واننا نعتبر كل المسلمين اخوة شيعة وسنة وسلفيون وصوفيون لا يجوز خذلانهم وتجب نصرتهم
|
و الله كلام بيحرك الجرح و يسلم هالتم............
لازم نحترم نحنا بالاول ديننا و بعدين نطلب من غيرنا يحترموه.......... ربنا وعدنا بالعزة بس لما منتبع دبننا و سنة رسولنا الكريم الاولى فينا لننصر رسولنا نرجع لربنا و لسنة نبينا العظيم.......... شكرا كتيييييييييييير عالموضوع هالكلام لما حاولت قولو قبل هلا لغير ناس وقفو بوشي و كأني عمبكفر................ بس كمان برايي مقاطعة المنتجات الدنيماركية ضرورية يعني هي أضعف الإيمان |
وايت روز ... كلامك هاد منقول من شي محل تاني ؟؟؟
و اللا هوي من ابداع افكارك ؟؟؟ |
لعمى
ذكرتني بخطبة يوم الجمعة :o :lol: :lol: :clap: :clap: :clap: نسيتي كلمة و الله واكبر يلا شباب كل واحد يجيب السيف البلاستيك ويركب عالبسكليت تبعو والحقوني |
خارج الخطاب الديني
ليش ؟؟؟
إذا كان السؤال ليش هيك صار ؟ أنا برأيي لأنو نحنا بالمجتمع لانرى قيمة للأنسان بالمجرد .. يعني أنسان دون النظر لدينو أو عرقو أو انتماءاتو .. يعني ما لازم يحرقو المساجد ويقتلو المسلمين ؟؟؟ طيب لو كانت كنيسة ؟؟ واللي ماتوا مسيحين ؟؟ كنا نزلناها أنو ما عم يحترموا التعايش ... وأن كانوا يهود .. فهادا جهاد .. وأن كانوا حزب ما بيماشينا بانتماءاتو بيكون دفاع عن الوطن ... الشعب اللي عايش هالازدواجيات وما بيقول أنو الأنسان مقدس .. ماذا نتوقع منه ؟؟ الشعب اللي عندو شعور انو مضطهد ومحارب وكأن العالم بأسره لا يفكر ليلا إلا بإيذائه والسيطرة عليه .. رح يتجلى خوفو بعدوانية وتخريب ... بعدين وقت سألتي هل غير المسلمين متقدمين ؟؟ ذكرتيني وقت كنت طفلة وكنت جيب علامة مو منيحة كنت أرجع عم أضحك عحالي أنو كل الصف علاماتون ما منيحة ..:oops: |
بصراحة كنت ناوي انطر جواب وايت روز
بدي اعرف ازا هيي صاحبة الفتوى تبع البرانيط الزرق و اللا شو بس بخصوص التفريق بين المسلمين و غير المسلمين يا ريت تنتبهوا انو الاميركان احتل العراق ... بغض النظر عن ملة اهلو يعني ما اجا احتل حارة اي و حارة لأ عموما فراشة ... حتى لو فرضنا جدلا انو غير المسلمين متقدمين (هنن متقدمين بفعل انو ما في حواجز نارية بين عقلهم و بين الواقع) بس مع الاسف المتل بيقول ... إن جن ربعك عقلك ما بينفعك |
اقتباس:
تانيا :lol: تالتا : أسمها بالشامي : مكسليتة .. رابعا : لوين بدنا نلحقك ؟؟ |
| الساعة بإيدك هلق يا سيدي 05:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون