|
كيف تعرفت على أخوية
اول شي مرحبا حاب ندردش شوي مع بعض بس لا يكون الموضوع مكرر او اذا مكرر قلولي انا مابزعل:pos:
بلا طول سيرة شو رايكون نحكي عن كل واحد كيف صدفة معو انو دخل منتدى اخوية او شوهو الموضوع يلي شدو ليسجل بل المنتدىاو عن طريق مين او منن جاب الموقع يعني ... بس يحكي شو صار معو بل التفصيل يعني مثلا 1-ب الصدفة .............................كيف اوشلون 2-عن طريق الاصحاب...........................يعني رفيقك دلك علي 3-شو المواقف يلي ساوتك عضو المهم يعني ماشالله عليكون فهمتوني اكيد :jakoush: :jakoush: ملاحظةةةةةةةةةةةةةةةةةمحد يخرب الموضوع |
انا رح ابدا
اول ما تعرفت على المنتدى اختي فتحتت على كوكل عم بتتفرج على اخبار وائل كفوري كانت الساعة شي 6 وجه الصبح المهم بلا طول سيرة طلع معاها اخبار الفنانين على اخوية وكمان شدا الو انو سوري المهم فتحت اللينك او عيطتلي اعدين عم نتفرج طلعلا على الطاير او موضوع شبح الساعة 12 شدني الموضوع لاني كتير بحب الرعب او حطينا علي والضو مطفي واعدين بامان الله اطلعنا با الصورة ماطلع شي شوي كمان مافي شي فا اجت وقالتلي شفتي مافي شي وبدها تغير ام ما بشوفا الا صاحت صوت فيات كل اهل حماة ولا بتقلي شوفي شوطلع طلعت الجنية الموجودة بل الصورة او من وقت ما صرت اترج على المواضيع والشباب المهضومة والصبايا حبيت ادخل معكون وشارك او هي اليوم انا عضو وين الترحيب شباب |
طيب حاضر مارح اخرب الموضوع
انا كنت سمعانة انو اخوية سيدة السلام(كنيسة بحمص) عاملة موقع من شي تلت سنين بس ماشفتو بعدين اجيت ع اميركا فمرة من المرات فطنت فيه قمت فتت وسجلت ماحبيتو كتير للموقع بس صرت فوت تقريبا كل نهار وهيك صار عندي ادمان وشكرا ع الموضوع انت كيف دخلتي:سوريا: |
اقتباس:
بس لان صار معك ادمان:cry: |
اقتباس:
بالاول ماحبيتو لك ماهضمتو بالاول بس هلا ماعد فيني عيش بدون الاخوية لك صارت بدمي:hart::hart: |
اسف سوء تفاهم
|
اي بسيطة حياتي ولا يهمك;-):سوريا:
|
اقتباس:
|
ههههههههههههههههههههه
يخرب عقلك لك على دئرة واقفتيلي سوري كمان سوء تفاهم بس ملعوبة منك |
اقتباس:
|
انو انا بالصدفة
هاي يا ستي ماني رح احكي من الاول بس بكل بساطة فتت على غووغل وكتبت اسم كنيسة قام طلعلي الموقع فتت عالموقع طلعتلي الصفحة الرئيسية لفت نظري الموقع لان مكتوب باللهجة العامية قمت قريت فيه شوي وشفت قائمة الاعضاء لقيت اسماء مو غريبة عليي (يعني بعرفها بسوريا) قمت سجلت فيه وبلشت شارك وهيك لهلق الي بجوز 6 شهور على هالحالة صار معي ادمان |
اقتباس:
على فكرة انا ريتا دلتني عليه :gem: |
يا عيب الشوم
اختك الصغيرة بتدلك بدال ما انت اتدليها هوي انا فرجيت الموقع لاختي الكبيرة بس ما شالتو من ارضو :clap: |
أولاً اشكر سنفور على هاي الموضوع الجميل..
وثانياً حابب أقولها اني تعرفت على الموقع بالصدفه لأني كنت ابحث عن منتديات سوريه ولم تصفحت (أخوية) حسيت انه مناسب وسجلت فيه.. تشكري سنفوره |
ميرسي الك سنفورة موضوع حلووو:سوريا:
عرفني على هالموقع صاحبي الي هو SIR RORO :sosweet: عجبني كتير وحبيت الاعضاء الي فيه كتير حبابين ومهضومين وخلاص هلاء ما بقدر اتركه .. |
انا اللي عرفني على هل المنتدى واحد من اصدقائي الغالين ولما شفتو وشفت المواضيع
اول شي ما حبيتو وقلتلو انو كتير بايخ وما حبيتو بس لما بلشت فوت بالجو وبالناس اللي فيو كتير حبيتو و صرت قضي وقتي كلو عليه والف شكر الك يا سنفورة على الموضوع كتير رائع |
موضوع ممتع بالنسبة الي كنت ابحث في كوكل ولكن لا ادكر عن مادا ثم التقيت صدفة بالاخوية وتسجلت كما افعل مع اي منتدى يعجبني
شكرا سنفورة على الفكرة |
يلعمى شباب صارت دعاية لكوكل
الكل مافي الا كوكل |
اانا كنت عم دور على google و كنت عم دور على مواضيع بالكمبيوتر قام طلع معي موقع أخوية و سجلت في و هيك صارت القصة
|
اقتباس:
|
المهم أنا دلتني على المنتدى رفيقتي حبيبة قلبي سيلين. أول شي دلتني علي ما شلتو من أرضو. بعدين رجعت قالتلي سجل (بعد ما صارت هيي زعيم:aah: ) وسجلت وهاي صرلي أربع خمس شهور بالأخوية.
وأنا بدوري دليت خيي hammoooza بعد شي شهر او أكتر يمكن بس هوي سبقني بالمشاركات |
اقتباس:
:? :? :? :? :? :? يييييييييييي عباس كأن راح افهم عليك لك ولييييييييييييي عجب انت شو مفكر هل تفكر بما افكر ميمو ون ....................................المرسل ميمو تو:cry: |
شفتيلك هالشوفة ريم. خاصة حرف ال "د" محل ال "ذ"
|
اقتباس:
:cry: |
اقتباس:
:x خليك ب الموضوع |
اقتباس:
|
اقتباس:
|
اقتباس:
|
ابو عزو هو يلي دلني ع المنتدى و بعتلي دعوة لايميلي و فعلا عجبني و كنت بأمس الحاجة لجماعة اطلعون على افكاري و ما كذبت خبر :سوريا:
وقت شاف ابو عزو انو الشغلة جد قام شد معي و جاب ابو جعفر الورد كمان ;-) |
انا يا ستي ريمو كانت ساعة بنص الليل هيك شي اجي اخي بدو العاب علني دخلت على النت وعلى غوغل بوجه خاص وكتبت العاب تميت ادور ووصلت لصفحة 8 على ما اعتقد او 9 هيك شي المهم دخلت كان في موضوع حلو ما بتزكرو منيح شدني كتير وخاصة الحكي كلو سوري يا عيني وانا بالغربة ضربت بعقل وسجلت مع اني ما بدخل على المنتديات كتير ههههههههههههههه واخي كان عم ينطر اطلعلو العاب ومن وقتها وانا بدخل عليه و |
شكراً سنفور على الموضوع
أنا كنت عما أعمل بحث عن برامج موبايلات و طلع بوجي بس أول مرة ما شتركت رجعت فتت علي مرة تانية و أشتركت و هل كلما فات واحد جديد على الأخوية لح تعملو فلة |
أما أنا فقصتي بتشبه قصة أخت سنفورة كنت عم دور على أخبار الفنانين بالغوغل وهيك لقيت اخوية ومتل عاشقة علي أنا بالغربة وعجبني كتير انو الحكي سوري واللهجة المستخدمة بالمواضيع وحتى تصميم الموقع بالسوري المهضوم يعني مع شوية كلمات مزح مو مألوفة متل باقي المواقع ومنها كلمة بحبشة بدل بحث وهيك فتت ع الموقع تعرفت ع الشباب والصبايا وصار جزء لايتجزء من روتيني اليومي بس أبدا مو ممل ميرسي سنفورة ع الموضوع فكرتو كتير حلوة باي |
اقتباس:
بعدين مش معاجبك انو مشاركاتي صارو أكتر منك :aah: :aah: :x |
هي يا بنت الحلال كمان بال google كنت عم بحبش على برامج كسر بس ما ستفدنا شي وقتها
وتمينا |
اقتباس:
|
انا من الاخويي
وبعدين اخي ماكن ايخليني اقعد على الكومبيوتر وهويي عم ايصمم الموقع انا بحب الموقع من اول يوم عملوووووووو |
سنفورة سنفرتينا;-) بهل المواضيع :سوريا: بلا طول سيرة
انا كنت عم دورعلى كلمات الاغاني يعني غوغلتون وبالذات لموروان خوري قصر الشوق وطلعتي الاخوية وحبيت الهجة العامية المشكلة حومصي شامي حلبي وغيرو وانا مشتاقة للبلد وفاضية ماعندي شي امت سجلت وهيك توتة توتة خلصت الحدوتة مشي الحال عرفتي الجيجة مين جابا :shock: :oops: :sosweet: |
اما انا ياسادة يا كرام قصتي تختلف عنكم جميعا
بس في نقطة مشتركة وحدة وهي العم غوغل كنت عم اشرب شاي انا وصديقتي وعم نبحبش شوي بالنت طبعا مدري كيف ضربت ايدي بكاسة الشاي واجت مكبوبة عليها قالت اخ كتبت اخ تطلعت هيك واذ تيابا كلون شاي وصارت تقول وية وية كتبت وية وطلع عندي اخ وية:سوريا: والله وكانت احلى واسخن كاسة شاي |
اقتباس:
اي صحيح بس يا حرام نقهر لما عرفت انو صرت زعيم بوقتا:clap: :clap: وانا صرلي فترة طويلة داخلة على المنتدى وما متذكرة بالزبط الزبط بس كأنوا صياد طيور يلي دلني عليه بعتقد كنت متعرفي عليه بدردشة ودلني علي بس ما مأكدة صرت عم انسى:x :x :? :? |
اقتباس:
اخي بما انك مدعوم سؤال:p :p من فترة منيحة انحط موضوع حب في القبور مين يلي حاطوا لاني اول ما دخلت اخوية لا بعرف النوم ولا الاكل ولا شي من ورا الموضوع على كتر مافي صفحات او طويلة وجذبني الموضوع وصرت استنى النهاية حتى ظهرت وشي بيدوخ :cry: :cry: :cry: :cry: :jakoush: |
| الساعة بإيدك هلق يا سيدي 14:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون