كاتب النص الأصلي : fady juventus أنا ما رح إحكي لأني كتير متشائم ومن كلشي و ما رح يعجبني البلد حتى لو صار متل سويسرا "مو معناتا إنو هلأ مو عاجبني :shock: " انشالله اقدر بعدين إكتب شي بقائمة اللي تصلح ;-)

كاتب النص الأصلي : ملك الهكرز بلا فضايح مو هيك بتنحل المشكلة

كاتب النص الأصلي : الاميرة الي ما تصلح رفاهية السيارات زيادة رواتب خمسة بالمية

كاتب النص الأصلي : Khaldi مي تو كتير حلو الموضوع .......... :سوريا: الاصلاحات يلي تمت : :( ما خطر ببالي شي و وقت اتذكر بحط ;-) يعني هيك طبيعة الانسان ما بتيزكر الا السيئات ( السفرجل ):o يلي ما تصلح : 1- دوريات التموين العشوائية 2- قوانين الاستيراد و التصدير الغبية 3- امبراطورية الجمارك المرتشية و هي من سابع المستحيلات انو تزبط :aah:

كاتب النص الأصلي : me2 حلوة ... حتى الجمارك بتتظبط ... يعني شو بدها شوية بنزين و قشة كبريت ...

كاتب النص الأصلي : Khaldi لك ياريييييييييييييييييييييي يييييت :aah: اي ها هي واحد بفش القلب :سوريا:

كاتب النص الأصلي : me2 يحرق حريشك ؟.... هههههههههههه

كاتب النص الأصلي : Khaldi يا اخي الجوع كافر :pos: :? :shock: :o

كاتب النص الأصلي : krimbow في شغلة كمان حابب ضيفها قاعدة اقتصادنا الدهبية ... "إن لم تكن مخلوف، فأنت مخالف" بعدين شو مشان البترول ؟؟؟ رح يخلص و ما لحسنا اصبعنا

يلي ما تصلح : 1- دوريات التموين العشوائية 2- قوانين الاستيراد و التصدير الغبية 3- امبراطورية الجمارك المرتشية و هي من سابع المستحيلات انو تزبط

كاتب النص الأصلي : Abo3zo والله الحق معك يا خالدي... كلامك جواهر , يعني أنا و انت ( رجلي و رجلك بنفس الفلقة ) :p على فكرة أنا حطيت موضوع بالصالون مشان غلاء الأسعار... يعني هي ما بدها اصلاح كمان ؟ من بعد اذن الحبيب me2 يعني حتى ما تقول عم نسرقلك الزباين :? و هي وردة لـ مي2 :سوريا: مشان الموضوع المهم

كاتب النص الأصلي : krimbow في شغلة كمان حابب ضيفها قاعدة اقتصادنا الدهبية ... "إن لم تكن مخلوف، فأنت مخالف" بعدين شو مشان البترول ؟؟؟ رح يخلص و ما لحسنا اصبعنا

كاتب النص الأصلي : صياد الطيور لأ أسمحلي أنا بخالفك بأول فكرة ... لأنو الوضع الأقتصادي بالبلد تغير كتير هالسنة يعني مشاريع كتير وافقوا عليها وكتير انعملت وعلى مستوى عالي جدا وما ألو علاقة فيها أبن الخال .. يعني الوضع نسبياً تحسن كتير .. وحتى القيود والشروط الي كانت الحكومة تحطها على الأستثمارات والمستثمرين غيروها بشكل كتير كبير .. وللأحسن طبعاً .. أما موضوع النفط ... يا أخي ما بعرف ليش كل مين بتحث معو حول هالموضوع بيقلي ( هادا خط أحمر لا تقرب عليه ) ما بعرف وين اللغز بالموضوع ...

كاتب النص الأصلي : layla اول شي مشكور مي2 عالموضوع اغلب النقط اللي كنت بدي اذكرا انذكرت بس في شغلة ضرورة تغيير مناهج التعليم مو تطوير حذف المنهاج بشكل كامل ووضع منهاج جديد ومنهجية جديدة للتدريس يعني الغاء شغلة الحفظ البصم الاهتمام الفردي بالطالب المبدع استخدام التطبيق العملي للمواد المدروسة اعطاء بعض الخيارات للطلاب بخصوص المواد اللي بيدرسوها وطبعا اهم شي الغاء نظام البكالوريا الظالم بشكل فظيع للطلاب يعني جعل الاعتماد مو بس عالبكالوريا او بالاحرى على اخر شهر بالبكالوريا بل على الفترة الثانوية بشكل كامل. وبفرد مرة تكبير الجامعات بمعنى اخر تنزيل المعدلات شوي

كاتب النص الأصلي : me2 معك حق ستة ألاف بالمية .. أصلا مافي شي بهدلني بحياة ألا أخر شهر بكالوريا ... مع أني جمعت فوق الميتين من التمانينات .. بس اتبهدلت . شكرا لألك ...

كاتب النص الأصلي : fady juventus بشرفك جمعت فوق الميتين؟؟ :shock: ومن هون لهون ;-)

هدا أصلاح ولا مو أصلاح ؟؟


أول مركز لحقوق الإنسان في سوريا يفتتح غداً بتمويل أوروبي

تفتتح مفوضية الاتحاد الاوروبي في دمشق يوم غد أول مركز تدريبي لحقوق الانسان في سوريا بتمويل من الاتحاد الاوروبي بهدف دعم المجتمع السوري المدني وحماية حقوق الانسان والذي سيديره المحامي والناشط السوري في حقوق الانسان انور البني .

والمركز الذي تولت المنظمة البلجيكية غير الحكومية "ايفياس" تنفيذه وشاركت في تمويله بالتعاون مع ناشطين سوريين في مجال حقوق الانسان يقدم "تدريبا شاملا لمنظمات نسائية وصحافيين ومحامين ومجموعات المجتمع المدني عموما"، كما يعمل على تأمين إستشارات قانونية مجانية.
وقال فرانك هيسكة سفير بعثة المفوضية الاوروبية في سورية إن المركز "سيساعد في بناء مجتمع مدني اقوى في سوريا، ما من شأنه جعل سوريا أقوى…
وأطلقت البعثة الاوروبية في سورية ستة مشاريع تندرج في اطار برنامج "المبادرة الاوروبية للديموقراطية وحقوق الانسان" الذي انشئ عام 1994.ففي كانون الثاني الماضي تم اطلاق المشروع الاول الذي يركز على حقوق الاطفال، وتشمل المشاريع الاربعة الاخرى تأسيس مركز للرعاية في القامشلي شمال شرق البلاد لمساعدة الاطفال المشردين وبرامج تدريبية حول حقوق المعوقين ومجموعات آخرى بما فيهم اللاجئون الفلسطينيون.
يذكر ان بعثة المفوضية الاوروبية مسؤولة عن ادارة العلاقات الرسمية بين سوريا والمفوضية الاوروبية، ويندرج ضمن نشاطاتها الاشراف على مشاريع التعاون الثنائية والتي تناهز قيمتها 252 مليون يورو لدعم عملية التحديث التي تقوم بها الحكومة السورية في مجالات عدة كالتعليم العالي وتطوير القطاع الخاص والبيئة والسياحة والطاقة والاتصالات والصحة وتنمية المجتمع المدني.
كما وقعت سورية والأتحاد الاوروبي في تشرين الاول عام 2004 اتفاق شراكة لإنشاء منطقة تبادل حر بحلول عام 2010، لكن الاتفاق جمد لأسباب سياسية

كاتب النص الأصلي : me2 هدا أصلاح ولا مو أصلاح ؟؟ أول مركز لحقوق الإنسان في سوريا يفتتح غداً بتمويل أوروبي

كاتب النص الأصلي : fady juventus ولا مو إصلاح؟؟ لاء أكيد شغلة منيحة بسسسسسسسسس.........ز