|
مقالة صباحية في المساء
يأبى الصباح الا أن يصبح علينا بمختلف أنواع القلق والخوف مما سيكون عليه حالنا لبقية اليوم, يأبى أن يدعنا وشأننا , ويأبنا الا أن يأمرنا بالترحم على وفاة اليوم السابق. اذا استبقت الكوابيس الصباحية أثناء النوم وانفجرت من الفراش هاربا منها, وشعرت لبضع دقائق بنصر تافه وأنت تحلق ذقنك , يعاجلك الصباح بكوابيس أثناء الصحو وليس النوم , فاما أن تجرح ذقنك بواسطة شفرة مصنعة محلية بمعايير من الكونغو , أو بانقطاع الكهرباء المنغولية , أو بأصوات الجيران التتار في موقعة الفطور الصباحي ,أو بطلبات لا تنتهي من زوجة لاتعرف حرمة زمن الاستيقاظ العالمي. واذا ساعدتك ولادتك الصباحية على استيعاب كل ماسبق , يأتيك دور الجوارب الضائعة والقميص المجعلك والحذاء الطيني وغيرها من تفاهات الحياة اليومية. طبعا أنت مسالم وصافي الذهن ولايمكن أن يتلبد صباحك بهكذا تفاهات, أنت أكبر من الجوارب و أشد بأسا من القميص وطبعا أعلى شأننا من الحذاء "أجلكم". تطلق في وجهك مختلف أنواع الغازات المحرمة دوليا مع هجمة من أبواق الميكروباصات وسيارات التكسي تتصارع أمامك لتنعم عليك بنعمة النقل العام أو الخاص "الرخيص".. لا مشكلة .. هؤلاء أناس غير متعلمون وهم في ماراتون نيويورك وراء صحن فول حائز على ميدالية ذهبية بالجري أربعة × أربعة تتابع بالاشتراك مع وقية لحمة مسوفة وقطعة كاتو بالكريمة وفنجان اكسبريسو مع موسيقا لموزار. الناس لبعضها ولازم نحس ببعض ونتحمل بعض وللو ما نحن عرب . وما المشكلة اذا كاد سائق الميكرو أن يودي بحياة الركاب تحت عجلات شاحنة تنقل بحص أو أسمنت مهرب؟؟ الكل يركضون في نفس الماراتون الأنف الذكر. يعني كل الموضوع هو بضع دقائق في الطريق الى مكان العمل , مو محرز هز البدن ولا حبة تحت اللسان. تستعيد بعض من هندام تركته في الميكرو وأنت تحاول النزول على الطاير, وتمسد ما تركته لك زوجتك والزمن من شعرات تظهر من الصلعة بقدر ما تستر. تنسى الميكرو وجروح الحلاقة وتضغط زر المصعد مقررا أن تنظر في مرآة المصعد الداخلية في محاولة أخيرة لتفقد الخسائر الناجمة عن الانتقال من الفراش الى مكان العمل . تضغط مرة ثانية وثالثة .. لا تندهي مافي حدا .... نهاية الحلقة الاولى .... |
يا زلمة هالموضوع بيأس الواحد
والله مو ناقصنا بعدين إنت جايينا يأسان من أوروبا يا حبيب؟؟؟؟؟؟ |
اقتباس:
شو بعمل اذا كانت سوريا عصية على النسيان ..؟؟؟ |
إنت أخوت
لو بتفهم ما بترجع على هالبلاد |
اقتباس:
|
اقتباس:
|
اقتباس:
متل القط بيحب خناقوه ...ما بشوف حالي الا بالشام للمرة الألف .. |
اقتباس:
|
اقتباس:
بيجوز ... |
اقتباس:
|
الله عليك يا سوريا...
لأ يا فادي ... مو أخوت ... بس كل واحد ألو ظروفو ... وأنت أعلم بهالأمور ;-) |
اقتباس:
|
شكرا لنبل احاسيسك
مسا الورد:arrowl: |
اقتباس:
|
اقتباس:
كيف هيك صاير معك ؟؟ - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - vbmenu_register("postmenu_239189", true);Junior Member -- اخ حرٍك -- كيف قليل مروة و بنفس الوقت حرك ؟؟؟؟:lol: :lol: |
لانو بها الفترة مقطوع من الدوا
بعدين هيك بيصير معي:سوريا: :wink1: :sleeping: |
اقتباس:
|
العمى والله حلوة.. شغل وين هيدي وطني شي؟؟
ناطرين الحلقات الجايي المهم ما يموت البطل بالنهاية |
ولي علينا هلأ بتقللي الدرج وشوية رياضة بدل الأسنسور المعطل (بكسر الطاء) وبتتفركش بشي درجة مكسورة وبقعة قهوة وشاي سقاية من المستخدم للدرج وهو طالع عالطابق الفوقاني عم يكفر ويسب ويلعن كل موظف والحالة وانو مابدو يرد عحدا.......................
ناطرين الحلقة التانية من مسلسل مأساة ممسحة (مواطن) شكراً me2 عمواضيعك من القلب |
اقتباس:
شكرا جزيلا .. |
اقتباس:
هيك خربتلنا الفيلم ؟؟؟ شو شايفو بالأردن الظاهر ؟؟؟؟:lol: :lol: |
اقتباس:
قوييييييييييييييييييييييي ييييية :lol: :lol: :lol: :lol: |
ايواااا ... هي قصة البؤساء .. بس بالنسخة العربي ... :lol:
صحي ... اقتباس:
على كل .. ناطرين الحلقة التانية من مأساتنا ... :سوريا: |
اقتباس:
لا تستعجلو .. بلكي كنت مروق وسلخت نهاية سعيدة ؟؟؟;-) |
عالطريقة المصرية إيام الأبيض والأسود
|
اقتباس:
الجوازة دي مش لازم تتم ...... بحبو يابابا .. |
اقتباس:
|
اقتباس:
|
اقتباس:
اقتباس:
:cry: |
اقتباس:
المواطن ليس ممسحة .. بل يمكن ان بأتي بالف لبوس ولبوس , يعني : اذا مواطن طويل فيكون قشاطة اذا قصير وسمين "متلي" بيكون سطل مسح اذا مربوع بيكون مكنسة اذا محترم ومثقف واخلاقي بيكون ممسحة سبابيط على باب وزارة |
اقتباس:
|
اقتباس:
فدوش جوفينتوش .. على راسي .. منمسحها ... |
اقتباس:
|
اقتباس:
كل شي منك بيعجبني ... ليكون ما عجبتك فدوش جوفينتوش ؟؟؟:clap: |
الحلقة الثانية ..
الحلقة الثانية ..
ياسيدي لازم نعمل رياضة شو هالحكي .. صار ألنا كرش من القعود واستخدام وسائل الرفاهية مثل الميكروباص و غيره . تطقها طلعة على الدرج , تواجهك مشكلة الظلام بسبب سرقة لمبات الدرج .. شايف شو منافع التدخين ؟ لو كنت رجل محترم وتدخن , كنت أشعلت قداحة أنارت لك درب الصعود بدل التزحلق على الدرج القذر. تصل أخيرا الى المكتب .. وتبدأ بفرد أوراق العمل .. قبل أن يبدأ المراجعون بالنق فوق رأسك , صاحب الحاجة أرعن , بسيطة ... لابد من قهوة الصباح .. أقل منها .. ولكن السخانة الكهربائية "المحرم استعمالها دوليا" مقطعة الأوصال وهي بحاجة لعملية جراحية اسعافية, تبدأ العملية وباستعمال ماتوفر من أدوات الجراحة في مكاتب القطاع العام من أقلام بيك وملاعق قهوة وغيرها. اللللهههه .. مافي أحلا من أول رشفة قهوة .. بس هالبن "الحموي أو حسيب" مخلوط بشوية قضامة .. بسيطة كتير .. يعني نسبة الخلط لاتتجاوز التسعين بالمية .. مقبولة. يبدأ الموظفون الأقل انضباطا بالتوافد تباعا .. يلعنون الدرج والميكروباصات والقطاع العام والرواتي وغيرها .. وأنت مستغرب أشد الاستغراب .. ياأخي هي نعمة و نحن نعيش في دولة مواجهة .. وللو شو بدنا نصير متل غيرنا ؟ خونة ؟؟ فشروا .. على الأقل ما حطينا أيدينا بأيدين الأسرائيليين .. وهذا موضوع مكلف و ثمنه يدفع بالدولار .. الله يعزك يا شام . شخص مثلك . شعره ممشط بدقة ومفروق الى الجنب اليميني و مبلل بالماء و زيت الخس , وبنظارته الأثرية ذات الاطار الأسود .. وجلده الملتصق بعظمه "السنكوح" , ومنزله المستأجر في مخالفات "دف الشوك" ووالده الشهيد المجهول وأمه العجوز المبلية بكافة أمراض الشيخوخة منذ صباها , يحكي هيك حكي ؟؟ نهاية الحلقة الثانية |
يا سيدي روعة
هي أحلى من الأولى بكتير استاز هاني السعدي:gem: :gem: |
اقتباس:
|
اقتباس:
لساك متأثر بالفالنتاين:sosweet: و لا محشش :o ما هوي هيك قصدو :? |
اقتباس:
حلوة ... هههههه |
لك حاجة يازلمة عأساس القطاع الخاص احسن ؟؟ ماكلو أضرب من بعض بس بالخاص منحطلو شوية زينة وبهار وكريمة للتحلاية بس القالب هرا بهرا
PS:هـ = خـ |
| الساعة بإيدك هلق يا سيدي 19:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون