|
الأكراد في سوريا .
الأكراد في سوريا قضية معقدة , يشكلون 12 % من الشعب السوري ,
أغلب تمركزهم في الشمال الشرقي ( القامشلي , راس العين , عامودة , القحطانية , دربيسية ) الأكراد و التجنيس , قصة قديمة بين الأكراد و النظام السوري , الأكراد يطالبون بالجنسيات السورية , و النظام يطنش , اليوم على أساس كان الأكراد في صدد القيام في مظاهرة في القامشلي , و أنا طالع من المدرسة كان في حركة و أنتشار واضح لرجال الأمن في الشوارع , هاد ما دفعني لكتابة هاد الموضوع , الأكراد بـ سوريا تقريبا مليونين شخص , يطالبون بالجنسيات السورية , و الحكومة لا تمنحهم الجنسيات خوفاً من وصولهم ألى مراكز و مناصب مرموقة في الدولة , عزيزي القارئ انت شو رأيك مع تجنيس الأكراد, أنت مع التجنيس, وليش ؟ ولا مع تركهم كـ شعب أجنبي محروم من الدراسة في الجامعات السورية و ليس له هوية , وليش؟ ملاحظة : هاد الموضوع خاص بالسوريين فقط , |
لا مايصير المفروض يعطوون جنسيات حرام كذا
|
اقتباس:
نبي نكون اصدقاء ممكن :$ |
اقتباس:
انا برائيي انه نساوي متل صدام حسين يعني نشتغل على الاحصائيات اللي ماقبل الخمسينات واللي ما شمله الأحصاء سواء كردي او فلسطيني أو اي جنسية تانية ينفرزو على منطقة تبعد عن مركز اي محافظة لا يقل عن مأئة وخمسين كيلو ويكون على مداخلها حواجز امنية والطلعة والفوتة بتصريح وهيك بنكون خدمنا بلدنا وخدمنا شعبنا وريحنا راسنا:p |
اقتباس:
لابد من التعامل مع هذا الموضوع بعقلانية تامة 000فما كان من الممكن عمله من عشر سنين 000اصبح من غير الممكن عمله الان000 لان سورية تحت المجهر 0000 بعدين ليش مايتم حل الموضوع بطريقة الحوار واعطاء كل ذي حق حقه0000 الاكراد طيبين 000شبون الاكراد يازلمة ؟؟ |
الاكراد طيبين 000شبون الاكراد يازلمة ؟؟[/quote]
أول شي هي الجمله ما فهمتها ممكن توضحها تاني شي هي هادا الموضوع لازم ينحل هلق لأنه سوريا تحت المجهر على قولك تاني شي انا ما عم طالب غير انه يكون لكل ذي حق حقه يعني نحن من حقنا كمان ما حدا يشركنا ببلدنا وانا مو قصدي بس عن الاكراد |
فعلاً , بما أنو في أقليم أسمو كردستان , بس الأكراد بدون يضمو شمال شرق سوريا لهل أقليم ,
|
اقتباس:
هلق بشرفك انته شو بتعرف عن هديك المناطق والله انا يمكن يزماني ما رحتلها وبظن انت كمان طيب معناتا انه ما بتهمنا يعني بيني وبينك تركيا مو احسن منهم المه بس نخلص من مشكلة |
اقتباس:
الاكراد مخططهم اكبر بكثير من مجرد كردستان العراقية 000 بس الخوف 000هو ان يتم التحرك ضد الاكراد بطريقة او باخرى في الوضع الراهن 000 ويتم استدراج سورية الى الفخ ؟؟؟ هنا مكمن الخطر 0000 وتتاح فرصة لممارسة مزيد من الضغوط على سورية كما حصل في موضوع الحريري ؟؟ احسن شي هو مهادنتهم الان ؟؟ الى ان ينجلي الوضع ؟؟؟ |
اقتباس:
الا عندي سؤال 000 بعد 000 سقوط صدام 000وتحصل الاكراد على امتيازات كبيرة 000 ماتشوفون انهم شافوا انفسهم شوي وبدى صوتهم يعلى ؟؟ حمى الله سورية من كل مكروه :hart: :sosweet: |
اقتباس:
|
امين الله يسمع منك حبيبي
|
اقتباس:
مني ولا منه ؟؟؟ حددي 0000:سوريا: امزحححححححححححححححححححح 0000000:o :lol: |
أول شي انا مو بنت
تاني شي الله يتقبل من كل واحد عم يدعي من قلبه |
اقتباس:
لاتواخزنااااااا خيووووووووووو0000:سوريا: انت شب وسيد الشباب 000:gem: وانا عم بدعي لسورية من كل قلبي 0000 انه يحميها من كل مكروه وعلى الدوام 000 والله اننا نحب سورية من كل قلوبنا يااخي الكريم 000000 بس بعض الناس 000الله يهديهم بس 00000:( |
الله يخليك حبيب القلب
ومو بس سوريا الله يحمي المسلمين كلهم امين يا رب |
بس انا حابب احكي انو الاكراد يلي ما معون جنسيه بسوريا اجو على سوريا قبل الاحصاء يلي صار بالستينات والدوله وقتها عرضت عليهون انو يدخلو بالاحصاء بس هنن ما رضيو لانو كان هدفن انو يساوو دوله كردستان ويلي لح تاخد جزء من سوريا ..
|
اقتباس:
ونحن بدورنا لانقبل اقتطاع اي جزء من الوطن العربي وعلى راسه سورية ( الشقيقة) 000 اذا كان للاكراد حقوق او شئ من هذا القبيل فهذا يتم تحت مظلة الوطن سوريا 00 اما انهم يقتطعون جزء من سوريا ويعملون لهم دولة مسخ 000 نقول لهم 00000000 معصي 0000000000 |
كنت قاعد مع كردي من كم يوم , سألتو :
لساتكن عم تناضلو مشان الهويات , قال لا , ما تفاجأت , بس كأنو بقلبو كان عم يقول , قربت وحياتك قربت , ماني بحاجة لهوية سورية , قربت دولة كردستان , قربت أنو أنت تكون طالب للهوية بـ دولة كردستان , |
اقتباس:
معصي 0000:x تبطي عظم 0000000000:x |
:سوريا: :سوريا: :سوريا: انا من جهتي ما سمعت بقصة اكرد لهلسنة
يعني مفتعلة هيك انا بعتبرها ومشان التجنيس انا مع تجنيس الاكراد بس مو الكل لانو في كردستان |
الاكراد لو ماتجنسهم سوريا راح يرجعوا وطنهم الاصلي المغتصب من حزب البعث الحاكم والسيد في سوريا
ياعالم والله لو انطرد لارجع بنك تاني ياعالم والله لو انطرد لارجع بنك تاني ياعالم والله لو انطرد لارجع بنك تاني |
اقتباس:
والله صار الشاطر اللي بدو يزت كلام :clap: دنيــــــــــــــــــــــ ـــــا |
فعلا مصيرهم ياخذون جنسيتهم بالرااااااحه
|
يا اخوة لاتنظرون الى هذا الموضوع بنظرة الكره والحقد للاكراد
بل يضا انظروا لهم من ناحية الانسانيه من ناحية العوائل التي تحب سوريا وتريد العيش فيها |
ببساطة يااخي متل بعضا لانو الاكراد عما يمارسو حقوقن بسورية متل الكل بس الاختلاف انو هني اكراد وعفوا منك في كتير اكراد عما يدرسو بل الجامعات السورية وانا برأي انو يضلو بلا جنسية احسن
|
تفوووووووووووووووووو عليك يا زمن
|
اقتباس:
بعدين رجاءً هاد الموضوع خاص بالسوريين و أي رد خارجي غير مرحب فيه أعتباراً من هل مشاركة وجررر |
لا أتذكر من فتح هذا النقاش لكنني أشكره على طرحه , كنت أود طرحه اليوم بالذات .
بالنسبة للقضية الكردية , أنا مع تجنيس الأكراد و احترام ثقافتهم و لغتهم و مساواتهم بالحقوق مع جميع الأقليات الأخرى . ما حصل مع الأكراد في سوريا منذ الخمسينات من القرن الماضي أمر مخجل للغاية , فقد تم تجريهم من أراضيهم لمنحها لمواطني الغمر (أي المواطنون الذين انغمرت أراضيهم بمياه بحيرة سد الفرات في السبعينات , ليس لديهم أي حرية من جهة استخدام لغتهم و تعليمها , أو ممارسة ثقافتم و تقاليدهم (على العكس من أقليات أخرى تتمتع بهذه الحقوق ). قضية أن الأكراد ليسوا سوريين و أنهم يريدون اقتطاع أجزاء من سوريا مجرد دعاية من الطراز البعثي , بحكم عيشي بمنطقة الجزيرة عاشرت أعدادا كبيرة من الأكراد و أستطيع أن أأكد أنهم سوريون تماما , ووطنيتهم لسوريا لا شك بها , لكننا للأسف بحكم أربعين عاما من الغسل الدماغي نربط الوطنية السورية بالشعور القومي العربي و هذا ظلم كبير , اذ أن العرب ليسوا الا قومية أخرى داخل موزاييك القوميات في سوريا , و كون الأغلبية العددية عربية لا يعني أبدا أن لها الحق في الغاء الآخر و تجريم شعوره و انتماءه . |
اتفق مع ياس بطرحو
الاكراد جزء من الشعب السوري ... و جزء اصيل كمان متل ما الارمن يللي عايشين بسوريا جزء من الشعب السوري متل ما الاشوريين جزء من الشعب السوري متل ...... كمان التراث و الثقافة الكردية بالنهاية بتصب ببوتقة الثقافة السورية الحضارية الانسانية خلينا نكون واقعيين كتير ناس من يللي بترفض تجنيس الاكراد بترفض كنوع من الاخذ بالثأر على المجازر يللي حصلت بين الاشوريين و السريان من جهة و بين الاكراد من جهة تانية و هالشي مرفوض تماما بسنة 2006 و ضمن الواقع السوري الحالي فما حصل قد حصل ... و الثأر لن يؤدي إلى نتيجة و من غير المقبول على الاطلاق إلغاء ثقافة من اهم الثقافات السورية بدافع الثأر و من غير المقبول انو يكون الثأر بإلغاء سورية الاكراد هالشي جريمة بحق سوريا قبل غيرها معروف انو "ثقافة الكره" منتشرة ببلادنا لدرجة كبيرة اصلا اصلا اجدادنا هنن يللي اخترعوا المرض الكنعاني الحلبي بيكره الشامي و الحمصي بيكره الحموي و الدرزي بيكره الماروني و هيك بس بهالمسألة بالذات (مسألة الاكراد) ... لأول مرة بتاريخ سوريا كلو (رغم ضخامتو) بيوصل الكره لدرجة إلغاء سورية احد الاعراق اما بخصوص انهم خايفين انو يستلموا مناصب بالبلد ... فأول شي هنن خايفين من الكل من هالناحية تاني شي من حق اي سوري انو يستلم مناصب بالبلد طالما رح يكون الرجل المناسب (لمصلحة سوريا) بالمكان المناسب تالت شي ... كتذكرة فقط غير صلاح الدين الايوبي يللي ذكروه السعوديين الشهيد يوسف العظمة وزير الحربية الاسبق كردي الرئيس حسني الزعيم كردي السفير و الشاعر و الوزير خليل مردم كردي و غيرهم كتار و كتار الاكراد يللي استلموا مناصب بهالبلد و رفعوا راسنا كسوريين و كلنا منفتخر فيهم و دمتم :7asheesh: |
تحية خاصة لـ Yass أحد أعمدة المنتدى الأساسيين و لرجاحة عقله و رأيه السديد
تحية لـ krimbow و رأيه الموضوعي أيضا و تحية لجميع الذي حكم عقله و ليس جهله toto77 اعترف أنه لم يزر الجزيرة أبدا.. و اقترح أنو نسر السريان (الذي هو من القامشلي على ما اعتقد) لم يزرها أيضا (ما شاالله على الثقافة الجغرافية الديمغرافية الواسعة) (ملاحظة ثانية: ليس هناك أدل عن تناقض الكثير من المتدينين مع ذاتهم أكثر من مشاركاتك يا في هذا الموضوع في البداية هاجمتك الأكراد على خلفية كونهم أكراد فقط و بطريقة مهينة و عنصرية و من ثم وجة دعواتك للإله المفترض بالخير للمسلمين، هلّا شرحت موقفك من الغالبية الساحقة للأكراد التي هي مسلمة؟؟؟) التنوع الأثني مهم و محاولة إلغاءه هي تكتيك سياسي رخيص من عقول لا ترى سوى هدف وحيد الاستمرار في احتكار السلطة يجب أن يتعلم شعبنا أنه لا يمكن تجاهل التعددية في سوريا، بل إنها أحد أهم مصادر غنى المجتمع السوري و تميزه، فالألوان المتعددة للطيف هي التي تشكل اللون الأبيض باتحادها و كذلك المجموعات الأثنية و الطائفية على تنوعها غاب عن ذهن الكثيرين أن "الجمهورية العربية السورية" هي اسم سياسي و ليس انعكاس للحقيقة، حزب البعث العربي الاشتراكي و للتذكير فقط هو اتحاد حزبين : حزب البعث و الحزب العربي الاشتراكي (حزب أكرم الحوراني: السياسي من الطراز الرفيع و أهم رجال أميركا في تاريخ سوريا) كون الأكراد يتكلمون لغة مختلفة لا يعني أنهم ليسوا سوريين، فالسريان يتكلمون السريانية (اللغة السورية القديمة) هل يعني أنهم ليسوا سوريين؟ هل يجب سحب الجنسية منهم؟؟؟؟ في الشمال هناك أكثر من سبع لغات مختلفة عن العربية (الماردلية، الكورانية، الكردية، الآشورية...) التمييز العنصري و التعصب العرقي هما جرائم بحق الإنسانية ليس هناك سبب منطقي يجعلني اعتقد أن فلاح في عامودا أو استاذ مدرسة في الدرباسية سيختار الانفصال عن سوريا و الانضمام لما يسمى بكردستان، لكن هناك ألف سبب و سبب يجعلني أتوجس من أي طرح "وطنى" تطلقه هذه الحكومة الفاشستية الرديئة الجنسية للأكراد ليست منحة و لكنها حق و علاج القضية الكردية هو واجب على الحكومة و المشكلة أصلا مفتعلة و دليل آخر على مدى تقصير و فشل الحكومة و أعضائها المقرفين |
[quote=Danito]تحية خاصة لـ Yass أحد أعمدة المنتدى الأساسيين و لرجاحة عقله و رأيه السديد
تحية لـ krimbow و رأيه الموضوعي أيضا و تحية لجميع الذي حكم عقله و ليس جهله toto77 اعترف أنه لم يزر الجزيرة أبدا.. و اقترح أنو نسر السريان (الذي هو من القامشلي على ما اعتقد) لم يزرها أيضا (ما شاالله على الثقافة الجغرافية الديمغرافية الواسعة) (ملاحظة ثانية: ليس هناك أدل عن تناقض الكثير من المتدينين مع ذاتهم أكثر من مشاركاتك يا في هذا الموضوع في البداية هاجمتك الأكراد على خلفية كونهم أكراد فقط و بطريقة مهينة و عنصرية و من ثم وجة دعواتك للإله المفترض بالخير للمسلمين، هلّا شرحت موقفك من الغالبية الساحقة للأكراد التي هي مسلمة؟؟؟) يبدو ان الطائفية هي التي دعتك لكتابة هذه الكلمات وليست هي فقط ولكن النقص الموجود عندك وعند اغلب الاكراد في هذه البلد انا لما حكيت حكيت عن بلد مو عن طائفة ولكن كان بين عيوني لما كتبت هي مصلحة البلد مو اكتر وهذا الشي اللي انت فهمته غلط انا لمعلوماتك حكيت عن الاكراد والفلسطينين وقلت انه لازم يكونو بمعزل عن اي محافظة تابعة لسوريا.. ممكن تسئل حالك ليش انا بحكي هذا الحكي انا راح جاوبك لأنه اللي لمسته من خلال معاشرتي للجنسين انهم يكرهو هذه البلاد ومو بس هيك كمان يحقدو عليها وهذا الشي انا سمعته بأذني وما حدا قلي ويتمنوا دخول الاميريكان هلق قبل ساعة على شان كل واحد منهم يعبر عن النقص اللي يدعي انه عايشه بسوريا مع العلم اننا نقدم لهم ما لا يحلمو فيه من ميزات تكون بالنهاية على حساب ابن البلد الاساسي وخاصة الفلسطينيين والادلة موجودة وياسيدي انا قلت كمان ان القامشلي وتوابعها لاتهمنا جغرافيا فممكن الاكراد يتمتعوا بحكم داخلي عشائري فيها وبدي ياك قبل ما تكتب على الناس تتأكد من مشاعر الاكراد بهذه البلد تحياتي |
أولاً شيت أنو نترك شمال شرق سوريا للأكراد فهاد مستحيل , مو لأنو أنا من القامشلي , بس لأنو أقتصاد سوريا يعتمد بشكل كتير على هديك المناطق , من زراعة و نفط .
بس بما أنو الشباب عم يدافعو عن الأكراد و يطالبو بتجنيس الأكراد , شو رأيكون بـ أحد الشعارات اللي أنرفعت بـ الأحداث الأخير واللي بتقول " لا سريان ولا كلدان ,,, بدنا دولة كردستان" طيب هاد حكي بـ يحكيه مواطن سوري ؟ بعدين قبل راس السنة كنت قاعد بـ الصف عم يحكو عل أكراد بيقوم واحد كردي بـ ينط و يقول طولو بالكن , ولله الأميركان لـ يعملو راس سنة بـ الجزيرة |
ياسيدي خليهن يعملو راس السنة هون هنن والاميركان بس بركي بيكون على دمهن
فعلا اللي استحوا ماتو يعني صحيح كلنا معانين من وضع البلد بس مو توصل الامور لدرجة انه نتمنى خرابها |
سؤال للشباب و حابب اسمع الجواب حتى نقدر نستفاد من بعض
مين بيقدر يقلي شو اصل الاكراد |
ايشوووووووووووووووووووووو ووووووووووووووووووووووووو وو بيعرفي
والله انا دورت بس مالقيت نتيجة ممكن اي كردي من الشباب يحكينا من وين اصلهم للفائدة فقط والمعلومة |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
سلامة |
اقتباس:
هلق بشرفكن هاد شعب هاد ؟ |
اقتباس:
و من جهة ثانية إلى أي مدى النظام مسؤول عن كره الشعب لأله ؟ |
اقتباس:
|
| الساعة بإيدك هلق يا سيدي 11:34 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون