|
شو رائيكون بالرجال الي بيبكي الحب
ما رأيكم بالرجل الذي يبكي من أجل الحب ؟
الحب عاطفة جميلة تجمع روحين تتجسد فيها معاني التضحية والثقة المتبادلة فما رأيكم بالرجل الذي يبكي من أجل الحب ؟ هل هو إذلال لقيمة الرجل ؟ أم قمة الرجولة ؟ أم ماذا ؟ |
هلأ البكي بوقتو حلو و مانو اهانة للرجل ... بالعكس بيكبر بعيني الرجل الحساس الذي يبكي عند الحاجة ( قصدي ما بكابر )
|
الرجل ليس بالالة حتى يتحمل كل ضغوط الحياة و كل شي بوقتو حلو
و يلي بقلك : خليك رجّال لا تبكي .......... قلو :........... موضوع حلو زين متل العادة :سوريا: |
انا ياما بكيت من الحب ...لأنو حب اللي بيضحك بيفل وحب اللي ببكي بضل ....
وما بعتبر البكي اهانة لكرامة الرجل ابدا ...بالعكس ...هاد بيعني الاخلاص للي ببحبها .... ومتل ما بيقول وائل كمان : ما بعمري بكيت يا زمن جرح الهوا اللي بكاني ...نيستي حبيبك يللي كان يحبك على عدد الثواني ... وقول نزار : انا اقدم عاصمة للحزن .. وجرحي نقش في الآه ...وجعي يمتد كسرب حمام من بغداد الى الصين .... وكمان : ان الانسان بلاحزن ذكرى انسان .... |
اقتباس:
بقى كيف اذا كان البكي مشان الحب انا برايي انو بكي الرجل مو اذلال ولا شي بالعكس احيانا بيزيدو البكي صدق وبيجمل الحب لانو احيانا ما بيقدر الواحد يعبر عن مشاعرو او بيعجز فبيكون البكي هو البديل و البكي من اجل الحب اذا كان بمحلو بيكون من اجمل اللحظات الصادقة لهيك حرام يحرم الشب حالو منها بحجة انو شب |
بكون كتير منيح هالرجال
سألني الي |
هل هو إذلال لقيمة الرجل ؟
أم قمة الرجولة ؟ أم ماذا ؟ لا هو إذلال لقمية الرجل ... ولا هو قمة الرجولة ... أنا بحس أنها شي طبيعي لأنسان طبيعي |
اصلا قمة الرجولة انك تبكي لما تحب و تزعل وتنحمق كمان ولا لي بيحكو يضرب الحب شو بزل:hart:
|
زين مشكور على الموضوع حلو كتير...
وانا برايي انو الرجل اللي ما بيبكي مشان الحب ما بكون رجال يعني اذا فعلا حابب... اما بالنسبة للبيبكي فهي قمة الاحساس الرائع والرجولة...انا خبير بهيك شغلات بس اخخخ:pos: |
عادية جدا
وكأنو الرجال مش انسان أصلا الرجال اللي ما بيبكي عشان ما يفقد رجولتو بكون طفل مش رجال شو هالشغلة يعني اذا نزلتلا دمعتين تلاتة عادية |
أنا عندي نقطة ضعف تجاه دموع الرجل .... فيها شيء سحري ...
الرجل اللي بيبكي ( بس مو عالطالعة والنازلة ) بيثير أعجابي بشكل كبير ... وكيف إذا كان عم يبكي لأنو بيحب ... |
'طبعا مو عيب بالعكس انا بحسها هي قمة الرجولة وكتير بحب الرجال يللي بيبكي بس كمان مو ع الطالعة والنازلة ودمعتو بتاثر فيني كتير
|
اقتباس:
شكرا زين كتير :سوريا: |
البكي عمرو ما هان حدا ولا قلل من قيمة حدا
البكاء حالة نفسية يمكن تكون زعل يمكن فرح البكي بجوهر الأنسان وبيعطي قيمة أكتر واللي خلاني حبو ليلي بحبو أنو كنت شوف دموعو الدموع بطهر الروح وبتغسلا والعلامة ما في انسان ما بيبكي إلا بيرتاااااااااااح |
أنا قبل شوي كنت عم مر بهالمرحلة الصعبة :cry: :cry:
بس بتحلى كتير لما بتنتهي بتسامح شكرا السورية المشتاقة |
اقتباس:
بس على شو عم تشكر كنوش:سوريا: |
اقتباس:
|
وانا ما بختلف معكون
الموع الله خلئها للرياحة يعني الواحد بيفضفض فيها واذا كان الحب قوي بيجوز يموت من كتر الحب مو قوي او يبكي يعني البكي انا بعتبروا راحة انا بكتر منها شوي وهاد ماراح يعجب الصبايا الظاهر |
اقتباس:
|
اقتباس:
هلىء ليش مفهوم الرجولة مرتبط دائما بالقوة لك حتى نحنا الصبايا وبشمل حالي بحب الشب يلي ألو سيطرة ألو وجود هي هي المشكلة أنو للرجولة معاني كتيييييييييييييييييييييير ة بس المعنى المترأس على كل المعاني هو القوة ومن الكلمة الرجولة بتحس انك عم تحكي بشي كبير وبهزنا نحن الصبايا من جوى مابهم يا زين مين بناسب المهم انت ترتاح واللي بتحبك هيك هي هي اللي بتحبك مو يلي ما بناسبها شب حساس زيادة:cry: وتأكد انو رح يجي يوم تلاقي فيه صبيه تحب ها الناحية فيك بس كمان بكرى أنت نشالله مع العمر بتخف شوي سألني أنا الحياة بتسررررررررررررررق:cry: |
اقتباس:
طولي بالك وايت روز :cry: :cry: :cry: :cry: ولي هلق بيفكروا الشباب انو على الطالعة والنازلة ببكي يا فضيحتنا صرنا خروووووووووق عم امززح شكرا على احساسك :سوريا: :سوريا: :سوريا: :سوريا: :سوريا: |
لاء اكيد ما هك بقصد
بس شفت الحقيقة وانت قلتها انو بفكروني خروق اللي بيبكي خروق صار يحرق حريشكم شو بتناقضو حالكن |
هلا بلا مقطوعية لحديثكن بس خروق او لا ْ , اول شي هالموضوع مو بايد الواحد بعدين المهم انك عبرت عن مشاعرك وحتى لو بالبكي
|
اقتباس:
واني احب الرجال الي بيبكي من اجل الحب وميرسي الك ع الموضوع الحلو ... |
هدا حسب السبب بالتحديد كيف يعني من اجل الحب........
|
هلا انا بحس انو الموضوع ما الو علاقة لا بازلال ولا بكرامة هو مجرد تعبير عن زاتك ومشاعرك و قمة الرجولة انك تعبر عن مشاعرك بدون ما تخاف من فكرة نشرها مجتمع بحاجة لتغيير جزري
|
المرا : بتحبني يا رجال ...
الرجال : باطل ... الرجال عيب يحب .. اغيييييي .. مدري ليش تذكرت هالمشهد لما عمبقرا الموضوع و الردود هون .. سلام |
اقتباس:
لاتكون سخنان:cry::cry: ابن العم :cry::cry::cry: |
استغفر الله استغفر الله
شو حب ما حب عيب ولاك انت وياه وياها وياها صبايا وشباب اخر زمن ما همهون غير الحب روحو اعملو شي مفيد بدال ما تحبو قال ابكي مشان وحدة قال انشالله عمرينها |
اقتباس:
|
اقتباس:
الرجل لازم يكون حساس لأنو العواطف ما خلقت بس للنساء و هادا شي ما بينزل من قيمتو خالص بس الله يعينا نحنا الرجال مع اني اساتني شب بالعشرين صار الحب مبكاني كتير مرات فرح ومرات حزن واخر مرة كان حزن:cry: :cry: :cry: :cry: |
اقتباس:
|
انا
بقول انو الشب او رجال لما بيبكي على شان وحدة بحبها ما بكون خرررررروق بالعكس بكون عاطفي ورومانسي وطيوب وحبوب وكل شي وبريء وبيكبر بعيني اكتر وبكون موقف حلو كتير وخاصة اذا الي بحبها جنبو وعم تمسح دموعو وعم تسكتو :sosweet: وشعور حلو كتير وبس ومو عيب هيك شي وكمان الحب مو عيب ولا حرام |
بالعكس انا بقول انو دمعة الرجل عاديّة اذا نزلت
بس بتعرفوا انا كتير بتأثر اذا شب بكي لانو صعبي تنزل دمعة شب الا اذا كان شي بيستاهل وكان شي مجروح كرمالو ويلي بكون مفكر انو دمعة الرجل هيي عبارة عن عدم رجولة وعدم نخوة الو بكون هو معاق بتفكيرو |
قمة رقي و صدق ونبل ورجولة الرجل إنو يبكي بلحظة حب:oops:
|
اقتباس:
|
اقتباس:
دمعة الرجل غالية جدا ما بينزلها غير الحب:sosweet: :sosweet: :sosweet: :sosweet: :sosweet: :sosweet: :sosweet: لك يضرب الحب شو بيزل :jakoush: :jakoush: :jakoush: :jakoush: |
هلأ في مواقف أو ظروف ممكن الرجل يبكي فيها لأنّو الرجل بالنهاية أنسان ...
بس أنّو أنا ما فهمت !! شو اللي بيبكي بالحب ؟!! :? يعني الواحد ممكن يبكي من خيانة الحب بس أنّو بس يحب يبكي !!:? بالعكس لازم يفرح و يتفاءل لأنّو و أخيراً لاقي مين يفهمو و يتفاهم معو و يحبّو ... يعني لاقى نصّو التاني وهاد أنا شخصياً بعتبرو من أصعب الأمور بوقتنا و بواقعنا هاد أي أنا أذا لاقيت وحدة تفاهمت معها و لقيت فيها المواصفات المطلوبة رح حبّا و رح طير من الفرح أي مو بس هيك رح زلغط كمان لولولولوليييييييييييييش :clap: :lol: مو أبكي :? :cry: :? !! ليش يبكي الواحد ؟ شو صابو مصيبة ولا كارثة !! وإلاّ هاد مو حب ... هاد جنان أو لعب ولاد ... |
| الساعة بإيدك هلق يا سيدي 23:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون