|
اسئلة سهلة .. للأذكياء فقط ..
تم استضافة احدهم في برنامج المليون فسألوه هذه الاسئلة :
س1 : كم استمرت حرب المئةعام؟؟ أ.116 ب.99 ج.100 د.150 فكرصاحبنا كتير .. بعدين اختار "تخطـّي" هاد السؤال لأنه أول مرة بيمر عليه ! طيب مو مشكلة بنروح للسؤالالتاني. س2 : اين تصنع قبعاتبنما؟؟ أ.البرازيل ب.تشيلي ج.بنما د.الاكوادور اختارالفالح انه يستعين باصدقائه بالجامعة للإجابة على هالسؤال كمان . س3 : في أي شهر يحتفل الروس بثورةاكتوبر؟ أ.يناير ب.سبتمبر ج.اكتوبر د.نوفمبر ما عرف هالغبي الاجابة ... وطلب مساعدةالجمهور!! س4: أي هذه الاسماء هو الاسمالاول للملك جورجالسادس؟ أ.جون ب.ألبرت ج.جورج د.مانويل طلبالعبقري حذف اجابتين .. وبعد جهد جهيـــــــد توصل للاجابه ( نعيمن !!! ) "معلش تحملوا بعض العقليات عنــّا و خلونانكمل ... " س5:مالحيوان التي اخذت منه جزرالكناري اسمها؟؟ أ.طائرالكناري ب.الكنغر ج.الجرو د.الفأر وقتهاانسحب هالزلمة من المسابقة وما قدر يكمّلها . !! بس اذا كنتوا مفكرين انكم اذكى منـّو فـ..بتمنّى انكم تقرؤواالاجوبة... تحت: جوابالسؤال الاول: استمرت حرب المئة عام 116 سنة من عام 1337 وحتى 1453 جواب السؤالالثاني : قبعات بنما تصنع في الاكوادور جواب السؤال الثالث: يحتفل الروسبثورة اكتوبر في نوفمبر جواب السؤالالرابع: الاسم الاول للملك جورج هوالبرت جواب السؤال الخامس: جزر الكنارياخذت اسمها من الجرو... حيث ان اسمها اللاتيني هو Insularia Canaria .... والذي يعني جزر الجراء . |
ليك انا فكرت عنجد سهلين طلع فين فخ
يا عيني مرسي على الموضوع |
اهلين سوسو ... نوّرتي الموضوع :سوريا:
ليكي ... وانا كمان هيك فكرتها ... واكلناها :lol: |
و الله مرتبة
و إضافة : مرة بإحدى حلقات من سيربح المليون و أنا شفتها لهالحلقة طلع واحد خليجي إجاه بسؤال الميتين و هدول الأسئلة الأولى السؤال التالي : كم حرب عالمية حدثت في العالم 1- واحدة 2- اتنين 3- تلاتة 4- أربعة أبو الشباب بلش يخبص أول شي كان بدو يقول أربعة و جورج عم يحاول يساعدو و هداك يقلو جواب نهائي ضل جورج قرداحي يلمحله لحتى حذف اجابتين و ضلت اتنين و أربعة قلو خلص أربعة و قال أنو هي حركات من سيربح المليون ما بتمشي عليه و أنو في بالتاريخ القديم أربع حروب هيييييك لحتى استخدم كل وسائل المساعدة و بالأخير جاوب اتنين و طلعت صح و على قد ما كان مصر عالأربعة على قد ما أكل خجلة |
ههههههههههههه
اي ابو اسامة.. على قد هالزلمة مو غبي .. علّق اسمه براسي .. اسمه فيصل الزعابي :lol: والله واحد محلّو .. كان انتحر من زمان ... قال حركات من سيربح المليون قال :lol: |
اقتباس:
بس أنا اللي كنت بدي انتحر و أنا عم أتفرج عالتلفزيون وعينكن تشوفو جورج قرداحي و هو عم يفرط من الضحك قدامو |
لك والله ما كون محل جورج قرداحي .. لحتى نزلو من عالكرسي وقلله لك قوووم قووووم ولاه .. تضرب بهالشكل .. في ناس احق منك تقعد هون .. واحد جـــ..... !!!! :pos:
|
هههههههه أنا كنت قتلتلو بأرضو
و قسما بالله كنت عم شد شعري و أنا عم أتفرج عالحلقة ما بتتخيلو قديش كان مصر عالأربعة |
أي أنا جاوبتهم كلهم صح ... هههههه
بس اكيد بعد ما شفت الأجوبي :lol: :lol: |
أنا أول ما قريت الموضوع حسبت انو مزحة وكنت عبقول العمة ما أغباه هالزلمة
قمت طلعت أنا أغبى منو ههههههههه ميــرسي عالموضوع |
اقتباس:
اقتباس:
اقتباس:
|
عفكرة أنا أول ما قريت سؤال حرب المية عام عرفت و نمط الأسئلة عشان بعرف انو مدتها مش مية عام
|
ذكرتوني بنكتة p.s بس هي مو للأذكياء
1 حمصي اشترك بمسابقة المليون و وصل لأخر سؤال الي كان عصفور بالأيد أحسن من10 على... الشجرة الحجرة التمرة باالأيد فكر كتير .....وقال بنسحب باخد المصاري ،لأن متل مابيقولو,عصفور بالأيد أحسن من10 على الشجرة |
اقتباس:
انا حضرت هالحلقة كمان احلا الشي لما قلو انا بعرف حركاتكون هاي الجواب هوي اربعة قلو انت سمعان بالحرب العالمية التالتة؟ قلو لاء قلو لكن؟ قلو الجواب هوي اربعة :lol: |
اقتباس:
|
اقتباس:
لك جادو ... طلع الكل حضران هالحلقة !! يخرب بيتو .. معقول بعدو عايش بعد هالخجلة؟!:? |
الله وكيلك بالصدفة شفتها
يعني كان الي فترة منيحة مو شايف البرنامج وفتحت عالمحطة كان وقتها عم يسألو السؤال شوفي الحظ |
اقتباس:
يا الله لهلأ كل ما بتزكر الحلقة بفرط من الضحك |
سبحان الله .. بس بدو يفضح عبد ..بيشرشحوا :pos:
|
| الساعة بإيدك هلق يا سيدي 18:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون