|
انتحار شاب سوري
الانتحار هو عمل مرتبط ب الغرب ولكن الان اصبح لدينا حالات
الموقع حماه الساعه 5 صباحا الشاب حموي العمر 20عام اليوم صدمت بخبر انتحار احد معارفي لكن لماذاينحر شاب ذوا حاله ما ديه ميسوره جدا الحد انه له سياره خاصه اماذا انتحر البعض يقول انه قتل من قبل فتاه اغتصبها والبعض يقول خوف من خدمه العلم والبعض يقول انه من عبادين الشياطين وانا لم اقتنع باحداها لكن هل يمكن لشاب متهور الخوف من خدمه او الانتحار لانه من عبادين الشيطان(بحماه هذه الظاهره شبه معدومه) او ان يغتصب فتاة الساعه الخامسه صباحاالا اذا كانت من هؤلائك البنات بس انا خفت كتير على المجتمع العربي من هيك حادثهوانا عن جد تلخبطه من هيك حاله حتى انتي عم اكتب وما عم اعرف عبر عن الي في داخلي بس الله يسترنا يا شباب |
هلق انت صدمتني بالخبر لما خبرتني ياه
بس يعني مو بالضرورة يكون مبسوط بحياتو حتى لو كان عندو سيارة او حتى معبة مصاري انا ما بعرف الشب ولا بعرف شو سبب انتحاو بس على كل الاحوال الله يرحمو بتوقع ضروري انو المجتمع ينتبه لحالة الشباب ويشوف مشاكلهون احسن ما تزيد هالحالات اكتر واكتر |
أحيانا توفر كل شيء للشخص يسبب له اليأس بصير بحس لحياتو بلا معنى ازا كلشي متوفر عندو
لهذا السبب سمعت انو كمية انتحار الشباب بالسويد عالية جدا من كتر الدلال |
يا سيزار نحنا ما ب السويد هو مو مامن كل شي بس حياه هل النسان كل الشباب بيحسدوا عليها (والله لبكني وما عم اعرف احكي)
|
ممكن شباب بلدنا يكونو حاصلين على كتير شغلات مادية بدهن ياها
المشكلة بإنو في هم عند كل واحد كيف يعبر عن حالو ويثبت وجوده وللأسف ما حدا عم بيفكر بهالموضوع بشكل جدي بس الواحد كان معو شوية مصاري وراكب سيارة معناها لازم يكون أسعد إنسان هالتفكير كتير غلط بس مافي حدا يستوعب هالفكرة يمكن رفيئك الله يرحمو كان إنسان مسالم بس مالأى حدا يفهمو بهيك حالة بيوصل لمرحلة يكره حالو فيها ومابيلائي إدامو غير الإنتحار على كل حال فكرة الإنتحار مو غريبة أي واحد ممكن يوصلها إذا يئس من حياته بين ناس ماعم يفهموه بشك صحيح |
اقتباس:
بس انا والله مستكبر كتير موضوع واحد شب بهل عمر ينتحر |
إنتي زعلان لأنو عمرو زغير بس أنا متأكدة لو الإنتحار حلال والشباب مو متل الرجال الآليين لحتى مالأيت ولا شب كانو كلهن انتحرو
في واحد سألوه ليش عايش ألهن من إلة الموت |
فعلاً خبر بزعل وبيصدم
وسؤال شو هو السبب؟؟ وغير الله ما بيعلم كل الأسباب اللي ذكرتوها واردة وحتى أنو يكون قتل وارد الله يعين أهلو الله أعطى ولله ما أخذ والله يرحمو ويرحمنا |
يا شبباب ما لازم هيك نفكر نحنا عايشين مو من قلت الموت ولا لانو النتحار حرام نحنا شباب لازم نفكر ب البناء و الفرح وننسى كل هل شي لانو ما في شي اغلى من نقطه من دم الانسان
|
شباب وبناء وفرح
مابيمشي الحال الشباب صعب ومسؤلية يمكن كل ياتنا بعمر الورد بس اكل مصدوم ومجروح من حياتو من مجتمعو من قلبو وكل ما كبر سنة كل ما بيتذكر أنو هو ماعاش السنة اللي قبلها متل مابدو وهي وهيك لحتى يحس أنو قطار الشباب رح يخلص ليدخل بمرحلة جديدة بتخوف معظم الشباب والبنات هو شبح عمر الـ 30 |
عشرين سنه لسى عمروا موتلاتين
|
بعرف توني
بس عم احكي بشكل عام عن حياة الشباب |
الحبل ع الجرار
|
اقتباس:
|
ياريت يا طوني تساعدنا وتقلنا كيف ممكن الواحد منا يساعد بالبناء والفرح
بصراحة بحس إنو الفرح ضايع وكتير منا ما بيعرف شو بدو أو ما بيقدر يحقق يللي بدو ياه |
جوهرة الدانة لازم تعرفي انو الفرح ما بينشرى ولا بيتصنع
لحالو بيجي يمكن يخلق بزحمة الدموع ويمكن يموت بضحكة بين الأصدقاء و الأحباب ولله انا هيك دائما بصير معي كرمال هيك الكل بينفر مني وبقلي انو انا مزاجية بس انو شي جوات الواحد شو بيعمل |
يا جوهره
الفرح شي بيملكو اي انسان بس في عالم ما بتتعامل معو متل ما لازم انا بحب كون سعيد مشان هيك ابتسامه انسان عزيز بت فرحني وحتى احيان بس كون قاعد مع رفقاتي بكون باحلى حالاتي في عالم بيقولو انو لحظات الفرح قليله بس انا بقول انو الانسان لما بيكون بيعرف شو مقدراتو بيكون سعيد بيلي عم يقدمو (وهذا مو ضد الطموح) |
اقتباس:
ولاحتى انو تزعل صح؟ |
اقتباس:
|
اقتباس:
... لفت نظري الأسباب اللي قالو ا الناس ... في المجتمع العربي بتدور كل المشاكل بتلات محاور جنس و سياسة ودين ..؟؟ |
كلكون غلط الشب بعرفو هو اسمو سعيد العاشق وصح عمرو 20 وهو من عنا من حماه انتحر مشان انو الاب تزوج على الام ومتل ما حرقلو الاب قلبو قرر انو شب يحرق قلب للاب وراح اخد مسدس الاب وانتحر بمكتب ابوه وهي كل القصة المختصرة
|
اقتباس:
كان يروح يقوصلو مرتو الجديدة :jakoush: |
اقتباس:
اي يعني راحت علي المسكين عنجد زعلانا علي شو استفد راح فيي والله :cry: ما كون انا محل بروح بجويز ابوي بايدي:o |
يعني ماني عرفان وين الغرابة بالموضوع
شو مو عايشين بالبلد وما عم تشوفو شو عم يصير بس بكل حال ..أي شخص بيقدم عالإنتحار بيكون عنده خلل نفسي حكما حتى لو كنت بتعرف الشخص عز المعرفة وما مبين عليه شي.. |
اقتباس:
|
مبارح كمان شي عمرو 24 سنة أنتحر هون عنا بـ القامشلي ,
بس هاد كان معو أنفصام بالشخصية , راااااح الله يرحمو |
الحياة المادية ما دخلها بالانتحار
بس إذا ضل البنزين ب 30 ليرة أنا رح انتحر |
طوول بالك بكرة لسا لـ يسير 50 ,
|
الله يبشرك بالخير
|
على هالحالة رح ننطر الحظ والصدفة لحتى نعيش حياتنا مرتاحين وما نفكر بالانتحار
لو إننا نتعاون مع بعض ونفكر بشكل عملي ونحاول نشيا هالفكرة من راس الشباب والصبايا ونقدر نخلئ جو حلو حوالينا |
حلو التفاؤل ياطوني وأنا معك بهالناحية وبرأيي إنو الواحد منا لازم يتبع اسلوب التطنيش لحتى يعيش مرتاح
واذا سمعنا شي موضوع لازم ندور على الجانب الحلو والمفيد فيه ونجاهل البائي لحتى مانمشي عكس التيار |
شو خمسين تف من تمك يازلمة الله يهدين ويرجعوا او يهدين ويساوها 20 بدل 30 صلوا ياشباب
|
| الساعة بإيدك هلق يا سيدي 08:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون