|
بعض من المخترعين السوريين و أعمالهم
هي شويّة أسماء لمخترعين سوريين و بعض من أعمال كل واحد منهون :
مثنى هاني أبو صالح : بصراحة هاد ألو أعمال ضخمة منها : سيارتين كهربائيتين وأنظمة تحكم إلكترونية محطات أرضية للأقمار الصناعية وأنظمة تحكم كمبيوترية رجل آلي مزود ببرامج ذكاء صناعي وتحكم كمبيوتري كامل مجموعة من دارات التحكم بواسطة الكمبيوتر إنترنت روبوت : رجل ألي مزود بحاسبين كبيرين ومجموعة من برامج الذكاء الصناعي يميز الصور والصوت والبصمات ويتعرف على الأشخاص ويقوم بإعطاء صلاحيات منوعة مثل الدخول والصرف النقدي وغيرها عصام حمدي : كمان ألو اختراعات كتيرة ... منها : جهاز تنقية غازات العوادم .... جهاز حماية السيارات من الاحتراق ذراع حامل للعتاد الصناعي جهاز تحديد طول السن باستعمال موجات الصوت العادية بدل عن الوسائل الأخرى الضارة... وقد نقل تقرير عنه في قناة الجزيرة الفضائيّة.. جهاز التحكم بالحاسب عن طريق اليد أو القدم : يمكن أصحاب الإعاقات في الأطراف من استخدام بالحاسب بسهولة واستخدام تطبيقاته... جهاز التحكم بالهاتف المحمول للمعاقين تطوير لجهاز الغرزات الطبّية الميكانيكي جهاز إسعافي لحالات الأحتشاء القلبي أيضاً اختراعات للسيارات والآليات وملحقاتها: جهاز إنذار عند نوم السائق أو سهوه ,يمكن أن يوقف السيّارة، وله استعمالات أخرى و يختلف عن الأجهزة الأخرى جهاز إيقاف فوري عند إغماء أو وفاة السائق ,يعمل بطريقه حديثة يستعمل لعدة مهن ,قليل التكلفة . جهاز تنظيم للسير في المدن والطرق العامة يعمل كنظام متكامل لخدمة السير محرك يعمل بجميع أنواع الوقود وفي جميع الظروف ... جهاز مانع انزلاق وفرملة للمنعطفات الزلقة والجليدية ... مرآب آلي يتسع بين 10 إلى 30 سياره بمكان سيارتين أو ثلاث جهاز مساعد للاحتراق في محركات الاحتراق الداخلي لتقليل التلوث جرّافة صغيره لتنظيف المجاري المائية عبد الحليم الرباط : جهاز لحماية الأنسان من أضرار الهاتف المحمول .. عبد الاله الخولي : اختراع مواد طبيعية سيليلوزية تعمل على امتصاص الزيوت النفطية من على سطح الماء وامتصاص الملوثات المنصرفة من شركتي مصفاة حمص والاسمدة والتي تصب في نهر العاصي وتنقية مياه النهر من جميع الشوائب الملوثة ابتكار طريقة جديدة للاستفادة من مطحون الاطارات القديمة للسيارات في تصنيع مدارج للطيران مسبقة الصنع والاستفادة منها في المناطق الرملية وفي المناطق التي يصعب فيها التوصل الى ادخال الات ثقيلة لصنع مدارج بين الجبال الوعرة كما يستفاد منها على الثلوج في المناطق التي يصعب الوصول اليها وبين الغابات والاراضي الموحلة بالاضافة الى اذابة الاطارات القديمة واستخراج الزيوت العطرية منها توصل ايضا الى طريقة جديدة لتحويل فحم الكوك الى حبر للطباعة ولالات التصوير والفاكس مشيرا الى ان الطن الواحد من فحم الكوك يباع بـ 20 دولارا في حين يباع الطن الواحد من الحبر الطباعي بـ 20 الف دولار اخترع محركا ينتج طاقة حركية مضاعفة بحيث يعطي الليتر الواحد من الوقود طاقة تعادل ما يعطيه 8 لترات من الوقود مع الاستفادة من كامل الوقود واحتراق كامل للغازات والاستفادة من الحرارة الناتجة عنها أحمد بدران : نظام لري المزروعات وخاصة الأشجار، بحيث يمكن إيصال المياه إلى جذورها مباشرة بما يرشد استهلاك المياه ويوفر نحو 90% منها... جورج الشامي (( طبيب )): اختراع مادة عظمية صناعية يتم من خلالها ترميم العظم المتهتك حيث يتماثل المصاب الى الشفاء خلال ايام كما يتم استخدام هذه المادة المكونة من الاسمنت الطبي اللاحم في تطويل العظام. مابدّي طوّل عليكون هدول الأسماء اللّي ببالي هلأ.... أذا حدا عندو كمان أسماء يحطّلنا ياها أذا ممكن ... هيك منتعرّف أكتر ع أسماء المخترعين ببلدنا و منفتخر فيهون :سوريا: |
مشكور على هل الموضوع والله عنا كل هل الممخترعين ما عندي خبر ايه كتير منيح الحمد لله نشكر الله انو عنا علماء مخترعين شو بدنا احسن من هيك بس لوة تتوفر الامكانيات المتاحة ادام اي انسان
|
اقتباس:
مشكور يا المستحيل على ردّك :سوريا: بتمنّى من الشباب أنو يساعدوني بتذكّر بعض الأسماء :سوريا: |
الله يقويك يا ماهر ... بعد زمان على مواضيعك المتميزة دائماً
شكراً ألك حبيب القلب .. وإلى المزيد من التألق للمخترعين السوريين |
العلم هو طريق نجاح الأمم و بشجع كل واحد عالعلم و التعلم و لولا العلم ما كان حدا اخترع هالاختراغات
|
يسلموا ماهر موضوع جدير بالقراءة
بس بتعرف الي بيزعل انو عنا ناس متل هدول ما بترعاهون الدولة المصونة عنا بس شاطرين باللهط اما شي بيفيد هالشعب ما بيعرفوا يعملوا على قد الموضوع مو حلو على قد ما بيزعل :cry: :cry: :cry: :cry: |
على فكرة الدكتور جورج شامي
اخترع المادة بالمانيا على ما اظن واخدت شركة دوا المانية حقوق انتاج هالمادة وبتعطب نسبة منيحة كتير بظن 20%من كل علبة دوا غير حق الاختراع المبدئي |
وحياة الله بحزن من كل ألبي لما اسمع أنو في هيك مخترعين ببلدي ....
يعني أميركا ولا أوروبا اذا واحد اخترع كلمة جديدي بينشروها بالمجلات و الأخبار و الجرايد .... الخ و نحنا عنا كل مخترع بهيك أعمال و ما ينال شهرة محلية عالقليلة ؟؟؟ عن جد شي بحزّن :سوريا: |
ما شاء الله
|
ع راسي شباب وليش الحزن :?
بعدين هدول كتير معروفين يعني عندكون (( مثنى هاني أبو صالح )) معروف وهوي من مؤسسي الجمعية السورية للمعلوماتية و ألو مشاريع كتير وهي الموقع تبعو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - فيكون تتطلعوا ع كل أختراعاتو مشكورين على الردود الحلوة :سوريا: :سوريا: :سوريا: :سوريا: :سوريا: |
اقتباس:
شكراً يا غالي :سوريا: |
اقتباس:
|
اقتباس:
|
مشكور وانشالله من الامام الى الامام
قل ربي زدني علما وشكرا |
الله يقويهن يا رب و الله شي بيرفع الراس
هدول معروفين بس فيك كتير لسى كمان مو معروفين على كلن نحن شعب عنا كتير بس بتنقصنا الامكانيات شكرا الك |
جمعية المخترعين السوريين
السادة الزملاء
اذا رغبتم بالاطلاع على مخترعين آخرين ادخلو لموقع جمعية المخترعين السوريين وهو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - مع تحيات المخترع السوري عصام حمدي دمشق 4524726:sosweet: |
ما شاء الله يعطيك العافية على هالموضوع الشيق :gem: :gem:
|
مشكور كتير يا اخي شي برفع الراس
انا والله ما كنت بعرف عن هدول الاشخاص وانا متاكده انو في متلهم في بعض البلدان العربيه وخاصه مصر بس ما حدا بحكي عنهم كل ما بيجي وقت جائزة نوبل على قد ما بفرح بالاكتشافات الجديده يللي ممكن تفيد الانسانيه على قد ما بزعل انو ولا واحد عربي شكرا مره تانيه ان شاء الله من احسن لاحسن |
تحيا سوريا.....
فرحان و زعلان اكتر ماني فرحان..... حكومتنا ما عم توفر قاعدة قوية للمخترعين السوريين و لا عم تفرلهون اهم شي الي هوي التفرغ لا زم تفرغ المخترعين مشان يطو حالو و يوصل باختراعو الي اقصى حد من الجودة و بعدين الحكومة الي تحتكرو و تسوقوا ... ولك ااااااااااااااااااااااااا اااااااااااااااااخ ماهر انت سوري ننمبر وان على هالموضوع فعلا حبيتك .. مو متل مواضيعنا شي نكت وشي ما بعرف شو... عملوا موسوعة سورية يا سوريين .. لك رح عصب عليكون كسر الدنيا فوق راسكون:jakoush: |
| الساعة بإيدك هلق يا سيدي 12:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون