عفوا سوريا و معذرة...أنا مع جماعة 14 آذار
 

و الله قبل ما شوف هالصور:o :o كنت مستغرب التصميم والإرادة عند الشبيبة تبع " سيحة الحريي سيحة الشوهدا سيبيقن " :lol:
بس هلأ تأثرت كتير و تفهمت مطالبهن :




إيييييييييييه الله بيعطي الحلو للي مالو دراس:lol:





وشوفو الشباب بالصورة ورا البنت;-)
كيف عم يطلعوا فيها:o
بحط ع ذمتي إنو نصن سوريين
بقى وقفت عليي:p





أهم شي ما حدا يفهم الموضوع غلط
بالنهاية هيي مزحة ;-) وكلنا أخوة
تحية لإخواني اللبنانية الشرفاء:سوريا:

والله ما بلومك يا عمي
الحئيئة ما بلومك
يعني صور خيلة لجمهور الحئيئة
بتخلي الرأي العام كلو معهن يعني بيقطعوا القلب يا حرام
تحياتي للشرفاء والاحرار من اخواننا واخواتنا اللبنانيين

شو قلتلي بدهن .الحقيقة ..يعني هلا عميدوروا عالحقيقة ..
لا لاقوها أكيد ..
ما رح أحكي لأني ..إذا بحكي بقولوا عميتفلسف ..
بس الله يعين هيك شعب على حالو ..
وتحية للبنان الأرض ..الشقيقة ..
ولأبطال الحرية في لبنان ..

هني بدهم كل شي الا الحقيقة لأنو الحقيقة اكيد ما بتخدمهم

لأ ما تشمل انتبه لأانو هني عم يحاولو عبر اعلامهم انو يفرجوا انهم الشعب اللبناني بينما هني اقلية
يعني بساحة 8 اذار يللي دعا الها السيد حسن كان في اكتر من مليون وستمئة الف شخص وكان الي الشرف كون بيناتهم
بينما بساحة 14 اذار يعني دفعوا مصاري تشبعوا وجابو العالم بالطيارات من برا ودفعوا للعالم لحتى وصل العدد ل 800 ألف يعني عالنص

فعشان هيك قول الله يساعد هيك عالم ما تشمل كل الشعب

وتحية مننا نحنا كمان لأبطال الصمود وعلى راسن السيد حسن نصرالله

يعني اذا البنات حلوين ما بيطلعلهون يتظاهروا؟؟
يعني عن جد أنو نحن مجتمع رجالي متخلف (حطوا خطين تحت متخلف) .... يعني ليش ما بتشوفوا الوجه الآخر ؟ يعني بلكي وحدة من هالبنات مات أبوها أو عمها أو خالها على أيدين الجيش السوري؟؟
بعدين ليش بس شاطرين تطالعو صور بنات بالمظاهرات؟؟ يعني مسيراتنا ما بتقرف؟؟

صلحو حالكون و صلحو بلدكون...بعدين احكو عن العالم


و ختاما....الله يرحمك يا نزار قباني

روء زعيم الشباب من حرقة قلبهم عم يحكو..
بس حقنا نستغرب لأنو نحن ما بنعرف غير طريقة متخشبة واحدة للمسيرات (مو المظاهرات المسيرات)هي تبع صغار الكسبي والفلاحين واتحاد العمال وشبيبة الثورة وما بعرف شو وبالروح بالدم

أول شي تحياتي إلك أخ Yass :سوريا:

الظاهر نحنا من أولها مختلفين،لأني ماني شايف بنات حلوين أصلا، هدول تحت عتبة الجمال تبعي بكتيييير:pos:
بس القصد مو هيك بكل الأحوال،أنا قصدت يا أخ Yass إنو هدول مو طالعين يتظاهروا ،هدول طالعين يظهروا... هدول طالعين يتسلوا ويسبوا ويقطعوا شوية وقت.

أنا معك،مجتمعنا ذكوري متخلف ومتعفن حتى النخاع،بس اسمحلي هاد مانو من أوجه التخلف أبدا:pos:
هاد نقد، حوار ، فكرة ورد عليها ، أخد و عطا ، يعني بالحوار فينا نحسن مجتمعنا مو بالتصلب و رفض فكر الآخرين طالما هالفكر بعيد عن التطرف والحقد والكراهية.

بربك هدول صور بنات ميتلن حدا (أب أو عم أو....) أو عندن قضية و جايين يدافعوا عنها؟؟؟
دققت بالتعابير اللي على وشن، بالماكياج،بالإبتسامات الطفولية ،شوف الشباب اللي شايلينن شو مكيفين؟؟؟؟ بتحس إنن بحفلة لمخيم كشافة مو باعتصام هدفه تحرير بلدن؟؟

مسيراتنا لا تجيبلي سيرتها:aah:
بصيبني غثيان منها:cry:
ما بنسى كيف كانوا يسوقونا متل الطرش (طلائع البعس )عالمسيرات:jakoush:

على كل ما كان عندي هدف سياسي من الموضوع
لأنو برأيي القضية السياسية محسومة و مفهومة;-)

وانا معك فادي ... غيرت كل مواقفي النضالية لما شفت هالروح الجماهيرية هي ..

ولي على قلبي انشاء الله

وأنا كمان من رأي فادي.............
بحيي نضالك

ولي على قلبي ما احلاهم خلينا نروح معهم

مع كل مسيرة من هالشكل تربح بنتين مجانا ...
والعرض سري حتى نفاذا الكمية ...


عالعلام ياجبس ....عالدواق ياجبس ....
يالله قرب جرب ...

:lol: :lol: :lol: ....

ومتل ما قال فادي .. هدول مو اشكال ناس طالعة بمظاهرة او مسيرة :pos:

خلص حجزلي محل على كل مسيرة والله شي بيرفعلا تالراس

:o :o :o

يلا دبّر امورك وعلبنان يلا بس ليك ما بتوجه لعنا لانو نحنا مش منن هاااااا

صحيح انا موالاة بس عجبتني هيدي : سيادي حرية استقلال كنت ضلني قولا:clap: :clap: :clap:







الله يعطي العقل لصحابو:? :? :?

ع راسي حارتك

مو شرط ....لأ مو شرط بنوب , خلينا نحلل الموضوع :
أنت مانك شايف جمال بالصور , و أنا الله وكيلك ما انتبهت...بس الشباب الطيبة كلها راحت تسأل وين طلبات الانتساب و ما بعرف شو...يعني متل ما بيقول المتل الرقاوي (بدون تعليق)
حبيب قلبي ...لما جهة معينة ما بتعجبها مظاهرة بيقولو أنو : هدول طالعين يتسلو ...تحصل في أرقى الدول و في أحسن الديمقراطيات ....لما من كام سنة طلعنا مظاهرات باسبانيا ضد الحرب كان الناطق باسم حزب الشعب الحاكم يقول : هدول ولاد الجامعة بيعملو أي شي لحتى ما يداومو ع دروسهن .... يعني نفس السيرة.


أنا متأكد لو في آلة سحرية بتحولك للبناني ليوم واحد ...أنا متأكد أنو راح تكره سوريا .... هلأ أنا سوري, و الله العظيم اذا واحد لبناني غلط علي , شو ما حكى بسامحو...
راح احكيلك شغلة خاي ... بيجوز برات الموضوع شوي : أنا أصلي من الرقة , و أيام حرب لبنان كانو يبعتو ع البنان الجنود الشوايا...يعني أغلب الناس اللي بعرفهون اللي خدمو جيش بالثمانينات راحو ع لبنان...أنا بعرف شخصيا ناس راحو جنود ع لبنان ورجعو و عمرو بنايات و اشترو أراضي و ركبو سيارات من ورا اللي نهبوه بلبنان....في شخص بالرقة , وهو الوحيد اللي عندو تاون كار بكل البلد , بيحكيلك بنفسو كيف كان يقطع أصابع النسوان عشان ياخد الخواتم...لأنو ما عندو خلق يستناها لتشلحو...كلامو الشخصي هاد!!!

يعني بعرف المظاهرات لازم واحد عشان يتظاهر لازم يكون صارلو اسبوع مانو متحمم وكل ما بشع كل ما أحسن؟؟؟


أنا انفصلت من المدرسة بالصف العاشر لأنو رفضت أروح ع مسيرة


ولا أنا عندي لا هدف و لا مصلحة...
الجيش السوري غلط بحق الشعب اللبناني و الشعب اللبناني عم بيعبر عن شعوره...ماعم احكي لا عن سعد الحريري ولا جنبلاط ...عم أحكي عن أبو العبد البيروتي العادي..

تحياتي لألك , و بهنيك ع أسلوب حوارك الراقي


وبرجع بقول....الله يرحمك يا نزار قباني

خلص يا سيلين بس انزل على سوريا رح اجي على لبنان كرمالك بس تكوني موجودة مشكورة

اي اهلا وسهلا فيك ببلدك التاني
بس انو كون موجودة لااا انا ما بقلل عقلي لهلدرجة:shock: :shock: :shock: :shock: اصلا هودي عم يعملو عرض لاجسامن مش مضاهرة:p

يللا شباب كلنا سوا: حرية........... سيادة....خيم للولادة...........

اووووووف قويّة كتيييييير:clap: :clap: :clap:

شو الظاهر ما كنتي عم تروحي عالمظاهرات بهيديك الفترة

كانوا يضلون يقولوها يعني كتير مناسبة الهن ولخيم الحرية تبعهم:pos:

اذا هيك :
أي لكن ..
حرية :clap:
سيدييييي:gem:
استئليل :clap: :clap: :clap: :clap: :clap: :clap:

لا له يا سيلين هيك ما بيصير اذا ما بدك تجي ما رح روح وشو عجبتك الجملة والله حلوة يا حموزة
واللله معك حق

لا والله ما كنت ورح ولا بفكر اني روح على هيك مطارح

بطيخ يفزر بعضو:jakoush:

اي احسنلك ما تروح لاني ما رح روح
اصلا انا ما بحب هيك قصص والكل رايح مش كرمال يعمل مضاهرة بس للترفيه وللهبل

حتى لو مضاهرة للموالاة ما بفكر اني روح مع اني معن

سييدي ...:clap:
حرييي...:metal: :metal:
استئليل ...:metal: :metal:

بدنا الحئيئة ....مين ئتل رفيئ الههههريري ...:o :o

بطيخ!!! هلأ نحنا بطيخ

يعني لو فريز نص مصيبة بعدين الواحد مش لازم يكون رأيو بالحكي لازم ينفذ عالأرض بهيك وقت ما لازم نكون حياديين

لا مش انتو بالبطيخ ولووو

لا عنجد ما بحب هلقصص يعني اكيد رح يكون الي رأي بس ما بحب شارك بالمضاهرات:pos:

اتمسخر تقلك :clap: :clap: :clap:


بـــــــــــــــــــــــس ما تجي صوب المرحوم الحريري خليه خارج الموضوع:oops: :oops:
حراام الله يرحمو ويرحمنا دنيا قبل اخرة

شو ياريت يعملو شي مسيرة جديدة عنا أو أعتصام

قول انشالله
:clap: :clap: :clap:

الله يرحمنا ..دنيا وآخرة ....

بس هوي سرق لشبع ...وبالاخير ابنو ئتله

بس ممكن سؤال....
 

قولتك اذا "بتطحش" اميركا
........ بنزلوا البنات السوريات الحلوات الى الشارع؟؟؟؟


تحت مسكى الحرية و التحرير .... يا خوفي يصير هيك !!!!

له هلأ هاد رايك فينا الله يسامحك :aah: :aah: :aah:
الله وكيلك لا سمح الله وصار هيك السوريات بيعجبوكن بس فعل مو كلام ايوا:gem:
وانو حلاوة هي اللي بدنا ننزل فيها ع الشارع :?
وقت الجد نحنا اخوات الكن للموت :adal:

قصة مناضلين لبنانيين من جماعة 14 آذار
 

المناضل شاب اسمه جاك بعينو:shock: ينتمي لعائلة لبنانية عريقة بوطنيتها "بتكره سوريا من زماااان"
والمناضلة فتاة اسمها جيسيكا ضو:idea: تنتمي هي الآخرى لعائلة لبنانية شديدة الوطنية"بتكره سوريا للعضم،وعندن شوفة عزاييل ولا شوفة سوري"

يتصل جاك بيجيسيكا:
جاك : كيفك حييتي:hart:
جيسيكا :مشتيقتلك شيغي:hart:
جاك :بدي شوفك اليوم،مش طايق استنى أكتر
جيسيكا :شو بعمل يعني..بابي ومامي مش عم يسمحولي إضهر برات البيت:(
جاك :حييتي أنا لقيت الحل8)
جيسيكا :إيدي بجينزك قول
جاك :قولي لأهلك إنك طالعة ع سيحة الحريي كرميل الإعتصام تبع الحريري والتحرير:jakoush:وإنك مش طايقة السوريين:metal: وبدك تنضمي للمتظاهرين :peace:، لأنو حييتي كل صحابي صارو هونيك، الشلة كلا هونيك، شو قلتي8)
جيسيكا :مش معقول شيغي شو زكييي:sosweet:
جاك :لكينا بشوفك بالسيحا أوكي
جيسيكا :أوكي شيغي بباي
جاك :بباي

يذهب المناضلان الشابان إلى ساحة الحرية للقاء باقي رفاق النضال من الوطنيين والأحرار, ويجري بينهما الحوار التالي:
جاك :اشتقتلك كتير ...8)
جيسيكا :و أنا كمينا شيغي:oops:
جاك :شفتي ملا جو هون
جيسيكا :بيعقد شيغي ، يالله روح جيب علمين و شي كم ليفتي تنشيلون
جاك :يي عليكي شو خاوتا8) أنا بدي شيل علم؟؟8) أنا بدي شيلك إنتي8)
جيسيكا :يي مش معقول :oops: شو بدك النيس تقول علينا:oops:
جاك :أيا نيس ولي خاوتا8) مش قيشعة حولك8) كل واحاد شييل صاحبته ع راسه8)
هه قشعي :o يحووي كريم شييل صاحبته سمر، فرانسوا شييل صولانج ، مارك شييل ...شييل..إي إي هيدي صاحبته الجديدة لوسكا...8)
بقى مين بدو يحكي علينا حييتي8)
جيسيكا :إزا هيك لكن شيلني شيغي:oops:
جاك :يالله حييتي إنتي هتفي وأنا بتكفل بالبيقي;-)

يا سيدي رهيبة كتير

واحلى الشي التاثيرات المرئية اللي فيا

بعينو :shock: وضو :idea:

رهيبة

مشكور ابو الفود

آه يا فادي آه ...

ملعوبة يا فادي مشكور ههههههههههههههه

Choose Your

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

Choose Your Side.....!!!!!!!!;-)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

سؤال :اللبنانيين أشقاء؟
جواب : ... لأ


سؤال: اللبنانيين أعداء؟
جواب : ...لأ

سؤال اللبنانيين بيكرهونا؟
جواب : ... ما بتوقع


ولكن السؤال اللي لازم نسألو لكل لبناني هو:
يا إنسان يا من ذات حياة خلقت لبناني هل تعتقد بأن لبنان هي لبنانك أنت.
الجواب من قبل اللبناني رح يكون إي لبنين لبنيني أنا.

بس جوابي أنا :
يا أخي لبنان هي... بعلبك ...لبنان هي فينيقية... لبنان فيروز ...ولبنان سعيد عقل...لبنان جبران ولبنان زكي ناصيف لبنان عاصي ولبنان نحن ونحن سوريا ونحن كشعب ما غلطنا بحق واحد منكون كلبنانيين
وما تنسى يا حبيبي وأخي في الجذور اللي بتحكيلك عنها فيروز بهالكلمات:



وما ننسى هالكلمتين كمان ويحطها كل من رفع أصبع عالشام=(سوريا حالياً)