|
هل ستكون زيونا لمطاعم كنتاكي في سورية ؟؟
تفاجأت لما أحد الأصدقاء أخبرني عن افتتاح مطعم كنتاكي في سورية!!
((طبعا أغلب الشباب شافت المطعم المفتتح حديثا ((مارح قول وين مشان الدعاية)) بس خلونا نحكي بالواقع يعني مابدنا عواطف.... و انا أول واحد بقول انو باكل هالأكلات بس كون مسافرة.....بس مارحت للمطعم المذكور بسورية.يلي راح يذكر هالشي السوريون يعارضون السياسة الامريكية وليس الطعام الامريكي هناك ممسحة للاقدام على شكل العلم الامريكي يمكن وضعها أمام أحد المكاتب كما أن التجار المجاورين يعلنون "نحن نقاطع البضائع الامريكية" ولكن بعض السوريين لا يمكنهم فيما يبدو الابتعاد عن الوجبات السريعة الامريكية في مطعم كيه.اف.سي. قال طارق مشنوق وهو مصمم أزياء يبلغ من العمر 26 عاما " أنا أعارض السياسة الامريكية معارضة تامة ولكن ما علاقة الطعام بها. السياسة شيء والاكل شيء مختلف تماما." فتحت كيه.اف.سي أول مطعم في دمشق هذا الشهر ليصبح أول مطعم يحصل على امتياز استغلال علامة تجارية أمريكية خالصة للعمل في سوريا. والمطعم تابع لشركة أمريكانا الكويتية التي تمتلك وتدير كيه.اف.سي وسلاسل أخرى مثل بيتزا هت وتي.جي.اي فرايدايز في كل الشرق الاوسط. وتحاول سوريا اصلاح اقتصادها الاشتراكي من خلال السماح للمشاريع الخاصة بالعمل على أراضيها ولكن البعض يقول ان التوقيت غير ملائم لفتح مطعم كيه.اف.سي. فقد تعرضت مطاعم مماثلة لهجمات في العالم وفي اماكن أخرى باعتبارها رموزا للولايات المتحدة. قال طارق فرزات (25 عاما) "بصراحة اندهشنا عندما فتحوا مطعما أمريكيا في ظل هذا الوضع (السياسي) الحالي" مضيفا أنه يحب شطيرة "تشيكن بيرجر كومبو" وحتما سيعود لكيه.اف.سي مع صديقه. كما رحب رجل أعمال بفتح هذا المطعم. قال فراس صافي صاحب سلسلة مطاعم شريمبي ومقرها الكويت " ولاننسى فرعها في المزة فيلات بدمشق امتياز استغلال الاسم التجاري للاكلات السريعة امر مستحدث في سوريا وفتح كيه.اف.سي شيء طيب." وتدهورت العلاقات السياسية بين سوريا والولايات المتحدة منذ معارضتها لغزو العراق عام 2003. وتتهم واشنطن سوريا منذ ذلك الحين بالسماح للمقاتلين بعبور الحدود مع العراق لمهاجمة القوات الامريكية هناك. كذلك تمر سوريا بأزمة سياسية مع المجتمع الدولي بسبب دورها المزعوم في حادث اغتيال رئيس الوزراء اللبناني السابق رفيق الحريري في 14 فبراير شباط 2005 ومعه 22 اخرين في انفجار شاحنة ملغومة ببيروت. واستدعت الولايات المتحدة سفيرها احتجاجا بعد أيام من الحادث ودفعت الضغوط الدولية سوريا للانسحاب من لبنان في ابريل نيسان بعد وجود عسكري دام 29 عاما. وأشارت تقارير مبدئية لتحقيق أجرته الامم المتحدة الى تورط مسؤولين سوريين وحلفائهم من اللبنانيين في هذه الجريمة بالرغم من نفي سوريا مسؤوليتها مرارا. وهدد مجلس الامن التابع للامم المتحدة باتخاذ اجراء لم يحدده ضد سوريا ما لم تتعاون مع التحقيق الجاري. وكررت الولايات المتحدة نفس التهديد في الاسبوع الماضي مما أشعل مجددا المشاعر المناهضة لواشنطن. قال الطالب زكريا طيان (26 عاما) "لن أذهب (لمطعم كيه.اف.سي) لانه يحمل اسما تجاريا امريكيا والتجارة لها دخل بالسياسة." ولكن اخرين سعداء فيما يبدو بوجود كيه.اف.سي ويثقون في الاسماء التجارية الامريكية. قالت امرأة محجبة (45 عاما) "طعمه طيب وسنعود لا شك لنأكل هنا عندما نرغب في أكل الدجاج." بالاضافة الى ذلك قال فرزات انه مع وجود مخاوف من انفلونزا الطيور في البلاد ما من شك أن كنتاكي "يفحص الدجاج قبل طهيه ...أنا عندي ثقة بدجاج كيه.اف.سي أكثر من أي محل فروج اخر." تقول منظمة الصحة العالمية ان سوريا من بين الدول التي يمكن ان تظهر فيها انفلونزا الطيور بعد أن تسبب المرض في وفاة أربعة أطفال في تركيا المجاورة. وقال ممثل لشركة أمريكانا يشرف على فتح المطعم ان سلاسل أخرى ستفتح قريبا في البلاد ورفض الاسهاب. ولكن مع تنحية السياسة جانبا قد لا يكون كيه.اف.سي مناسبا لكل قطاعات المجتمع في بلد ينخفض فيه دخل الفرد. يبلغ متوسط دخل موظف حكومي تلقى تعليما جامعيا نحو مئة دولار وهو ثمن خمس وجبات من "بارجين كومبو" وهي عبارة عن علبة مملوء بخمس عشرة قطعة دجاج كنتاكي وكمية كبيرة من البطاطا (البطاطس) المحمرة وسلاطة كولسلو وخمس شطائر ولتر بيبسي. قال فرزات "انه غالي الثمن" وهو يعيش في الحي الراقي الذي فتح فيه مطعم كنتاكي. وقال "دخلت كنتاكي في دبي وبيروت ولكن هذا أغلى كثيرا مقارنة بالمعايش (الدخل") في سوريا. |
بصراحة أناصارلي 14سنة مغتربة عن الشام ,طبعآ أنا مولعة بهذه المطاعم ولكن أنا مرة كنت في لندن بزيارة عمل وأستوقفتني عبارة مكتوبة ولن أقولها لكي لاأكون مروج لدولة معادية لاسمح الله
ولكن أحب أن أقول لكم بأن البيتزا هت,الهارديز,الكنتاكي,الماك ونالد,البيبسي,الكوكاكولا وغيرهم,كلها شركات أصحابها أمريكيون يهود ومن لن يصدق فليسأل وهم أي أصحاب هذه الشركات سياستهم ليست حرب قتل وتدمير ولكن هي حرب بزنس وليكن في معلومكم بأنه يوجد يوم من أيام الأسبوع تخصص أرباح هذه الشركات لصالح أسرائيل مساكين والله العرب صدقوني البروستد أطيب مليون مرة من الكنتاكي,يكفي أنه فريش |
أنا شخصيا مقاطع للبضائع الأمريكية منذ فترة طويلة جدا , و هذه قناعة شخصية اذ أنني لا أجبر أحدا على شيء و أحترم موقف الآخرين .
لكن مع ذلك أنا مع فتح مشاريع أمريكية في سوريا , رغم أنني لن أتعامل معها , الا أنني أعتقد أنها يجب أن تفتح لسببين : 1- يمكن أن توفر فرص عمل مهمة جدا , و سوريا بحاجة لهذا الأمر. 2- قرار المقاطعة يجب أن يكون قرارا شخصيا بحتا , و ليس أمر صادر عن الدولة ...يعني بالمشرمحي كل واحد يصطفل هو و ضميرو... اريد أن أذكر مثالا..ماذا نستفيد من منع الكوكاكولا اذا كان الكثيرون يأتون بها من لبنان و الأردن بالتهريب؟؟ يجب أن يسمحوا بها , على الأقل ينتفع الباعة السوريون , و الشخص المقتنع بضرورة المقاطعة لن يغريه رؤيتها و لن يشتريها...و الذي لا يريد المقاطعة فهو حر...لا أحد وصي على أحد. |
اقتباس:
مو كل اليهود صهاينة ولا كل المسيحيين نازية ولا كل المسلمين طالبانيين |
طيب ست فروحة
هيك هه هدا الحكي وبعدين لا تاخد صاحب غير بعد خنائة.... موضوع مقاطعة البضاعة الاميركي أنا برأيي مو مضبوط هذا الحكي لأنو لما عم تقاطع البضائعة الأميركي مو عم نقاطع الكنتاكي والماكدونالدز والببسي........ وبس معنتها عم نقاطع اي شي اسمو تطور.. بعدين النت اللي نحنا عليه هلأ أميركي.. المشكلي مو فيهون المشكلي فينا.. نحن الضعفاء بعدين مرة تاني كتبي تحت الموضوع منقول هيك العادي هون;-) :clap: :p :clap: تحياتي:سوريا: :سوريا: |
اقتباس:
الموضوع معمول بمساعدة احد الاصدقاء بدمشق بعدين ليش لقول انو مو منقول على اساس كتبت شي جديد عنجد انتو غريبيين |
موضوع مهم جدا والنقاش فيه بنّاء
وغلطك أنك نشرتي موضوعك الأول قبله يعني موكل الأعضاء بيردوا على كل المواضيع وفي أشخاص بينتقوا الموضوع المفيد والهام ليردوا عليه بس للأسف مواضيع المشاكل بتلاقي صدى كبير وتجذب الأعضاء وتلفت الانتباه وأنتي يمكن هاد كان هدفك |
كون زبون ؟؟؟ لا ء
لاء مارح كون زبون ... و هاد ما لاو علاقة بالقومية او اني متعصب بس المفروض نحنا كعرب انو نقاطع المنتجات الاميركية ... لانو مصالح اميركا فيها!!
طبعا ما بلومهم انو فتحوا مطعم او سلسة مطاعم ... ليش برافو عليهن ناس عن تشتغل مو متلنا تنابل ... يارين بيوم نقدر نفكر باسلوب المصالح متل ما هن بفكروا!!!!!! |
بالنسبة الي اي رح كون
لأنو لو منتحد لنقاطع كنا قاطعت من زمان اليوم رحت ولله اكلت كنت بشتهيكم رحت مع وايت سينك وحكينا عليكم اخت فرح بحب خبرك انو انا باكل نعم المقاطعة ليش بسوريا بس وقفت على مطعم وحيد القرن بالشام الكنتاكي معبي الدينا بس يقرروا يقاطعوا العالم منقاطع |
يجب ان نفهم الهدف من المقاطعه.حتى نستطيع ان نقرر متى سوف نتوقف عن المقاطعه.(عندما يزول سبب المقاطعه)
وانا رايي انو اذا كانت المصلحه العامه مع المقاطعه فلا باس بها اما اذا كانت المقاطعه ضد المصلحه العامه فلا تكون المقاطعه مفيده وتكون مرفوضه. وبصفه عامه يجب ان نكون اكثر ذكاء .يعني ان لا نقاطع منتجات مهمه وليس لها بديل بالسوق المحلي. ونقاطع المنتجات التي لها بدائل بالسوق او غير المهمه. شكرا موضوع جميل. |
هلق ما بعرف انا شفت هادا المحل تبع الشام مرة وفي يمكن محل بحمص فتح جديد بس الفكرة انو هدول ما نون من السلسلة الرئيسية هدول ما بعرف شو بالضبط بس مثلا متل الكوكا كولا عنا بسوريا مقلدة اوشي
هلق شغلة المقاطعة ما في منا فائدة لأنو طالما الدولة (وخصوصا عنا) سمحت بهيك شي يفتح فأذن ما في ضرر والمقاطعة ما رح تفيد غير من الناحية النفسية |
والله اذا نفسو الكنتاكي اللي هون انا رح آكل لانو طيب كنتاكي كتير
انا من ناحيتي كنت بتمنى اني اقدر قاطع البضائع الاميركية بس متل مانكون شايفين مابيمشي الحال معي بدنا نعيش :cry: |
اقتباس:
بعدين برجع بقلك ما في فائدة من المقاطعة ما رح يوقف اقتصاد اميركا على كام فروج:lol: :lol: :lol: |
أنا بنصح الشباب والصبايا أنو ما ياكلو عند ك ف سي .. لعدة أسباب :
أولا : مو طيب و ما بتاكل .. تانيا اسمو كتير بشع تالتا : الشاورما من عند أبو العبد أو الصديق أطيب. رابعا : كون الموضوع فيو شك صهيوني , شو بدنا فيه ... خامسا : غالي بدون مقابل . سادسا : فينا نعيش بلاه. |
أما التصويت : فما ظبط معي .. لأنو كل الخيارات هي عبارة عن فقوس .. وبتشبه بعض الاستبيانات الموجه اللي بيعطونا فيها خيارات احلاهم مر .
|
انا برأيي انو الواحد شلون مو متعود بيعيش............
اذا احدنا متعود ياكل من عند كنتاكي يمكن مارح يقدر يقاوم :lol: و هكذا بس كمان الارادة القوية بتلعب دور الصراحة انا ما جربتو لا هون ولا برا بس هلىء ما شي حالي مع فروج الطير و الزين :o |
يعني انا بدي افهم ..ليش نقاطع البضائع الامريكية؟؟؟
ما بدنا نفصل بين الحكومة الامريكية والشعب بقا ؟؟؟؟؟!!!!!! الشعب الامريكي الغالبية منه تتعامل بألفة واريحية ...ليش نربطه بحكومته ؟؟؟:jakoush: :jakoush: انا مو شايفة اي عيب باننا نشتري المنتجات الامريكية ..بعدين جيبولنا منتجات تعادل الجودة تبع بضائع امريكا ساعتها منقاطعها .... طبعا رح كون من زبائن كنتاكي..وياريت يفتحو بيتزا هت كمان :gem: |
" قاطعو البضائع الوطنية "
|
اقتباس:
|
هي البضائع اللي مصنعة في الوطن من قبل معامل خاصة و يضطر صاحب المصنع بعد سنة على افتتاح المصنع أن يشتري أسطول سيارات فخمة وكأنو صاحب مصنع مرسيدس. ويتهرب من تسديد القرض الخيالي اللي ظبطو بمعبة مدراء البنوك العامة المفسدين والفاسدين.
أو هي البضائع المصنعة في معامل الدولة والتي يمكن أن يوضع عليها عبارة "غير قابل للاستعمال البشري " وهذه , أي المعامل , تستنزف خيرات الوطن من مواد أولية وجهد عمال الى عملة صعبة. |
انا برأي المقاطعة مانها امر مجدي نهائيا
يعني بيطلعولك مليون سبب وعلى الفاضي وماحدا منا ما بيسخدم البضايع الاميركية بشكل او باخر يعني في شغلات ضرورية الواحد ما بيقدر الا يستخدمها وبتكون اميركية ومافي متلها صناعة غير بلد واما عن دجاج الكنتاكي اول شي استغربت انو مو عبد الله الاحمر هو صاحب المطعم:? لانو عندو كتير مزاع جاج (انشالله ما يكون عندوا انفلونزا وعم يخبي ):cry: المهم انا ما راح قاطعوا بس بيجوز هو يقاطعني ويقاطع كتير من ابناء الشعب مشان النقود(المصاري) لانو الجيبة مو على طول مليانة لناكل كنتاكي يعني بيجوز بالشهر مرة مرتين بالكتير ناكل من عندوا :pos: :pos: :pos: :pos: (انشالله يكون في عروض خاصة):sosweet: :sosweet: :sosweet: :sosweet: |
نعم سوف أكون من الزبائن الدومية في مطعم كنتاكي
بس يمكن أسعارو غالية شوي و أنا ضدد المقاطعة والعلاك المصدي وبقلكون رئي مزبوط يمكن بكرة لأني رايح أتعشى فيه اليوم وشكرا لا للمقاطعة |
اقتباس:
 هل تعلم أن السيد الحزبي.. المناضل.. الإشتراكي.. الرفيق عبد الله الأحمر هو من أكبر مالكي مزارع الدواجن في سوريا؟ وهل تعلم أن الناس بدأت تتساءل، إذا كان سيتدخل الرفيق شخصيا" بحكم نفوذه لمنع نشر معلومات عن أي إصابات لأنفلونزا الطيور في سوريا (في حال حدوثها) حفاظا" على ثروته (الداجنة) ؟ وهل هنالك مثلا من سيجرؤ على قتل الدواجن التي يملكها الرفيق الأحمر في حال صدر قرار بذلك؟ نحن شخصيا" نعتقد أنه في مثل هذه الأحوال، فإن الرفيق وشلّته سيصدرون بيانا" يشيدون فيه بمسيرة دجاجات الرفيق الأحمر، ودورهم المركزي في معركة الصمود والتحدي، وإن المساس بهم هو مساس بثوابتنا الوطنية وتآمر على حقوق الفلسطينيين في بناء دولة مستقلة.  الكاتب : الدومري السوري |
العمى...
قوية كتير هي تبعيت عبدالله الأحمر ظريفة الجاجة كمان |
اقتباس:
بدك تروح لحالك ؟؟؟ ليك ازا رايح رانديفو مع الجو مو مشكلة بمرقلك ياها عموما انا بهالاسبوع صرت رايح لعندو 3 مرات لكنتاكي و ما رح قاطع لأنو متل ما قال زين ازا بدي قاطع بدي قاطع النت و الافلام تبع هوليوود و الدخان و ...الخ يعني بدي عيش بالعصر الحجري او قبل بدل المقاطعة عندي اقتراح احلى خلونا ندعم المنتجات الاميركية بكثافة و بس نصير مجتمع استهلاكي قوي متل اميركا او السعودية ساعتها ازا طالعت اميركا شي قرار ضدنا منعمل عليها عقوبات اقتصادية و منقاطعها و اكيد ساعتها رح تخاف على سوقها بسوريا و تعمل يللي بدنا ياه بس هي شغلة المقاطعة تبع المنتجات الاميركية و الاسرائيلية .... يعني العفو من صاحب هالفكرة الخطيرة ... بس انخرب بيتنا من وراها علمناهم ع الشحادة سبقونا ع البواب والله والله ما تفرض علينا اميركا عقوبات اقسى شوي لنضيع |
على فكرة ليلى
ما بنصحك تاكلي كي اف سي عندكم لأنو كلو هرمونات و مرة شفت برنامج حكوا فيه انو ما عدا بالشرق الاوسط كل الكيه اف سي مالو علاقة بالفراريج و انو مستنسخين مخلوق تاني "معدل وراثيا" بيشبه الجاج بس بيكبر كتير و بسرعة بس بالشرق الاوسط بعدو جاج اصلي .... الله يخلي عبدو الاحمر و الازرق و كل الالوان و ع فكرة مرة تانية ادارة كيه اف سي بالشرق الاوسط تابعة لشركة اميريكانا المصرية الكويتية و ما الها علاقة بشركة "كنيتاكي فرايد تشيكن" الاميركية غير انو آخدة الامتياز منها و كينتاكي الشام لقيتو اطيب من تبع بيروت و رفيقي قللي انو اطيب من تبع جدة بس بالاسعار ما في منافسة يخربيتهم ع هالاسعار شو كاوية عموما الموضوع مطروح للنقاش بغض النظر عن الاسعار و بدي اتشكر فروحة ع هالموضوع |
وانا مع اللي قالو كريم يعني شو رح نستفيد اذا قاطعنا المنتجات والله ما بتصير اسمها عيشي يا زلمي ....بعدين يعني شورح اناثر اذا قاطعنا حمص كلا يا اخي حمص والشام مزال اميركا مارح تنضر من هالعدد البسيط بس نحنا اللي رح ننضر بقى بظن انو عدم المقاطعة هو الحل الاسلم..
تحياتي |
حدا عندو فكرة عن عدد فروع كينتاكي بشانغهاي وحدها ؟؟؟
و حدا عندو فكرة انو كينتاكي بشانغهاي وحدها هوي سلسلة المطاعم الاكتر مبيعا فيها ؟؟؟ |
ابو النسيم لا تجني على حالك وتروح لوحدك
وقد اعذر من انذر |
1 ملف مرفق .
سيدي اذا ما بدكون تقاطعوا البضائع الأميركية
بس ديروا بالكون من البضائع الاسرائيلية :pos: ولما بيكون أول تلت أرقام من اليسار 729 بيكون المنتج اسرائيلي |
شباااااااااااب وصبايا الاخوية كلكن ..عازميتكن السورية المشتاقة بمناسبة نجاحها على
الغدا او العشا بالكويت في مطاعم امريكية وفي مطاعم عربية للمقاطعين ;-) لاتردوا العزيمة ... فوتوا لهون ... - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
صدق بالصدق هي معلومة جديدة و اول مرة بسمعها;-) |
اي وانا كمان اول مرة بسمعها
|
صح كلامو الباركوود للمنتج الاسرائيلي بيبدا بهي الأرقام وللعلم بالباركوود اول تلت أرقام بتدل عالبلد متل سوريا 621
|
| الساعة بإيدك هلق يا سيدي 06:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون