|
سبعة لبنانين على قائمة الاغتيالات
قائمة الإغتيالات الجديدة: وليد جنبلاط، نايلة معوّض، مارسيل غانم، فارس خشّان، مروان وعلي حمادة، الياس عطالله، وائل أبو فاعور وجّهت السفارة الأميركية في بيروت رسالة إلى قوى الأمن الداخلي في لبنان تتضمّن تحذيراً بأن 7 أسماء لشخصيات لبنانية مدرجة على "قائمة إغتيالات" سورية جديدة. وتوصي مذكرة السفارة الأميركية بتعزيز أمن الشخصيات المذكورة، وكذلك بالحدّ من تنقّلاتها. وحسب جريدة "دايلي ستار" اللبنانية، التي نشرت الخبر، فإن المرشّحين للإغتيال يشملون عدداً من مذيعي التلفزيون وشخصيات سياسية، علماً بأن 2 من "المرشّحين" غادرا لبنان. المذيع "مارسيل غانم"، الذي يقدّم برنامج "كلام الناس" على تلفزيون "إل بي سي" قرّر، حسب "دايلي ستار" أن يقدّم برنامجه إنطلاقاً من باريس وذلك "لأجل غير مسمّى". وتشمل القائمة الصحفي علي حمادة "المتّهم" بالكتابة في جريدة "النهار" عدا أنه المذيع الرئيسي لبرنامج "الإستحقاق" التلفزيوني. و"يتميّز" علي حمادة بصفة ثالثة تجعله مرشّحاً مثالياً للإغتيال: فهو شقيق الوزير والنائب مروان حمادة ....علماً بأن إسمه يرد في القائمة الجديدة. وتشمل القائمة الصحفي في جريدة "المستقبل" فارس خشّان، الذي يقدّم أيضاً برنامج "التحقيق" على تلفزيون "المستقبل". وهو حالياً في فرنسا. ولا مفرّ من إسم الزعيم اللبناني وليد جنبلاط الذي يبدو أن النظام السوري بات يعتبره "العدو رقم 1". الأسماء الأخرى تشمل نائب "اليسار الديمقراطي" الياس عطالله، والوزيرة نائلة معوّض (أرملة الرئيس رينه معوّض الذي اغتاله النظام السوري في عهد "الوالد" حافظ الأسد). "الدايلي ستار" ذكرت أن السفارة الأميركية امتنعت عن التعليق على الخبر. عن شفاف الشرق الأوسط كمااااان أنا ماعندى تعليق ....بس والله صرلنا زمان رايقين بلبنان يعني شي 36 يوم بعد جبران ...فالله يستر من هالرسالة والله يستر من شهادة (( ابراهيم ميشيل جرجورة )) الموضوع منقول عن أحد المواقع |
ومازلا البحث مستمرا عن الارهابي كابي سويد الذي سيكون سبب وجيه في تفجير منتدى أخوية
ولذلك نرجو من الاخوة الكرام الابتعد عن المواد الفاسدة مثل كابي سويد وشكرا |
اقتباس:
لايقوم لا حقتيني بس أنا مرتبط |
اقتباس:
بله شو مين قلك انا لاحقتك انت ورا البنات :aah: بعدين مين قلك برتبط بوحد قد ولادي عمرو 18 سنة:o :o :o |
ليش قديش عمرك يا بعدي
|
اقتباس:
يابعدك انا سوري مافيني قلك بس لازم تحترم الاكبر منك:jakoush: |
على علمي 17 سنة يعني قد أحفادي يا آنسة ريم
|
اقتباس:
لك كيفك كابي والله اشتقنالك شو اخبارك اي يمكن اسمي ريم :سوريا: بس مين عطاك هل المعلومات:aah: :aah: :aah: اي واذا بعدين بيقولو دائما البنت بتكون اكبر من الشب يعني انت بالنسبة قلي بيبي:o :o |
روحي تعلمي مين البيبي ومين الكبير أكبر منك بيوم أعرف منك بسنة
|
شو غابي صاير عم تعلق مع بنات اي خلصونا بقى راح الموضوع..
|
اقتباس:
ولاك كابي انا بيبي يلعما ضربك شو بتعرف اكتر مني :? هلا الي على الخاص شو بتعرف اكتر مني:o |
لك يا شباب يستر على الله حاج تحشيش
إنتو قلبتو الموضوع مسخرة مع أنو الموضوع كتير مهم خيو هلأ منشان الموضوع فأنا برأيي أنو المخابرات السوريي لازم توقف اغتيال رموز الحريي في لبنان و لازم توقف سجن رموز الحريي في سوريا و إلا فرح تكون نهايتون عسيرة و لتحيا الحرية و ليسقط الأسد هييييييييييييييه |
ليك يا حبيب أنا ما نزلت الموضوع مشان تستهزأ أنا بكن كل الأحترام للسيد الرئيس لكن أنانزلت الموضوع مشان تشوفوا هالمسخرة مو يعني إذا نزلت الموضوع يعني إني موافق عليه
|
كابي وريم اذا بتريدو لاتقلبو المنبر للسوالف في عندكون المنتدى من فووووووووووووووق لتحت تساير قد مابدكون بس عالمنبر لاتقربو الا بمشاركات " منبرية"
لاتزعلو مني الله يخليكون بس المنبر الو عندي غلاوة خاصة كتير ومابحب يصير فيه متل مو صاير بغير اقسام :cry: |
اقتباس:
بس لما الواحد بنزل موضوع لازم يناقش بهالموضوع و حتى لو ما هوي يلي نزل الموضوع إذا دخل بدو يكتب بهالموضوع لازم يناقش بهالموضوع ما و الله يا سنفورة أنا أكبر منيك لأ أنا أكبر مناك و لعي فاضي هادا منبر حر و مكان للتعبير الحر عن الرأي و أنا عندي الحريي شيء مقدس و أنا ما بسمح لا لئلاك و لا لأكبر بعثي بالعالم أنو يقلب المنبر الحر مسخرة بكل بساطة لأنو إسمو حر بدك تفتح مسايرة إنتا و ريم تصطفلوا افتحوا مسايرة بالسقيفي ما بالمنبر الحر اقتباس:
اقتباس:
و نختم الرد بعبارة تحيا الحرية و يسقط الأسد |
نقلت الموضوع من قسم الفساد:shock: :shock:
لقسم "حصاد المواقع" لأنو ما شميت ريحة شي فاسد و عادة ... انفي لا يخطئ |
أستاذ حسون و كافة المعارضين للنظام :
شو هل حكي الفاضي , مين قالكن أنو النظام السوري هو اللي عم يقوم بالأغتيالات يعني متل ما قال سمحاة السيد حسن نصر الله قبل كم يوم , عطيني دليل حسي دليل ملموس يدل على انو النظام السوري هو المتورط لحتى حزب الله ياخد موقف من سوريا , الأعلام لعب دور هام في أبراز النظام السوري على أنه متورط , هاد الكلام لا يجوز هاد كله مبني على تحليلات و قرائات سياسية قام بها أشخاص معارضين للنظام أظهرو فيها ان النظام هو المتورط انا هلق فيني اعملك قرائة سياسية تاخد لغير متهم و لغير محل بعيد عن سوريا بس الأدارة الأميركية هيك بدها وفي براسها مخطط لازم يمشي . |
أستاذ نسر السريان
لما كل يلي بموتوا بكونوا من أعداء هالنظام الاستبدادي هادا معناتو أنو هالنظام هوي يلي متوريط |
اقتباس:
طيب سؤال بسيط , هدول الأشخاص المعارضين ما كان يشكلو خطر على النظام أبداً و النظام ما كان متخوف منهم لأنو بالأصل ما فيهم يعملو شي , بس لما هدول المعارضين بيموتو بـ تتفتح العيون على سوريا , و بيكون النظام السوري هو المتهم , و ما بعتقد أنو النظام ممكن يفتح على حاله هيك باب , المستفيد الرئيسي من الأغتيالات هن أميركا و حلفائها . لتشكيل ضغوط على سوريا . صح ولا لأ ؟؟ تحياتي . |
اقتباس:
لأنو لو المعادي لهالنظام ما فينو يإذي هالنظام ما كانوا المعارضين السوريين نحطوا بالحبس اقتباس:
|
اقتباس:
هلق اذا واحد انت ما بتحبو مات بالضرورة تكون انت قتلتو؟؟ شو مافي غيرك انت اللي بيكرهو وكل العالم بتحبو؟ هاد مو منطق |
اقتباس:
بس أنا معتمد عالمنطق اقتباس:
بس إذا عشرة و ماتوا قتل يعني صاريت واضحة |
حسون بيك ,
بس يكون في دليل حسي ملموس , دليل قاطع , دليل واضح و صريح , هداك الوقت الشعب كلو رح ياخد موقف من السلطة , صحيح انو شعب أغلبه حاقد على السلطة , بس مافيه يعمل شي أبداً , بس لما بيكون في دليل ,بيصير في مساندة خارجية للشعب , و أنا هون ما بعني أبداً تدخل خارجي , لأنو أنا ضد التدخل الخارجي اللي ما رح يكون أبداً من صالح الشعب , انا عم احكي عن الدعم المعنوي قبل المادي , الدعم من الدول اللي بتريد مصلح الشعب , دعم الشعب لـ يشوف النظام حالو أنو هوي على خطأ بس هل حكي لا تنسى , بوجود دليل |
اقتباس:
ليش الشعب ما أخد موقف من 40 سني ليش يا فهيم محاسبة قتلة الحريري صاريت هلأ أهم من محاسب المجرمين الحيوانات يلي عم بيقتلوا الشعب صرلون أكتر من 40 سني اقتباس:
لأنو الشعب السوري العظيم هوي الوحيد يلي بيملك الحق بتغيير النظام أو الإبقاء عليه اقتباس:
اقتباس:
اقتباس:
|
أنت قلتها , الشعب من أكتر من 40 سنة أخد موقفو , و شو عمل من 40 سنة لهلق ؟
أكل خ*ا و هو ساكت , قصة الحريري هي حتى الأن أفضل سبب لـ يطيرو النظام الحالي , الشعب ما رح يوقف لحالو بمواجهة السلطة , لازمو مساعدة , لا تقلي لا , لأنو صارلو 40 سنة لحالو ما عمل شي , |
اقتباس:
الشعب من أكتر من 40 سني عم ينظلم بس ساكت لهلأ و لما بيتحرك بدو يصقط هالنظام متل ما سقط بلبنان إزا الشعب يوما أراد الحياة ........................ فلا بد أن يستجيب القدر اقتباس:
بس حتى بلبنان لما ثار الشعب كانوا آخدين رفيق الحرير و استشهادو كسبب مباشر لحتى يثوروا بعد تراكم الأسباب البعيدي من نهب و استبداد لمدة 30 سني اقتباس:
|
اقتباس:
انا قلتلك انو المساعدة الخارجية بتكون معنوية قبل ماتكون مادية , و بوافقك بالحكي انو المساعدة غير الاعلام مرفوضة , بس لا تنسى , يمكن مجلس الأمن يقدر يساعد كمان , بس لمن تتخطى المساعدات هل شغلات بيصير وقتا أستعمار, وهاد شي ما ممكن يرضى فيه أي مواطن سوري حر |
اقتباس:
إذا هيك معناتها أنا و إياك بصف واحد تحياتي :gem: :gem: :gem: :gem: :gem: |
| الساعة بإيدك هلق يا سيدي 04:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون