|
موضوع خرج المناقشة
اي شباب هادا الموضوع انطرح باحد المواضيع وحسيت انو ما اخد حقو من النقاش مع انو كتير مهم بحياتنا
فاتمنى من الجميع المشاركة ان لم يكن بالردود بالتصويت ومية وردة للجميع :سوريا: |
:clap::clap::clap::clap::clap:
|
طبعا ضد
لانو برايي البنت بتفقد تقلها وكل ركازتها لمن هي بتقلو للشب مشان هيك هالشي ماني موافقتو انا |
تسجيل متابعة
الي عودة بس يكترو المشاركات شوي مشان نبلش نقاش :سوريا: |
الموضوع مو مين يبدأ.
المهم البدايه . يعني انا مع ان البنت ممكن تبدأ اذا كانت متأكده ان الشب مو هياخد فكره سيئه عنها. اما اذا كان مو متقبل .فاحسن لعلاقتهم .ان لا تصارحه بمشاعرها. والبنت لن تغلب في ان توضح للشاب مشاعرها دون ان تقول له انا بحبك. فالحب (مشاعر واحاسيس )اكبر من مجرد كلمه يصارح بها طرف. الاخر فاذا لم يحسها الشاب فلا فائده من مصارحه البنت. وانا قلت عن نفس الفكره في موضوع سابق بعض هذه الاراء. وان صرت واقعيا هذه المره .في ردي ان قلت ان المجتمعات الشرقيه تعاني من تمييز عنصري تجاه المشاعر .فنجد انه عادي بالنسبه للشاب وعيب للبنت. مع اني ارى انه اذا كان عيب فعلى الطرفيين وان كان مباح فللطرفين. |
انا ضد انو البنت تصارح الشب بمشاعرها
لسبب انو الشب ممكن يستغل مشاعرها انا مع انها تلمح يعني مو انو والله هيي بتحبو وكل ما يحكي معها تعمل حالها شغلة كبيرة وما ترد عليه ومن هالحكي الفاضي هاد طبعا الي رجعة للموضوع بس هلق هاد رأيي بشكل مبسط |
هلا بكلامك في وجهة نظرك محمد
بس انا برايي انو البنت لمن هي بتصارح بمشاعرها بتكون فقدت شي هيك بحس وهي وجهة نظري لانو البنت اهم شي هوي انو تضل محافظة ع تقلها ولما بتقلو اكيد رح يعتبرها الشب خفيفة حتى لو هوي كان بيحبها كمان بس لمن بتصارح في شي رح يتغير بنظرتو لالها يعني هادا مارح يضل عندو ثقتو فيها نفسها هي وجهة نظري |
:lol: يسلملي التقيل
|
اقتباس:
:king: :king: |
هلأ في وجهة نظر بحديثك ريتا بس كمان يعني اذا هالبنت حبتو لسنة او اكتر معد بتقدر تعمل شي يعني انا برأيي انو هيي لازم تقلو احسن ما تكون عم تخدعو مثلا انو تقلو انو هي بتحبو كصديق بس هيي بالفعل بتحبو مثلا اكتر او اذا هو بيكون مانو عرفان انو هيي بتحبو او ع القليلة معجبة فيه, فيها تقلو لانو اذا ما صارحتو مابعرف شو بصير بس بصير شي. بس هلأ هيي لازم تكون واثقة فيه. ولازم تكون اكيدة انو هوي مارح يضحك عليها او put her down وانا هيك قصديي:سوريا::سوريا:
|
اقتباس:
وهاد كمان اسمو تسرع بالحكم على الامور |
اقتباس:
|
اقتباس:
يعني البنت ممكن تعتبره خفيف . انا معاكي في وجهه نظرك بس للطرفين. يعني لا تطلبي من الشاب انو يكون خفيف . الشيئ الجميل في الموضوع هو توضيح وجهات النظر .شكرا هاني. |
:shock: :shock:
|
صح محمد ابراهيم معو حق
لانو ليش نحنا العرب عنا عنصرية يعني ليش الشب ما بتنزل قيمتو اذا قال للبنت انو بيحبها بس البنت لما بتقولو هي اللي بتنزل قيمتها؟ هلأ اذا البنت قالتلو و هو رفضها او "ذلها" هو اللي رح تنزل قيمتو لانو غبي وما بيعرف يتعامل مع بنت:سوريا::سوريا: |
عيوني الشغلة مو شغلة عنصرية
بس افترضي الشب استغلها لهلبنت اللي قالتلو اني بحبك |
هلا البنت ما بتخيل تحب شب بلا ما تحكيه وتتعرف عليه منيح يعني هادا يلي عم تحس فيه بلا ما تتعرف على الشب عن قريب مو اسمو حب برأي اسمو اعجاب وبس
ولما هي تنطرو كتير وهي معجبة و بعدين تصارحو فهي عم تعمل هيك لتريح حالها والبنت يلي عندها جرأة انو تروح لعند شب وتقلو انا معجبة فيك ما بتخيل تكون طيوبة لدرجة انو يستغلها الشب وبرجع بعارض من الاول كلمة بتحب الشب لانو الحب بيجي بعد فترة طويلة من التعارف واكيد ما بيقدر الشب يقول لبنت انا معجب فيك بلا ما هي تظهر شوية قبول يعني شو ياخد تشانس تقوم هي تقفشو؟ هيك بيتعب يا حرام بقا ما بعرف هيك بتخيل انو البنت تظهر شوية اهتمام و الشب بينتبه للاهتمام هادا و اذا ما انتبه فيها تزيد شوي الاهتمام و اذا جحش (سوري للكلمة بس ما لقيت غيرها ) و ما فهم بتقلو |
اقتباس:
هلا الشاب بمجتمعاتنا هوي الاقوى والبنت هي الاضعف وع فكرة هي موجودة بكل مجتمعات العالم بس عنا بالمجتمع الشرقي ظاهرة بشكل اكبر ولمن الشب هوي يللي بيعبر عن حبو هوي مانو عم يغلط بالعكس هوي يمكن يكون عم بيفكر لبعدين بس البنت لمن بتكون عم تعبر عن حبها هي بتكون عم تسيء لسمعتها (هيك بمجتمعنا من وجهة نظري ) وبعدين اذا بدنا نحكي انو كل شي مطبق ع الشب لازم يطبق ع الشاب ليش الشب مسمحلو يعمل كل شي اوشو ماعمل مابتنتزع سمعتو بينما البنت اذا تاخرت دقيقة عالبيت بتاكل هوا |
اقتباس:
بصفه عامه انا بختلف معاكي . لاني مؤمن ان القوه في العقل او القوه الاعظم في العقل. انت عارفه ان الثور والفيل والاسد اقوى من الانسان بكتير ولكن قوتهم لم تمكنهم من صنع حضاره او تجعلهم منظمين. المهم .ان الشباب فيهم كتير بينكسفو وانا اعرف شباب كتير جدا بيخجلوا يكلمو بنت. طيب كيف رح يصارحوهن بمشاعرهم . يعني ممكن التعبير من الطرفين بالافعال مو بالاقوال.(وبالاشاره يفهم كل لبيب). يعني الحب ما بيجي بيوم وليله. |
هلا ما اختلفنا
بس البنت نحنا عنا مو ضعيفة لانو هي بدها بس لانو العقول المتحجرة هيك بدها والله البنت مانها مستعدة تخسر سمعتهامشان تقلو لشب انو بتحبو هلا ماني عم قول انا كل الشباب عندونالقدرة ع مصارحة البنت بس مثلا اذا قال لصاحبو وهوي قلها (وهي بتصير كتير) يعني مانها اصة بس انا وجهة نظري انو نحنا مجتمعاتنا لسا يمكن ماوصلت لحد من الوعي الكافي اللي بقول انو البنت مثلا بتقدر تقول انو معجبة بهالشب بعدين نحنا لهلا البنت غلط عليها يكون عندها شخص بتحبو فمشان هيك حسب مجتمعاتنا انو غلط تصارحو بحبها (لانو بالاصل ممنوع تحبو) |
وهادا هو الشي الغلط يعني شو هالفكرة هي انو البنت ممنوع تحب شو هيي حجر يعني هالشي غلط وانا متأكدة انو هالشي ماعم يصير لانو كل بنت عم تحب( او عالقليلة اعجاب) بشخص ما! لانو مابعرف كيف يعني انو ممنوع البنت تحب شخص, انو ليش؟؟ شو هادا قانون ولاشو؟
|
انا معاكي في كل اللي قولتيه.بس
كيف هيعرف الشاب ان البنت بتحبو. وانا بختلف معاكي في ان المجتمع يقدر يمنع بنت من انها تحب شاب. لا المجتمع ولا العادات ولا التقاليد.ولا اى مخلوق .ببساطه لان الحب داخل القلب ليس عليه سلطان. |
اقتباس:
يعني االبنت اذا قالتلو اكيد هي رح تكون قوية و جريئة و مارح يقدر يعملها شي لانو شلتها(:p) بتكون ناطرتو اذا بدو يعملها شي:p:p |
اقتباس:
ياستي الكلام مو ليكي . الكلام لسويت بابي. احنا كنا بنتناقش حول الموضوع وماضغط اقتباس.لان الموضوع ما كان محتاج . سامحيني على عدم النظام. |
اقتباس:
بعدين انا عندي سؤال لالك انت بتسمح لاختك تقول لشب انو بتحبو |
اقتباس:
سؤالك مو مضبوط.لاني ما بيدي اسمح لها او لا اسمح .لاني مو معاها طول الوقت. ولكن السؤال المضبوط هو انا هاكون راضي ولا مو راضي. لن اكذب عليكي في اجابتي. لن اكون راضي عن تصرفها. الا اذا كان خطيبها .او سيتقدم لخطبتها.فالحب بنظري لا ينفصل عن الزواج. وانا كنت ضد مصارحه البنت للولد .فانا لست ضد حب البنت للولد .وذلك هو جوهر الموضوع .فمن حق كل بنت ان تحب ولكن ليس من حقها ان تخطئ من اجل حبها. وهذا ما ارضاه لاخي وغيرها |
اقتباس:
بس انا حكيي انو نحنا بمجتمعنا البنت مافيها تقول (حتى لاهلها) انو هي بتحب هالشخص لانو هيك التفكير وانت قلت انو مابترضى هالشي لاختك المهم انا فكرتي انو البنت بمجتمعاتنا هي ممنوع عليها الافصاح عن حبها وانا عم احكي عن مجتمع مو عن كم شب من الجيل الجديد الطالع المتطلع للغرب بس نحنا مجتمعنا مابيسمح وانت مافيك تغير مجتمع بحالو بتمنى تكون وصلت فكرتي |
اقتباس:
ويكون هذا افضل ما يتقابلو من ورانا ويحصل الاخطاء اللي كلنا عارفينها في مجتمعاتنا. اقتباس:
وانا لست متطلع للغرب فهذه افكاري وانا مقتنع بيها.والغرب اعطى للجنسين حقوقا اهدرت كرامه الانسان.فاصبح الانسان مثل الحيوان يجري وراء شهواته. |
تسجيل متابعة
|
تعليق للمتابعة بس ....والي حديث مطول عن هالموضوع ...:سوريا:
|
تسجيل متابعة تاني
ناطر ردود ليلى ويامن والبقية لبلش احكي اللي عندي :سوريا: |
وانا كمان عندي حكي اكتير بالنسبة لمحمد و تروبل ميكر وسويت بيبي خاصة ...
رح حط وجهة نظر ابتدائية انو البنت لازم تبلش اولا واذا ما هيك بالقليل تلميح واكيد الي عودة اكبيرة بهالموضوع .. تحياتي |
انو ليش الكل الو عودة
حطو وجهة نظركن بقا |
طبعا انا رأيي انو الشب هو يلي لازم يصارح البنت اولا بمشاعرو
ما بعتقد انو شي منيح للبنت انّا تجي تقول للشب انا بحبك مثلا |
مرحبا شباب وصبايا
حلو هاالموضوع ياهاني والشباب ماقصروا يعني تقريباً الجميع قال إنو البنت مالازم تبادر طيب وإذا كانت بتحبوا ,,,,,,,,,, وهو مامنتبهلها وبالطبع أحسن مايطير الشب من إيدها في مليون طريقة لتلفت نظر الشب تجاهها والصبايا عندهن خبرة فطرية بهاالمواضيع وإذا حطت عينها على شب بتخليه يفوت بالحيطان وهي عم تضحك وتلعب وبدون ماتحكي ولا كلمة أما للضرورة أحكام يعني في شباب بتجي البنت وبتقلياها بالمشرمحي بحببببببببببببك وهوي متل الطلطميس ساعتها مافي مشكلة إذا هيي بادرت لإنو مامنه فايده أما بالحالات الطبيعية أنا برفض إن الصبية تبادر للحكي إلا إذا كانت متأكدة من مشاعرها أولاً وضمنانة الشب منيح والحياة هيك صوّب مرة وأتصوّب لاتخاف ولاتتهرب فاز بالهوى وبالحب من كان جَسور |
هلق انا اول الشي كنت مع محمد بكلشي حكا ... بس هي شغلت الشرق الي كل مين بيمشي في ورا غرائزو .. ما حبيتا كتير منك ...
بس انا بعتقد انو كلشي نقال صح مع انو مختلف الوجهات ... بس اول الشي كان الحكي بشي الواحد مقتنع في .. بس بعدين وقت صارت الشغلي شخصية تحول لشي غير قابل للطبيق .. وانا اول الشي مع انو مافي فرق مين بيبلش بالتلميح وبالاشارات وتسميع الحكي .. لانو في كتير اوقات بيكون الطرف الاول معجب ( لانو هاي الكلمة احسن وادق تعبيرا بهالمرحلي ) بالطرف التاني ويا اما ما قدران يعبر عن مشاعرو يا اما ما عندو الجرأة ليعبر عنا .. والحالتين بيصيرو كتير ... وانا مشان التصويت بصوت لانو ما في فرق بين الطرفين مين بيبلش. بس هادا الاحتمال ما كان موجود للاسف ... وانا بأكد مرة تاني على حكي الاخ محمد . انو ما بعتقد لازم يكون في هالفرق الكبير بين الشب والبنت .. انو يعني ليش البنت اذا عبرت عن حبة للشخص الي بتحبو بتكون نزلت من مستواها .. يعني مستوى الشب واطي وتنازلت هي وصارت من هالمستوة ... ما بعرف ليش بحس انو الشغلي هيك غلط .. وانا بعتقد كمان انو ما لازم يكون ولا مرة بداية الاعجاب وقت احد الطرفين بيقو للطرف التاني انو بيحبو ... لانو عنجد الشغلي بدا وقت اكتر من هيك ... و وقت بيصير الوقت مناسب بيكون معد في مشكلي بين الطرفين لانو بعتقد انو لازم يكونوا حاكين مع بعضون منيح وصارت الفكرة موصلي للطرفين التنين ومتقبلينة ... فوقتة بيروح بين التنين الفرق الكبير الي بيكون بالاول انو انا بنت ما لازم بلش بالحكي ... هي وجهت نظري الشخصيي الي كنت مأمن فيا بسوريا ولهلق اساتني مأمن فيا وذاد كمان بعد ما تعرفت عالمجتمع الغربي .. و اخ محمد ... بعرف كتير انو الشغلي بدايقك وقت منكون عم نحكي عن اختك بس هادا موضوع نقاش ما اكتر فبتمنا ما تزعل .. وانا رح حول السؤال عن بنت عاديي بمجتمعنا بس مع الاحتفاظ بوجهت نظرك .. انا ما بعتقد انو في بنت او انسان او حتى اي كائن حي ما بيعجب او بحب .. وفي كتير انواع مختلفي للطريقة او للشي المعبر عنا ... وفي كتير اوقات البنت بتنعجب بشب كتير وبتحس حالة ما بتقدر تعيش بلا ولا دقيقة ... بس بعد فترة من الاختلاط بتلاحظ في الشغلات الي بتكرها في بس اول الشي ما كانت قدراني تشوفا ( لانو كان مغمي عقلبة من الحب ) وبعتقد هادا الشي بيصير بكل محل وبيصير كتير كمان .. فانا برجع للبنت الي لازم يكون الحب عندا مرتبط بالجواز او باضعف الايمان خطبي ... فانتي كنت عما تقول انو البنت لازم ما تشوف الشب و تحكي معو لحتى تخطبو يعني بهالحالي بيكون احسن بشوي من الجواز ... و وقت بيصيرو يشوفو بعضون ويحكو مع بعضون لانو كان هادا الشي ممنوع ابل الخطبي .. وحست البنت او الشب انون ما كتير لابقين لبعضون وشو الحل بيكون بهالحالي . انون يفكو ... مع انون كانو بيقدرو يدرسو بعضون ويشوفو نمط تفكر كل واحد ابل ما يخطو هالخطوي الي ما كان الا ضرورة بهالوقت .. وبعد فك الخطبي بعتقد انا انو رح يضل في نقطة سودا بملف البنت الي معد يروح بنوب بغض النظر عن الاسباب لانو عالاغلب بتكون اسباب شخصية وما حدا بيعرف فيا .. هي كانت مرة وحدي وقت كانو تنين معجبين بعض وما نسجمو مع بعضون .. وبعتقد انو بالحياة العادي بتصير هالشغلي ( الاعجاب من اول نظرة ) كتير فاذا كل مرة الواحد حس انو الشغلي حب ولازم يخطب وبعدين ما بينسجمو بتروح الشغلي عالتنين وبيطلعو بعدين بسواد الوش... ما بعرف اذا وجهت النظر هي بترضي الكل او في حتى عالم بيعتبروا غلط مي بالمي بس انا هي وجهت نظري بالموضوع ... وانشالله ما كون دايقت حدي ... وانا نشالله رح ضل متابع الموضوع مع اني بعرف انو عما ديقلكون خلاقون شوي:( :( ... بس منكون السماح :سوريا: .. |
هلأ أنا شخصياً بلاقيها عادية اذا البنت بادرت بالخطوة الأولى :سوريا: بس يني بضل اقوى اذا الشب هو اللي قام فيها مو من منطلق أنو الشب أقوى أو ..... بالعكس بالأخير الحب ما بيعرف ولا بنت ولا شب ولا كبير ولا صغير ....
هاد رأيي و أنا بحترم رأي الجميع :سوريا: |
شكرا لالكن شباب لانو في مين شاركنا
هلا وسيم انت بحكيك في وجهة نظر بس انت لمن بتصير في خطبة مثلا مو البنت اللي بتروح بتتقدم وبتخطب الشب وهون صار انو هوي اللي بادر صح او غلط اقتباس:
|
ريتا انا وقت كنت عما احكي عن الخطبة كنت عما رد على الاخ محمد ..
وشغلت الخطبي بتكون من طرف الشب لانو هيك قوانين او عادات المجتمع بتقول والواحد مافينو يغيرا ... بس انا بعتقد لحتى الواحد بيوصل عالخطبي بيكون مارق فترة منيحة عالتنين سوى وبيكونو بيعرفو بعضون مظبوط .. وقتا بيكون صار كلشي مبين بغض النظر عن مين بلش وبتصير الشغلي بس شكلية ما اكتر ... ما بعرف اذا هادا الواقع ولا لاء بس كل العالم الي بعرفون خطبو كانو بيعرفوا بعضون من زمان بس ما بعرف اذا هادا الصح ولا لاء |
اقتباس:
بس برايي المجتمع انا متاكدة غلط |
| الساعة بإيدك هلق يا سيدي 11:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون