|
حول فكرة منتدى إسلامي
يلي شاف حكيي بالموقع ممكن يفكر أنو أنا مع منتدى خاص بالإسلام بس أنا ما هيك رأيي
لأنو في أكتر من ميت دين بالعالم شو رأيكون نعمل لكل دين منتدى بصير عنا ميت منتدى روحي و من بيناتهون منتدى لعبادين الشيطان طبعا منشان ما يكون في فئويي و طائفيي أكيد مانكون مع هالفكرة بس كمان لازم يلتغوا اللاهوت المسيحي المعاصر و حوار الروح و بتمنى ليال مدري ليلى ما ترجع تقول أنو حوار الروح منتدى لكل الأديان لأنو الإداري كريمباو ما هيك قال حسب ما فهمت بالموضوع تبع المنتدى الإسلامي |
مرحبا يا جماعة
ما رح رد على حسون اولا لأنو مانو قاضي ليحاكمني ع كلامي تانيا لأنو غير مؤهل انو يكون قدوة، ع القليلي الي حسون اكتر من غيرو .. بيعرف انو لما كانت تنحذف مواضيعو بغير اقسام كانت تبقى بقسمي و كنت حافظلو على حقوقو ما بعرف ليش كنت متوقع لما حدا يتهمني بالتحيز ... كنت متوقع انو حسون هوي يلي يدافع عني يمكن لأنو اكتر من غيرو لمس حياديتي بس فعلا خاب ظني متل ما قلت ما رح دافع عن حالي بس بدي وضح للكل آلية عمل قسم حوار الروح حوار الروح هوي منتدى روحاني بحت بتنزل فيه مواضيع روحية و ليتورجية هلأ يللي صاير انو الديانة المسيحية ديانة روحية صرفة... نادرا ما تتعلق بامور دنوية باستثناء حالات كتير قليلة متل الزواج و الطلاق بعكس الديانتين اليهودية و الاسلامية يللي هنن ديانات دنيوية صرفة بيحكوا كيف الواحد لازم يغسل و كيف لازم ياكل و باي ايد و كيف لازم يشرب و شو لازم يشرب و شو ما لازم يشرب و شو لازم ياكلو وين لازم يصف السيارة و ايمت ينام و مع مين و ايمت يفيق و .... من هالعلاك المصدي هاد طيب شو بعمل ازا الدين الاسلامي هيك ؟؟؟ شو بخترع شغلات اسلامية من عقلي لحتى اسمح للناس يكتبوا عن الاسلام بحوار الروح ؟؟؟؟؟؟؟؟؟ بعدين في كتير ديانات متل البوذية و الهندوسية ... هي الديانات روحية و ممكن انو تنزل مواضيع عنهم بحوار الروح بس ما ممكن انو اسمح انو ينزل موضوع عن كيفية الوضوء بحوار الروح متل ما ما ممكن انو اسمح انو تنزل قصيدة شعرية عن البكاء على الاطلال بقسم السيارات مثلا شخصيا رضيان كتير عن شغلي بالاخوية و هاد يللي بيهمني و ما عدا ذلك بعتبرو مجرد دبان مزعج و دمتم :7asheesh: |
ما الك غير ال pif paf يقضي على البرغش والدبان وكافة الحشرات الزاحفة والطائرة
|
اقتباس:
فلا عتب عالاعضاء :p و الى الامام بالقسم الاسلامي ....8) عكل حال الاسلام دين الحياتين الدنيا والاخرة وبيهتم بالدنيا يا "استاز" لانه هي اللي بتوصل للسعادة بالاخرة ... بايوووووووووووووو فور يو guys |
و عندي شحاتطي أ بتقضي عل الحشرات ؟؟
|
انسة مشتاقة
بكرة بس تشوفيني قاعد بـ جهنم و أنت والأسلام العظيم تبعك قاعدين في الجنة لا تتحنني على بنقطة مي مشي ........؟ |
تكرم عينك :lol:
بعدين كانه الحكي كان للمشرف krimbow ... ??!!!! |
اقتباس:
انتي بتأمني انو أذا واحد شرب كحول بروح على الجهنم |
اخي الفاضل نسر السريان الله اعلم ازا بيروح عجهنم او لا
وانا ما بدي خلي من هالموضوع حوار اديان بس الله غفور رحيم ..والله يغفر الذنوب جميعها .... مهما كانت كبيرة ... و في قصص رح ابعتلك ياها عالرسائل الخاصة مشان هالموضوع لحتى ما نحول موضوع الاخ حسون لحوار اديان ... و شكرا الك :سوريا: |
بس يعني اللللللله يخليك ما يكونو قصص تبع اللهم عافينا
وحدة تحولت لكنغر و واحد صار ديناصور و نملة اكلت بني ادم منظر قصصك أنـــا .. |
منتظر قصصك قصدي
|
هههه لا لا تخاف ..
اصلا الدنيا ليل ومو ناقصنا افلام رعب :lol: |
الله حيوووووووو
شوفو شغلة... من الملاحظ من 1400 سنة انو أينما حل الاسلام يحل الخراب والدمار والتخلف والانحطاط الفكري والأخلاقي وبدون ما ننسا الإرهاب ومن الطبيعي بالنسبة للأخوية ككيان اجتماعي الكتروني انو تحافظ على أمنها واستقرارها ومستواها الفكري المتميز بوجود كتير أعضاء فهمانين ومن حق الأخوية الطبيعي انو تبتعد عن المشاكل والتخلف والإرهاب وحد السيف والجهاد ( قتل الأبرياء في سبيل أنهر الخمر والحوريات والفراريج والشاورما ... إلخخخخخخخ ) بآنيي الله يرضالي عليكون في منتديات اسلامية كتير عالإنترنت روحو تحاوروا فيها وكفو بلاكن عن العالم... مو ضروري يعني كل موقع عربي عالإنترنت يصير منتدى اسلامي تركنالكن 300.000 منتدى عربي اتركولنا الأخوية بس !!! |
اقتباس:
تحياتي |
واااااااااااا اسفاااااااه :pos: :pos: :pos:
بس يا ريت لو في كلام يعبر او حتى الكلام اللي رح يتعبر فيه ينفهم |
اقتباس:
اقتباس:
1- كريمباو إداري 2- كريمباو ما عم يتهجم الزلمي عم بعبر عن رأيو بطريقة حضاريي و منطقيي و حلوي |
أنا بشكر السوريي المشتاقة يلي حاولت قدر الإمكان ما تحول موضوعي لحوار أديان
و بطلب من مدق و عبد الرحمن الرحيم أنو هني كمان نا يحولوا الموضوع لحوار أديان |
حوار الاديان ...
ازا كنت فايق ورايق وحابب توجع راسك ...شارك بهذا القسم :lol: |
اقتباس:
وانا بقول لكن ليش الدول العربية الأسلاميةوالدول الأسلامية الأخرى (ايران باكستان أفغانستان ) متقدمة بهل سرعة أميركا و أوروبا كل مالهن لورا وهاي هي العواصم العربية الأسلامية محور أشعاع للعلم و العلوم الأنسانية و أأوروبة المغرورقة بالظلمات . روووح عنا |
يا شباب الله يوفقكون الله يخليلكون ولادكون ما تعملوا من موضوعي حوار أديان
|
لا يا حسون لازم رد ومارح جاوب حدا بعد هيك ...
اوروبا قبل انتشار العلم اللي عملوه علماء الاسلام كانت منحطة و عايشة عصور من الظلام و اي رجل بييجي بعلم لا يخضع لما يراه رجال الكنيسة كان يطرد او يعدم ... لكن بعد ابن سينا و الخوارزمي وابن حيان والرازي و و و و و الخ ارتقت اوروبا ... و لا تنسوا انه اوروبا و اميركا لا تهتم بالديانة المسيحية ابدا و اللي بيعملوه مخالف لكل شي بتنص عليه المسيحية .... و هنه مسيحيين بالاسم فقط ;-) |
اقتباس:
إنتي ما حكيتي شي غلط بس يلي عم يعملوه الشباب مشابه للخناقة تبعيت حوار الأديان اقتباس:
اقتباس:
و بعدين يلي عم يعملوه ملوك و أمراء الخليج هادا شو بتسميه |
ملوك الخليج دنسوا الاسلام بوساختهن ... لانهن بيعملو حالهن مسلمين بالظاهر
و بالباطن بتلاقيهن احقر من هيك الله ما خلق ...قمة بالوساخة والحقارة مع احترامي للطيبين من الخليجيين لانه ما بتقدر تعمم عحدا ... و انا لما حكيت عن اوروبا لاني بعرفها وعايشت اهلها وكتير بعرف ناس من هناك كتير كتير وكلهن كانوا مو متدينين ابدا ....ابدا و اكبر دليل انه الانحلال اللي باوروبا و اميركا ما بترضاه الديانة المسيحية ... شكرا حسون واسفة ازا عملت موضوعك حوار اديان |
لفوها سيرة بقا
عييييييييييييب ميصحش كده !!! يلا أومو بوسو بعضكن وحاج شيطنة ! |
اقتباس:
باميركا في مسيحيين كتير متديين كتير لاكن الدين بيتركوه بينهون وبين ربهون وما بيتطفلو على معتقدات غيرهون متل ما الوضع عنا ومو كلشي بيطلع بالمسلسلات لازم نصدقو وباميركا كلشي عالمكشوف اما ببلادنا كلشي مخبة مشان هيك منفكر انو بأميركا عم يصير شي عنا مستحيل يصير وبالحقيقة عنا لسى اكتر منو يا جماعة كلياتنا عرب هون ومنعرف شو في وشو مافي ببلادنا فبلا ما نضحك على بعض |
اقتباس:
يعني بس لانو بيتصرفوا بحرية قدام الكل صاروا مو متدينين خلوني احكيلكون هالقصة: في امرآة عم تتعلم اصول الدين عند شيخة الشيخة كل يوم بتجي لعندها وبتفوت هيي واياها على الغرفة والرجال بضل برا لمرة الشيخة نازلة وركبت تاكسي لما اجت بدها تحاسبو لشوفير التاكسي انتبه الزلمي انو ايديها بتشبه ايدين رجال ملاحظة:نسيت قول انو الشيخة محجبة من فوق لتحت. فالشوفير راح خبر الشرطة انو هيك هيك هيك صار معي وكل مرة هالشيخة عم تطلع معي من هالمكان . داهامو الشرطة البيت نط الرجال قلهن مرتي جوا عم تتعلم اصول الدين وعندها الحجة مابصير تفوتوا. ولما فاتوا الشرطة........................... لقوا المرة هيي وصاحبها يلي هوي الحجة. سؤال لكل مسلم:اذا انت ماشي بالشارع ومرقت مرتك من جنبك شو بعرفك انو هاي مرتك? |
عندي قصة احلى ...
مرة اجتمعت مع رفقاتي ايام الدراسة و كان بيناتنا شب جارو لواحد رفيقنا ... الشب على نياتو شوي ... يعني ع البركة المهم انو فتحنا موضوع عن الاشباح و العالم الروحاني و هيك قصص و كل واحد فينا صار يحكي قصة غريبة ... و الشب المسكين قاعد عم يتسمع بعد شوي ... حب يشاركنا الحديث فحكالنا القصة التالية: "لما كنت زغير كان البابا مسافر ع السعودية ... و كنا ساكنين ببيت عربي ... و مرة برجع من المدرسة بكير بقوم بلاقي واحد رجال طالع على الخزانة باوضة اهلي و عم يطلع من الشباك العالي امت سألت الماما "مين هاد ماما ؟؟؟" قامت جاوبتني " لك هاد ولي، اوعك تخبر حدا انو شفتو بعدين بتروح البركة من البيت":shock: :shock: :shock: :lol: طبعا بدكم تتخيلوا موقفنا كيف كل واحد كاتم ضحكتو من جهة ... و شفقان ع هالشب يللي فضح حالو من جهة تانية .... بس يللي فكرت فيه وقتها ... هوي اسلوب التربية اللعين يللي بيمارسوه الاهل من خلال تجميد عقول ولادهم بسخافات لمجرد انو يغطوا حماقاتهم |
اقتباس:
ياسيدنا ملعوبة ومعبرة وتوضيحية كمان:clap: :clap: |
شوي شوي شباب مو هيك :pos:
بس القصص حلويييييييييييييييين كتير |
اقتباس:
|
اقتباس:
:shock: عم تمزح؟؟؟ معقول ؟ ؟؟؟؟؟؟؟؟؟؟؟؟؟؟؟؟ |
لا سيدي ماعميمزح
|
يا سيدي القصة معقولة انا مو قصدي عليها وبصير لسى اكتر منها
بس معقول لهلق هوي مصدق |
قلك انو الشب على نياتو خطي
|
هي القصص بتصير كتير ومو بس عنا ;-)
المسلمين هدول ما بيمتوا للاسللام باي صلة ... المسلمين اللي بيمتوا للاسلام بصلة هنه اللي طبقوه بحذافيره ... اللي هنه علماء المسلمين ...لهيك ارتقوا مو بس بحضارتنا ..ابدا ...بحضارة العالم كله وازا كان في باميركا متدينين ما اختلفنا ...بس الاغلبية الاغلبية الكبيرة مطنشين كل شي بالدين...و لاتعلموني عليهن لاني خابزتهن و عاجنتهن لهالشعب :lol: وبالنسبة انه ازا واحد مرت مرته قدامة و شلون بده يعرفها ... عفكرة الاسلام ما امر بتغطية الوجه ابدا ...ابدا هي شغلات طلعولنا ياها جماعة الخليج |
اقتباس:
اقتباس:
اقتباس:
|
اقتباس:
لان مبين الطبخة رح تطلع محروقة الاميركان مو مطنشين الدين الاميركان متل ما قلتلك ما بيتطفلو على دين غيرهون اذا انت بتسمي انو الواحد وقت بقول للتاني انت واحد كافر ولازم تدخل بديني انا والا ما بتعرف شو بصير فيك فهاد على هالاساس بقلك الاميركان مو متدينين والعرب متدينين في عدد كبير ما الو علاقة بالدين اوكي بس مو الاكترية بالعكس الاقلية الاكترية هيي عنا |
:hart: طيب يا شباب ويا صبايا ... نحنا لو شو ما كنا منضل سوريين
انسوا شغلة العقائد بظل هالظروف اللي عمبتعيشها بلدنا حبيبتنا ... و الله انا بس شفت هالمنتدى لهف قلبي لما شفت حبايب قلبي السوريين مجتمعين فيه انا بحياتي ما كنت منغلقة بافكاري وبحياتي ما حقدت عمسيحي او عاي دين لانه من انا وزغيره كل رفيقاتي مسيحيات ...و ما تربيت عالانغلاق و التشدد بافكاري انا بقوللكن بقلب عمينبض بحبكن وبحب سوريا ..سوريا بكل اديانها وطوائفها بحبها وبحب اهلها مسلمين ومسيحيين وملحدين وشو ما كانو ...بحبهن لانهن ولاد بلدي انسوا عالشغلات وكل واحد حر بمعتقداته. بحبك سوريا انت وشعبك :hart: |
اقتباس:
|
شباب عندي فكرة
شو رأيكون نرجع للموضوع الأساسي السؤال هو شو رأيكون بدل إنشاء قسم إسلامي بالمنتدى أنو نحزف الأقسام المسيحيي لحتى يصير في مساواة بين الكل بالمنتدى |
| الساعة بإيدك هلق يا سيدي 22:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون