|
إن كيدهن عظيم
تمكنت أم زكي من العثور على المصباح السحري وبالتالي وفر لها خادم المصباح فرصة 3 أمنيات، ولكن لتحقيق هذه الأمنيات يحصل زوجها على 10 أضعاف كل أمنية تتمناها
وافقت أم زكي وكانت أمنيتها الأولى أن تصبح أجمل سيدة في الكون أنذرها خادم المصباح السحري بأن زوجها أبو زكي سيصبح أجمل منها بـ 10 أضعاف قالت الزوجة لا يهم، فسأصبح أجمل جميلات الكون وبالتالي لن يجد من هي أجمل مني أما الأمنية الثانية فكانت أن تصبح أغنى من في الكون وللمرة الثانية أنذرها خادم المصباح السحري بأن أبو زكي سيصبح أغنى منها بـ 10 قالت أم زكي مايهم، مافي فرق بين مال الزوج ومال الزوجة وراح تكون ثروتنا واحدة أما للأمنية الثالثة فطلبت أن تصيبها أزمة قلبية بسيطة لا تميت ولا تسبب إعاقات ! ! ! ! ! ! ! ! ! ! ! ! ! ! ! ! ! ! ! ! الله يرحمك ياأبو زكي |
لك شو بدك بالحكي ذكية
خخخخخخخخخ الله لا يمسكهون مصباح سحري يا سيدي مشكور |
ههههههههههههههههههههههههه هههههههههههههه.....
بيستااااااااااااااااااااا اااهل .....عليم الله شو عامل معها لحتى تمنت هالامنية :lol: .. .... مافي شي بيجي من فراغ :p |
مو عامل شي
بس هاي الانانية |
قلتلي انانية !!!! ليش بقا ؟؟؟؟؟ لو كان منيح كانت قالت مثلا يعطيني الصحة .. بيقوم هو بياخد 10 اضعاف صحتها ....
بس الظاهر ويلي متحيز لجنسه ... او يمكن خاف يطلع هالمصباح السحري لشي وحدة بيعرفها هههههههههههههههه بيكون عرفان مصيره !!!! |
اقتباس:
كانت قالت يعطيني الصحة لا ستي لو كان احسن واحد بالدنيا رح تقول نفس اللي قالتو |
يعني انت كأنك عم تقول انه مافينا خير !!! قال لو كان احسن واحد بالدنيا رح تقول نفس اللي قالتو قال !!!
قلتلك متحيز :pos: ... مشان هيك لا تعليق |
له له له
انا متحيز؟؟؟ اخص عليكي ليش زعلتي من الحقيقة؟ |
لا ما زعلت من الحقيقة .. بس انت قلت شي من عندك واقنعت حالك انه صح ..
يعني انا قلت لو كان منيح مستحيل تكون قالت هالامنية مشان تجلطه وترتاح .. اجيت انت قلت انه لو شو ما صار كانت رح تتمنى هيك .. ليش في حدا بيكون عنده حدا منيح وبيعدمه من الارض !!! |
اقتباس:
طبعا في وفي كتير بعيد عن شغلة نسوان ورجال بس اي نعم في |
اقتباس:
نعم في .. بس ما بتنطبق على القصة هي :lol: خلص ويلي فضها سيرة انت كمان :D |
فضينا
خلص سكتنا منيح هيك |
يس كتير منيح :ok: .... .ثابر ههههههههههههه
|
صحيح ان كيدهن عظيم
و إن كيد الشيطان كان قليلا :clap: :clap: :clap: :clap: |
اقتباس:
:o :o اي والله الحق معك يعني الرجال شو ما عملهم ما بقدروا يللي عملوا |
شبكن علقتو
لو بعرف انو الموضوع رح يعلقكن هيك كنت حطيتو من زمان :p خلص طولو بالكن حكي ويلي هوي الصح :p البنات ما فين خير |
ما فيهن جنس الخير
أصلا ما بيعرفوا شو معناتو |
ما راحت غير على ابو ذكي المسكين
|
اقتباس:
|
اقتباس:
حتى الحكي ما بيعرفوه شو رح يعرفوا؟؟؟؟ اكيد ولا شي :clap: :clap: :clap: |
الله يرحمك يا أبو ذكي ..
شو قصتكون مع مواضيع النسوان هالكم يوم ؟؟؟؟ حاقدين عليهم كتير الظاهر |
اي كترانة المواضيع ضد النسوان
حاسس انو في حملة منظمة ضدهم يللا وينك يا زهرة العين هيدا اختصاصك |
اصلا عم تحطوا مواضيع ضدون من غيرتكون:jakoush::jakoush::jakoush::jakoush:
|
بالعكس
عم نحكي من زعلنا عليكم :o :o |
اقتباس:
|
شفتي معناها كلامي صحيح
:p :p |
اقتباس:
|
اقتباس:
مين لورا ؟ :shock: ;-) :o |
شايف كيف اذا اسم بنت خربطك خربطة كيف لو شفت بنت:lol::lol:
|
أنا فكرت أنك نسيتي العربي
على كل حال الصبايا آخر همنا |
اقتباس:
يعني مو آخر همنا آخر همنا بس انو كمان مو هالشي اللي منهتم في كتير :p |
اقتباس:
|
لاه لاه لاه
بتشكي بالموضوع ؟ |
انا مابشك بالموضوع
انا متاكدة من الموضوع |
هالمرة خسرتي يا سويت بيبي
|
اقتباس:
و انا متاكدة انو ما بتقدرو تقضو دقيقة من دون ع القليلة تفكرو ببنت |
اقتباس:
ما حزرتي مبينتك نعستي وبلشتي تخربطي :p |
يا حرام ....
شو مفكرة ما عندنا هم غير هم البنات .. أنتو الهم الأخير الي منفكر فيه |
عم قلكون مصدقتكن برياحة
صياد بدك ياني بلش احكي شو بتقلي |
اي يلا بلشت الفضايح
على كل انا واثق انو شو ما قلتي عن صياد مو صح |
| الساعة بإيدك هلق يا سيدي 22:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون