|
أعلن انسحابي من المنتدى
ممكن تتفاجأو بس أنا رح أنسحب لأنو في عالم متل "السيدالمكاوي" اللي أقل شي بينقال عنو أنو واحد سافل
الأخ فات ع منتدى تعليم الآشوري وحب يتمسخر و أنا ما بسمح لأي واحد يهينني أو يهين لغتي .. يعني لو كان الأخ فيه ذرة ذوق أو ذرة عقل ماكان كتب الشي اللي كتبو بردو الأول ..لأنو ظروفي قاهرة جداً و أغلب الناس هون بتعرف شو معنى شحط عالعسكرية .. أنا مشان ما كبرها مشان شخص متلو رح أطلع لأنو يا أنا يا هيك حثالة بهالمنتدى و سلام. |
لك معقولين انتو يعني كل ما حدى اتخانق مع حدى بيصير بدو يترك يعني طولو بالكن شوي
ما بيصير تنحل القصص بهل طريقة بنوب انا براي فكر كمان مرة يعني مشان شخص واحد بتخسر كومة عالم بيحبوك وبتحبن |
حبيب ع هالحالة كنت أنا انسحبت من زمان ... صار معي كتير مواقف و مسخرات و اتجاهلتا
كبر عقلك وعود عاقل ... يعني ما بدنا نخسرك ولووووووووووو :tears: :jakoush: :jakoush: :jakoush: :jakoush: بليييييييز :( |
اقتباس:
و شاف وضعي أني ماني قدران و مستحيل اقدر نزّل دروس بالوقت الحاضر ... "سيد المكاوي" عم يتمسخر على لغة المسيح وعم يزت حكي شروي غروي ... لو كان بدو يتعلّم ما كان الواحد بيحكي شي و بيقول والله عم يمزح الزلمي بس الأخ حب يزت كلمة و يروح ... و ما بقدر ضل لأنو في عالم عم تقلل من قدر لغتي و عم يهينني .. ملاحظة :ما رديت على حكيو لأنو بيهمني الموقع. شكراً |
اقتباس:
أنــــي أقووول أحقر كلامه يا سيمون وخليك أعقل منه عندنا مثل خليجي مشهور يقول " الحقران يقطع المصران ":D :) واعتبر ردوده مو موجوده ولااا كأنك شايفها وبس :D |
هدي حالك يا سيمون وبنصحك لا تنسحب:ok: :ok: :ok:
|
اقتباس:
لا تنسحب تحياتي |
طول بالك يا سيمون موو مستاهلة شو هو صاحب المنتدا شو مومستاهلة هو شوية حكي وبينتسا
خليك معنا يا حبيب وطول بالك انت اكبر من هيك |
شو هالحكي سيمون هلاء مشان واحد متل سيد مكاوي بدك تترك الاخوية هاد مو حكي يعني كنت بدي اكتب بس كلمة لاتعليق لانو اذا مشان واحد متلوا بدنا نترك لكن سلام على الدني :frown: :frown: :frown: :frown: عودي عديارك عودي |
له يازلمي معقول تنسحب لهيك سبب
انا ما شفت ردود المكاوي بس اذا كانت بتستاهل لازم تنحذف اقتباس:
|
شو سيمون لوين رايح راح حطلك كلمتين واكيد شخص فهمان زيك راح يفهم قصدي منهم
احبوا اعداءكم. باركوا لاعنيكم. احسنوا الى مبغضيكم. وصلّوا لاجل الذين يسيئون اليكم ويطردونكم. لكي تكونوا ابناء ابيكم الذي في السموات. فانه يشرق شمسه على الاشرار والصالحين ويمطر على الابرار والظالمين ===== الرب يباركك سيمون وما حابين نخسرك |
شو عم تحكي انت يا زلمي روء شوي وفكر الي مين بدو ايساعدني على صياد والشباب مشان البرازيل خلص روء شوي وارجع واشخاص متل المكاوي انا يعني اول ما فات على المنتدى ما كان خرج بس بعدين حسيتو ظبط حالو اما هلا رجع لمتل ما كان انا بنصحوا يعتزل اما انت اذا بدك تترك مشان واحد من شكلو هاد مانو رايك سيمون انت ما ابتعمل شغلي ما بتكون امفكر فيا ....سلام
|
له له له :tears: لك لوين رايح يا سيمون هيك لح تزعلنا منك :(
شو بدك في لهاد مكاوي ((((( سماع وسطح ))))) :pos: خليك هون حبيب قلبي إنت :sosweet: أنا بالنسبة إلي مابخسرك منشان مكاوي :pos: |
اقتباس:
رح نعلق مع بعض بالنهاية. يعني أنت هيك وصلت الغبي للي بدو اياه :blow |
يمكن يزعل مني سيمون بس رح أحكي يلي بيريحني
يعني عنجد شي بيضحك أنو مابعرف شو سمي تصرفك ؟ تصرف قوة أو ضعف شخصية ؟ و الله ماني عرفان الغلط أنو منلجأ دغري للحلول الأستسلامية بصراحة ماني حاسس أنو المشكل ب سيد مكاوي المشكلة حاسسها بسيمون سيمون في عندك شي أسمو تنبيه عن مخالفة إذا بتحس مكاوي غلط كبوس هالكبسة يا عمي و بعات يعني بتلاقي من الصح أنو كل ما واحد شاف شخص مابيعجبو بيجي بيترك و سيمون بلا زعل عنجد يعني أنت غالي و بغلاوت الكل موضوعك تبع اللغة الأشورية يلي كان بالصالون القديم أنت بتعرف شو كانو الشباب عم يعلقو عليه و بتعرف شو صار بأخر 7 صفحات و ما كانت عندك ردت هالفعل يلي بسميها بالمفاجئة يلي ما ألها مبرر بس تأكد من شغلة كلنا رح ندايق إذا تركت بس إذا بتلاقي أنو هذا الحل السليم بالنسبة ألك و أنو بخروجك هيك بتكون حافظت على لغتك و حميتها من الأهانات فبقلك الله معك و موفق يا سيدنا و بعتذر منك من جديد سلام :D |
سيمون هاد المنتدى بكتير من الأحيان بصير مشاكل من هاد النوع بس بالنهاية أنت صديق الكل أنا ما بعرفك شخصي بس عرفتك هون من كتابتك ومواضيعك خطأ شخص واحد ما بيعني تتركنا كلنا
واذا بتهمك أخوية........ طول بالك ولا تزعل....... |
كل الهقدر اقوله ايه من الانجيل
طوبى لكم اذا عيروكم وطردكم وقالو لكم كل كلمه شريرة باسمى كاذبين افرحو وتهللو فى هذا اليوم سيكون اجركم عظيم فى السماء:D |
يا حبيبي هلا انا طلعت الغلطان
اولا وقبل كل شئ فوتوا على قسم اللغة الأشورية وشوفوا شو ياللي كتبتو وشو اللي صار اولا واقسم على ذلك انا لم اتهجم على لغة سيد البشر المسيح ثانيا في الأساس والله ما بعرف ان هي لغة المسيح ثالثا اعجبتني فكرة موضوع اللغة الأشورية وحبيت شوف لغة جديدة ولمن فتت على الموضوع وجدت اسلوب شرح اللغة عقيم وما فهمت اشي فمن باب المزاح كتبت ما نصة ويمكنكم الدخول وقراءة تعليقي الأول اشر شرشور مناشر اش اش تعني بالأشورية عمركم ماراح تتعلموا لغة اشورية والله هذا ما كتبتة بالنص ومن باب المزاح وعندما فتت على الموقع فوجئت برسالة خاصة وهي عندي في البريد اللي بدو امررلو اياها انا حاضر من سيمون يقول لي فيها انا مابدي كبر حكي معك ولكن اذا فتت على قسم تعليم اللغة الأشورية راح تسمع كلام اكتر من كتبتة عنك وعندما تفاجئت بهذة الرسالة فتت على تعليم اللغة الأشورية ووجدته قد كتب عني اني واطي وكلام اكتر من هيك تقدروا تفوتوا وتشوفوا شو كتب من تعليق على في قسم تعليم اللغة الأشورية المهم انحرق دمي من تعليق سيمون ورديت على بنفس تعليقه اللي كتبه ان هو اللي واطي ثم عاد ليكتب هنا انني سافل واحب ان اقول له انت اللي سافل وواطي وحقير ولو ماعجبك انطح راسك بأكبر حيط |
أخي سيمون انا هلا بعتذر منك امام الجميع وياسيدي حقك علي انا غلطان
وارجوا منك ان تسامحني ولو تبغاني انسحب انا من المنتدي مستعد ولا تزعل خيو الموضوع كله سوء تفاهم وانا ما كنت اعلم بالظروف اللي انت بتمرؤ فيها ويا خيي احنا في النهاية اخوة من اصل واحد من ادم وحوا وانا لم اقصد ابدا اهانة الأشوريون او اللغة الأشورية والأشوريون كلهم على عيني وراسي خلاص انهي الموضوع ولا تترك المنتدي :D |
كده انت تمام ياسيد يامكاوى:D
يلا بقا اقبل اعتذرة وقول له حليب ياقشطه صافى يالبن:o |
مرحبا
انو سيمون انا كمان بقول متل مجد لانو بالفعل هوي بس قريت تعليقو عالموضوع كتير مهضوم وضحكني هوي ما قصدو شي طيوب وحب يمزح فياريت انو تفهم عليه شوي مو دغري تزعل:D |
هلق سميو اكيد خلص
بما انو سيد مكاوي ما بيقصد اهانة واعنزر خلص خلي كلشي يرجع متل ما كان وبتمنى من سيد انو يحسن اسلوبوا بالاخوية مشان نصير متل ما قال اخوة نحنا الكل وعلى راسي والله :D :D :D :D :D :D :D |
اقتباس:
سيمون أنت العاقل أنت الفهمان الهادي لا زم ما تنزعج من هيك تعليقات سخيفة لأنو كل وعاء ينضح بما فيه لازم تكون أكبر من هيك وما ترد على هيك أشخاص موتورين أنبطاحين أنا بتمنى من كل قلبي أنك ترجع عن هادا القرار يلي فيه شوية غلط وكلنا معك ياسيمون |
:jakoush: :jakoush: :jakoush:
ألله يثبت العقل و الدين |
:jakoush: :jakoush: :jakoush: :jakoush:
شو الموضوع سورية تنسب من البنان مفهوم بس سيمون ن المنتدى مستحيل وفراقك صعب بس نحنا منوقف معك ضد ضغوط المكاوي وامريكا والقوى الرجعية :gem: :gem: :gem: :D |
سيمون ما معك حق تزعل
السيد مكاوي ما حكا شي ومبين عليه انو كان عم يمزح وكمان اعتذرلك مع انو ما غلط فضوها خلص |
ولك سيمون معقول انته ؟؟؟
يعني ما بدي عيد نفس حكي الشباب ... بس معقول تنزل مستواك ...لعند سيد بطيخاوي ؟؟ عنجد انا رح ازعل منك ... لا تروح بلييييييييييييييييييييييز :tears: |
أول شي بشكركن شباب و صبايا ...
بس بدي اسألكن سؤال : اذا كنتو محلي و كانت العسكرية عالبواب و ملتعن سلافي بين محافظات القطر من حمص و حتى دير الزور مروراً بالحسكة و حلب...و أكيد آخر شي رح يبعتوني عالشام بهالأسبوع و كلو مشان شقفة فحص طبي .. بجي بدي روق شوي و أنسى و أقعد عالنت بآخر النهار و احكي مع صحابي و أحبابي ..بقوم بشوف رد استفزازي و فيه الكتير من المسخرة من "مكاوي" شو برأيكن أعمل .. اسكت عن هالشي ..!! يا ريت تفكرو شوي باللي عم مر فيه .. |
اقتباس:
استمر في هذا المنتدى واعمل بالمقولة ( داروا سفهاءكم ) لك تحياتي |
خيو روقولي الحالي كلنا هون أخوي و مو مستاهلي الحكايا ..
|
اقتباس:
بس مابعرف يلا سيدنا المهم مرقت على خير و ماخسرناك و ماخسرنا حدا سلام |
نتمنى من الجميع المجبة
|
اهلين برجعتك ابو السيم وانشاءالله ابتمرق العسكرية على خير...:ok:
|
اقتباس:
معلش اخ سيمون عامل فيها وائل كفوري وانا رايح بكرة عالجيش.وبعدين شو ما حدا غيرك خدم جيش :blusted: :aah: والموضوع ماببيستاهل يعني كل ه ا الشي المكاوي اعتتزر بس انت شكلك عامل فيهاقضية ا لشرق الأوسط والمكاوي حب يمزح معك وما أهان لغتك المقدسة فتح عيونك منيح وبتشوف مواضيع منحطة اكتر من موضوعكم البعض بينكروا اصلن السوري وانو على راسون ريشة من دنب طاووس ولا عاجبون شي و مادام لغتكم لغة السيدة المسيح بحب ذكرك بأنو سيدنا المسيح كان من صفاته التسامح سامحو سامحكم الله يوم القيامة |
خيّو شو بيك ما بينمزح معك يعني يللي بعرفو انو السيد مكاوي
مهضوم وبحب المزح شو فيها اذا حب يخفف عنك بمزحة ما معك حق ابدا |
اقتباس:
انا برايي يترك لانو طلع مو قد الحمل ونحنا هون اخوات مو لازم يتركنا بمشكلة صغيرة اذا هيك بدك انقلع |
اقتباس:
احترم حالك IMPERIAL RORO .... |
ليش شو حكينا هوي بدو يترك خلص لا تنقلع
|
اقتباس:
|
| الساعة بإيدك هلق يا سيدي 21:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون