|
شو رأيكم.. عسكر الريس شلحو محل الخضار بدون دفع الحساب
وانا ماشي في شارع من شوارع حمص او الشام او حلب او اللاقية ( المكان لن اذكره حتى لا ازعج صاحب دكان بيع الخضار والفاكهة)
المهم الزلمة صاحب الدكان عمره فوق ال 60 سنة ودايم اشتري منه الخضار والفاكهة.. جيت قبل فترة بسيطة لاشتري منه ووجدت المسكين يبكي.. عمو ليش تبكي؟ قال الله وكيلك جت سيارة عسكرية فيه 2 عساكر وحملوا السيارة من كل نوع واخذوا باكثر من 6000ليرة وسالت العسكري وين الحساب رد بكلام قبيح وقال اخرس ... وقيمة الموجود كله لا يتعدى 13000ليرة قلت( وانا مغترب جاي من الكويت) عمو هيك حركات مو مسموح بيها؟ قال لا هون مسموح بيها وما انا الوحيد اللي يشلحوه.. ذمتكم عجوز يبكي وشلحوا له نصف محله بعسكر الجيش السوري المحترم... هل تجدون مثل هذا التصرف القبيح في اي دولة من دول العالم؟؟ وين الاصلاح يا دعاة الاصلاح؟؟ |
بتشوف كتيييييير من هالحكي
نحنا تعودنا على هالحركات انو لسى انت مصدق انو في اصلاح هاي كذبة من الكذبات الكتيرة |
اقتباس:
willi شكرا لردك واشوف الشباب خايفين من الرد؟؟ |
مو خايفين ... مو مقتنعين بكلامك
|
اقتباس:
التشليح طريقة كان المعلم فيها رفعت الأسد.. أكيد ما انت عايش في سوريا |
الله يردك ويرجعلك يا أبو دريد للبلد ... أصلاً ما حدا بيربي هالشعب غير الدكتور رفعت الأسد
|
فضحت نفسك
وان شا الله يرجع لان مكانه سجن تدمر هههههههههههههههههههههههههههههههههههههه |
اقتباس:
بتكتب موضوع سخيف(مع احترامي لشخصك الكريم.. ) وبدك ردود من العالم ؟؟ يعني انته بتعرف ليش شالو خضرة الزلمة ؟؟؟ لأنو الدولة عاملة ارصفة ليمشوا عليها العالم ...مو لنحط الخضرة عليها...وينجبروا العالم غصب عن راسهن انو يمشوا بالشارع ......ولا سمح الله تضربهن السيارة ... ومشان رفعت الاسد الله لا يردو... |
ازا عم يزيلو كل شي عن الارصفة.. ليش ما بيشيلو هالشباب بلي بحطو كراسي و اركيلة و بيبلطو عالرصيف .. ليش ما بيشيلو السيارات يلي بتصف فوق الرصيف او نص نص .. ليش اصلا ما زبطو هالارصفة يلي نص بلاطاتا مخلعة ...
|
اقتباس:
الي موضوعه سخيف الي يدافع عن المجرمين لصوص النهار مكان الزلمة دكان ب 4 جدران مو أرصفة.. الظاهر انك من جنود الريس.... عيب سوريا كل من يزورها يرثي لحال شعبها الغلبان |
خيو اذكور اسم المحل لانو ماني متاكد من هالشي...:frown:
|
لك الله لايردو يلي بجيب سيرة رفعت ال....... :aah:
يعني فرضا مو صحيحة القصة ماشي :pos: لك شايفين أبشع من هيك بمليون مرة :frown: يعني هلأ صار لازم يكون في دليل بس يلي بحب يكزب على حالو الله يعينو و يلي بحب انا بفتح الكليشة المعتادة من هون لبكرة الصبح :frown: |
اقتباس:
بس صدقني أنا ماعم برر بس متل ماقلنا في أصلاح و في أرصفة معمولة و في شغلات كتيرررر تظبطت و يلي بيقول غير هيك بدون زعل ف هو كذاب لأنو يلي بينزل على حمص و بيشوفها مابيعرفها كيف كانت من 4 سنين و اليوم كيف صارت و غير قصص في شغل بس يمكن بطيئ شوي بس برجع بقلك أنا برضى بهالفساد على أنو شوف أسرائيلي مركعني تحت رجليه مشكور :D |
الله حيك يا غالي
هادا الكلام الي بينسمع نحنا ما عم نقول انو سياسة سوريا صحيحة 100 % بس الأصلاح شغال وتزبيط البلد ماشي ... ولو ببطئ يعني لو هلأ أجا أي رئيس تاني ...رح يعمل إصلاح أسرع من هيك ... ورح يعمل تغيير أكتر من هيك خليكن متفائلين و أمشو مع مسيرة الأصلاح وساعدوا فيها ... مو بس نحط العصي بالدواليب |
اقتباس:
وبعد الضمانات نفتح تحقيق مستقل برعاية حقوق الانسان وهيك تنحل المشكلة:p ونرجع له حقوقه المغتصبة بس مين يعلق الجرس ويتحمل الضمانات؟ ريجاءا لا يرد أحد ويقولي نفتح التحيق برعاية دولية احنا ناقصين مشاكل؟;-) بعدين يدخلوا في العملية أن الخضار والفاكهة كانت تهرب للمقاومة العراقية:o :o :o |
لأ بجد شو رأيك تسلم الموضوع للجنة التحقيق الدولية بما أنها موجودة و موجودة بالمرة بتحقق بالموضوع ... ( سلب بائع الخضار بضاعته )
|
Barada !!!
أتطلع عندك خيارين يا هيك < يا هيك > يا حراااام شو ... :pos: |
اقتباس:
وغصب عنه......... ينتحر.... او ينحر مين الوزير الي ترشحوه؟؟؟ لاحظوا بعد انتحاره بيتهموه انه تأثر من خبر صحفي فكرامة الزلمة حضرة الوزير ما تحملت النقد فانتحر؟؟ الله يرحمه كان انسان ثوري ومخلص وخدم لبنان ... واليونسكو و جمعية التعاون بالقامشلي وادلب..كان طيب؟؟ |
و لك انتو جماعة حمص :aah:
مو شايفين بالدنية غير حمص نزلتو عل شام و شايفين كيف صايرة :jakoush: :jakoush: لك مطرح تحط رجلك فيو مو صفيان :x و علما انو هي واجهة البلد و بعدين حبيبي الإصلاح مو بالبلاط المقبع و دخنة السرفيس و عجقة باصات النقل الداخلي لأ انتو بتعرفو شو جوانب الإصلاح يعني هي رصيف يلي حولين القيادة القومية خيلة و من أحلى ما يكوون بخلوك تمشي علي لك بطقة الشمس و مافي فيّ غير هنيك كان العسكري يقلي نزيل عن الرصيف :jakoush: هي مجرد مثال تافه :notok: مع ذلك مو هون لازم يكون الإصلاح الإصلاح الحقيقي هو يبدا من اللب و بعيد القشور بتصير بتجواوب من اللب الصالح و لا عد حدا يجيب سيرة الأرصفة و يقول تعو شوفو حمص ما أحلاها لأنو هي المسائل أسهل شي يضحكو فيا علينا مشان نقول في اصلاح بس ما حدا رح يصدق غير يلي ناوي يعيش يوم بيوم يلي مو ناوي يعيّش ولاده بهناء :pos: سلام |
اقتباس:
يعني ماتقارنلي ياها بدول أوربا و أميركا مثلا بالنسبة للدول العربية أنا متأكد أنو عيشة بسوريا أشرفلي 10000 مرة من أي بلد عربي تاني بعدين نحن تبعوت حمص مقتنعين بحمص شبها حمص يعني مابدي قلك أنو كاملة بس ظبطوها شيل القشور التعديل يلي عم يصير بالقضاء هلق كمان قشور ؟ بس فهمني شو هو اللب بالنسبة ألك ؟ و برجع بأكد نحن مانا صح بالعكس في أخطاء كتير و في فساد كتير بس مابقلك أنو مافي أمل سلاماتي ألك سيزارو :D |
حبيبي مجود
انا مو قصديحمص بالذات او شي الله يخليلكون ياها :p بس قصدي انو مالازم نحجم موضوع الإصلاح بمعناه المادي بس لازم يكون على جميع الأصعدة انا مارح اسكوت عن موضوع الإصلاح لحتى يلتغ نظام الطوارئ و ماعد شوف ولا جيب عسكري داخل المدن و المناطق المدنية :jakoush: ولا شوف شرطة عسكرية ماشية تلطم بهاد و هداك :jakoush: هاد اللب يلي لازم يتغير طبعا هدول يلي تزكرتون هلأ بس طبعا في كتيير و انا ما عم قلك تصير سوريا متل أوربا او أميركا لأ كمان هيك ما بصير انا بدي سوريا ترجع متل أيام أول لك اي معلش ترجع للعشرينات لك كان الفرنسي بالبلد و مافي هيك مشاكل :jakoush: بس نحنا شاطرين نستقوي عل غريب :D و تحياتي |
يعني بكل دول العالم السيارات العسكرية بتدخل جوا المدينة ... وبيكون ألها شغل
وبكل دول العالم الشرطة موجودة بكل مكان ...اذا مو الشرطة العسكرية ..العادية يعني ... التصرف هادا طبيعي ... ولا كيف بدك تضبط البلد .. وعمري ما شفت الشرطة العسكرية عم تتحارش بحد ..ولا بتضرب بحدا بدك سوريا ترجع من أول ... كيف يعني ؟؟؟ بدك كل كم يوم انقلاب و تفجيرات و مظاهرات ... |
لا مو كل دول العالم السيارات العسكرية بتفوت عل المدن
مثلا هون بالدوحة بحياتك ما بتشوف سيارة عسكرية لك صحيح انو اكبر تجمع للقوات الأمريكية بس وحياة الحكومة يلي بتحبا ما بتشوف الون حس او اثر دولة بتحتر شعبها و حرياتو ما بتخلي الجيش يمشي براحتو و بالنسبة للشرطة انا ما جبت سيرة لأنو اسمون امن داخلي فهي شغلتو التواجد وين ما كان بس والله كمان و انت ماشي بامان الله ما تلاقي غير واحد واقف جنبك وشو معو روسية (بارودة) و مدني كمان هيك بنص الشام بكون بيت شي كلب من الكلاب بشي بناية بالحارة مشان يفرض شخصيتو عل موضوع بيوزع زلمو على مبدا المافيات :frown: هاد يلي انا عم احكي عنو |
اقتباس:
بس هي تبع الروسيات و المافية و الله لسى مامرقت على راسي و ماسمعت فيها :pos: |
حبيب أنت عم تقارنها بقطر ...
قطر عندها جيش ..عندها وجود قوات ...قارنها بدول قريبة سياسياً وعسكريا وحتى الجيش الأميركي ..ليش فكرك ما بيفوت ..لأنو محترم ..أكيد لأ لأنو بيخاف الأحتكاك مع الناس بعدين بدو يدخل على المدن شو بدو يساوي ؟؟؟؟ اذا كل شي واصلو محل ما هو ..شو بدو بالنزلة أما شركي واقف بمكان مهمتو ...شو بدك ياه يحمل بدل الروسية ..عصاية مثلاً ؟؟؟ |
اي طبعا ازا فات شو بدو يساوي مو هاد انا يلي عم احكي الجيش عنا ليش لينحط القطع تبعو بنص المدن لك عند المرديان في كتيبة معقولة هيي
و بعدين مشان الزلم يلي معون روسيات شفلي بالله يلي بوقفو عند مقرات احزب لك حزب سياسي كما هوي مفروض شو الو معنى عنصر مخابرات يلطي قدامو و بنص الشام و معو روسية و لا تقلي هات مثال لأني رح قلك روح على اي فرع لحزب البعث و شوف بعينك يعني هلأ عم تناقشو بموضيع مفروغ منها و مو هي المطلوب اصلاحه هي بتجي تحصيل حاصل |
اول شي سيزار مابدي ينقلب نقاشنا ل خناقة ...
بس انته عم تقارن دولةقطر(اللي تلات رباعا يهود) مع سوريا .... اي وطبعا ما رح تلاقي قطع عسكرية هونيك بداخل المدينة ..لأنو كلها على بعضها ما بتسوا (ضرطة بسوق النحاسين ) من كتر مانها صغيرة ...وبعدين هيي بحالة حرب مع اسرائيل شي ؟؟؟ اكيد لأ ...لأنو كيف الواحد بدو يقاتل حالو .. اما سوريا ..فهيي محاصرة من كل الجهات (شرامي* لبنان من جهة و مناي* اسرائيل من جهة و اميركا حيشا السامعين من جهة ) ومابدك يكون في قطع عسكرية جوا المدينة ؟؟ يعني لما بتصير شي حرب لا سمح الله ...العساكر السوريين بيقولوا للأميركان stop لا تضربوا المدينة لسا ما وصلنا هلق نحن عالطريق وبدنا شي نص ساعة لنوصل ...بس نوصل بتقدروا تضربوا صواريخكن .. هيك بدك يعني ؟؟؟ :aah: :aah: |
:lol: :lol:
الله عليك يا يامن نسيتني شو بدي احكي :p و مين قلك انو نص قطر يهود هاد كلام مو صحيح بس الصفة التانية تبع النحاسين ظابطة :p |
ممكن سؤال؟
راخ أتطفل وأسئل؟ نفرض أن القصه صحيحه 100% طيب لو راح صاحب الدكان وبلغ على هالعسكري؟ ماهو أفظل؟ راح يرجع له حقه والعسكري يروح فيها :D تحياتي |
:lol: :lol:
هلأ عندك تلت احتمالين مافي غيرو انو الزلمة راحت علي فرضا فرضا فرضا راح الزلمة و انضرب على قلبو و اشتكى يعني ممكن يفتحولو محضر ليش لأ بس هات يصير شي و بعدين العسكري مو بكيفو اجا سرق هل سرقات مأمور من يلي أعلى منو سماع هل قصة : أثناء احداث حماة و يلي صار فيها كتير مجازر و انتهاكات (مو هاد المهم) المهم انو في ضابط كان عم يأمر العساكر انو يشلحو النسوان الذهب يلي لابسينو آم في عسكري عم يشلح الحروة سوارة و ما عم تنشلح من أيدها آم الضابط و ببساطة بقلو قطاع ايدها و وقت العسكري ما قبل الضابط حبسو و خلى عسكري تاني ينفذ المطلوب هي مثال آخر على لا مبالاة أغلبية الضباط :jakoush: مشان هيك الحقوق مهضومة |
:tears: :tears: :tears: :tears:
أجل الحمد الله انه مابلغ ولكن راح باقي الدكان إذا ماراح كله :( |
اقتباس:
|
اقتباس:
شكرا على المشاركات:D خذوا حريتكم بس مشان الله ما ينتحر أحد:( بعدين يؤلوا: انتحر بسبب كرامته :aah: لأن ابداع حاول يورط الزلمة يشتكي وبعدين صاحب الخضار اعترض بشدة شو قال: ابني كلهن حرامية ولصوص نهار:( بدك تخرب بيتي؟ ههههههههههههههههههه بيتي اصلو خربان خربان.. بلا امة عربية واحدة عنا حفنة صغيرة متحكمة في رقاب الشعب الغلبان:o :o :o |
| الساعة بإيدك هلق يا سيدي 07:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون