|
العلمانية.. الالحاد.. وشوية حكي
احيانا بيصير لغط وخلط بين مجموعة مفاهيم..
وبيصدر عن اشخاص حكم على أمور وبأمور ما بيكون هادا الشخص فهمانها أصلاً.. لذااااااا.. وجب التوضيح.. رح أحكي عن مجموعة من المصطلحات اللي عم يتم تداولها بالفترة الاخيرة.. وبتمنى تساعدوني.. |
لكان يلا شوقتبنا :D
|
الإلحاد وصف لاي موقف فكري يرفض الايمان بوجود الالهة والالحاد بالمعنى العريض (أو الصرف) هو عدم الايمان بوجود الله.
الملفت للنظر أنه ليس هناك تعارض بين الالحاد والدين فالبوذيون بالعادة يؤمنون بدين ولكنهم لايؤمنون بالله.. وكلمة الالحاد تحمل نفس معنى اللاربوبية .. والملحد هو نفسه اللاربوبي.. الملحد الإيجابي ينفي وجود الله وقد يستعين بنظريات علمية وفلسفية لإثبات ذلك الملحد السلبي يكتفي فقط بعدم الاعتقاد بالله نظرا لعدم قناعته بالأدلة التي يقدمها المؤمنون |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الله يرحم هاك الأيام |
اللادينية هي اتجاه فكري يرفض مرجعية الدين في حياة الإنسان ويؤمن بحق الإنسان في رسم حاضره ومستقبله واختيار مصيره بنفسه دون وصاية دين أو الالتزام بشريعة دينية، وترى أن النص الديني لا ينطوي على قداسة خاصة ولا يعبر عن الحقيقة المطلقة.
لكنه لا يرفض فكرة وجود الله.. بمعنى آخر اللاديني يؤمن بوجود الله لكنه لاييبع دينا معينا إن كل ملحد هو لاديني ولكن اللاديني ليس ملحدا |
اقتباس:
بس موضوعي أكبر شوي من موضوع كريم .. مع انو متأكدة ما رح يكون غني بالمشاركات متل موضوعو.. |
اقتباس:
حطيتو مشان يللي بيقرا هالموضوع .. يقرا كمان هداك الموضوع |
اللاأدرية أو الأغنوستية مذهب ديني يؤمن باستحالة التعرف على وجود الله و التوصل لهذا الإيمان ضمن شروط الحياة الإنسانية. يعني الخالق اكبر من مقدرتنا على ادراكه ومعرفته والتوصل اليه
الذات الإلهية بالنسبة لهم موضوع غامض كلية و لا يمكن تحديده بسبب قصور أدوات الانسان الادراكية .. يجب التفريق بين اللاادرية الاغنوستية وبين الغنوصية اللي تسمى كمان ب ( العارفية أو العرفانية) هي مدرسة عقائدية أو فلسفية حلولية نشأت حول القرن الأول الميلادي وتحوي فلسفات وتعاليم باطنية ولا تتعارض مع الديانات التوحيدية |
الزندقة عبارة عن مصطلح عام يطلق على حالات عديدة, يعتقد أنها أطلقت تأريخياً لأول مرة من قبل المسلمين لوصف أتباع الديانات الوثنية و الدجالين ومدعو النبوة
ولكن المصطلح بدأ يطلق تدريجيا على الملحدين و أصحاب البدع و لكل من خالف مبادئ الاسلام الأساسية. |
العلمانية: تعني فصل الدين والمعتقدات الدينية عن السياسة والحياة العامة.
العلمانية سياسيا هي حركة في اتجاه الفصل بين الدين والحكومة (وغالباً ما كان يطلق عليه الفصل بين الكنيسة والدولة)، والقضاء على التمييز بين المواطنين على أساس الدين - من المهم معرفة أن العلمانية ليست في موقع مقابل للدين .. ولا تذهب لانكار الدين او الذات الالهية .. انما يرى الكثير من الباحثين أن العلمانية تكرس حرية الاعتقاد وتكفل مقدرة المواطنين على ممارسة شعائرهم الدينية لأبعد الحدود.. من المهم أيضا أن نعرف أن هناك رجال دين اسلاميين وعلمانيون في نفس الوقت امثال : محمد شحرور . جودت سعيد. خالص جلبي. محمد أركون |
الديمقراطية الليبرالية النيو ليبرالية
يتبع................................ |
حلو حلو ناي مستنيين التتمة :D
|
الملحد ما بيؤمن بالله وبيعتبرو غير موجود لأنو ما عندو أدلة ملموسة يلي بتخليه يتعرف عليه..(يعني بيحكم عقلو)
اللاأدريين أو الأغنوستيين..بيعتبرو أنو الله ما فينا نفسرو بشكل علمي لأنو أكبر من قدراتنا بسبب أنو إله..(يعني عالعمياني) يتبع اليتبع............... |
حلو ناي
متابعين معك ومارح نعطي آراء حتى تنتهي من التعاريف |
الديمقراطية:
لغويا بتعني حكم الشعب.. سياسيا للديمقراطية رُكنان: حُكمُ الأكثريّة و حمايةُ حقوق الأقليات و الأفراد، وتحوي عدة مبادئ.. من النادر ايجاد جميع المبادئ في نظام حكم واحد
الديمقراطية المباشرةو تسمى عادة بالديمقراطية النقية وهي نظام يصوت فيه الشعب على قرارات الحكومة مثل المصادقة على القوانين أو رفضها وتسمى بالديمقراطية المباشرة لأن الناس يمارسون بشكل مباشر سلطة صنع القرار من دون وسطاء أو نواب ينوبون عنهمكما هو حاصل في سويسرا الديمقراطية النيابية وهي نظام يصوت فيه أفراد الشعب على اختيار أعضاء الحكومة الذين بدورهم يتخذون القرارات التي تتفق و مصالح الناخبين. على الهامش الديمقراطية مفهوم واسع ومتشعب كتير واي توضيح انا جاهزة |
الديمقراطية الليبرالية
يتم الخلط خطأً بين الديمقراطية و الديمقراطيةالليبرالية (الحرة)، ولكن الديمقراطية الليبرالية هي بالتحديد شكل من أشكال الديمقراطيةالنيابية حيث السلطة السياسية للحكومة مقيدة بدستور يحمى بدوره حقوق و حريات الأفراد والاقليات (و تسمى كذلك الليبرالية الدستورية). ولهذا يضع الدستور قيوداً على ممارسة إرادة الأغلبية. أما الديمقراطية غير الليبرالية فهي التي لا يتم فيها احترام هذه الحقوق و الحريات الفردية. |
الليبرالية كنظام سياسي
تقوم الليبرالية على الإيمان بالنزعة الفردية القائمة على حرية الفكر و التسامح و احترام كرامة الإنسان و ضمان حقه بالحياة و اعتبار المساواة أساسا للتعاون و منطلقا لإحترام الأفراد وضمان حريتهم و لا يكون هناك أي دور للدولة في العلاقات الاجتماعية أو الأنشطة الاقتصادية إلا في حالة الإخلال بمصالح الفرد و المجتمع. و تقوم الليبرالية أيضا على تكريس سيادة الشعب عن طريق الاقتراع العام و ذلك لتعبير عن إرادة الشعب و التخلص من الفساد في المجتمع و احترام مبدأ الفصل بين السلطات التشريعية و القضائية و التنفيذية و أن تخضع هذه السلطات للتعديل من أجل ضمان الحريات الفردية و للحد من الإمتيازات الخاصة و رفض ممارسة السيادة خارج المؤسسات لكي تكون هذه المؤسسات معبرة عن إرادة الشعب باكمله.. الحريات الليبرالية
|
الليبرالية الاسلامية
ظهرت العديد من التيارات الفكرية التي تدعو لليبرالية لإعادة تفسير النصوص الدينية وعدم الأخذ بتفسيرات رجال الدين القدامى حيث يرون أن الإسلام بعد تنقيته من هذة الآراء والتفسيرات فإنه يحقق الحرية للأفراد خاصة فيما يتعلق بحرية التعبير والاعتقاد من أشهر رواد التوجه الإسلامي الليبرالي فرج فودة جمال البنا سيد القمني وغيرهم. |
متابعة...:D
|
الراديكالية
يقصد بها عموما مرادف تماما لكلمة أصولية أي العودة إلى الأصول والجذور والتمسك بها والتصرف أو التكلم وفقها ويمكن القول هي نهج أو سياسة تسعى لإدخال إصلاحات جذرية على النظام الإجتماعي القائم من معاني الراديكالية كذلك التطرف، أي النزعة إلى إحداث تغيرات متطرفة في الفكر والعادات السائدة والأحوال والمؤسسات القائمة... والصقت الكلمة بالأحزاب الماركسية والاحزاب اليميية المتطرفة.. وفي الوقت الراهن أصبحت الراديكالية كلمة مرافقة تماما للتيارات الاسلامية |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - فردوس وسامر وصديقي المجنون شكرا كتير للمتابعة .. حسيت الموضوع جاف كتير وما توقعت حدا يحبو.. وناطرة التعليقات |
المصادر:
الحقيقة انو ما في مصدر محدد للموضوع.. يعني اذا رجعت للمصدر ما رح تقدر تلاقي مكان معين فيه كل المعلومات اللي بدك ياها.. انما بشكل رئيسي: 1- موسوعة الويكيبيديا 2- مركز دراسات "مقاربات" 3- مساعدة كتير كبيرة من والدي الحبيب الموضوع بشكل عام اكتمل انما اذا خطرلي شي ممكن زيد بشكل دائم |
لا بالعكس الموضوع مو جاف في كثير مصطلحات فيها كثير اشياء بتنحكي
لك بدي اسئلك شو الفرق بين الديموقراطية الليبيرالية و الديموقراطية النيابية يعني ما فهمت ها الفرق بيناتهم ؟ و منكم نتعلم و شكرا :D |
الله يعطيكي العافية على الموضوع هالطرح الحلو
و الموضوع عن جد حلو كتير |
اقتباس:
|
اقتباس:
يعني بالديمقراطية النيابية بيكون في ممثلين عن الشعب عن طريق انتخابات بالبرلمان وكمان بالحكومة... وهادا الشي ممكن كتير يشكل خطر على الأقليات بالمجتمع .. يلي بيكون تمثيلها ضعيف بالحكومة بس لما بتدخل الليبرالية على الديمقراطية النيابية بتغير شي.. شو هوي هادا الشي؟؟؟ الليبرالية مو اتفقنا انو بتحمي حقوق الافراد؟ وانو الحرية الفردية بالنسبة الها اولوية.. وهيك لما بتدخل الليبرالية كنظام سياسي على الديمقراطية البرلمانية بيكون في دستور بيحمي الاقليات والأفراد والحريات بالمجتمع حتى لو ما كان لهي الاقليات تمثيل بالحكومة او كتلة نيابية بتحميها.. مشان هيك منشوف بأوروبا انو حتى مثليي الجنس حصلو على حقوق وحريات رغم انو هنن اقلية ومستحيل يكون الهون قوة بالبرلمان لكن نظام الديمقراطية الليبرالية بيضمن حقوق جميع الافراد وحرياتهم |
يسلمون ناي الغالية الموضوع كتير حلو
بس سؤال هلق ديكتاتورية البوليتاريا مو بيقصد فيها تركيز الحكم في يد البورليتاريا أو لا و اذا في شي تعريف مرتب الها :D على راسي |
انو الله يعطيكي العافية ... ناي .. :gem:
بس سؤال من فترة كنت بمهرجان الشيوعيين يلي صار بالشام .. نص الخطابات كانت عم تهاجم الليبرالية ... انو يا انا فهمان الليبرالية غلط .. يا هني ... يا اما هني فعلاً ضد الليبرالية ! :shock: ممكن توضيح !:? :D |
اقتباس:
تسلمي لي ناي :D |
اقتباس:
هلأ نحنا اتفقنا على انو الليبرالية مفهوم عام .. ولما بيكون نظام ليبرالي بيكون بيقدس الحريات الشخصية وبيحافظ عليها تحت نظام ديمقراطي برلماني غالبا.. هلأ في شي اسمو اقتصاد السوق او الاقتصاد الحر واقتصاد السوق هو النظام الاقتصادي لليبرالية وبيعني عدم تدخل الدولة فى الانشطة الاقتصادية وترك السوق يضبط نفسة بنفسه، لأنو حسب رأيهون انو بما ان الفرد ولد حر حرية مطلقة بالتالي فألو الحرية فى انو يقوم بأى نشاط اقتصادى... هلأ ليش الشيوعيين ضد.. لأنو النظام الاقتصادي الليبرالي "اقتصاد السوق" بالتأكيد رح يولد احتكارات وشركات ضخمة .. و رح يأثر على الشركات الصغيرة ويحاربها .. ورح يجمع المصاري بأيد المتنفذين .. يتبع...................... |
بشكل رئيسي سامان في نموذجين لليبرالية..
الليبرالية الامريكية والليبرالية الاوربية الفرق بيناتون الليبرالية الأوروبية باستثناء بريطانية بتجمع بين اقتصاد السوق من جهة وبين تدخلات الدولة في توفيرالحمايات الاجتماعية الضرورية للناس ، يعني بتحرص على اقـتصاد الرفاهية يعني باوروبا نظام الضمان الاجتماعي التأمينات بكل أنواعها والتأمين الصحي خاصة والتعليم كلو على الدولة وانظمة التعليم بالجامعة كتير بتدعم الطلاب.. وبيعتمدو نظام ضرائب تصاعدية بتعتمد على شرائح.. يعني كل ما كان دخلك اعلى كل ما كان الضريبة أكبر وبتصل الضريبة لخمسين بالمية من الدخل عن بعض الشرائح على خلاف أمريكا اللي فيها كل مين ايدو الو ومعك قرش بتسوى قرش .. الدولة بتقدم للعاطلين عن العمل مساعدات قليلة وللمشردين اماكن مؤقتة للنوم ونظام التأمين خاصة التأمين الصحي بيعتمد على شركات تأمين ضخمة وبيعتمد مبدأ الشرائح.. يعني قد ما بتدفع شهريا مقابل قسط التأمين بتكون تغطيتك التأمينية على الصحة أشمل.. وبالفترة الاخيرة كان عم بنحكى انو اوباما بدو يعمل نظام صحي مشابه لأوروبا.. ويلغي مسألة التأمين من قبل الشركات.. اذا في شي مو واضح خبرني سامان.. |
السبب الرئيسي لاختلاف الليبرالية الاوروبية عن الليبرالية الأمريكية هوي وجود أحزاب يسارية واشتراكية بكثرة بأوروبا.. وهي الاحزاب كانت قوة ضغط كتير كبيرة على الحكومات المتعاقبة ... وحافظت على مصالح الأفراد الاقتصادية المعيشية.. على خلاف الوضع بأمريكا..
انا بشوف وهادا رأيي الخاص .. أنو الليبرالية الاوروبية قدرت تقدم للانسان أكتر بكتير مما قدمتلو الشيوعية بالاتحاد السوفييتي على كل الاصعدة.. وهادا بيعرفوه تماما اللي عاشو بالنظامين على أرض الواقع.. |
كلام كتير ظريف..شكرا ناي
|
اقتباس:
|
وأحسن شي الواحد يعملو ...
انو ياخد كل مصطلح و يتعمّق فيه ....و بمصادرو ... واللي عندو رأي يحطّو هون ... متابع معك .... :D |
اقتباس:
:D |
رح نكمل بالمرحلة القادمة الحكي عن اليسار -الاشتراكية - الماركسية- الشيوعية - اللينينية - الماوية - التروتسكية- الكوسموبولتية - البروليتاليا - ديكتاتورية البروليتاليا وشوية حكي...
اذا حدا عندو اقتراح لمصطلح نضيفو للمجموعة بيكون حلو.. |
اليسار واليمين:
يرجع اصل مصطلح اليسارية إلى الثورة الفرنسية عندما جلس النواب الليبراليون الممثلون لطبقة العامة أو الشعب على يسار الملك لويس الساد عشر في اجتماع لممثلي الطبقات الثلاث للشعب الفرنسي عام 1789 وكان النواب الممثلون لطبقة النبلاء ورجال الدين على يمين الملك في ذلك الاجتماع المهم الذي ادى إلى سلسلة من الاضرابات والمطالبات من قبل عامة الشعب وانتهى إلى قيام الثورة الفرنسية. من الجدير بالذكر ان هذا الترتيب في الجلوس لايزال متبعا إلى هذا اليوم في البرلمان الفرنسي فروق اليسارية: -اليسارية في الغرب تشير إلى الاشتراكية أو الديمقراطية الاجتماعية في أوروبا -و الليبرالية في الولايات المتحدة ، من جهة أخرى فإن اليسارية في الأنظمةالشيوعية تطلق على الحركات التي لاتتبع المسار المركزي للحزب -الشيوعي وتطالب بالديمقراطية في جميع مجالات الحياة . |
هيدي الفقرة حبيتها كتير ورح توضح تماما الفروق بين اليسار واليمين وتحل كل اللغط والتخبيص بما يتعلق بهي الشغلة..
|
up
معناة هالحكي أنو أميركا دولة يمينية بسبب كونها بتعتمد الحل العسكري(لدرجة معينة)وبتعتمد النظام الرأسمالي..وبنفس الوقت يسارية لأنها بتدعم المساواة وحكومتها علمانية وقوانينها بتحدد ثقافة مجتمعها!! |
| الساعة بإيدك هلق يا سيدي 12:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون