|
الكـــرامة .. وموقعة الحسم
مرحبا شلونك .. ساعة ونص بالزبط وبتبدا مباراة الزعيم .. نسر اسيا وبسمة الكرة السورية .. نادي الكرامة العظيم
مباراة الايام مع نادي بيكامكس الفيتنامي .. والمبارة بحال فوز الكرامة رح يتاهل مباشرة للمباراة النهائية ضمن بطولة الاتحاد الاسيوي .. فمشان هيك كلنا حماسة من هلأ للساعة 7 ونص لعيون الكرامة الزعيم وان شاء الله بفوز ع هالفريق الجربان .. وبيطلع ع النهائي وبعيد انجاز نادي الجيش بموسم 2004 وحــــــــــــــــاجة تقول كاني ماني ... هادا الكرامة .. برازييييل تاني |
الكرامة 1-0 لسا الشوط الأول :gem::gem:
|
جوووول تاني :gem::gem::gem:
|
يلي بيحب يحضر المباراة ......
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
نهاية الشوط الأول .... 2-0 للكرامة الله حيووو:gem:
|
3-0 مع بداية الشوط التاني ........ والأهداف التلاتة بإجر محمد الحموي :p:gem:
|
كبير يا كرامة:gem:
|
الف مبروووووووووووووووووووووو ووووووووووووووووووووووووك والى المباراة النهائية
|
مبرووك فوز الكرامة العريض 3-0 وتأهلو للمباراة النهائية الي رح يلعب مع فريق الكويت الكويتي
|
ان شاء الله كمان الفوز على الكويت الكويتي
|
مبروك للكرامة
و النهائي سوري كرماوي انشالله |
الف مبروك .. وان شا الله النهائي .. كرماوي .. وسوري ..
ايمتا الناهئي ؟ |
اقتباس:
بس ما بعرف ليش اللعبة رح تكون بالكويت .... مباراة نهائية يعني ما في ذهاب و إياب ؟!! |
الله حيووو الكرامه :larg:
Go Karameh Go Go |
طبعا الاكل هوا بالموضوع انو اللعبة بارض الكويت النهائية
ليش؟؟ لانو ع اساس هي من الاول مقررة انو النهائي بالكويت (هيك حسبت ماعرفت) ومن حظ الكويت الكويتي انو راح ع النهائي والله يستر !! |
وحــــــــــــــــاجة تقول كاني ماني ... هادا الكرامة .. برازييييل تاني
بالإذن منك - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - 1 ... 2 ... 3 كرامة ياحياتي :clap: انشالله الفوز سوري كرماوي شباب ... صبايا بتمنى تكونوا معنا وتشجعوا الكرماوية بالنهائي :deal: |
ياويلي شو صرلي زمان ما شفت الكرامة عم يلعب هيك
يااااااه بتسوى هالمبارة مية مباراة لريال مدريد بدوري الابطال:lol: مبروووووووووووووووك كرامة ومنيح انو جمهور الاتحاد ما نفذ تهديدويلي هدد فيه مباشرة على الهواء على شاشة الفضائية السورية انو رح يكون السبب بمعاقبة نادي الكرامة لمدة سنتين النهائي اكيييييييييييييييييد للكرامة لاحلى نسووووووووووووووووووووووو وووور |
اليوم المباراة النهائية
شجعو الكرااااااااااااااامة:clap::y ahoo: |
خليون بقا ياخدو شي بطولة
والله بيستحقو اكتر الله يكون معون |
أنو حدا يعريبلي رب هل كول:frown:
|
كووووووول كرامة علاء شبلي :gem:
يلا كملوها شباب |
خسرنا باخر ثانية :x مشكلتنا ما منتعلم من اخطائنا :jakoush: |
يلا هارد لاك
انا كنت متوقعة الخسارة لانو بصراحة مافهمت كيف نهائي بينلعب بارض احد الطرفين بكل الاحوال عامل الارض لعب دورو اضافة انو لاعبي الكرامة يلي نزلو بالشوط التاني المندو ومهند ما لعبو مظبوط |
عنجد؟
مابعرف انو النهائي بالسانتياغو بس يلي بعرفو بالاتحاد الاسيوي السنة انو اختارو ارض النهائي من بين الفرق الاربعة يلي اتاهلت عالنصف نهائي يعني ماكان معلن من قبل وين النهائي رح يكون المفروض من قبل ما تبلش البطولة تصير القرعة وينعرف وين رح يصير النهائي مع انو معلوماتي بتقول انو النهائي ما بيكون بارض احد الطرفين ولامرة شفتا على فكرة |
هاردلك للكرامة
بس في نقطة حابي افهمها ليه فريقنا باخر اللحظات بخسر ليكون حدا ساحرنا او عاملنا شي عمل ؟؟؟ |
اقتباس:
ولازم يفوز والا شرشحة وبيضغط بكل ما عندو من قوة واكل فريقنا الكول وعادي |
اقتباس:
|
بشرفي شي بيحرق القلب .. مابعرف انا لهلأ مالي مصدق القصة شي متل الكابوس !!
كابوس ابطال اسيا وحرقة القلب نفسا عبتنعاد !! ياخسارة اخر دقائق ملعون اختا ضيعت فرحة كبيرة والوف الجماهير اللي كانت عبتستنى مافي شي خرج ينحكى بس شي مابيتصدق عنجد !! اقتباس:
|
| الساعة بإيدك هلق يا سيدي 23:54 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
