|
شو بدنا نطبخ اليوم ؟
هاد خصوصي للمغتربين :larg:
يا جماعة الخير نحنا طلاب بالغربة .... ومتل ما بتعرفو ... أصعب شغلة هي الطبخ فانو .... يا ريت حدا يتحفنا بأفكارو العظيمة ويقلنا .... شو ممكن نطبخ اليوم :p اليوم مثلا .... :x قلولنا شو نطبخ ؟:adal: |
بيض مقلي :p
|
بيض مقلي :p
أو لقلك زكرتني بأيام زمان لما كنا مغتربين بحلب كانت وجبة الصباح و الغداء و العشاء هي عبارة عن أندومي .. :lol: فأنوا إذا عندكم من هي الشغلات بيكون شي كتير ظريف ;) |
المشكلة انو نحنا عرب ....
يعني ما في شي بيشبعنا ... بيض مقلي تمشاية حال بس بيضل الواحد جوعان ...:sick: بدنا شي يشبع .....:adal: كمان الاندومي متل قلتو .... نحنا عنا شي بيشبهو بيسموه شوربة الصينية ...:lol: |
مجدرة أو شوربة عدس ظريفة بالبرد
|
يعني لازم الواحد يحطلها لحمة ليشبع ... ما ! :oops:
|
شو هي الي بدك تحطلها لحمة :?
|
طيب إذا ما شبعت من البيض المقلي أرجع و أقلي بيض مرة تانية و إذا ما شبعت كمان أرجع و أقلي بيض
و ضل على أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة أقلي بيضة.......................................... ..................و أقلي بيضة على قولة زين :p |
المجدرة ... أو شوربة عدس :p
|
خيو جبلك نص كيلو لحمة مع بندورايتين مد اللحمة بصينية خرط فوقها بندورة ولا تنسى بصلة ناعمة واشلفها بالفرن تلت ساعة بتكون خالصة ساعتها بتشبع مزبوط
مو جاية على بالك لحمة إذا عندك خبز مرئد اسلئلك خمس بيضات بين ما ينسلئو بتكون قطعت بصلة صغيرة قطع ناعمة وبعدين بتقطع بندورايتين كمان ناعمة بس مو كتير بس تخلص تقطيع بيكونو خلصو البيضات حطون بالصحن وعطيهن كم ضربة سين لحتى يفرطوا عالآخر بعدين حط البصلات فوئن وخلطهن مع البيض بعدين حط البندورة وكمان اخلطها مع البيض وملح و فلفل بعدين شربن زيت هي الوصفة بدها ٣ مرئدات خبز سياحي وجهين في حال لقمتك قياس وسط :o |
لك بشرفي انك غير شكل ..... هيك ها .... من الأول .... يلله قايم جيب لحمة ناعمة
|
جيب صدورة جاج قطعها مكعبات وقطّع شي حبتين بندورة قطع صغيرة، وفروم بصلة وشي راس توم، قلّي البصلة والتوم بشوية زيت كانولا أو درة أو دوار الشمس، وحط فوقهن الجاج المقطع على نار قوية وقلبهن لحتى يستوي الجاج تقريباً وبعدين زيد عليهن البندورة وشوية قرفة وبهار وإذا بدك برش قشر الليمون وطبعاً ملح وقلّب شوي وبعدين زيد عليهن فطر مقطع وتركهن على نار خفيفة شي نص ساعة وقبل ما تشيلون زيد عصير ليمونة عليهن وصحتين.
هي أكلة سريعة وسهلة، طبعاً بدها معها رز، إذا بدّك طريقة سريعة لتحضير الرز، جيب رز بسمتي من يللي ما بدو لا نقع ولا غسيل، حط شوية زيت بالطنجرة وحط فوقهن شوية شعيرية وقليهن ليحمرّو، زيد فوقهن شي كاسة رز بسمتس وقليهن شوية ليصيرو حبوب الرز يتجمعو على بعضهن، وزيد عليهن ميّ سخنة لتغمر الرز وتزيد فوقو شي سنتيمتر، وخفف النار على الآخر وغطي الطنجرة وتركها شي 12 دقيقة بعد ما تزيد ملعقة ملح وشوية بهار. كل هاللّعي اللي فوق بياخد شي تلات أرباع الساعة بين تحضير وطبخ، بس بتاكل أكلة طيبة. |
إذا بيرضى يفرملك البصلة معها بيكون أظرف إذا ما بيرضى انت بدك تفرمها
وضروري يكون في دهنة باللحمة مشان السئسئة بس مو كتير |
المشكلة خيو ... نحنا هون ببولندا بيجي اللحم مفروم جاهز ... يعني ما منروح عاللحام ومنقلو بصلة والخ الخ
|
اقتباس:
هي رح اعملها بكرا مبينة غير شكل .... يسلمو دياتك مروش ... |
إذا بتحب المعكرونة، فيك تجيب شوية لحمة ناعمة، كمان بتقلّي بصلة مفرومة أو مقطعة حسب ذوقك، لتستوي بدون ما تحمر، وبتزيد فوقها اللحمة المفرومة (على نار قوية طبعاً) وبتقلب لتستوي اللحمة، بتزيد عليهون شوية رب بندورة وبتقلب شوي، بنفس الوقت بتكون سلقت شي ربطة معكرونة من النوع اللي بتفضلو، وبعد ما تبردها بالمي الباردة وتصفيها بتزيدا على اللحمة وبتزيد فوقهن مي لتغمر المعكرونة وبتزيد ملح وبهار وبتتركها شي 10 دقايق وبتصير جاهزة.
|
اقتباس:
غمرتينا بلطفك مروش .... |
اقتباس:
|
صحتين عقلبك، أنا بعرف الغربة بدون ما تكون بتعرف تطبخ :cry:، أنا قضيت سبع شهور بروما عم آكل بيتزا ونواشف!
|
لا تقطع البطاطا من عندك!:p
خلي يومين بلأسبوع ازا مو بطاطا مقليه ,مسلوقه او حط شي حبتين بلفرن و اشويهن! و اكيد مع سلاطه(ازا الك خلق تفرم شي حبتين بندوره و شي خيارتين و نعنع ):) او رز مفلفل هي اسهل شي:o هلأ انا عم بحكي عأساس انو البنت الها خلق تعمل اكل (اوقات!) بلنسبه للوصفات المخترعه::gem: جيب طنجره (اكيد في عندك) و حط لحمه مفرومه و خليها لتستوي و بعدين حط بازيلا بس مو كتير و خليهن ليدبلو..و بعد هيك زت فوقه شي كباية رز (منقوع و مغسول:p)و حط شي كبايتين مي..و غطي الطنجره!! شي تلت ساعه (ضلك طلطل عليهون احسن لأنو الواحد بينسى و ما بيتزكر الا بس يوشششش:oops:) و حطن بلصحن ليبردو نتفه,,بيتاكلو مع سلاطه او مع لبن! و صحتين :pالله يستر.. في بعد كتير اختراعات بس غريبه !;) |
كل هالحكي كوم ولما كتبتبي سلاطة كوم تاني:lol: .... ذكرتيني بسلاطة ام نبيل الله يذكرا بالخير :lol:
|
هيدا انتبهت عليه!
حرام الواحد يعطيك سر اكلاته العظيمه!:p |
ولي على طولي أنا .....
كلو منك غير شكل ... رح سجلون للاسبوع القادم عاقولة التلفزيون السوري :p |
صحي نسيت الك حط ملح!:p
و اهلين! |
وخصوصي اذا الواحد خيطي :o
|
:shock:اذا شو؟
|
اقتباس:
سلامتك |
مابعرف اطبخ انا:shock:
|
m
حلك عندي بيتزا معلبات وشوية صندويش اذا حواليكون محلات تركية, وايام عند عمو مكدونالد وشلتوه بس ترا مو نصحية اكتر من مرة بالشهرين تلاتة واذا يعني يئست بتوصيلك عشي كتاب طبخ من سورية و بتطبق التعليمات بحذافيرا بس ترا الطعمة مو مضمونة
|
انا كتير بحب التخبيص بالمطبخ وفي اكلة بعملها ( وما حدا بقرب صوبها ) :p
بجيب نص كيلو فليفلة حدة نار وبفرمها وبقليها بالزيت بس نص تقلاية وبعدابجيب كمان شي نص كيلو بيتنجان وكمان نفس الطريقة وبعدا بجيب لحمة شئف وبقليها كمان وبعدا بحط بهار وفلفل اسود وبقلبهن كلن بقلب بعضن وبحطهن بطنجرة صغيرة وبغطيهن شي 20 دقيقة عا النار وبعدا بنزلها وبحطهن بجاط وبحط فوقهن قلوبات ريحتهن بتشهي جد بس الحد يلي فيهن بينشم على بعد 3 غرف وصالون لزلك ما حدا بمد ايدو هي لقمة وحدة مابتتكرر :lol: |
اي بس شاطرة بالرز بحليب يلي بدو الطريقه لايستحي :pos:
وعلى زكر الرز بحليب هاد مرة انا وصغيرة رحنا زيارة لجماعه و قالتلي صاحبة البيت فوت العب بالمطبخ لانو في صوصين هنيك وكانت حاطة طنجرة رز بحليب عالنار المهم حبيت اخدم الصيصان وطعميهن رز بحليب فريش .. اخدت اول صوص وحطيتو بالطنجرة ... ما أكل اخدت التاني حطيتو .. كمان ماأكل ... وماتو التنين ..:cry: اي ولحد هلأ ماعم بعرف ليش ماتو ؟؟؟؟ يمكن مابحبو الرز بحليب :p |
اقتباس:
ضروري تشلفطي العالم يعني :? |
اقتباس:
اي ام الجود انا هيك بعمل قصدا وبجدبا مشان يتشلفطو وماحدا يقلي اطبخي :lol: بس عنجد عنجد هلطبخه طيبه كتير بس يلي مابحب الحد يحط فليفلة حلوة متل ما حكت ام الجود وانشا الله ماحدا يصيرلو شي ويعمل غسيل معدة من ورا هلطبخه :lol: :D:D:D |
في هالموقع
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هو تابع لقناه فتافيت :lol:بتلاقي وصفات سهله وطيبه كتيير (( عطيناك سر المهنه :pos: )) |
ليك رح اعطيك خلاصة تجاربي الطبخية بعالم الغربة...:larg:
عندك من جهة الشورباة الجاهزة الاندومي فاشلة و بتحسها كرتون معالج بنكهات تانية احسن شي في نوعين هني ماجي و انكور ممتازين يعني جبلك ظرف شوربة ماجي و علبة حمص حب معلب و بعد ما تجهز الشوربة متل مو مكتوب عليها حط الحمص و حطن عا نار هادية بتطلع معك وجبة شوربا جاج و حمص بتجنن و اذا بدك جيب نكهة الفطر و حط معها الفطر المعلب او التازة بعد ما تقليه شوي عالنار بالزبدة او السمن هيك بتكون خلصت من شغلة الشوربة اللي هيي مقبلات طبعا منجي للوجبة الرئيسية طبعا اكيد في عنكن محلات بيبيعو شرحات لحم هون بالإمارات معباية و من البلد البدك ياه شي برازيل شي الهند شي استرالي ...الخ المهم بتجبلك نص كيلو شرحة و بتحطن بجاط و بتفقس فوقن بيضة و بتحطلك شوية بهارات و ملح حسب الرغبة لتتبيل اللحمة يعني اذا بتحب الكاري و القرفة و الفلفل و هالشغلات بتحطن و بتخلطون بعدين يستحسن تتركن بالبراد شغلة كم ساعة من شان يتشربو نكهة التتبيلة منيح بعدين بتقيمن من البراد بتكون جهزت انت المقلاية و الزيت و خليت الزيت بدرجة حرارة القلي و بتزت هاللحمات بالمقلاية و بتتركن و بتقلبن شغلة ٥ او ٨ دقايق حسب ما بتلاحظ انو استوو بعدين بتقيمن و بتحطن بصحن و بتخرطلك كم بندورية و شوية جرجير و فليفلة و بتاكل طبعا شغلة اللحم هاي بيمشي حالها للجاج و السمك كمان في عندي كم شغلة تانية كمان لسا ما خلصت راجع:D |
أنا نباتيه مابحب اللحوم
|
اقتباس:
|
| الساعة بإيدك هلق يا سيدي 03:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون