|
لو كنت مهتماً أخي المسلم..
في دردشة مع الأصدقاء أخبروني التالي:
شباب بنات لاحظوا النقطة الحمراء على البونتي
|
طيب هي ستاندرد بكل دول العالم ولا بس عند العرب وبرحلة البحث تبعك لقيتي شي من غير هالنقطة وإذا لقيتي قارنتي شي بمحتويات التنتين ولقيتي في إختلاف بالمكونات أو لاء |
هلىء اشتريت شوكولا مارس استيراد مصر مالقيت نقطة حمرا
رح انزل اشتري استيراد المغرب وقت البريك وبخبركم:p ولله لقيت شغلة تلهيني:lol: |
طيب انتو كيف عرفتو انو العلامة الحمراء معناها (لاتصلح للمسلمين)
|
بالمناسبة رحلة البحث لسه
هون مكان وجودي مافي شوكاليطات اجنباوية الشغله بدها اب رمانة خليها لبعد الشوغل:pos: |
شوفيلي بالله ... في شي نقطة خضرا ... الي فترة عم دوّر عليها .... ما عم تطلع معي ...
هلأ اذا بدنا نحكي منطقيا .... دايما أي شغلة مصنّعة ، بيكون مكتوب عليها مكوناتها .....ما بيرسموا أشكال والوان ...... بعدين شوبو لحم الخنزير ... ولا أطيب منو ... ولا الكحول ..... أصلا السمك مو طيب لحتى تبخي عليه شوي من البيرة ... بيعطيه طعمة ولا ألذ منها ... |
اقتباس:
صديقة لما راحت ع لبنان خبروها هيك هونيك هلىء سوريا ولبنان والاردن ماكتير بتهتم بها القصص لهيك بتلاقي الطاسة ضايعة اما دول الخليج بيتبهو وعندك كما الكاندي المارشميلو هدول مرة قالولي انو مستحيل مايكون فيهم مشتقات الخنزير بس في نوع انا بشتريه بيكون مكتوب عليه حلال والله اعلم |
طب المارس و الباونتي إلي عندي بالشغل ماعليها نقطة حمرا معقول مافيها شي من الخنزير وبقدر آكل منها مع إنو على زمة مواقع إسلامية ويهودية مابنقدر ناكل الباونتي والمارس وهالقصص بالمرة
|
اقتباس:
قال بيقولوا كول ما تشتهي نفسك |
اقتباس:
وفي فقهاء قالو لو في منتج انكتب عليه حلال وانت شاكك كمان بتقدر تاكل وفقهاء قالو لا ماتاكل هلىء لوبدك تدخل بهي المعمعة بدك تتعب شبها الروبي؟؟؟ بيكفي بخمس ليرات بتحلي شخصين ومع هيك انا وراء الموضوع لاتاكلو هم :larg: |
هلىء تشحيطة
في مادة بنقي العظام عند البقر بيستخرجوها لينعمل منها جيلاتي مادة الجيلة اكيد الكل منعرفها في نفسها عند الخنزير وهالشي اكيد بيستخدموه لاي نوع من الاكل بدهم يعطوه طابع جيلاتي متل الكراميل يلي موجودة باغلب الشوكولا |
اقتباس:
لان انا اعتبره من اسباب الحياة (الماء والهواء والكاندي والبيبسي) |
اقتباس:
اقتباس:
|
انا ما باكل شوكولا:frown:
|
نسرين .. بما انك بدأتي البحث و بأدتيه يعني.. في شوكولا مرّة :larg:شغل روسيا ما في عليها لا خطوط و لا دوائر ولا هم يحزنون.. شوفيلي شو وضعها
ازا طلعت حلال كان به.. و ازا طلعت حرام بكمل بطريقي و الله كبير :lol: |
اقتباس:
|
انو شو علاقة النقطة.. تسالي يا الله..
شو الشغلة تشفير يعني.. ولا تعجيز.. وليش ليحطو نقة حمرا ليش ما يقولو انو حرام وخلصت القصة.. |
اقتباس:
|
يعني اذا مافي نقطة حمراء نوكل واحنا مطمنين
|
انا لاشايف نقطة حمرا ولا شي احمر من اساسه بعدين ازا وقفت على الكحول بسيطة بس المشكلة في قصة الخنزير مع هالانفلونزا الطايحة في العباد
. |
معناها حتى الهنود حرام لان عليهن نقطة حمرا
|
أنا عندي أغلب الكتب اللي بتعتبر مراجع بصناعة الشوكولا، وجوزي بيشتغل بواحد من أهم معامل الصناعات الغذائية بلبنان وهلأ عم يعملو قسم خصوصي للشوكولا وصارو دارسين كلشي احتمالات للمواد الأولية الممكنة بالدنية وما ورد عليهن شي إلو علاقة بالخنزير، وبعدين المكونات إلها طريقة إلزامية لكتابتا، ما في بيناتها لا نقط ولا ألوان، اللي بيخوف بهل الأنواع هو موضوع الصبغات والألوان المستخدمة لأنو الألوان الطبيعية غالية كتير وما بتعطي نتيجة متل الألوان الصناعية، يعني ضررا صحي، طبعاً بالإضافة لموضوع الدهون المهدرجة يعني زيت النخيل اللي بتلاقوه بكل أنواع الشوكولا بدون استثناء.
بس أنا ما بعيش بدون شوكولا وخصوصاً Galaxi, Lindt, Ritter Sport |
مع احترامي لناقلة الخبر في عندي كم توضيح لتفهم الناس شو القصة بالتحديد ..
القصدة مش منقولة بشكل صحيح .. أولاً الموضوع قديم بيرجع للـ 2007 و باختصار .. Mars,Inc قررت تضيف مادة من مشتق حيواني بيتم استخراجها من بطانة معدة الحيوان .. يعني تقريباً متل الاينزيم يقوم بدور " التخثير " المادة بيسموها بالانكليزي Rennet و هي المادة بيضيفوها لمصل الحليب .. بالسابق أبصر شو كانو يستخدو بس الهيئة مواد من مصدر نباتي .. أما عن الملونات ففي Additives كتير للتلوين مشتقة من مصادر حيوانية و في الـ E120 يللي مستخرجة من حشرة اسمها Dactylopius هي بيستخدموها مع الـ M&Ms هي المادة الملونة غير مسموح فيها لالمسلمين و لا للـ Vegetarians . إذاً الموضوع مش Gelatin لأنو الجلاتين ممكن يكون مستخرج من النبات أو إذا حيواني ممكن من شحم و عظم العجل .. كمان الخنزير يللي إلو الحظ الأوفر لأنو تحت جلدو في كمية كبيرة من الشحم . الخبر عمل ضجّة كبيرة و تناقلتو الصحف لأنو نحن بعالمنا العربي مافي تعداد سكان نباتيين متل باوربا أو أميركا .. زعلو النباتيين مش بس المسلمين .. لأنو المسلمين إذا كانت المواد المضافة مش مشتق من الخنزير فبتكون الأمور عال .. اجت الشركة و أعلنت مباشرة ردّاً على الضجة يللي عملوها النباتيين بانو رح تعدل عن استخدام الانزيم الحيواني بمصل الحليب .. في مقال بالـ BBC قديم بيرجع للـ 2007 بيحكي عن هالشي Mars bars get veggie status back Mars has abandoned plans to use animal products in its chocolate, and has apologised to "upset" vegetarians The firm had said it would change the whey used in some of its products from a vegetarian source to one with traces of the animal enzyme, rennet The Vegetarian Society organised a campaign against the move, asking members to voice their concerns to parent company Masterfoods. Mars said it became "very clear, very quickly" that it had made a mistake. In just one week, more than 6,000 people bombarded the company, which produces the Mars, Snickers, Maltesers and Galaxy brands, with phone and e-mail complaints. Forty MPs also signed a petition to voice their opposition "The consumer is our boss and we had lots of feedback from consumers who were unhappy about the change," Ms Dawson said "It became very clear, very quickly that we had made a mistake, for which I am sorry There are three million vegetarians in the UK and not only did we disappoint them, but we upset a lot of the consumers Mars replied that, by admitting its products were no longer suitable for "extremely strict vegetarians", it was making a "principled decision Now it insists it will begin changing its recipes back immediately Dr Annette Pinner, chief executive of the Vegetarian Society, said she was pleased Mars had been "honest enough" to admit it had "made a mistake A Masterfoods representative has made contact with us and we are very pleased that they now recognise the importance of integrity to all their customers, especially vegetarians," she added Rennet is extracted from calves' stomachs and was to have been used in the ice cream versions of all Masterfoods' bars too و هي الرابط منقل عن - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الموضوع هوي اضافة انزيم حيواني موجود بمعدة العجول يعمل على التخثير بينضاف لمصل الحليب المستخدم لتصنيع الشوكولاتة .. يعني من وين اجت قصة الجلاتين؟ طيب متل مو شايفين بأنو المقال منقول عن الـ BBC البريطانية يللي فيهل 3 مليون نباتي احتجوا و اعتلرضو على هالشي يللي قررت تعملو الشركة.. و باعتبارها الشركة ضخمة و الها سمعة رفضت إلا أن تصرح عن التغيير بمنتجاتها القرار يللي احترمو النباتيين .. كمان الشركة قررت ردا على مجتمع النباتيين يللي صرح بانو التغيير يللي عملتو مارز شيئ غير مفهوم و خطوة للوراء بعملها .. ردت الشركة باعتبار التغيير اصبح غير مناسب للنباتيين فرح ترجع تغيير وصفاتها هي الخطوة يللي استحقت الشكر و التقدير من قبل الرئيس التنفيذي للمجتمع النباتي. هاد كللو حاصل بالـ 2007 فشو آخر الأخبار؟ بالمناسبة دورت كتير لحتى لاقي معنى للنقطة الحمرا .. مالقيت شي ببفيد أما من ناحية كيف بدك تعرف بانو هالمنتج الغذائي شرعاً حلال .. فهي بدها شغل و سؤال كتير .. إذا كان المنتج داخل في أي منتج حيواني غير مذبوح عالطريق الاسلامية فهون رح يكون حرام .. في كتير Additives مشتقة من حيوانات أو حشرات هي بالمجمل حرام .. بعضها بيدخل فيها شحم الخنزير. هي للبعض .. أنو الناس ببريطانيا مش مسلمين 6000 شخص بعتو شكلوي لمارز عالتغيير لأنهن نباتيين أو غيرو .. كمان 40 نائب وقعوا على عريضة اعتراض للتغيير يللي عملتو مارز باضافة المشتق الحيواني .. السؤال يللي بيطرح نفسو .. وين الغلط إذا المسلمين اهتموا بالأمور يللي بتخص عقيدتهن؟ و كمان ليش البعض بيحاول التخفيف أو تهميش هيك مطالب و عدم أخدها على محمل الجد؟ يعني يا عمّي ساووهن للمسلمين بسعر نباتيين بريطانيا:lol:. |
من المهم أنو نتعود نهتم بأي شي بدنا ناكلو، ونتعلم ندقق بالمكتوب على الأغلفة ونعرف المكونات، وكل واحد يختار شو بدو ياكل عن وعي سواء لأسباب دينية أو صحية أو ايديولوجية أو شو ما كان، المهم أنو ما نضل كلمة بتاخدنا وحملة بتجيبنا بدون ما نفهم ليش. المهم أنو انتماءنا لأي مجموعة سواء دينية أو اجتماعية أو سياسية، ما يلغي تفكيرنا ويجعلنا تابعين للمجموعة على العمياني. لأنو أي مجموعة معرضة أنو يصير فيها غلط أو تتأثر بآراء أشخاص مو جديرين بإتخاذ قرار، مشان هيك المهم بالموضوع أنو القرار بإتباع أي نصيحة يكون بالآخر نابع عن قناعة شخصية بعد فهم أبعاد الموضوع.
|
يا تقرير الجوال.. مو المشكلة انو في ناس عم تهتم بغذاء المسلمين او لأ.. المشكلة بطريقة الاهتمام..
انو شو نقطة حمرا.. ونقطة خضرا.. حاكينا منطق يا زلمة.. ومتل ما انت حكيت في اشخاص نباتيين اضافة لليهود اللي عندون قيود كبيرة على الاكل كمان متل المسلمين .. ويسلمو على المعلومة |
اقتباس:
|
اقتباس:
|
ماذا تعنى اذن النقطه الحمراء؟ لازم تعنى شى معين أو وضعوها هيك بدون سبب ؟ !! |
النقطة الحمرا في إلها دلالة على شي و كمان مش غلط التفكير بمعناها على اعتبار بأنو جرت العادة من قبل المنظمات الغذائية و الصحية و خلافه بوضع Logo بيدل عليهن و الأمثلة كتيرة في عندك الـ Kosher بيحطو Logo مكتوب عليه Kosher Ispectation Service و تحت منها Certified .. يعني الرموز و الصور واردة و هاد متعارف عليه, منشان هيك الناس بتفكر بمعنى و دلالة هيك صور عالمنتجات وخصوصاً الغذائية.
أما بالنسبة لشركة مارز فمافيكي تحكمي عليها لأنها شركة عملاقة و في إلها فروع منتجة حول العالم و فروع مستوردة تطلب المنتج بميزات بتناسبها و كل فرع الظاهر بيحط شغلات عالفلاف .. بس إذا تعمقتي بالموضوع أكيد رح تعرفي سبب وضع هالنقطة عالغلاف.. بدك تعرفي المصدر المنتج يللي بيحط هالمربع و جواتو نقطة حمرا. أهلا و سهلا يا آنسة. |
اقتباس:
|
في طريقة أسرع و هي الإتصال بخدمة العملاء.
المشكلة الصورة مش واضحة .. يعني لو واضحة أكتر كنّا حاولنا فيها:D |
اقتباس:
بركي بس تدخل وايت روز بنقلها تحط الرقم وبنحاكيهن :D |
اقتباس:
|
يعني كتير قلبهم علينا ليحذرونا :? في حدا بيخسر حالو وبينقص زباينو ؟ بعدين المكونات مكتوبة الواحد بيشوف اذا فيها دهن الخنزير او لا:pos:
|
اقتباس:
وإذا بتقوليلنا توزيع مين |
اقتباس:
للأسف ماعندي حاليا باونتي وامي مابتخليني انزل اشتري بها الوقت راحت لبكرا |
اقتباس:
يعني هيك ولا هيك هي ربحانة جدا وخاصة من اهالي الخليج يلي بيهتموا بها النقطة ومابياكلو غيرا بالاصل وفي ناس مابيهما هالموضوع وبتاكل ابو نقطة حمرا شو هية روبي لينضرب سوقا ولا علكة سهام |
لك هاي النقطة الحمرا مو إنو في خنزير وكحول وكذا..
لا هاي بدها تكون مشان الرفاق الحمر الشيوعيين.. إنو هاد المنتوج.. ما فيه -أثناء صنعو- استغلال للبروليتاريا.. فـ اشتروه متل مرتديلا أسترالية شفتها مرة.. مرسوم عليها خنزير زهري طاير وعم يضحك.. ومكتوب عليها Pork ومكتوب بالزاوية Halal :lol: |
نبشت السوق عن بونتي فيه نقطة حمره ومالقيت
|
اقتباس:
:D |
| الساعة بإيدك هلق يا سيدي 07:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
