|
عقوبة التدخين في الأماكن العامة
القمع خير أسلوب للعلاج..!! احذروا التدخين: عقوبة التدخين في الأماكن العامة /40/ ألفاً للمكان و/5000/ للمدخن
 سيريانديز – ابراهيم غيبور أصدرت وزارة الصحة بياناً تضمن تفاصيل الغرامة المالية المترتبة على مخالفات التدخين في الأماكن العامة والمغلقة المدرجة في أحكام المرسوم المتوقع صدوره بهذا الخصوص في القريب العاجل. وقد حددت المخالفة بالنسبة للتدخين في الأماكن العامة والمغلقة بـ40000ل.س يدفعها المكان المخالف و 5000 ل.س للمدخن في تلك الأماكن المذكورة. وضمن تعاون وزارة الصحة مع منظمة الصحة العالمية وبمناسبة مرور اليوم العالمي للتدخين أكد وزير الصحة بأن المرسوم الجديد سوف يطبق بحذافيره من قبل كافة الهيئات والجهات المعنية إلى جانب التحذيرات التي ستطلقها الوزارة في المجتمع السوري موضحة للمواطنين الأخطار الصحية الناجمة عنه وبالتالي أثره السلبي على البيئة ودفع المواطن أولاً لتنفيذ تلك القرارات والأحكام ابتداء من نفسه ومن جهته أكد الممثل المقيم لمنظمة الصحة العالمية في سورية ابراهيم بيت المال بأن التدخين ظاهرة مرضية وكارثة اجتماعية منتشرة في سورية بشكل كبير في المواصلات والتجمعات السكانية الكثيفة والأماكن المغلقة.. ويذكر بأن نشاطاً شهدته حديقة السبكي في دمشق يوم الأربعاء الفائت حمل عنوان "بدي عيش بدون تدخين" بمشاركة من الجمعية السورية لمكافحة التدخين. syriandays |
بهل الموضوع بالذات كتير بحب القمع، إنشالله البني آدم اللي أرفني سنتين وقت كنت اشتغل بسوريا ياخدلو شي مخالفة من أد ما كان قليل زوق وما يطفي السيجارة رغم أنو كل اللي بالغرفة كانو يتضايقو من الدخان.
|
السيد وزير الصحة قبل الاعلان عن منع التدخين انو حطو أماكن مخصصة للمدخنين متل بقية دول العالم المتحضرة انا مابدخن و مو ضد هاد القرار ...بس كأنو الغرامة كتير :shock: |
منيح منيح.. بأوروبا بيحس حالو المدخن محاصر من كل الجهات.. الدخان غالي كتير وفي دول حاطين على الباكيت صور مقززة لنتائج التدين والتدخين ممنوع بأغلب الأماكن وغرف المدخنين بتخليك تفكر حالك قاعد بقب المدخنة.. هادا كلو لمصلحة المدخن قبل ما يكون لمصلحة حدا
|
بس هل ياتري راح يمنعوا التدخين بالمطاعم والمقاهي باعتبارها اماكن عامه :?
|
هلى هاد الي طلع معون ..شعب عايف الله الي يخلقو ومافي شي يفش خلقه فيه غير رب هل السيكاره حتى هي بدون يحطو غرامي عليها ..ولكن يتعاملو بالموضوع بطريقه حضاريه بعدين يجيو يحطو قوانين اوفففف
|
الهي يقصفو عمرو اللي بحشش وبينفخ بخلقتك كمان ..:frown:
عنجد شوفيرية بدون زوق .. |
شوووووووو مشان ؟
قول الله وغب لبن يا زلمي .. بدي تم عم دخن .. بالاماكن العامة والخاصة اصلا حبيبي لو معي 5000 زتلن ياها .. كل ما بدي دخن سيكارة .. عم فكر اقلب عال حشيش والله .. بشتري غرام .. وبدخن بالبيت حشيش خيّو .. |
:o
اقتباس:
بتدخنن لوحدك علئلئ ؟:jakoush: طيب .. يطلعو كمان هيك شي مرسوم لتقسيم الأماكن العامة قسم للمدخنين وقسم لغير المدخنين .. واذا كانو تنين بيدخنو .. سوا بمطعم .. تنيناتن بيتركو الطاولة وبيطلعو يدخنو بالشارع ؟ :cry::clap: يعيش المشرع السوري .. الى الأبد .. |
اقتباس:
كأن الغرامة كتيرة يعني يا مرتب شهر كامل للمدخن يا نص مرتبو الله يعين |
ايه لنشوف شو القصد بالاماكن العامة,
يعني اذا الواحد كان يدخن بحديقة عامة , هو بيدفع 5000 والدولة بتدفع 40000 :? و شو مشان هالجملة اقتباس:
|
هلأ التطبيق ما رح يكون سهل خصوصاً بالمطاعم اللي عايشة عالأركيلة، بس هني يطبقوه بدواير الدولة والأماكن المغلقة اللي الواحد مجبور ينلطع فيها بالساعات وبيكون منيح.
|
لنشوف هالمنع
بس اذا منعو الدخان بي المطاعم بتنقطع رزقتها من ورا الاراكيل متل ما قالت ماروشكا بعدين انو يسوو اماكن عامة بعدين يمنعو التدخين فيها:shock::pos: |
أنو أي وبعدين مع رب هل القرارات........يوم بيحددو السرعة.......طيب عملو شوارع متل البشر.........وهلق منع التدخين.........طيب عملو أمكان مخصصة للتدخين........أنو هل الفهمان الي شغال بي رب هل القرارات......مفكر حالو بي سويسرا مثلا......عوجة.........ينعن دينها إذا بتظبوط........وهي سيكارة عا هل الخبرية:larg:
|
بخصوص الجملة انا ما دخلني..هيك العنوان مكتوب وانا نقلتو :pos:
|
اقتباس:
اما بالنسبة للطاولة .. فا بيعملو مطاعم للتدخين ومطاعم ما للمدخنين .. ومطاعم للحشاشة .. ومطاعم للي تتدخينن خفيف .. ومطعم للي بدخن دخان خفيف .. ويلي بيدخن دخان تقيل .. يسعد عيسى .. لا للتمييز الطائفي بين المدخنين وغير المدخنين:p |
إنو.. الحكومة بدها تكافح التدخين؟
طيب.. منترك الدخان.. بس تلاقيلنا الحكومة بديل هيك شي بديل يعوّض عن السيجارة وعن اللي كانت تعوّضنا عنو "السيجارة تعويض لفقدان ثدي الأم.. ولفقدان طمأنينة الرضيع أثناء فترات الرضاعة الأولى" مو هيك قال فرويد؟ |
اماكن عامة ... ممم ...
اي .. في عنا هالمحلات هي أماكن عامة .. المطاعم .. الفنادق ... الحدائق .. الطرقات .. الجامعات .. كل البلد ماعدا البيوت .. يعني هي عالقليلة لساتا خاصة .. انو بدي افهم .. وين بدو يدخن الواحد .. كمان هي مو حرية شخصية ..!؟ |
بالمناسبة ... القمع اسلوب كتير بشع .. بكافة المجالات ..
يعني القمع آخرتو انفجار .. منكون بدخان .. منصير بحشيش .. سكر ع طنجرة ضغط .. وتركا عالنار .. بتنفجر .. وهيك الناس .. متل الطنجرة .. شكل من برا .. وفاضيين من جوا .. بس نسكر علين ... ونطبق القوانين .. بينفجرو .. يمكن بيكونو قوو النار شوي .. قام شاطت الطبخة .. الحل الأمثل .. انو ينعمل أوقات بالنهار .. للمدخنين .. او ممكن زاوية من المطعم .. او المكان العام .. للدخان ... أو .. في حل تاني .. ينسو هالقرار من أساسو .. |
قرار رائع من وزارة الصحة .
اللي بدو يدخن ، يدخن بغير الاماكن العامة والمغلقة . بتذكر كنا من شي شهر منتناقش بموضوع تدخين الاناث واخد النقاش جانب حول التدخين بحد ذاته والتدخين بالاماكن العامة والمغلقة . مايسترو ممكن وزارة الصحة أهتميت بالموضوع والنقاش وعلى أثرو اخذت هاذا القرار :? |
اقتباس:
متل ما حكيت قبل بأوروبا الاجراءات أصعب بكتير من عنا.. حتى انو ممنوع يعرض صاحب المحل الباكيت بشكل واضح للناس.. وسعر الدخان غالي كتير.. وقلي عمي انو وقت راح على دبي حتى بالبيت ما قدر يدخن لأنو حساس الحريق بيتصل بالأطفاء لأنو بيحس بالدخان وبس تشعل السيجارة بتجي سيارة الاطفاء:lol: |
نيويورك (الولايات المتحدة)(ا ف ب) - بعد الحانات والمطاعم تسعى السلطات الصحية في نيويورك الى منع التدخين في الحدائق العامة وشواطئ المدينة.
وقد اقرت اجراءات مماثلة في كاليفورنيا ولاسيما على شواطئ لوس انجليس. وفي بيان، قالت دائرة الصحة في نيويورك انها تعمل "مع ادارة الحدائق العامة واماكن الترفيه وهيئات ادارية اخرى لاقامة مناطق خالية من التدخين في الامكان العامة في المدينة والحدائق والساحات". ومنعت مدينة نيويورك التدخين في المطاعم اعتبارا من العام 1995 وفي اماكن العمل والاماكن العامة المغلقة منذ العام 2003. شو رأيكون؟؟ هلأ أنا ماني مع التضييق لهل الدرجة، بس المهم أنو اللي ما بيدخن ما يكون مضطر يشم الدخان غصب عنو. المشكلة أنو هون ما فينا كتير نعتبر الموضوع حرية شخصية، لأنو اللي عم يدخن عم يؤذي غير المدخنين بما أنو ثبت أنو التدخين السلبي أضرارو كبيرة، أما منع المدخن من التدخين فبالتأكيد أقل ضرر، يعني ممكن ينزعج لأنو ما عم يدخن بس ما في أضرار مادية، بالعكس. |
شامى للنخاع لاتسب اسم الجلاالة ياكلب ياوطى ياحقير ياكافر :sly:
|
اقتباس:
بس خدنا بحلمك شوي انو هاد يلي فوق رد شامي للنخاع وين الكفر بالرد ووين سب اسم الجلاله؟؟؟ مابصير نرمي الناس بالاتهامات هيك دج يعني مو من الاائق تحكي عن حدا هاد الحكي النصيحة بتكون بالكلمة الطيبه الحلوة مو بالسب وزت الحكي والتكفير للمعلوم انا مابعرفو لشامي بس تدايقت من الاسلوب والتكفير يلي بردك بتمنى منك تتروى شوي قبل ما تكفر حدا وتناقشو بالاول وماتدايق من ملاحظتي :D |
مش مضايق من ردك انى نقرى فى كل التعليقات فى ناس محترمة تعرف كيف تعلق على الموضع بس هدا الاازعر اللى اسمه شامى مش عارف شو اسلوبه شوارعى حرام اشكال متل هادى تدخل لى المنتديات انى احترم الااراء المحترمة بس يللى عامل نفسو ابضاى وخريج حبوس من كلامو امبين انو مش خرج منتديات
|
اقتباس:
وحيات كل شي....أنو شي بيرفع الراس.......يا هيك الدعاة للدين يا بلى.......قليل الي عم بيصير علينا جد قليل......أنو منيح ما كنت حدك كنت علقت مشنتئتي.........حي تم مخكون.......معلق بين رجليكون مسخرة |
اقتباس:
طبعا خيو شو مفكر انت؟؟دائما نحنا المبدعين متابعين وارائنا بتنحط عالعين والراس مفكرنا قلال عند حكومتنا نحنا؟؟مايسترو اللي عم يحكي مو حيثما:lol: |
:larg::larg::larg::larg::larg::larg::larg::larg::l arg::larg::larg::larg:
اي و بعدين شو صار مع الوزارة؟ لانو بدنا نعرف :larg: |
| الساعة بإيدك هلق يا سيدي 01:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
