|
التخزين اليمني (التحشيش) بالصور يااااااااااع اللي بيقرف كتير لا يدخل
(التحشيش) المصطلحات المستخدمة : 1- المخزن : بتشديد الزاي هو الشخص المتعاطي للقات 2- القات : نبتة سحرية يعشقها اليمنيون ، لدرجة ان ثلث رواتبهم تذهب لشراء هذه النبتة ،وتعتبر من ابرز مظاهر التقدم الحضاري في اليمن 3- التخزين : هي مرحلة تعاطي القات وذلك بمضغ اوراقة حتى يصبح شكل الخد أقرب الي كرة الغولف القات تلك النبتة الخبيثة والكريهة : والمراحل التي يمر بها المخزن : دعواتكم لهم بالشفاء : تلك الورقة التي بقيت وع ذهاب المخزنين : مرحلة الشراء من السوق  مرحلة التكيف مع المكان المحيط     لا تهتم إذا أردت الشراء في وقت متأخر أو انتهى وتريد قات اسعاف فهناك المقاوتة المناوبون  سعد هلال في مرحلة الإنتعاش  مرحلة التأمل العميق : مرحلة التتنيحة وفصل الإستقبال  مرحلة أنا الملك ، وهي تخيلات وتهيؤات تظهر للمخزن صالح بعرة يتحدث عن تجربتة في هوليوود ثم مرحلة التحول من انسان الي دولابسعيد قايد يحاول مشاهدة حواجبه  ثم مرحلة التحول  : حمد لله والشكر اللهم عافهم ولا تبتلينا 20 ألف يمني يصابون بالسرطان سنويا يموت منهم 12 ألف مريض والمسبب الرئيسي هو شجر القات ................: :yaa3::yaa3::yaa3: |
والله مبينتو شغلي ..
|
اقتباس:
:o:o:o:?::?::?: |
يااااا لطيف
شووو هاااااد :lol::lol: |
m
شي روعة لازم نروا عاليمن ونجربوا خاصة هاي المرحلة الأخيرة:lol:
|
اقتباس:
:deal::deal::deal: |
القات جزء من ثقافة الشعب اليمني ، سواء اعجبنا بهذه الثقافة او لاء او سواء اتفقنا معها او لاء فمن غير اللائق ان نسخر منها او من الشعب اليمني وهي لا تدعو للقرف ابدا كما روج لذلك العنوان .
عن تجربة شخصية لقد جربت القات مرتين ، ولا اجد في ذلك اي قرف ابدا (على الرغم من ان القات لم يعجبني ) معلومة اخرى : غالبية الشعب اليمني يخزن القات ، الغني منهم والفقير ، الحاكم والمحكوم ، المتعلم والغير متعلم ، وهذا يدل على انها جزء من العادات والتقاليد وثقافة الشعب . |
اقتباس:
أنا بعرف كتير منيح انو القات جزء من الشعب اليمني حاكم انا عشت باليمن ودرست وبعرف كل شي تقريبا عن هاد الشعب وعاداتو وتقاليدو اما من ناحية الائق والغير الائق والقرف راح قلك شغلة انو المخزن ما بحس هالشي قرف بس الناس اللي بتشوفو وما بتعرف التخزين هي اللي بتحس بهالشي... عن تجربتي الشخصية اني مثلا لما كنت روح السوق وبدي اشتري شي من البياع المخزن بكون البياع مشرت عالأخير وشكلو مقرف وعميطلع شي اخضر مقرف من تمو ورذاذ اخضر وهوة عميحكي معي وبكون عيونو زايغة خصوصي اذا شاف بنت اجنبية وغريبة وكمان صاحب التاكسي اللي بدو يوصلنا بصراحة أنا أبدا لهلأ ما تكيفت عالوضع باليمن ونادرا ما اطلع لبرا واذا في شي ضروري بحسب الف حساب للطلعة .... حتى رفقاتي المتعلمات من أيام الجامعة بساوو جمعات وأعراس وبعزموني وانا ما بروح لأن صار يجيني غثيان من ريحة القات الي ما بقدر اتحملا و اللي معبية ريحة الصالون والغرف... وانا من ناحية الفضول دقت ورقة قات وحسيت حالي عمباكل حشيش وابدا ما رح عيدا بحياتي وما بنصح حدا يجربا واذا انت جربت القات وعجبك هاد الشي بيرجع لزوئك حاكم الناس ازواء |
اقتباس:
اقتباس:
انا ما بنصحكن ابدا ابدا بس اذا بدكن ترضو فضولكن مية اهلا وسهلا وبدي قلكن شغلة ترا القات ادمان والو تأثيرات جانبية كتيرة منها بسبب الضعف ال...........عند الرجل غير عن أمراض السرطان اللي انتشرت باليمن بالفترة الماضية بسبب المبيدات والأسمدة اللي بحطوا لشجرة القات لتثمر اكتر من مرة بالسنة لأن بتجيب مصاري.... |
ذات يوم قال سيد البشرية : "الحكمة يمانية و الطيبة يمانيه" و لذلك فأنا أحب هذا الشعب الذى أحبه سيدى و حبيبى المصطفى صلوات الله عليه |
شو هالشباب الحلوين بأخر هالليل :cry:
|
اقتباس:
الله يديم المحبة يا حئ انا ما بنكر ابدا انو هالشعب طيوب وحبوب ومكرم للضيف وفيه دين بس بعيد عن القات لما بيخزن الواحد مدري شو بصرلو.... عن جد هالشعب مبتلى من القات ابتلاء عظيم الله يخلصو منو...:D |
اقتباس:
انا ما عاتبتك اخى :D:D |
اقتباس:
انا خزنت بتعز مع شخصيات محترمة ، موظفين بجامعة تعز وقعدت مع مدير مدرسة واساتذة وهم بيخزنو ولا شفت قرف ولاشي (اصلا القات مابيخرج من تم اي حدا منهم ابدا :lol: ) دايما الكرة ظاهرة وبس . اما موضوع التكيف باليمن بالنسبة للصبايا فاعتقد شيئ شبه مستحيل ، لو خرجتي بتياب ضيقة او بشعرك (مافي حدا مارح يطلع عليكي ) لانك بالنسبة لهم غزال شارد بوسط الخيام السوداء السائرة عبر الطرقات . ولكن هذا ليس موضوعنا ، موضوعنا القات . انا كتبت بالرد الاول انو ماعجبني القات عفكرة ، ياريت تحكيلي عن حفلات النساء والاعراس ، شو بتعملو فيها ؟ جد بدي اعرف . |
اقتباس:
وع فكرة هوي تقريبا تأثيره متل الحشيش ويمكن اهل الخبرة بيعرفو هالشي ;) بس الي بدمن عليه بياكل هوا والاحسن يللي ع بالو يجربو يصلي ع النبي ويفرطلو سيكارة حشيش :larg: thanks again مملكة الورود :D |
شي بيشبه المخزون الاستراتيجي للامن القومي والغذائي العربي
|
اقتباس:
انو ثقافة لك محمد يستر اختك قلي يسعد رب سوريا يازلمة :deal: |
ايه والله
الحمد لله انو نحن سوريين بس بدي قلك شغلة ترا في سوريين مغتربين باليمن وصلن هالعدوى وصارو يخزنو متل اليمنيين واكتر متل ما قلتلكم هاد ادماااان الله يبعدو عنا يا حئ |
اقتباس:
من البداية وقبل قراءة الردود ووقتت شفت الصور حسيت انو الموضوع مطروح بشكل ساخر واستهزائي وهالشي زعجني جدا لانني شخصيا عشت باليمن واعرف جيدا ما هي طيبة الشعب اليمني وما هي عاداته وتقاليده....وهي لا تختلف كثيرا عن الارجيلة في سوريا او عن شبيهتها في مصر... مناقشة موضوع تعاطي القات هو موضوع مرحب به وفينا نناقشه بكل رحابة صدر اما تنزيل صور بهالشكل فهي موضوع جدا مستهجن....هي واحد رقم 2...الصور الموضوعة هي صور من بيئات فقيرة وبالتالي فيها مزيج من البؤس...والمضحك المبكي....وما فينا نقول انو هاد هو الطقس العام لممارسة القات...ومتل ما في فقراء بيخزنوا بالشوارع في كبار المثقفين يللي بيجتمعوا يوميا بعد الضهر بالمقيل (مكان الاجتماع)...وغالبا بيكون بشكل دوري ببيت واحد كل يوم وفيه يتم تداول الاحاديث والنقاش بالمواضيغ وغالبا في جو من الود والحميمية لتنتهي الجلسة بساعة من الصمت مسماة بالساعة السليمانية.... وسبق لي بحكم العلاقات العائلية اني اجتمعت مرات عديدة مع كبار الشخصيات اليمنية (د.المقالح /رئيس جامعة صنعاء/..د.خالد الرويشان/وزير الثقافة سابقا/..زيد مطيع دماج/كاتب ومفكر/ وكتيرين غيرهم) في لقاءات ابداعية...وفيني قول انو الفضل لوجود الابداع فيها هو للقات .... |
اقتباس:
ما حدا عبيسخر عن طيبة الشعب اليمني وطيبتو وجاب سيرة هالشي وأنا كمان عشت باليمن وبعرف هالشي كتير منيح وانت اسأل اي واحد عربي بروح بزور اليمن شو بكون انطباعو تقريبا ان وكل اللي بعرفن انزعجو انزعاج كبير من ظاهرة القات وسبب التخلف بالشعب اليمني هو القات انت بس شوف اديش جو صنعاء حلو وعندن نفط وما الى ذلك متل دول الخليج بس وين هنن ووين دول الخليج انت اعمل مقارنة بس بين شمال وجنوب اليمن اللي بالجنوب نادرا ما بتلاقي حدا بخزن قات وهنن متحضرين ومتطوريناكتر من اهل الشمال |
اقتباس:
وبعدين روح شوف منيح مرة تانية بالصور في صورة ناس متجمعين من الطبقة الراقية متل انت ما وصفت وبالنسبة لباقي الصور فهاي مشاهد بتلاقيا قدامك بالحياة اليومية باليمن وبالنسبة لمكان المقيل والاجنماعات ما بنكر انو الو ايجابياتو واهم ايجابية هي الواسطة اذا واحد بدو شغلة من شي مسؤل بروح بجبلو قات من افضل الانواع ليرشيه وبعدين انو لقاءات ابداعية انت عبتحكي عنا والواحد بكون قاعد متيبس بساعة السليمانية؟؟؟ ممكن تفهمني هالشي وبعدين بدي اسألك سؤال انت شكلك زاير اليمن من شي عشر سنين لأ المقالح ما بقا رئيس جامعة صنعاء لهلأ انا درست بجامعة صنعاء وبعرف هالشي... |
اقتباس:
كل شعب بالدنيا مهما كان بسيط كتير فهو الو تراث وثقافة وعادات وتقاليد وموروثات . اللغة والتياب والاكل والشرب واساوب الحياة وطريقة الرقص وطريقة الحكي وتقاليد الزواج والاحتفال بالاعراس واستقبال الضيوف وكل شيئ صغير كان او كبير ، ممكن تشوف ان اليمن ما كان الو حظ يكون عنده حضارة وقت حضارة ماري او ابلا بسوريا او حضارة الفراعنة الاولى قبل 6 الاف سنة او حضارة السومريين بالعراق او الحضارات التالية بهذه المناطق من الارامية لغيرها . بس تاكد ان باليمن قامت عدة حضارات بعد ذلك ما كان لها مثيل بالعراق او سوريا ومصر ، وتراجع التقدم باليمن الان ماهو باكثر من تراجع تقدم سوريا ومصر والعراق الان ، لقد ذهبت الحضارات وانتشر التاخر والتخلف والفساد . فعلا لو بدك تصدق ، كان في حضارات باليمن عظيمة من فترات بعيدة زمنيا وان لم تسبق حضارات المنطقة بالظهور والنضج . - عودة للقات - انا كنت بسمع قبل ما اشوف القات والمخزنين ان القات له فوائد كثيرة جدا وانواعه تصل للمئات والالاف ، اللي شفته بعيني ان قدرات الناس بعد التخزين بترتفع تدريجيا وبيكملو حياتهم بعد العصر ، اللي بيرجع لفترة الدوام الثاني واللي بيكمل حياته عادي ، وماشيين تمام ، هادول العالم اللي اختلطت فيهم وما رح عمم بس كمان مستحيل اقتنع بالعكس لان عندي تجربة بتقدم نتائج محددة وواضحة . |
اقتباس:
|
:shock:والله ياشباب الشغلة صار بدها روحة عا اليمن
مين بروح معي ؟؟؟؟؟:o |
اقتباس:
انت بدك العنب واللا الناطور يعني فضول ع الفاضي احكي عن القات وبس |
اقتباس:
انا عشت كمان باليمن ودرست فيها بس انا من وجهة نظري انو معضلة هاد اشعب هي القات يعني الشوراع وسخة وكمان مافي اختلاف بالتخزين بين الطبقات فبناهاية هوا هداك القرف وهداك هوا القات وعلى فكرة بدي ضيف شغلة د/ عبدالعزيز المقالح مابخزن ابداً وهوا مبدع من دون القات . |
اقتباس:
:pos::pos::frown::frown: |
اقتباس:
:o:o:o انت كمان عشت ودرست باليمن متلي:yahoo: يعني شكلك بتعرف اكتر مني طالما انك زلمة:frown: هي صرنا تنين:lol: |
اقتباس:
1- سبب التخلف في اليمن...هو نفسه سبب التخلف في باقي الدول العربي...ومافي اي دراسة علمية او رصد اجتماعي اثبت ان سبب تخلف اليمن الشمالي مربوط بالقات وسبب تميز اليمن الجنوبي هو عدم تخزين القات... ارجعي لتاريخ اليمن الحديث لتعرفي سبب الاختلاف بين اليمنين....والسبب (رح قلك ياه اذا ما كنتي مستعدة تقري شوي عن تاريخ اليمن او انك تسألي اهل اليمن) السبب هو ان اليمن الجنوبي منذ استقلاله عن بريطانيا اتخذ نهج اشتراكي ماركسي واسس دولة اشتراكية في حين ان اليمن الشمالي ضل تابعا وحليفا للسعودية واستمرار الحكم القبائلي العشائري فيه.... 2- تاني باشتان...اليمن بلد فقير نفطيا...عن اي نفط عم تحكي يا عزيزتي باليمن وكيف عم تقارنيها بانتاج النفط في دول الخليج (للعلم انتاج النفط في اليمن وصل لاعلى ارقامه في سنة 2001 بمعدل 400 الف برميل يوميا وهو في انخفاض خلال اخر سنوات....للمعلومة: 400 الف برميل يوميا ليس بالرقم الكبير ولا يجعل من اليمن دولة غنية نفطيا خصوصا اذا عم تقارنيها مع انتاج النفط بالخليج وعلى سبيل المثال لا الحصر..انتاج السعودية هو 8 مليون برميل يوميا...فمقارنتك مع دول الخليج جدا فاشلة ) اقتباس:
بعتقدك انو مو مشكلتك الشخصية ايمتى انا كنت باليمن...والدكتور عبد العزيز المقالح كان رئيس جامعة صنعاء لسنة 2001...واعتبري اني انا كنت باليمن من عشر سنين او مبارح فهاد ما بيغير من كلامي شي تانيا...الواسطات ببلدنا مو احسن ولا اقل وهي قصة المقيل والواسطات موجودة بصيغ تانية ببلدنا متل اي بلد تاني تالتا...الساعة السليمانية هي في المراحل المتأخرة من التخزين وخلال الساعتين او التلت ساعات الاوائل تأثير القات بيكون بمراحلة الاولى |
اقتباس:
:o شكرا على الملاحظة بس رجاء لا تعبطنا....منشان ما تقرط الشعب بالعونطة... |
اقتباس:
شو دخلك من حفلان اعراس النساء هنيك:pos: ما بدي قلك:jakoush: وبعدين ليش بدك تعرف؟؟:sly: اذا كتير فضولي لتعرف ابعت حرمتك ولا وحدة من اقرباءك لتحضرلا شي عرس وتجي تقلك شو بساوو هنيك:frown: ولا ساوي بحث بالقوقل لتشوف شو بيطلعلك:pos: |
انا بعرف واحد مخزن فردة جرابات من 1967وماكانت تدوب ولا كان ينسطل
|
[quote]
اقتباس:
اهلين استاذ منطقي:o كتير شايفتك مثقف ودقيق جدا بالارقام من وين جبت 400 برميل نفط يوميا :o اقرا هالخبر يا شطور - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - عالعموم مو هون حديثنا نحن حديثنا عن القات وبس:pos:ولا تغير الموضوع - اقتباس:
ولي على حالي شو مفكرني ما بعرف هدول الشغلات ولا جايه عبتعرض ثقافتك على سمايي على كل شكلك تعبت حالك بالطباعة بالكبيورد يسلمو كتير بس انت ما أضفت شي جديد هالمعلومات انا بعرفا وبعرف منيح الحرب اللي صارت باليمن عام94 ووحدة شمال وجنوب اليمن عام90.... بس انت شكلك ما فهمت قصدي منيح انا عمبحكي انو القات سبب من أسباب التخلف مو كل أسباب وانا كتأكدة انك بتعرف البعض من الكل طيب شو رأيك تقرالي هالمقالة شنو بتكفي وبتوفي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - القات يستنفد الماء والوقت في اليمن - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - شو رأيك اذا الناس بضيعو نص عمرن بالقات بينما باليابات والغرب بيستغلو كل دقيقة من عمرن ما بدن يتخلفو لك شو هالمنطق المثير اللي عبتحكي فيه اتتتته:o لك اليمنيين نفسن بيعترفو انو القات السبب الرئيسي بتخلفن شفلي هالمنتديات اليمنية دخلك:o - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
بيتكلم الواحد وفمه اخضر وييييييييييييييييييييعععع عع |
هاهاااا....بما انو فردتي شعراتك الحلوين وعملتي ركوة قهوة سادة و رفعتي الكلفة (استاذ منطقي..شطور..الخ)...علما اني ماني ابن دورتك ويمكن يكون بيني وبينك كذا سنة فرق عمر...وبما انك من (الحريم يللي بيحبو طق الحنك) فما في مانع...بس خليكي اذا بتريدي ضمن حدود الادب ولاترفعي الكلفة...لاني ماني رفيقك بالجامعة....
اقتباس:
اقتباس:
اما من وين جبت فياريت تقري المقالة يللي لزقتي رابطها ادناه...واكيد بدون ما تقري الكلام الموجود فيها لان حسب مقالتك فوزير النفط اليمني هو يللي قال بتاريخ 18 اب 2009 ان انتاج بلده نزل لل 287 الف برميل يوميا (مقارنة مع 300 الف يوميا في العام السابق)...يعني اقل من الرقم يللي انا عطيته (400 الف) ويللي قلت انو هو كان اعلى انتاج للنفط من سنة 1986..... يعني الحمد لله لا طلعتي قارية ردي مظبوط ولا قريت المقالة يللي لزقتي رابطها تحت... اقتباس:
اقتباس:
اقتباس:
وانا ما غيرت الموضوع..انتي يللي اتحفتينا بمعلومتك (الفاضية) انو اليمن بلد غني نفطيا وقارنتيه بالخليج وانا فندتلك وجهة نظرك بالارقام....وكمان ما عجبك.. - اقتباس:
ردي كان جدا واضح....انتي قلتي ان القات سبب التخلف وكـأنه السبب الوحيد وبعتقد كان ردي واضح انو في اسباب اخرى.... اضافة...انا لم اناقش ظاهرة القات ولا دافعت عنها...انا دافعت بالمجمل...عن.. 1- ربط القات بالتخلف...واعتباره السبب الوحيد 2- رفضت اعتبار القات علامة للتخلف وقلتلك ان كبار المثقفين بيتعاطوه (وبالتالي لا يخرج عن اطاره كعادة وموروث شعبي متله متل الاركيلة) 3- رفضت اسلوب الساخر الاستهزائي...ونوعية الصور الموضوع...حتى عنوان الموضوع بحد ذاته استهزائي... ارفع القبعة في النهاية لقدراتك الحوارية وبراعتك بنسخ وربط الروابط بدون قراءة...ورفع الكلفة....مع عالم مو انتي يللي بتحكمي مستواهم الثقافي... سعيدة خيتو...وكل موضوع وانتي بخير... عوفت...:shock: |
صاحبة الموضوع اشكرك على هذه الملطوشة.... الموضوع مهم والصور مع التعليقات بيفرطو من الضحك
بالنسبة للي زعلانين من طرح الموضوع بهي الطريقة .. على فكرة معظم الاخوة اليمنيين بتلاقيهم يمزح ويضحك بهيك موضوع ومابياخدو على محمل جد .. بس تعجبت من اللي عم يدافعو عن القات وبيقولو عادات وهو عادة كويسة!! الله ماانشاف بالعقل انعرف ...!! |
اقتباس:
مبين حطك محامي دفاع دفاع عن تخزين الشعب اليمني للقات لا يكون ورقة القات:o:o:o بخخخخخخخخخخخخخخخخخخخخ عالهاموش ياريت تقرا ردودي منيح لتتأكد اني ما قلت انو السبب الوحيد لتخلف الشعب اليمني هو القات:shock: |
اقتباس:
:o:o:o:o:o هههههههههههههه :D |
اقتباس:
ايه والله ياااااع يا لطيف الله يخلصن من هالمصيبة على فكرة اسم لجين انا كتير بحبو نورتي:D |
اقتباس:
ايه والله وانا كمان تعجبت:o انت بس ادخل علة منتديات يمنية حطيتا بالرابط بصفحة 2 اذا هنن عبيحكو عن حالن وسبب تخلفن والدور الاكبر لشجرة القات:jakoush: يسلمو عالمرور :D |
| الساعة بإيدك هلق يا سيدي 10:58 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
