مساواة!!؟
 

مو بكل جوانب الحياة ..

بس المشاركة رائعة جدا .. جدا .. بس اكيد مو بكلشي ..

هلأ انا تقريباً مؤمن بالمساواة بس مو بكل جوانب الحياة ...:pos:

مثلاً انا بالميكرو او الباص .. ما بقوم لأي بنت ركبت فيه وما طلعلها محل ... لأنو يا عمي أخدو وش ... وكتّرو ... متلي متلها ليش ما بتوقف متل ما انا بوقف وقت ما لاقي محل ؟؟ :frown:

هلأ ازا كانت مرا او رجال كبار بالسن .. هي صارت نقطة تانية ... بس انا عم احكي بين الاعمار المتقاربة ... :pos:
اي نعم انا بؤمن بالمساواة بين الرجل والمرأة .. مين ما كانت هالمرأة اختي او صديقتي او قريبتي ... هلأ بالنقطة يلي زكرتها انت فوق ... انا مو تماماً معها .. يعني مثلاً رفيقتي او اختي دايقها شب ... اكيد رح حاول اتدخل .. مو لأنو هيي اضعف مني .. بس لأنها بتعزني وبتهمني .. وبيهمني ساعدها عند اي مشكلة بتصير معها ... :oops:


الي رجعة ! :gem:

:D

انو أنا بأمن بالتكامل بين الرجل والمرأة
بيمشي الحال

هئ لا أؤمن بالمساواة لا من بعيد ولا من قريب ... أنا أؤمن بالتكامل ..:pos:

بم انك ما بتؤمن بالمساواة بكل شي..فبرأيك أحد الجنسين فيه أشيا غير موجودة بالآخر..وبالتالي ما في مساواة..صح

يعني انت برأيك هي مانها أقل شأن منك لحتى ماتقدر تدافع عن حالها..حلو:deal:

ما اختلفا التكامل حلو..بس برأيكن التكامل بيعوض عن أنو يكون في مساواة

انا بشوف انو الرجل والمراة متكاملين متل ما المراة ماتقدر تعمل اشياء الرجل بيعملها هو كمان مابيقدر يعمل شغلات هي بتعملها متل انو يطول بالو عالصغار ويدير بالو عليهم متلها
كل واحد ووظيفته اللي مابيقدر اي طرف يعيش بدون وظيفة التاني

مين قلك أنو الرجل ما عندو القدرة عرعاية الصغار ويدير بالو عليهن..!


هون المشكلة بتكون..أنو بيقولو مثلا أنو الواحد اذا دافع عن امرأة هاي اسمها شهامة..
طيب هالشهامة منين اجت..اجت عاساس أنو المرأة غير قادرة على الدفاع عن نفسها فهوي بيتكرم وبيدافعلها

هاد عم نشوفو حولينا لكان ليش المرة هي اللي بربي ولادها مو الرجل :?
معظم الرجا مو كلهم بيحملو الولد اول مايبكي او يعملها بيعطيه لامه

منشوفو ولا ما منشوفو..هاد شي تاني..
بس القصد من حكي هوي ثقافة المساواة..يعني مو اذا أنا بآمن بالمساواة ما بساعد بنت بحمل غراضها
لازم نعرف أنو الرجل أو المرأة متساويان ومحدا بتفوق عحدا من أي ناحية

اذا هيك القصة فانا ضد المساواة مهما يكون فالمرة بتحب انو حدا يساعدها بحمل الاغراض حتى الرجل بحس بالشهامة

متل ما بدك..

انت برأيك الرجل عندو مقومات لحتى يكون أحسن منك

انا ما بأمن بالمساواة ابدا ولا باي شكل


بأمن بالشخص و بأمن بقدراتو الفكرية و الجسدية و بس
ان كان رجل او امرأة

لا لا هون صا في لغط كتير عندك..بين المساواة والتصرف بانسانية مع انسان آخر..

ليك عزيزي دندوشي..بس لتوضيح الأمر
انا مثلا اذا شفت صديقي عم يتعرض لمدايقة..رح ادخل طبعا..مع انو هوي رجل ايضا..لكن هاد ما بيعني انو ماساعدوا..
وانا كمان لو شفت ابي نازل حامل غراض كمان رح ساعد مع انو رجل..

بهالمثالين مافي علاقة للمساواة.. هون تصرف انساني فقط..

عزيزتي غيداء..اذا انتي ما عم تشوفي غير هالحالة فمعناها لازم تطلعي مليح..أو لازم تشوفي ثقافات تانية خارج اطار بيئتك الاجتماعية..

الرجل قادر عأنو يربي الأطفال بنفس مستوى الأم وبنفس مقدار الحنان ايضا..لو اراد أو لو ربي عهيك فكرة..
بس لما الرجل من طفولتو بيربى عفكرة انو هوي خلق ليمارس نوع من الوظائف وما عداه هوي لجنس آخر..فما من حقك تلوميه..

--
وعهامش الموضوع بذكر مرة كنا برحلة المدرسي بصف العاشر..وطلعنا مع طلاب الحادي عشر بالمكرو..وما كان في محلات كفاية إلنا.. وضليت انا وخمسة من رفقاتي واقفين.. بعد نص ساعة وحدي من رفئاتي البنات:sosweet: قامتلي مشان ائعد محلها:deal: ..
وئعدت:o!

اي..يعني ئعدت بلا كتير تردد..لأن سرعان ما اجا واحد من شباب الحادي عشر يلي فورا دبت فيه النخوة:lol: وقعد رفيئتي محلو :larg:.. وضل هوي واقف:lol:..

أكيد انا بشوف الرجل هو اللي لازم يحميني ويدير بالو علي ويصوني ويامن لي احتياجاتي
لاتسميها احسن مني سميها قوامة كما بيقول الله في كتابة :
الرجال قوامون على النساء بما فضل الله بعضهم على بعض وبما أنفقوا من أموالهم

وجهة نظر:D

أنا حطيت المثالين عامين..وهالشي ما بيعبر عن ما كنت أنا بدي أعملو بهالمواقف ولا شي..(بس توضيح:idea:)
وما اختلفنا بشأن العمل الانساني يلي بينعمل مع الكل..بس المثالين حطيتن بما أنو هني الشائعين بهالجال..


كان لازم حط هالمثال بالموضوع:lol::p..لأنو عن جد بيعبر عن المساواة

يعني انت ما فيكي تحمي حالك وتديري بالك عحالك وتأمني احتياجاتك..



طيب خلص متل ما بدك..يلي بيريحك اعمليه:D

أنا مو معك انو الرجل بيقدر يعطي حنان متل المرة واكبر متال حنان الام اللي مابيفوقو اي حنان
المرأة بطبيعتها حنونة هاد مو معناته انو الرجل بدون احساس او حنان لا ابدا لكن هاي العطفة عند المراة اكتر
:D

:D

عزيزي متل ما قلتلك هيك مثالينك مو ظابطين عموضوع المساواة لازم تحط امثلة تانية;)..
متل مثال انو بتوقف لصبية بالمكرو ولا لأ؟؟ هون في دخل لمفهوم المساواة ..أما المثالين فهني تصرف انساني مجرد عن أي شي تاني..

لا مابقدر بدون البابا ولا بدون زوجي بالمستقبل:pos:

عزيزي ..

طبيعيا .. انو يكون كل انسان الو صفاتو والو خصائص بتميزو عن غيرو .. وبيكون منيح بشي .. وما كل هالقد بشي تاني .. " وبهي الحالة ما فيك تعمم .. لذلك قلت مو بكلشي " ..

مو كل الناس .. بتقدر تأمن .. مثلا عيشة .. منيحة .. لمرتو وولادو .. بيجي دور المراة هون .. بإنو مثلا .. تكمل هالدور بانها تشتغل .. .. مثلا الرجل .. دب ما بيعرف ولا عندو زوق بشرا .. الفرش مثلا .. مرتو بتكملو هون ..

المرة .. ضعيفة بشي معين .. زوجا بيكملها فيه .. وبيغطي عليها ..

لذلك متل ما قالولك الشباب فوق .. العملية عبارة عن تكامل .. وتكميل لبعض اكتر مانو مساواة .. لانو شو الفايدة اني روح وكون متساوي .. معها واني جيب فرش عالبيت يطلع ماركة ابو كلب .. وتروح هيّة .. مثلا تجيب خضرة من السوق يخورفوا .. فيها مثلا .. بدون ما تكون بتعرف ... ليش ما هية .. تروح تجيب الفرش وتنقيه عزوقا ويطلع شي فخم ورايق .. وانا جيب الخضرة مثلا يعني .. ما بكون احسن .. ؟ وما بكون ما حدا دايق التاني او عمل شي .. ما كل هالقد نافع ..

:D

:deal: :D

بخصوص أنو يجي حدا يدافع عني إزا حدا تحركشني أو يوقفلي مشان أقعد بالباص ...الخ
بقى حسب الشخص
يعني لما حدا ما بعرفه ولا بيعرفني فهالحركات ما بحبها بنووب وبعتبر أنو هالشي تدخل منو ع خصوصياتي وأنو ما حدا طلب منه .. وبعتقد هالشي ما له علاقة بالشهامة أو أي شي بس حشرية ما لها داعي.. وبالعكس بنحرج لما حدا بيعرض خدماته بلا داعي
بس لما يكون هالشخص بيعنيلي ( أبي ..أخي .. زوجي) فأكيد بحبه يحميني ويحسسني بالأمان والرعاية جنبه _بكتاب الرجال من المريخ والنساء من الزهرة الحاجة الأولى عند المرأة هي الأمان_ وأكيد رح حس أنو في شي غلط إزا حدا لطشني شي كلمة وزوجي جنبي ولا كأنه هون لأن أنا باخد حقي بإيدي إزا انزعجت :?
أو أنا حاملة غراض بإيدي وهو ما بيعرض يحملهن من باب المساواة ..أنو sorry بس يعني مو حلوة
وكمان نفس الشي هو قاعد ومرتاح ولا على باله وأنا واقفة :oops:

بقى أنا مع مساواة المرأة مع الرجل بكل شي بالحياة العملية كمواطنين بوطن واحد
بس مو مع المساواة بين الرجل والمرأة بكل شي (كزوجين مثلا أو ضمن إطار عائلي (أب ..أخ).. يعني هون مع التكامل والمشاركة أكتر

:D

فخار يكسر بعضو

مساواة

تشارك

تكامل


كلو حكي فاضي بدك عمل

كلمة مساواة مانا دقيقة لأنو فعلياً في اختلافات فيزيولوجية كبيرة بين الرجل والمرأة، وحتى في اختلاف بأجزاء الدماغ اللي بيستعملا الرجل والمرأة.
المساواة بتكون بالحقوق الأساسية للإنسان، حقو بالإختيار وبتكافؤ الفرص، يعني إذا بدنا نعمل مساواة بالطريقة اللي عم تحكو فيها بالرياضة مثلاً يعني لازم تتنافس النساء والرجال مع بعض بالألعاب الرياضية، وهاد ما بيصير لأنو علمياً إذا أخدنا رجل ومرأة بنفس الوزن فهو بيكون أسرع بالركض مثلاً لأنو نسبة التستوستيرون عندو أعلى.
وبنفس المبدأ موضوع الوقفة بالباص، مرجعا أنو الرجل أكتر قدرة على التحمل نتيجة تكوينو الفيزيولوجي، بس طبعاً هاد إذا عم نحكي على مسافات طويلة. وبالتالي يعني لتحقيق المساواة بهل الحالة بدك تاخد نسبة القدرة على التحمل وتحسب الوقت اللي لازم يوقفو كل واحد فيهن.
وحتى بتربية الأولاد طبيعي الرجل قادر أنو يربي الولاد، بس أكيد مو متل المرأة، وكل الدراسات أثبتت هالشي، بس هاد ما بيعني أنو ما يعود عندا شي تعملو غير الولاد ولا بيعني أنو الرجل ما يقرب أبداً على الولاد.

طبعا المساواة بين الرجال والست اشي كتير حلو لكنو غير موجود ابدا بمجنمعنا وخير مثال على ذلك تواجد العنصر النسوي بالبرلمان او بالوزارات ازا ما استثنينا قطاع التعليم والصحة
عموما أنا طبعا مع المساواة بين الرجل والمراة في هاته القطاعات خاصة
بالنسبة لانو الشب يتخلى عنمكانو لبنت انا بشوف انو هازا من الزوق ما عندو دخل بالمساواة وهالشغلات

يا شباب..القصد هوي مبدأ المساواة..ثقافة المساواة بين الرجل والمرأة..
مو يعني اذا أنا مع المساواة اني ارفض ساعد امرأة..لأ

مثلا مثلا..يعني أغلب البنات ما بيطلعو بتكسات بسبب انو شوفيرية التكسات بدن ياكلوهن وهني لا حول ولا قوة..
طيب يعني اذا البنت كانت شخصيتها قوية وبتعرف تتعامل مع المواقف يلي بتتعرضلها وقتها ما بتخاف من انها تطلع بتكسي..ومانا بحاجة أخوها أو أبوها ليدافعو عنها ويحموها..

ليش لنكرس مفهوم أنو المرأة مانها من مستوى الرجل وقدراتو..ليش:x




أهاا..يعني انت مثلا ما بتوقف لأبوك أو لأخوك بالمكرو..
التصرف الانساني بيشمل كل هيدول يلي متحكي عنهن..

لا تنّح :sly:(بتناطح)

كفيتي ووفيتي بس بدك مين يفهم:D

ضد مفهوم المساواة
برايي انو مفهوم المساواة مفهوم مستورد كمعظم مفاهيمنا
من لوين في مساواة بين الذكر والانثى ,, اذا تكوينهم مختلف تماما
بيكفينا ايمان بمفاهيم بلا طعمة
السؤال
شو في مجالات تتساوى فيها المرأة مع الرجل أو العكس ؟
شو الفائدة من المساواة ؟
اسئلة بتمنى تجاوبوني عليها,,,

ما فهمت كيف يعني تكوينهم مختلف..وهالشي أشو دخلو بمفهوم المساواة..

أنا يلي بدي اسألك أشو هي المجالات يلي ما بتتساواى فيها المرأة مع الرجل(بمفهوم المساواة)..


الفائدة من المساواة أنو نرتقي بمجتمعنا يلي بيسيطر عليه مجموعة من الذكور الرجعيين على أسس متخلفة ومتسلّطة وعنصرية

:D
nay
ناطقة باسمي وباسمها
:D

انا وياك دايما منتناوب.. :D

شو المفهوم اللي بنظرك صح .. و مش مستورد "صناعة محلية" يعني

هلا تكوينهم مختلف فسيولوجيا.. برأيك بشو بيصير الرجل احسن من المرا .. لو فرضنا جدلا انو كل الرجال اقوى من كل النساء.. (مع اني بشوفها شغلة نسبية يعني)

المرأة انسان.. و الرجل انسان.. هالشي بيكفي انهم يكونو متساويين.. بكل شي

ممم... لو كنت مرا.. كنت سألت هاد السؤال؟

ما بتشوف هالشي مساواة بين الرجل و المرأة؟ :D


__________________
هاي باقة ورد :mimo: الك ناي

ومين قلك انو الفروق بين الرجل والمراة ما بتخلق رقي للمجتمع ..
تحياتي :D

يا حبيبتي..يعني أذا أنا شخص طويل معناتا أنو أنا أفضل من شخص تاني قصير!
مبدأ المساواة ثقافة المساواة..يعني أنو الذكر والأنثى متساويان كانسان ومحدا عندو أفضلية والتنين كاملي القدرة..حقوق واجبات الخ...
يعني مو مشان يكون في مساواة لازم يكون عندي أنا أثداء كبار وشفاف منفوخين وأني اشتغل أم..


ميشان استمرارية الحياة لأنو متل ما بتعرفي كل الثديات مكونين من جنسين..
وهالشي ما فهمت كيف بيعني أنو الرجل والمرأة غير متساويين


وقت يكون في تهميش للمرأة واعتبارها كشخص ثانوي صافف عجنب لحتى تفسح الطريق للرجال وبعدها بيجي دورها..
بس أنا بستغرب كيف بنات ما بيآمنو بالمساواة!