|
فرصة عمل في دبي
مرحبا :D اليوم طلعنا بقرار مع المدير العام عنا بالشركة انو بدنا موظفين عرب عدد 3 طبيعة العمل Service Advisor يعني استقبال الزبائن و خدمة متابعة ما بعد البيع بشركة نيسان موتورز بدبي الراتب الأساسي 4500 درهم مع السكن و الشغلات التانية و بحكم اني مدير صيانة بالشركة حبيت اعلن هوون بأخوية بقى يلاا يا شباب و صبايا يللي بيشوف بنفسو الكفاءة يراسلني عالخاص بسرررعة و يحضر ال CV تبعو تحياتي............. :D:D |
اقتباس:
اذا ما بدكون السكن و المواصلات و ما بعرف شو الراتب 6500 |
خيو شو رئيك تحط ايميل ادارة الموارد البشرية بالشركة ، مشان اخاف المخابرات الاميركية تهكر حسابك هون وتاخد بيانتنا من عالسي في ،
انا بقول هيك لاني بدي ابعت السي في تبعي "يعني صاحب علاقة مباشرة" :frown: انا هلئ هيك مسجل حالي معكون . بس السي لما نشوف وسيلة امنه للارسال . |
فيما يخص شركة نيسان بكافة افرعها بكل العالم
اللي بدو يتقدم لوظائفها الشاغرة يروح لموقع الشركة هون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ويعمل اكاونت على موقع الشركة من نفس الصفحة السابقة بدقيقة وحدة وطبعا في امكانية انك ترسل السي في تبعك وهننى رح يخبروك بالوظيفة الملائمة الك ولقدراتك وتعليمك . جزيل الشكر لصاحب الموضوع وربنا يكرم كل متقدم لشغل اي وظيفة وتقبله الشركة بالفعل مو بس لهال 3 وظائف ولكن بكافة وظائف نيسان . |
حبيب البي كلك زوووء
الرابط الي حطيتو هو تابع لأميركا و اوروبا اكتر شي و بالنسبة للشغل بدبي لسا ما نزل الاعلان بالجريدة و عنا مندوب بيتولى امر الموضوع بس من باب المساعدة و اتاحة الفرصة لخوااتي هووون حطيت الإعلان اذا بدك بعطيك ايميل ال HR عل الخاص و تبعتلو السي في اذا ما في ثقة :pos: |
اقتباس:
الرابط لكافة الافرع مو بس اميركا واروبا (بس يعني شبون اوربا :pos:) بشرفي اذا صحلي روح لاروح :lol: شوف يا اخي ، على كل حال انت مشكور كتير وكتر الله من امثالك ، في غيرك ما كان همون العالم طالما هننى اشتغلو ، الموضوع مو عدم ثقة فيك انت لاسمح الله بس زيادة في الامان مو اكتر - انا عن نفسي رح اخد ايميل الموارد البشرية منك عالخاص ، ورح أحط من هالموضوع :o |
نورت خيوووو :D
|
يعني سؤال تكتيكي .. هلأ انو انا يلي بعرفو انو بالعادة بيطلبو خبرة فهل بدهن خبرة او لا؟ لانو صحلي اكتر من شغلة بدبي وبغيرها بس كلن بيطلبو خبرة سنتين فما فوق ...:frown:
|
اقتباس:
بيمشي الحال بس ما تتفهمن زيادة و خصوصي مع الأجانب لأنن بيأفروك اما عند العرب فكلو صابون اقتباس:
:D |
بس بحب قوول انو الشغل بشركة نيسان هي بحد ذاتها حلم
|
طيب خليل ما قلتلنا شو الشهادات المطلوبة؟؟؟؟
والخبرة والعمر... |
اقتباس:
مو مهم الشهادات العمر مو اكتر من 35 المهم الشخص الي بدو يتعامل مع الناس يلا بسرعة صار جايني الف سي في |
و اهم شي اللغة يا شباااب
و الله فرصة اسمعو مني باقي كام يووم و بيخلص الوقت |
سؤال يا خليل شو اسم شركة نيسان بدبي ؟
و وين موقعها ؟ و اذا عندك الف سي في شو بدك بالبائي ؟ جاوب و الا كلامك كلو غلط |
اقتباس:
|
اقتباس:
|
اقتباس:
|
اقتباس:
دبي _ ديرة قسم الصيانة - مدير الاستقبال عبد الرحمن الكبيسي |
خرطة ليش بقى
عم نحاول نفيد هالمجتمع بتقلي خرطة و لو انت موجود بدبي تفضل لعندي بلكي شغلك عندي انت كمااان |
اقتباس:
اقتباس:
اقتباس:
|
اقتباس:
بيني وبينك ما في مزح لزلك .. خليك محترم حالك احسنلك .. اللي بدو يعمل خير بالعالم كتّر خيرو اول شي ما في داعي يكون عم يمّن عراس هالبشر .. واللي بدو يعمل خير بالعالم ام بيحكي بطريقة ما بدي هاد وبدي هاد .. لانو عيب .. + مو عيب ابدا انك .. تتاكد .. وانا ما كتبت الكلمتين فوق لخليل الا لانو جاوب .. حميدو 79 بهي الطريقة تبع ما بدنا مصاروة وسودانيين ما بعرف شو .. ما بتوقع بما انك محترم وكنت تطالب بالاحترام عما ازكر انك بتقبل هيك طريقة حوار .. فـ معلش التأكد .. بهيك حالة مانو عيب والشب ما سالو شي شخصي قلو بدي اسم الشركة ووين موقعها بدبي .. ! حبيبي وقت الشي بيتعلق .. بالمعلومات الشخصية الكاملة تبعك ما اتوقع انك بتفضل تلحشها وين ما كان وكيف ما كان .. بقا .. معلشي خليك محترم حالك وما تدخل بشي .. بس .. للحش الكلام والمرجلة ..:lol: اقتباس:
اي بس عفكرة .. هيك نقاش بتروح عند البابا والماما عندكم بالبيت بتحكيه هون بلاه معلش .. فـ .. احترم حالك احسنلك ..يا محترم ..:lol: |
اقتباس:
تانيا انا مقيم بدبي و سالت خليل الاسئلة السهلة اللي ممكن تجي اجوبتا من النت بس مشان شوف مدى مصداقيتو و مع ذلك الموضوع مو تمام انا اشرت بالازرق بموضوع خليل على بعض النقاط اللي هيه : الاخ خليل مدير صيانة ما بقرر مع المدير العام انو بدنا موظفين عدد 3 للاستقبال اللي هيه غير ال "Service Advisor"هادا الشي بتم مع الموارد البشرية و كمان شركة متل الشركة العربية للسيارات "الرستماني" ما بتتبع هيك طريئة للاعلان عن موظفين لئنو في شركات متخصصة بهيك موضوع "يعني موضوع التوظيف" و ال "Service Advisor" يعني مستشار الخدمة و المستشار راتبو مو هيك ارقام تافهة "4500 درهم" على الهامش : يا مدير الصيانة خليل انا سيارتي نيسان التيما 2009 ممكن اعرف ليش صوت المحرك عالي و شو هي الميزة الجديدة "X-Tronic" الموجودة بالنيسان التيما و لك الشكر و تحياتي للجميع |
بحب ضيف انو هي الموقع لشركة نسيان بدبي للتوظيف
زورو اللينك : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هادا دليل انو الشركة العربية للسيارات "الرستماني" ما بتتبع طريئة متل هي للتوظيف يعني هي مو طريئة لحتى تاخد معلومات عن الاعضاء و سلامي للجميع :D |
اقتباس:
اقتباس:
مو قلت بالاول عرب :cry: هلئ بتتراجع بكلامك :cry: ولا يعني المصريين والسودانيين ومابعرف شو بتعتبرون فرس ولا عجم ؟ |
اقتباس:
|
يا شباب روقو الله يرضى عليكون
مافي داعي حدا يحاكي يمان بهاللهجة لانو عيب عنجد ، هاد مانو زلمة فايت عالموقع من كم يوم . وكمان منقول ليمون روء ومافي داعي لهاللهجة بالحكي طول عمرك كبير . وكل الشباب مشكورين خليل ويمون وحميدو اقتباس:
اطالب بحقي بالوظائف الثلاثة كعربي :jakoush:وسأذهب بالموضوع لمجلس الامن ومحكمة العدل الدولية ب لاهاي . عفكرة لاتصدق :lol: امبارح ابو سارة اجى قالي شايفك رايح عدبي ومزح معي شوي وبعدين جاب سيرة هالموضوع وحكينا عنو مطولا وعن السيد خليل . تم التراسل بيني وبين السيد خليل بالرسائل الخاصة وبعتلي ايميل الموارد البشرية وكان على النحو التالي :- info.nissanservice.gmail.com شوفو انتو الايميل واحكمو انا اللي عندي قلتو وحطيت موقع الشركة لاي حدا بدو يراسلها مشان الوظائف وخرجت من الموضوع لاني اعتقدت انو منتهي . اليوم فوجئت ان في الف واحد بعتو السي في :shock: |
اقتباس:
قطعتلي قلبي مولانا.. :cry: .. ما عاش مين بدو يقضي ع امالك .. :cry: لا لا المصريين والسودانيين عرب ونص وتلات ترباع بس الشب يمكن خربط او في شي هيك يعني خربط مخو وطلع هالكلام .. ما بتعرف ان بعض الظن اثم :p انو الشب هلأ معتقل الله هيك يارب يرجعو بالسلامة وبعدين بتتفاهم معو ..:lol: |
اقتباس:
تسالي :lol: |
شكرا على الردوود المعبرة
انا بدي افهم ليش مضايقين حبيت اخدم متلي متل اي حدا تاني و الي مفكرني عم العب يجي لعندي عالشركة و يشوف الشغل و يشوف الشباب الي توظفت و الي بدو يجي يبعتلي عالخاص لاعطيه رقمي و عنوان الشركة و يتفضل لعندي في شب هون عضو باخوية اجى لعندي و شاف الشغل |
لك اي كان بدك تخدم الاخويين
|
| الساعة بإيدك هلق يا سيدي 07:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
