|
هل تقبلين أيتها المرأة العربية بالزواج من رجل بجنسية عربية أخرى ؟
 لو كان لديك ابنة مؤهلة للزواج، فهل تزوجها من شاب من جنسية عربية أخرى؟ وسبب طرح هذا السؤال أنه يحظى بإجابتين: الأولى الرفض المطلق لما يرافق ذلك من مشكلات مرتبطة بالعادات والتقاليد والمشكلات القانونية المرتقبة في حال الطلاق، أو اضطرار الفتاة لمرافقة الزوج إلى بلده وسواها من مشكلات... الثانية هي التأييد لأسباب عديدة من بينها الفضول للتعرّف على مجتمع جديد، وأحياناً لأسباب مادية خاصة أن معظم من يتقدم من العرب للزواج من سوريات يكونون من الخليج. فما رأيك فيما سبق؟ هل تقبل بتزويج ابنتك من شاب من جنسية عربية أخرى؟ ولماذا؟ |
لو انا بهل الموقف وعندي بنت بسن الزواج ..ممكن وافق بس بشرط يعتمد ع الجنسيه .الي بدها تتزوج منها .والصراحه ممكن وافق ع اي جنسيه عربيه او جنبيه الا جنسيه اهل الخليج .....فا هون بعترض بشده
|
الشغلة بتعود للبنت مو للأب:D
|
هلأ بالنسبة الي أنا من الناس الي بيحبو الليبرالية , فإنو أنا ما عندي أي مشكلة
طالما الطرفين متفاهمين ومتفقين فهي بالنهاية حياتون . السؤال التاني الشب عنا منسمحلو يتجوز بنت من جنسية عربية تانية ؟؟ جوابي نفس الشي ....:larg: و يا ريت الشباب والصبايا يعطو رأيون من الجهتين ......:pos: وهاد الموضوع من موقع Syria-news.com مو من عندي :p |
لك يا زلمي ....
لسا من كم يوم نزلو موضوع ...عن سخف طروحات سيريانيوز - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
يعني شو .. ما عم افهم .. ولك نحنا اذا سني اتجوز علوية بيعملو بيصير مشاكل لعند الله واذا درزية بيصير دبح ودم.. بقا شوالو لزوم هادا السؤال وشو الهدف منو؟؟ نورنا ابو ريتا.. |
اقتباس:
وما صار شي خلينا نصيغو للسؤال بطريقتنا و ناخد رأي البنت بتقبل ولا لأ ! |
اقتباس:
|
اقتباس:
اقتباس:
|
ما بستبعد أبدا أنو يكون حكيك جد وانو يكون في هيك استبيان فعلا..
|
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
مستحيييييييييل.... لا لا لااااااااااااا..
فكرتك عم تحشش تحشيشاتك المعتادة.. وينو سعدو تاركنا ورايح.. |
اقتباس:
هلأ انا بخشى الانجاب مشان ما عيق اولادي .. :p.. بيمشي الحال؟ |
وانا كامراة مافيني اقبل ابدا :oops: الا اذا رح يعطيني مهر 100 الف دولار .
شو مشان الموضوع قلعنا كشباب برا !! :jakoush: |
لا ما بخشى بس كيف بدي اتزوز ع زوزي:p لانو بصراحة يعني فات الاوان لهيك سؤال لبنت وضعها متلي :lol::cry:
|
اي نفرض جدلا انك ما تزوزتي شو كان رأيك:?
|
ليش مش موجود عند التصويت (لا اعرف:o)
|
اقتباس:
|
ليش لا..!!
الرجل رجل والمراة مراة شو ما كان الي مكتوب بالهوية!! المهم التفاهم والمشاعر |
لو فرضا هالشب تقدم إلي من غير معرفة أو معرفة سطحية بس أكيد مابقبل بس لومثلا أنا بعرف هالشب منيح وبحبه وهو بيحبني طبعا بوافق:oops: زكرتوني بمثل مشهور بيقول: زيوان البلد ولا قمح الغريب :p:p |
اقتباس:
يا دلي ليك وين بعدا :? |
شو يعني وين بعدها؟؟
|
اطمني مو مسبة هي:p
القصد انو لسه تفكيرك بسيط او محدود او طريقتك لاتواكب العصر المتطور :? |
اقتباس:
رح قلك شو يعني اقتباس:
لكن للاسف المعيار الحقيقي باغلب هالزوجات هوي المال بيجي واحد خليجي بدو اربعة ليقوموه و خمسة ليقعدوه عمرو بالتمانينات و طلوع بدو بنت عمرها شرط من 15 لل 20 حد اقصى و بدها تكون جميلة الجميلات و للاسف عم ياخد يلي بدو ياه لانو دافع |
اقتباس:
:D شكرا نسرين عالتوضيح |
اقتباس:
على فكرة انا ما قصدت الخليجيين لان غرضهم من الزواج واضح فلوسهم زايدة لما حكيت عن المشاعر والتفاهم هاي مو لغة الخليجي بس الانساس الي احبه لو شو ما كان لو وين ما كان ياخذني انا معوا لان هاي سعادتي اما الي لغتهم المادة فهذا اذا برايك وراي نسرين شي عصري وحديذ فسوري ما راح تفهموني اذن لان احنا من ثقافتين وعصرين مختلفين تمااااااما |
هامش: حتى الحب صار على الموديل!! الله واكبر
لا وبدكم يواكب العصر كمان:shock::? |
اقتباس:
رح احكي عن حالي و عن رأيي هي الظاهرة و لو انها قليلة بس باغلبيتها بتكون زواج الخليجيين بالطريقة يلي حكيت عنها اما انك تكوني تعرفي شب من جنسية تانية و تكون بيناتكن علاقة صحيحة مبنية عالحب و التفاهم \ او اي شخصين \ ليش حتى توقف الجنسية سبب لعدم استمرار هالعلاقة او انهاءها نحنا مو من ثقافة مختلفة عن ثقافتك بس نحنا حكينا عن الواقع يلي عم بيصير و انت حكيتي عن الظاهرة بطريقة رومانسية و حالمة \ويلي انا بشوف انو هي يلي لازم يصير \ اسف يمكن ما عرفت وصل فكرتي بطريقة صح :D |
نو بروبليم
الاختلاف في وجهات النظر لا يفسد من الود قضية:D |
انا مع الزواج من اجنبي.. مع كتير يعني مش شوي !!
هلا ما بشوفها بتفرق كتير ان كان اللي قدامي فلسطيني و لا سوري.. عربي ولا هندي بيجوز .. لا اكيد الجو اللي عايشة فيه (كندا و كزا) اثر كتير عـ رائيي اللي عم بكتبو هلا.. + انو عشت هيك تجربة.. عندك بابا و ماما من ثقافتين مختلفتين تماما :lol:.. يعني كتير بعاد عن بعض مش شوي( كـ ثقافات و مجتمعات ربيو فيها) .. و مع ذلك بشوف بيتنا احلى بيت .. و بيوزع ع بلد حب و مودة و تفاهم.. و هيك طلع منو ريتا (هاي انا :lol:) فلتة زمانها :p.. شو بدك احلى من هيك :o ؟!! |
انا اتجوزت لبناني، هلأ البابا نصحني فكر منيح مو مشان الشخص نفسه، بس موضوع تغيير الحياة بشكل كلي وبناء علاقات اجتماعية جديدة تماماً بدون نظام الدعم التقليدي المتمثل بالعائلة والأصدقاء (مع أنو أحياناً بيكونو مشكلة أكتر من دعم... خصوصاً الأم لما تعمل حماية)، وطبعاً فهمت شو كان قصدو بعد ما جربت، هلأ ما كان عندي كتير مشكلة لأنو بين لبنان وسوريا ما كتير الوضع بيفرق، والمسافة كمان قريبة، يعني المشوار من عندي لعند أهلي يا دوب ساعة (إذا ما كان في توترات عالحدود) بس اللي استنتجتو أنو الوحدة لازم تفكر منيح ولازم علاقتا بزوجا تكون كتير قوية لتساعدا على التأقلم خصوصاً بالسنين الأولى. طبعاً عم أحكي عن حالات مختلفة تماماً عن موضوع اللي أهلن بزوجوهن لخليجيين كبار بالعمر كرمال المصاري.
|
يا شباب و يا صبايا مشان ما يصير لغط بالنص , نص الموضوع نفس السؤال
هي شغلة و الشغلة التانية انو السؤال مطروح على الجانبين , يعني على الشباب والصبايا :larg: |
يا عزيزي عالشب ما بتفرق معو ان اخد واحدة من أمانيا ولا من جنوب افريقيا يعني باللحظة البدو ياها بيحمل حالو و بيهج بينما الأمر
مختلف بالنسبة للبنت اللي أهلها بجوزوها لبلد تاني يعني ما رح يعرفوا هالزلمة شو بدو يعمل بي بنتن بجوز يشنططها او حتى يقتلها بأحسن الأحوال غير الأحتمالات المرعبة التانية:shock:اما بالنسبة للجيزات اللي بتصير اقليميا و من ضمن المعارف صفا الواحد عرفان لمين عم يعطي بنتو و هاد الحكي ضمن المجتمعات الشرقية المتحفظة أما اذا في معرفة مسبقة بيناتن و مرتاحين لبعض و معروف اصلو و فصلو للعريس فليش لأ بالنسبة للزواج ببلادنا المسألة معقدة جدا يعني تخيل أنت أنو لحد هلق بسوريا في طوائف و ملل ما بتعطي براتها حتى لو كان في قصص حب و غرام بين الطرفين و مرتاحين لبعضن بحجة انو مانو من نفس الملة و دول كتااااااار بسوريا و بعتقد انن هني الناس اللي لساتن بي أسفل سلم التطور قبل احاديات الخلية حتى من الناحية الفكرية و الحضرية الأنسانية وجدت لحتى تنخلط بقلب بعضها و هاد مصيرها |
انو طلع هالاستفتاء بيصير للشباب .. بنقدر نجااوب ..
هلأ انا ك شب اكيد ما بتفرق معي شو الجنسية المهم التفاهم الحب اولا.. وكتير شغلات اهم من الجنسية عربية او اجنبية شو ما كانت ما بتفرق .. بس هوي يلي بيصير انو العادات والتقاليد بتختلف من بلد لبلد بس انو برضو مش هالشغلة العظيمة .. يعني ازا الشب عاش ببلد البنت فترة وبيتأقلم والعكس صحيح .. بعدين هاد يلي صاير معي حاليا ..:oops: |
اقتباس:
هي شغلة نسبية , بس بيضل عندك شباب بتفرق معهن , وخصوصي الي بيفضلو الطائفية , والمتحفظين جدا |
طبعا اذا كان في تفاهم وتوافق في الفكر وياعمي خلي الواحد يجرب مخ تاني غير الي عنا في بلدنا
|
قال تعالى ((وجعلناكم شعوبا وقبائل لتعارفو ان اكرمكم عند الله اتقاكم))
وقال صلى الله عليه وسلم((اذا جائكم من ترضون دينه وخلقه فزوجوه))مش جنسيته يعني من ناحيتي انشالله يجي اعمى ومن جنسيه عربيه فاكيد انا اشجع فكرة الزواج هذا بشرط ان يكون ذا دين وخلق هتقولو قلبناها حصة دين بس هذا المنطق وكل واحد اله راي بخصه يعني اهلي مو راضيين يزوجوني واحد من غير بلدنا مع اني انا اعترض لان يمكن يصوني ويحبني اكتر من اللي من بلدنا يعني بالعربي ابعد تحلى واكيد الغالبيه من رايي وسلامتكم حلو الموضوع |
اقتباس:
اذا كان من غير بلدك كيف رح تعرفي انو ذا دين وخلق ؟ وانو رح يصونك (انا مابقول انو ابن بلدك رح يكون ذا دين وخلق اكتر منو ، جايز يكون اقل ومايصونك والامثلة كتير ) بس الفكرة من وين رح تعرفي ؟ تاني نقطة واذا اهلك رفضو تماما ، شو رح يكون موقفك النهائي ؟ |
والله شكرا لانك سالت بس اللي يسال مايتوه يعني الناس اللي دلوه علي اكيد هسالهم وهسال الناس الللي يعرفوووووه
وانا بالنسبه الي اذا كنت مقتنعه بالشب اهلي بيكون رايهم بعد رايي تماما يعني انا هكون الزوجه اهلي النسايب يعني انا الاهم وهاد موقفي مع الشب اللي بدي ايه واهلي رافضين لانه سوري وانا فلسطينيه بس مو رد مقنع يعني لازم شي يقنعني بهالشي واذا رفضو انا احاول اقنعهم واكون اقوى لان بالاول والاخر هذي حياتي وتحياتي الك يازوووووووووووق |
اقتباس:
والله مابيمشي الحال الا بعد فترة معروفة وكمان ممكن تعرفي واحد سنتين و5 وبعد الزواج تلاقي حدا تاني غير اللي عرفتيه قبل الزواج وهاد كمان بينطبق عالزوجة ، على مايبدو قبل الزواج كل طرف بيحاول يظهر بافضل صورة ويبتعد عن اي صدام او مشكلة او اي شيئ ما يعجب الطرف التاني ، بس عجبني اكتر موقفك من رفض اهلك التام ، طالما انتي مقتنعة باختيارك وبتعرفي انو بيحبك ورح يصونك ، يبقى دافعي عن خيارك لانها حياتك ومستقبلك ، ممكن اذا راح منك تلاقي احسن منو وممكن ما تلاقي متلو تاني وتعيشي حياتك نادمة على اللي صار . ربنا يوفقكون الى مايحبه ويرضاه . |
| الساعة بإيدك هلق يا سيدي 09:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون